احببته بجنون

4

من صار دورت السنه مال عمي علي

مسره جابت جاي وانطت للكل وصلت يمي وانطتني جاي مبيه خاشوكة باوعت وضحكت كتله مبيه خاشوكة كالت اسفه هسة اجيبلك كتلهة لا عادي خلي اصبعج وهو يصير عسل اباوع عليه خجلت هي حلوه حيل وحبابه صديقه جوري يعني شترجة من هيج كالت لا اجيبلك خاف انوب اتكول عوبه كال لا عاب حلكج هي ضحكت كالت شوف قريت كلبك كتلهة يعني تعرفين البكلبي هسة شنو هي اتغيرت ملامحهة والولد كالو ها احم احنه هنا

جوري :- ضحكنه مومل ومهيمن ع زكريا وحرجوه واني انحرجت من يمي شقاهم منحرف فهو اخذانه ورحنه كعدنه بساره اني ومسره وره كال اشتغل عدج وحده منجن بصدر كتلهة روحي مسره كالت لا اكبر انتي اني كتله استحي هو سمعنا كال تستحي والله يالله ديلا تعاي رحت يمه جان كال اجيبلجن حلويات حتى تاكلن بليل سكتنه جاب كومه حلويات اني استحيت كلت عيب خل انطيه فلوس من نرجع

زكريا :- جبتهن للبيت وجبت حلويات كلت خل ترجع جوريتي القديمه وفعلاً دخلن للغرفه وره شوي اندك الباب عبالي مزن لو ابراهيم جان كتله تعاي قندرة هي دخلت اني عدلت كتدتي كتلهة هاي انتي هي بتسمت كالت شبيك اليوم كتلهة مبيه شيء جان اتطلع فلوس وتخليهة كدامي وكالت هاي فلوس الحلويات كتلهة اخذيهن لا شكهن عليج كالت بس ماريد اكلف عليك

كتلهة معقوله هيج تحجين هاي اول واخر مره اسمعهة وك هي دنكت اني كتلهة شبيج كالت مادري بس احسك ابوي واكثر هي دنكت اني بستهة بخدهة بس جانت كلهة مشاعر وخوف هي باوعت عليهة وبتسمت استحت كالت اروح

جوري :- من طلعت من غرفه زكريا وباسني بخدي حسيت الفرحة بداخلي اكو من يعوضني حرمان ابوي

..... وبعد والزياره ومرت سنه وخمس اشهر ودرست سادس وجانت نص السنه وتمرضت لان جان لود عليه دراسه وضغط نفسي وحادثه ابوي وصورته البالي الماتروح ابد فتمرضت قوي اخذوني اني وماما البيت جدو حتى هناك اهتمام اكثر صدوك بيت عمو يحيى ابو زكريا ممقصرين بس هنا عاد جدو واني مرضيت ابات وصرت زينه وخلصت العطله وبديت اداوم واجت امتحانات البكالوريا واعتكفت الى درجة صار حياتي بس كتبي والحمدلله نجحت وطلعت معدل عالي وقبلني طب عام لان اول دور انطونه درجة وصرت 99 وكسور وقبلتمي وتحقق حلمي ورفعت راس اهلي  ومرت ع وفات ابوي تقريباً سنتين ونص وصار عدنه مناسبه ابن عمتي هناء عرس ...

زكريا :- مرت الايام وحبيبت كلبي جوري نجحت وطلعت معدل وقبلتهة طبيه فعرس ابن عمتي وهي بعدهة منازعة الاسود فااني اخذت اذن من امهة وكال يمه زكريا حاول تذبه منهة هي تستحي منك ويمه زكريا خاف باجر عكبه يصير شيء عليه جوري الك وعمك مسولفلي عليك وكايل تحبهة ويايمه اني ادري بيك مامسوي شغلات موزينه وهي الك وحاول تكسبهة واتكلهة وصيت ابوج اني بست راسهة اخ يايمه بس الله يدري اشكد احبهة بس ماريد ابينلهة لان تعرفين طبيعتهة تاخذ نضره
منا :- بكيفك يمه بس هاي امانه يمك هز راسه وصعد فوك