ونزلت جوري
جوري:- صباح الخير عمه صباح الخير سوره
مسره ونوران :- صباح الورد ياورد
جوري:- عمه ماكو احد ليش
نوران:- الولد بغرفهن مينزلون هسة مو تدرين ليل سهرانين ونهار نايمين
وعمج بالدوام
جوري:- عمه خليهم هي بس بالعطله هيج بالدوام يتغير يومهم
نوران:- ي والله عمه
جوري :- عمه متريگين لو اسويلكم ويه زكريا
نوران:- لا عمه الف عافيه قبل شوي اني وسوره اتريگنه انتي اكلو واخذو راحتكم اني رايحة ارتاح بالغرفه مسره حبيبتي بالعشره ونص كعديني حتى احضر الغده
مسره حاضر يمه روحي ارتاحي
جوري :- طلعت البيض والكيمر والعسل وداخدر بالجاي مسره كالت رايحة اعزل غرفتي تردين شيء
جوري:- لا سوره حبيبتي اخذي راحتج
وراحت مسره
بقيت احضر بالريوم واني ع الطباخ احس واحد لف ايده ع خصري وقرب جسمه عليه وخله راسه بركبتي
جوري:- زكريا داسوي وخر لاينزل واحد من شباب لو عمه تطلع وتشوفنه
زكريا:- نزلت واني مشتعل ابو ابوي ولكيت جوري بالمطبخ جاي تحضر الريوك لابسه تراكسود ردن بس صيفي والشعر ع جتفهة والعطر يهف
اتقربت منهة بعد مكدرت ولزكت روحي بيهة هي صارت تقاوم وتكلي وخر بس اني بيا عالم
زكريا:- ترا حرام عليج حارمتني من هيج جمال
حوري:- ي ميخالف بس وخر لايشوفنه احد
زكريا:- انعل ابو الاحد واذا يعني حاضن بت الجيران غير مرتي وحبيبتي
جوري:- ي عود فوك مو هنا
زكريا:- عود زعلت منهة وخرت ايدي وكعدت ع الميز الطعام هي كملت وخلت الاكل كبالي
صرت اكل وما اباوع بوجهة
هي من النوع بساع تتحسس وتزعل وتفشل حيل
متقصد افشلهة حتى متعيدهة
جوري:- خليت الاكل وصار ياكل وميباوع عليه اقرب الاكل عليه مياكل الاني اقربه خليت كباله الكيمر والعسل مافاد
كلت خل احاجيه
جوريا:- زكريا
زكريا:- همممم وهو ياكل
جوري:- شرايك نطلع العصر لزوراء ونخابر ع زهراء ومومل هم شوي نغير جو
زكريا:- لا مانطلع
جوري:- ليش ضايج مضوجتك اني 😔
زكريا :- بله خليني اتزقنب عدل واسكتي
جوري:- هاي هيج صارت وك الف عافيه وعفته وكمت
زكريا :- هههههههه والله احبهة خرب روحهة اشكد تزعل
بس يمكن طوختهة اني
ولا عشتو اتفقنه تحضر روحهة وره الريوك شبيه خربتهة عليه
يلا خل اكمل واصعد اراضيهة هي بكلمه تتقشمر
جوري:- احجي وياه ميفيد كلت خل اغير الموضوع واكله نطلع وكذا
اشو هذا صاح بيه وكلي بكل خشونه هل ازقنب اسكتي اني حيل فشلت واحس الدنيا تريد تاكلني ممتعوده احد هيج يفشلني ولا هو مره مسويهة وياي كتله وك الف عافيه وعفته وصعدت
جوري:- صعدت دخلت للحمام سبحت ولبست البرنص كالعاده ودا امشط بشعري بين متصير بالعشره ونص انزل ويه عمه واكيد زكريا بعد ميصعد يبقه بصاله ع الفون
فطلعت امشط وكاعده ع المرايه وواجفف بشعري
زكريا :- ضجت كلت ليش هيج عاملته هي شكالت وهيج فشلتهة طاح حضي خل اصعد بلا شسوي
زكريا:- صعدت ولكيتهة لابسه البرنص والرجلين يلمعن والشعر داجفف بسه وجهة ثلج من شافتني اصطكت لان متطلع كبالي هيج ومن ازوجنه متخليني اتقرب الا تطفي الضوه تستحي ولا تلبس سيت نوم مكشف كله طويل
فهاي اول مرا هيج تصير كبالي
فمن شافتني وكفت وكالت غير ادك الباب
زكريا:- داخل ع غرفه مزن غير غرفتي بكيفي شوكت ادخل شوكت اطلع عندج اعتراض
زكريا:- حبيت اضوجهة بعد واستفزهة احبهة من تضوج😂😂😂
جوري:- لا ماعندي اعتراض اني اسفه المفروض اخذ احتياطي مره خصتك ابدل
ورحت باتجاه الكنتور بس كوة امشي مستحيه من البرنص اخ بعد ولا اللبسه لو اموت
وداريد اطلع ملابس
اجه تقرب باتجاهي اني سويت نفسي عادي بس شنو كلبي يدك سريع اعرفه مو امان 😂
زكريا:- صرت امشي واني مشتعل شلون تحجي وهي سابحة يعني كامله اكيد
اجيت يمهة وصرت وراهة مباشرتاً دارت وجهة ولطخت بيه
جوري:- عفواً ممكن امشي
زكريا:- ي متمشين منو لازمج
جوري:- وشلون امشي ياحضرت النقيب
زكريا:- اني كوه لازم روحي ما اضحك ع حجيهة
زكريا:- اولاً ماحب تحجين وياي هيج مال نقيب ومرخصتك وخصوصيات وكذا احنه مره ورجال سوه خصوصياتنه وماكو كلفه بغرفتنه بس بره لا اليريحج
جوري:- ي وبعد
زكريا:- انتي بيج شيء بابا
جوري:- لا مبيه شيء واذا خلصت اريد ابدل ممرتاحة
زكريا :- لا مخلصت
جوري:- وك شنو تريد
زكريا :- اتقربت حيل بحيث لزكتهة ع الكنتور واني لزكت بيهة كتلهة اريدج انتي
جوري:-😟 ها
زكريا :- بدون ها ومدري شنو برضاج مو برضاج كيفي اليوم
جوري:- يمه لتخوفني عفيه
زكريا:- اريد اوريج الخوف شنو كافي من البارحة لليوم تدلعين كبالي واني كوه لازم روحي اكبالج بشر لو حجاره
جوري:- يمه جنيت ع روحي بس حجيتهة بصوت ناصي
زكريا:- ترا سمعت
ضحكت من كالت هيج
جوري :- سمعني خرب حضي بس ارتاحيت من ضحك
كلت لا مابيه شيء يعني دايضب عليه
ي لعد اني اوريك شلون تمثل عليه اني هم اريد امثل عليك
زكريا:- شفتهة تفكر وصافنه لكيتهة فرصه وبستهة بحلكهة كطعت افكارهة وصفنته بس شنو شلعت شفتهة واتقربت ع ركبتهة وصرت امشي بيه باتجاه الجربايه
جوري:- باسيني ومشه بيه بانجاه الجربايه واني كلبي يدك لان بعدني عروس ممتعوده ع هاي الشغله ومن ازوجنه وصار يمارسه صار عندي مشاكل فمو هواي تقربلي وسبوع واللتحق
ومن نومني ع جربايه وصار يبوس بيه وشتم بركبتي اني هنا تقلصت
بعدين فكرت كلت خل امثل دور المغمي عليه 😂😂😂 وانتقم
جنت لازمته من ايده فجئه وخرت ايدي وعود فقدت الوعي وحركت راسي
زكريا:- اخذتهة للجربايه وابوس بيهة جانت لازمه زند ايدي بس فجئه هدت ايدي وتحرك راسهة وعيونه غمضتهن
صرت احرك بيهة مثل النايمه اطبطب ع خدهة
خليت ايدي جوه راسهة واحركه جوري جوري شبيج حبيبي اكعد
جوري:- وره ممثلت هاي ومشت عليه صار يوعي بيه واسمعه يكول
جوري جوري حبيبي شبيج اكعدي مسويتلج شيء بعدني
حبيبت كلبي خلص ماتقربلج اهم شيء انتي كبالي اوعدج بعد ابد حتى لو اضطر الامر طول العمر بس اصحي خطيه اتخردل ميعرف شيسوي وميكدر يصيح ع امه واخته يستحي يشوفونهم بهاي الحال ومزن المشهور يلگفهة وهي طايره ويشهره شهيره
كلت كافي خل اكعد
زكريا:- صرت اوعي بسهة واحجي واني الندم ماكلني اكل بعد ماتقربلهة خرب شبيه مكدرت اسيطر ع روحي فجئه فتحت عيونهة وضحكت بصوت
اني وكفت وخرت ايدي من جواهة وصرت اغلط واصيح عليهة
شلون هيج اسوين شهل اصرف وكفتي كلبي صغيره انتي مو مره عمرج عشرين هم الجهال مو مثلج
وصرت احجي واغلط واصيح انعل هيج من هيج
جوري:- خليتهة يكمل واني ميته ضحك عليه وعافني وكام بس من عافني سكتت وبقه يحجي راح طلع فالينه وبجامه يريد يبدل عود زعل
جوري:- ها زعلت
زكريا:- اسكتي ماريد اسمع صوتج اريد اشوف بعد منو يتقربلج
جوري:- مينطيك كلبك ادري
زكريا:- تتحديني
جوري :- ههههههههه لا حبيبي تعال شبيك ضجت انت مو قبل شوي ضوجتني ع الريوك حتى مخليتني اكل عادي نشاقه
زكريا:- لا مو عادي هسة لو مسويهة بسج شسوين
جوري :- لاتنسه اني دكتوره اسوي الاجرائت الازم واسعفك بتنفس اصطناعي واوعيك☺️
زكريا :- اذا انتي دكتوره وتداوين فااني ضابط واعذب 😉
جوري:- ها مو كتلك متكدر
زكريا :- خوش بدلت وطبكت الباب حيل
اتلاكيت ويه ابراهيم
ها زكريا شبيك صياحكم واصل الراس الشارع
مزن صاح لك اكيد منطته اليريد😂😂😂
زكريا:- اني طافره الدنيا بعيني ومزن حلل السالفه وصحيح تحليله
رحت الغرفته طيحت حضة طلعت حركتي بيه بس هو ولا جنه يضحك لان من شقه اخوان منزعل واني اخوهن الجبير يزعلون من ابوهم بس مني لا ابد
ابراهيم:- زكريا خويه ذيج مرتك ذاب حركتك باخوي ليش
زكريا شوتعال انتي الثاني 😂😂😂
وصارو يشاقون
جوري اسمعه يصيحون وبعدين يضحكون كلت يا شبيهم دخل ابدل وانزل
ونزلت.....