احببته بجنون

2

جوري : واني فتحت عيني ع دنيا واني اشوف عائلتنه الهادئه الودوده الصافيه بصفاة السماء ونقيه بنقاء الماء فزكريا ومهيمن هم اصدقاء بس اخوان وبنفس الوقت ولد عم فبابا حان من يروح للدوام ودوامه 10 ب 10 فبهاي العشرت ايام بس اني وماما وماما تحب زكريا فجان يجي يمنا يبات لان بابا ضابط وتخوف واحنا بس نسوان فااول ما وعيت زكريا يمنا وجان يبات يمنا هو ومهيمن ومرات تجي يمي مسره لان احنه بنفس العمر تقريباً فجنه صديقات وومسره صارت اطباعهة مثلي وحتى هدوئهة وستايلهة جان زكريا يعلمنه وكلشي نريد يجرالنه ومهيمن كذالك بس زكريا شوي يختلف لان شخصيته كأنو بابا يمكن لان رباه وحب يصير مثل بابا وفعلاً اتحقق حلمه وبابا سواله واسطة وخلاه وياه بنفس الدوام وحتى عبالهم ابنه واعو فعلاً اكثر من ابنه فمن صار ويه بابا محد يبقى يمنه بس مهيمن ومهيمن هم دوام هندسه ميكانيك كالت ماما ليش منشتري قريب ع بيت يحيى ابو زكريا وبابا كال ي والله احسن وفعلاً اشترينه بنفس الشارع ومرت سنين وزمريا اهتمامه بيه يختلف كلهة تلاحض بس اني عادي عندي يعني يجي يبوسني ومن ايروح يودعني ياله جان بابا يبتسم ويدنك كأنو باله شيء وجنت اتحاهل واسكت ومره من الايام نايمين ساعه ب5 صبح دك رقم غريب ع ماما فتحت الخط وجان الخبر صاعقه ع راسنه اني وامي جان يكول عميد علي عدنه مخطوف هو وابنه زكريا وضابطين فلان وفلان وسداه رجعنه دكينه مغلقخابرنه ه بست عمو واجونه وصار كلام ومدري شنو وكل بنات عمو حبسوهن بيتنه وحمايه مشدده وبيبي تخربطت وجدو هم وكنالهم شنو الديه حتى نطيكم جان يكولون انريد بنات هنا بقينه مثل المخبلين وره 3 ايام كالو علي انكتل اهنا ماضل عدنا ذره حيل ماما فقدت واني ماعرف شسوي بحهة ماما وجهة زكريا وجهة بابا المامصدكه انكتل وفعلاً جابو بابا مضروب طلقه براسه ومذبوب اتخبلنه وماسوينه فاتحة لان خايفين ع زكريا انتضرنا يجي واهل الضباط والضباط والامر سووو كمين ولحكو بيهم واجانه زكريا وسوينا الفاتحة بس جنه بحاله كلش مو مرزيه اني بس بالغرفه ماعرف دمعهة انطيح من عيني وشفت بابا انصدمت اكثر الطلقه مفلشه راس بابا بعد ماخلصت الفاتحة اني زكريا مشايفته واصلاً الشبه غيبوبه لان يحجون اهلي واني احس روحي طايره وماما من شافت هيج حالتي عافت كسرتهة وبدت تهتم بيه لان خافت اسوي شيء بروحي بس اني بغير عالم احتمال منضر بابا هيج سوه بيه .....

زكريا :- مرا التحقنه اني وعمي ابو جوري وع طريق ويانه ضباط ثنين انخطفنه والعرفنا يردون بنات ويهدونة فعمي ضرب واخد وغلط عليه لان خاف ع جوري ومسره فخله المسدس براسه وضربه وكدام عينه بس قبلهة كلي عمي جوري الك انت السميتهة وانت التهتم بيهة اني احبك وادري بيك تحبهة جوري امانه بركبتك وراهة من انكتل واني بقيت اغلط واصيح اجتني القوه ومنضر عمي كبالي بحيث الواير انكطع من اديه وصرت اضرب واصرخ واني اشوف عمي الرباني كبالي مرمي

هي مرتين بجيت من كل كلبي مرا من عمري10 من كال راح اموت وجان مو حقيقه وهالمره صدوك سواهة وبجيت بس بكلبي ورجعتي الاهلي كدرو جهاز مكافحة الارهاب يقبضون عليهم بس عمي القدر اتسرع واخذ عمي وياه

وره 3 ايام الفاتحة رجعت ولكيتهم ممسوين ومن شافوني فرحو بس كسرتنة ع عمي جبيره واني شفت عمتي منا وشمرت روحي بحضنهة بنص العزاا وصريخ وبجي بس اباوع بالوجوه اريد جوري بت كلبي ماكو كتلهة عمة جوريتي وين كالت فوك وما صعدت جنت اخاف اشوفهة واضعف وره ما خلصت الفاتحة اجتني  عمتي وكلتلي يمه زكريا جوري ماعرف شبيهة ماتحجي ولا تبجي تصفن وبغرفتهة كتلهة اني راح اشوفهة ....

جوري :- وره مخلصت الفاتحة فجأة نايمه وكعدت المغرب واحس روحي مختنكة واسمع صرخه زلمه سمعت يصيح ياعمي رحت ياعمي كبالي كتلوك  عمي دمك ع هدومي طفر عمي كبالي طلعت روحك وامي تبجي وياه وتصرخ اني هنا وعيت ع روحي كأنو انقاذ اجاني فرأستاً جبت مكص وكصيت شعري ماعرف شنو السبب بس صار كبالي شعري ونقذني حركت كلبي وشفت شعري بحضني وكع ودك الباب واني اتذكر ابوي وجان يطلع زكريا شافني وكبل ركض عليه اخذ المكص ورفع وجهي لان جنت مدنكه مخذوله وصاح جوري باوعت عليه وشبكني وكال ولج ابجي اعرف البكلبج طلعي دموعج اصرخي اني ماصدكت بجيت وحضنته وبقيته لازمه صدره كتله صدوك بابا كالي راح ابوي وابوج اتفلش بيتنه لان اساسنه راح وبقينه نبجي دخلت ماما وهم بجت واحس رتاحيت بس دمعي حار يوكع احس خدودي تنزرف ومن ماما شافت شعري وكعت ع حيلهة وكالت جا كتلتي روحج يمه ومرت الايام واني
اكتئاب قاتل عندي واغلب وقتي دمع ورسم والورق بس دمع ويخرب وماما تبجي وزكريا رجع داوم بس اهتمامه بينه اقوى صار وصار بيوم اليشوفنه حيل ضايجين يبات يمنه بس اني حدوديه ويه الكل ابجي صدوك واسولف وياه بس بحدود

مرت الايام واجت المدرسه وزكريا يوديني وزكريا يرجعني بيوم الهو ملتحق يا مهيمن يا مؤمل يامزن يعني ولد عمي خير من الله

زكريا:- اجاوزنه المحنه وبدينة نتأقلم بس اني تغيرت من موتت عمي صرت قاسي حيل احس نفسي اني مسؤل ع عائلتين واشوف جوري شلون مخذوله واتكلي زكريا مالي احد اني وحيده والي عالم خاص جنت ماريد احسسهة هي وحدهة بس جانت طابعهة هالفكره ....

وره سنه رحنا للنجف .......