احببته بجنون

5

راسلتهة مجاوبت رجعت هم مجاوبت دزيت مسج هم مجاوبت صعدت بدلت ورحتلهم دخلت كتلهة ها يمه وين جوريه كالت مادري شو ضاجت وراحت بدلت ونامت

صعدتلهة لكيتهة نايمه وجهة مبين باجيه بستهة بشفايفهة ونزلت بصاله كعدت اسولف ومدري شنو كتلهة عمه اليوم التحق واجت اشوف جوريه كالت هسة اكعدهة كتلهة لا انتضرهة وصدك انتضرتهة ونزلت شافتنة كالت هلاو بس جانت لابسه ربع ردن وبجامه وشعرهة لافته كعكعه اخذت الشال ع بابا وخلته عليهة وعطت اديهة كتلهة تعاي اريد احجي وياج اجتي وكالت اتفضل كتلهة ليش طلعتي ورحتي ضايجة كالت لا مضايجة بس نعست كتلهة اكيد كالت ودليل جنت نايمه كتلهة يي دليل باجيه وغمزتلهة هي سكتت شوي سلمت عليهم وكتلهة حالتحق خليج ع تواصل هزت راسهة وفعلاً التحقت

مر الوقت والتحق ونزل وقرب موعد العرس وخابرت ماما ع مزن كالتله يمه اني ماروح مااجيكم اخذ امك واختك وروحو وهو ماصدك راح كالهم مايرحن وزكريا ميدري كالهم ها يلا شو بيت عمي ما اجو كالت يمه خابرت مايجون كتلهة ليش كالت مادري المهم راحن ضجت خابرت عمتي كالت والله جوريه ماترضه اتكول ماروح مع العلم جانت محضره روحهة واخذتهة اشترت ملابس وجانت فرحانه هي وسوره كالهة عمه انتي تحضري واني جاي وخل تبدل
زكريا :- من كلي هيج شعوطت خابرت عمتي وكتلهة جايكم واني بروحي نار اريد اكتلهة بس من اشوفهة تجبرني اتعامل وياهة بطيب لان اسلوبهة هادء
جوري:- كاعده فوك وضايجة لان ماروح وجنه متدربات نركص اني ومسره ونبدل ونرجع احلى من قبل بس خابت امالي  المهم كاعده وجان تصعد ماما كالت زكريا جاي ياخذنه كتلهة يوم مو كتلج ماروح مالي واهس تعبانه كالت لعد انتي احجي وياه كتلهة هاهية اوكي

زكريا :- صعدت وشفتهة منجطلة ع سرير وبديهة الورقه وقلم داتفكر ترسم من اجيت كعدت عدل ولبست شال كتلهة ها جوريه ليش مترحين واني عيوني حمر هي باوعت بوجهي وكالت ليش عيونك حمر كتله من اسئلج لاجاوبيني بسؤال كالت حاضر ماريد اروح زين ليش كالت لان ممشتريه هدوم جنت ناويه اللبس الشفته ومحضره مكياج وفرحانه راح نركص وكلشي محضره بس انت كلتلي متلبسيه واني ماراح اللبسه وماحبيت اشتري غيرهة لان ضجت من دون البنات لان اني يسمني مكأبه اني  منو يكول هيج كتله هواي المهم ع كولن العرس ماراح يوكف عليه وانت حاتتأخز كال كومي اللبسيه يلا وخلي وشسوري ولا يهمج بس اني حفاضاً عليج هيج كلت هي كالت واني اكدر اعاند واروح بس عيونك واخلاقي وتربيتي العلمتونياهة ماتسمحلي

كبرت بعيني من مستعده متروح وتخرب فرحتهة لمجرد ترضيني اجيت اتقربت منهة وكتلهة ونعم منج ومن الرباج باوعت عليه كالت منك ومن بابا اني فرحت من ماتنكرني بستهة بكصتهة وكتلهة يلا اريد اشوف الملاك الكبالي شلون شراح يطلع ضحكت كتلهة عمه بدلي بين متبدل وفعلاً بدلت واجت وكفت كبالي ولابسه فوكاه بشت طويل كتلهة فدوة رحت الاخلاقج هي بتسمت وراحت شسورت شعرهة وخلت مكياج هادئ بحيث بس مسكارا وحمره لونهة فاتح زهريه وخلت احمر الخدود تفاحي ومشطت حواجبهة ولفت شالهة كالت يلا اباوع عليهة صارت تجنن رغم بساطتهة اجيت اتقربت منهة واني اكلهة عندي موضوع وياج وره العرس نفتحة هي كالت شنو كلت اني شكلت هي ضحكت كالت يو يلا ونزلنه عمتي صلت ع محمد وبجت كالت يوم الانزلج بدلتج وفرحتي بيج هي نزلت راسهة كالت الله يخليج الي باوعتلي وبعيونهة حجي  عمي

رحنه للعرس ودخلنه وصارت كبالنه.....