الشيخ & العشگ
°بسبس
شلونكم حبايب ❤
البارت تأخر يوم لان مريضة والنت ضعيف
قدرو التعب الي جاي نتعبه ترى الكتابة مو شي سهل
يله نبدي بالبارت قراءة ممتعه 😊
. . . . . . . . . . . . . . .
سجى بصدمة . . شنو شوكت عرفت و شلون صار و ليش مكتلي هااا
فهد . . اششش شوية شوية عليه عرفت اليوم الصبح من رحت للمستشفى الدكتور يكول بخلال الإصابة الي بطني داخلة بأماكن حساسة ومتأذيه حيل مما ادى الى العقم
سجى . . ماعرف شكلك
فهد . . لتعذبيني اذا متقبلين الزواج بيه كولي يا بت الناس كتلج اتقبل اي قرار منج
سجى . . لا فهد مقصدي هيج الحب تضحية و الي يحب لازم يضحي و اني مستعده اضحي
فهد . . سجى لتستعجلين فكري و اخذي قرارج ان
قاطعته سجى . . لا فهد ما بحاجة افكر اني احبك و اريد اصير وياك زوجتك
فهد . . صدقة لربج جا تحضري وره عرس جاسر نعقد
سجى . . لا عندي إمتحانات
فهد . . بس نعقد
سجى . . مادري اتفق ويه الشيخ و جاسر بعد همه ادره بمصلحتي
فهد . . ان شاء الله يله محتاجه شي
سجى . . وين رايح
فهد . . زحمة عايف الناس و طالع بره
سجى . . هاا ماشي
فهد . . في امان الله
سجى . . الله وياك
سدته منه و هي مبتسمه و حجه بنفسه
. . صحيح استعجلت بقراري بس احس هو هذا القرار الصحيح مادري عندي إمان انو اكو شغلة راح تصير و يتغير كل شي للأحسن ان شاء الله يكون احساسي بمحلة
تنهدت و كامت راحت يم البنات
. . . . .تسريع الاحداث
العصر
الشيخ هاشم كاعد بالديوان يحجي ويه علي ابو سما و ياسر جان كاعد ويه خوانه و رجل اخته فات جاسر عليهم
جاسر . . السلام عليكم
الكل . . وعليكم السلام
جاسر و كعد يم الشيخ . . الله بالخير
الكل . . الله بالنور
جاسر . . عمي عندي حجي وياك
علي . . اي تفضل يا شيخ اسمعك
جاسر . . الموضوع يخص بكر
عمر . . شبي بكر
جاسر . . بكر بالمستشفى
علي . . شنو ليش بالمستشفى
جاسر . . و حجالهم كل الموضوع من الألف للياء
علي . . ليش مكتولي
جاسر . . مجنه نريد نشغل بالكم و سالفة فضت
عمر . . بيا مستشفى بكر هسه
جاسر و اندار على عمر . . هنا نقلته بالبصرة هو واحد صاحبي هم متصاوب
علي . . بعد اذنك يا شيخ اريد احجي ويه اختي اكله تروح تشوف ابنه
الشيخ هاشم . . حقك . . كام وكف على حيله . . احنه فايتين جوه و ندزلك عيالك تحجي وياهم يله بوية جاسر
كامو و عافو علي و عمر وحيدر و رجل مها شوية و جتي رحاب و خولة و البنات كلهن
رحاب . . خير خوية ابو عمر رايدنه
علي . . خيتي ام بكر تحضري انتي و البنات راح روح للمستشفى
رحاب بقلق . . ليش خوية شصار منو بالمستشفى
عمر . . عمه تحضري هسه و خلينه نمشي
رحاب . . ما مشي من هنا خطوة اذا متكولون شصاير
علي . . خيتي ابنج بكر بالمستشفى
رحاب و ضربت على صدره . . يمه ابني شبي احجي ابو عمر شبي بكر
عمر . . عمه بخير والله بس مضروب و هسه زين بس نروح نشوفه و نطمن عليع اذا قبل الدكتور نطلعه ويانه بس امشي
رحاب بتوتر . . اي اي يمه اي يله مشينه . . اندارت على بناته . . يمه بسمة ابقي انتي واختج هنا نجيب اخوج انودي للبيت و ادز عليجن واحد يجيبجن
بسمة . . ماشي يمه
راحت رحاب وياها خولة اخذهن علي و عمر للمستشفى و ياهم ياسر يدليهم
. . . . . .
بيت الشيخ تحديدا بالصالة
كاعد الشيخ هاشم و جاسر و ام هاشم و وسن هم
الشيخ هاشم . . بوية جاسر استعجل بعرسك و خلي بعد يومين
جاسر . . ليش يا شيخ
الشيخ هاشم . . بوية اريدك تلزم المشيخة اريد اشوفك شيخ من صج قبل الله مياخذ امانته
جاسر و مامطمن لوضع الشيخ . . عمرك طويل يا شيخ
الشيخ هاشم . . بوية جاسر أقبل وره العرس نسويلك عزومة و نسلمك المشيخة عمون انه ارتاح
جاسر . . ان شاء الله يا شيخ سوي الي يريحك
ام هاشم . . الله يرضه عليك يمه اي هيج اريدك
جاسر . . يله مرخصتكم اني طالع في امان الله
الكل . . الله وياك
كام طلع وعافهم يحجون
ام هاشم . . مو من عوايد جاسر يقبل بسرعة
وسن . . اني هم يا حجية ستغربت من وافق
الشيخ هاشم . . اهم شي وافق هذا الي مريحني
. . . . . . . . . . . . . .
جاسر
طلعت للحديقة لكيت سما كاعده ويه سرى و جاي تلعب بنته مشيت من يمهن رفعت راسه باوعت عليه ابتسمتلي
اتنهدت و طلعت بره البيت ركبت السيارة و تجهت للشط هسه تكولون ليش لشط
اني اكللكم شايفين من ترحون لمكان تلكون ملاذكم بي تحسون بالراحة بمجرد ما تكعدون بي هو هذا الشط الواحد من يكعد عليه و يشوف ميه و يسمع صوت الجريان مالته يحس براحه
و الي عنده هموم يروح للشط يفرغهن يمه يحسه يسمعك لهذا ملاذ للكل للفرحان للزعلان الي عنده هموم الي ضايج هنا الراحه نلكاها
كعدت على الشط و خابرت فهد الكعدة متحله بدون الضلع شوية و جاني و جايب وياه حب و جكاير
جاسر . . الله ناقص بس جاي و تحله الكعده
فهد . . شوف نوب متريد نركيله بعد
جاسر . . و الله ياريت
فهد . . شكلولك عليه مصباح علاء الدين
جاسر . . لا الساحرة مال سندريلا
فهد . . هههه متضحك
جاسر . . خفت هل جهره
فهد . . خفت هل عيون جنك بزون
جاسر . . صخام يول بزون انثى عتوي الذكر
فهد . . لا الإنثى قطة و الذكر بزون
جاسر . . اغم روحي اذا انت لازم ورقة و قلم
فهد . . اي لازم اتذكر مره من جنت بالابتدائي جنت لازم القلم و جاي ارسم حصان بيومه جان عدنه واجب كتابة انه ناسي اكتب و المعلمة تشرح اني ما منتبه عليه درسم جان تجي تلزمني من إذاني و كلتلي شجاي تسوي
كتله ست درسم شافت لحصان كالت هذا شنو
اني من الخوف كتله حصين كالت شنو حصين كتله ست ابن لحصان المهم لو ما رسمي حلو جان نكتل صاحبك بوكته
جاسر و ميت ضحك . . حصين ههههه اخخخ يابة
فهد . . اي اضحك اضحك
جاسر و يحاول يكتم الضحكة . . هههه جا خلي احجيلك اني شمسوي
فهد . . اتحفنه
جاسر . . هاي مره جنت بصف خامس هم بالإبتدائي
فهد . . هي الفواين كله بالإتدائي
جاسر . . ههه اي و علي
المهم جان واحد وياي بالصف خبيث كلش شمسوي مو داك الجرس للفرصة احنه كلنه طالعين هو رايح ماخذ إنكليزي من جنطتي و شامره وره الحمامات مال مدرسة من جتي المعلمة مال إنكليزي ادور الكتاب ماكو
جتي المعلمة وين كتابك كتله ست ماكو تكلي لا جذاب طلعه أكلله ست و الحسين ماكو دكلي وين وديته طلعه ضلت تلح طلعة طلعة ضوجتني اخير شي كتلة ان** *** ***
المهم طلبو ولي امري بوكته جدي اجه و اعتذر منه
فهد . . ههههه ماترزلت
جاسر . . اسمع من صرت بالمتوسطة تعرفت علة ولد صرنه اصدقاء كلش مره عزمني بيتهم من رحت دكيت الباب طلعتلي هي المعلمة طلعت اخت لصاحبي من شافتني عرفتني كالتلي تذكر من كلت عليه **** كتله شسويلج انتي ضوجتيني
فهد . . هههه شلون صدفة زين ليش مكتله على الولد ذبهن
جاسر . . جنت مادري بي
فهد . . هههه جا مره اني و صاحبي تفقنه نخلي تكرم القندرة فوك الباب مال الصف عمود من يفوت المعلم تكع على راسه
جاسر . . هههه خرب بليسك
فهد . . دسمع ليش ما المعلم تأخر و طلاب كامو يهوسون و اجه المدير يرزلنه جان تكع على راسه اتذكر بوكته انفصلت اسبوع كامل
جاسر . . هههههه
سكتو شوية تنهد جاسر
فهد . . شبيك يا صاحبي احجي
جاسر . . الشيخ يريد يلزمني المشيخة
فهد . . حلو هي بالأول و الأخر لك شبيك ضايج
جاسر . . مضايج بس قلقان على بوية
فهد . . شبي
جاسر . . مادري احس ضام عليه شي حته كال يستعجل بعرسي يخلي بعد يومين
فهد . . شنو يومين
جاسر . . مو دكلك بعد باجر حنتي
فهد . . لا الشيخ بي شي هو ميسوي هيج هو مو جان يريد عرسك الكل تحجي بي شو هسه بسرعة بسرعة
جاسر . . هو هذا الشي ما مطمني
فهد . . ان شاء الله خير
جاسر . . ان شاء الله
ردو سكتو . . . . .
جاسر . . شلون عرفت بسالفتك
فهد . . جنت تعرف
جاسر . . اي
فهد . . منو كلك
جاسر . . حسن الدكتور حجالة حالتك و اجه كلي
فهد . . ليش مكتلي
جاسر . . ماكدرت اكلك و اشوفك مكسور
فهد . . دريت بعد و نكسرت
جاسر . . لا ليش دكول هيج الشيخ مو قبل يزوجك الي تحبه الي هي اختي
فهد . . بس اني نفسي بولد يشيل اسمي . . بوية قابل حتلو بنيه تراك من تشوف برزك من صلبك يلعبون كدامك بالدنيا و مابيه
جاسر . . فهد اخوية تراني ما ناسيك سئلت و كالو تتعالج و اكو دكتور بالهند شاطر بهل شغل
فهد . . ان شاء الله اني مقرر بالأول اعقد وره عرسك بعدين اروح اسافر اتعالج و ان شاء الله ارجع متشافي
جاسر . . ان شاء الله
فهد . . جاسر تعرف شنو حسيت من كلي الدكتور انت عقيم
جاسر . . بصدمة غير
فهد . . لا حسيت مثل الوحدة الحامل و كلوله سقطتي
جاسر . . ههه صدك
فهد . . هههه اي وعلي احساس يوجع
جاسر . . و لا يهمك صاحبي تسافر و تتعالج و اني اسافر وياك هم
فهد . . هههه لا بوية بوكته انت بشهر العسل وين تذكرني
جاسر . . لا يا شهر بصل هو اسبوع و نرجع
فهد . . وين مفكر تروح
جاسر . . الأذربيجان
فهد . . حلوو زين جوه هسه إختاريت القاط لو بعدك
جاسر . . لا بعد بس عندك بالحنه ألبس دشداشة اذا تذكره الي شفناهن اني وياك بعمان عجبني
فهد . . اي وهن يادوب تحجز عمود يلحكن يوصلن
جاسر . . اي هو هيج من ارجع احجز بس قاط العرس بعد ما مقرر
فهد . . نلحك نقرر
جاسر . . شوكت يفلون الجبس مال ايدك
فهد . . بهل ايام افله
جاسر . . ان شاء الله يله خلي نكوم راح يأذن المغرب
فهد . . و لا حسيت
جاسر . . انت دومك محاس دكوم
. . . . . . . . . . . .
سما
من طلع جاسر وراه الشيخ صاحني يكلي بعد باجر الحنه انصدمت عززه بعد ما مكملة لجهاز بعد يرادلي كومة اشياء
شوية و اجه ياسر كال لحيدر انو يودي بنات عمتي لبيتهم لان رجعو بكر للبيت تحضرن يوديهن حيدر الشيخ وصاه انو يكول لبابا انو احنه نبات يمهم اليوم
عمود باجر نرجع لبيت عمه رحاب عمود الحنه و العرس بعد مادري بابا يقبل نبات هنا لا
هسه كاعده بالمطبخ يم البنات يسون عشه مقبلن اساعدهن حاطه انمار بحضني نايم لمى و حلا و مها يسولفن يمي شوية و فات جاسر سلم و فات باوع عليه
بحضني انمار رفع حاجبة ابتسمتله خزرني و فات نطيت انمار لحلا و لحكته لكيته على الدرج جاي يصعد صحت عليه
سما . . جاسر
اندار عليه و رفع حاجبة
سما . . اريد احجي وياك
اندار و كمل يصعد و أشر بصبعه ألحكيني ضليت صافنه ألحكه لو لا اووف لازم احجي وياه عمود الحنه لحكته ليفوك لكيته كاعد على التخم جيت كعدت كباله
سما . . احم
جاسر . . اي سما احجي
سما . . علمود الحنه
جاسر . . شبيه
سما . . مالحك اجهز لا
قاطعه جاسر . . تلحكين خواتي يمج باجر الصبح اطلعن للسوك و العصر و باليل هم المولات مفتحه عود اخذجن بعد
سما . . ماشتريت فساتين الحنه و بدله العرس
جاسر . . بدله العرس موجوده بس فساتين الحنه انتي باجر من تطلعين اختاريهن بعد
سما بستغراب . . شنو البدله موجوده وينه
جاسر . . روحي على سجى هي تشوفج ياها
سما . . صدك لعد رايحه اشوفه
جاسر . . روحي
سما راحت تركض على سجى
سما . . سجى سجى
سجى . . هااا شبيج
سما . . وين البدله اريد اشوفه
سجى . . شبساع جاسر كلج يمي عفية شيخ متعرف تضم سالفة مالحكت البسه
سما . . انجبي اني اول وحده ألبسه
سجى . . حبابة بس اجربه
سما . . دمشي خلي اشوفه و اجربه اني بعدين انتي
سجى . . امشي بغرفتي
سما صاحت خواته و راحن بغرفة سجى شوية و لحكنهن سارة و سرى
. . . ..بغرفة سجى
سما . . يله طلعيه
سجى . . غمضي عيونج
سما . . خاف ماحلوة
سجى . . ذوق جاسر اكيد حلوو
سما . . يله خلي انشوف ذوق الشيخ شلونه
غمضت سما عيونه
سجى . . فتحي
سما . . فتحت شوية شوية و اشوف فستان ابيض بسيط و نازوكي كلش
سما . . كيووت كلش حلو هو هذا الي جنت اريده
سجى . . اي كلش حلو جربي
راحت سما لبسته طلعت تخبل بي
مها . . فدووه يخبل عليج
سرى . . جا شعبالج هذا ذوق الشيخ لو جربين لحجاب وياه تطلع بعد احلا
سما بعدم فهم . . يا حجاب
سرى . . لحجاب مال بدلة
سما . . شنو بيه حجاب لا لا لا نزعوني نزعوني نزعوني ماريده ماريده
سارة . . خبال شبيج نكرصتي
سما . . اني ماريد ألبس حجاب بعرسي
سجى . . ههههه ناوية على موتج غير جاسر يذبحج
سما . . شنو لا والله معلية ما لبس يعني ما لبس
كملت حجيه جان تندك الباب
. . . . . . . . . . . . . .
النت ضعيف كتبت البارت مرتين و نمسح 😭😭
تصبحون على البصرة و شواطيه
° بسبس