الشيخ & العشگ
ْبسبس
مساء الخير حبايب
. . . . . . . . . . . . .
جاسر . . و صلنه يله نزلي
سما نزلت لكيت ياسر و شيخ هاشم و طفل صغير واكفين ينتظرونه
شيخ هاشم . . حيا الله من جانه هلا بيكم نورتو السلف بجيتكم
علي و سلم على الشيخ و كذلك حيدر وعمر وحيدر رجل مها لحد ما وصل الدور لجاسر راح على ابو الشيخ باس راسه و ايده
شيخ هاشم . . هلا بويه جاسر شلونك
جاسر . . هلا شيخ و الله مشتاگلك
شيخ هاشم . . تعالن بويه اتكربن لتستحن . . و باوع على سما و لمى الي راحن باسن ايد الشيخ و راسه
الشيخ هاشم . . الله يبارك بيج . . هااا بويه تضلون واكفين هنا تفضلو بويه ياسر فوت جنطهم
ياسر . . حاضر يا شيخ
فاتو كلهم الزلم بالديوان و النسوان للبيت قبل لا يفوتن اندارت لمى على ياسر الي جان يباوع عليه جان تطلع لسانه و عيبت عليه و فاتت
ياسر . . هههه اني اعلمج
امير و رافع راسه يباوع على خالة . . شتعلمني خالو
ياسر و نزل راسه عليه . . مو وياك . . لك امشي نزل الجنط
. . . . . . . . . . . . .
سما
طبينه للبيت استقبلتنه عمتي ام جاسر خطية مكيفه بينه سلمنه عليه و على الحجية و خوات جاسر سرى و سارة و سجى الخبلة ضلت تكمز يمته يجي دوره سلم
فوتونه كعدنه بالصالة و صلنه قبل الاذان بشوية ضلن يحجن امي و عمة رحاب مندمجات ويه عمتي ام جاسر و الحجية
اني و بنات ستراحينه شوية من الطريق بعدين كمنه نساعدهن بالمطبخ
سما . . هااا بنات محتاجات مساعدة
سرى . . لا حبيبتي كملنه مضل شي
مها . . ميخالف خلي نساعدجن
سارة . . على راحتجن
بدينه نساعدهن اني و مها لمى و بسمة و مرح كاعدات يسولف ويه سجى حلا شايله انمار و كاعده ترضعه مميه خطية كام يبجي يستغرب خلته ينام
اذن طلعو الزلم من الديوان يتوضون اجه جاسر علينه باوع عليه ودار وجهه لسارة
جاسر . . صبن علما نصلي و نتغده
سارة . . ماشي خوية
رد باةع عليه و طلع جتي سجى يمي كرصتني من ايدي
سما . . اووي شبيج
سجى . . شبي الشيخ ضايج
سما . . زعلان مني
YOU ARE READING
الشيخ & العشگ
Romanceانت الشيخ و العشگ مالتي أول شخابيط الكاتبة حقيقية و بيه من خيال بقلم بسمل علوان
