الشيخ & العشگ

بارت قصير

السلام عليكم

# الشيخ & العشگ

° بسبس

. . . . . . . . . . . . . . . . 

فرح . .  بكر 

بكر راستن ضم الورقة بجيبه واندار عليه 

فرح . . الدكتور ماموجود شوية ويجي تنتظرة 

بكر . . اي عادي ماكو مانع انتظر راح انتظره بره بالحديقة  شكرا تعبتج وياي هواي اليوم 

فرح . . لا عادي حبيبي تعبك راحه 

بكر . . يله اني طالعة بالحديقة من يجي كليلي اذا مصير زحمه 

فرح . . اوك دلل

بكر طلعت ادور على هذا المريض المكتوب اسمه بالورقة سالت عليه الممرضة الي جانت بالممر 

كالتلي بالردهة الرابعة رحت اسئل عليه هناك هم كلولي هذا و اشرو على نفس الرجال الي قبل شوي 

فرح حجت وياه و كلتله باجر تطلع زين ليش جذبت عليه ذا الدكتور كاتبله ليوم خروج ليش مخلته يطلع 

ضليت افكر رحت للحديقة كعدت اجمع الاحداث من شفته تحجي تكول اليوم نص الليل والمريض تكله 

باجر الصبح تطلع هو لازم اليوم من تحجي بالتلفون تكول مكدر لا كلشي و لا اخويه هاي اخر مره لفلوس

دبرهتن الي طلبتهن اليوم نص الليل اي عادي اخذ خفاره لازم اني هم ابقه لليل بالمستشفىعمود شوف هاي

شنو تخطط و منو وراها شغلته تخوف و مو راحة 

. . . . . . . . . . . . . 

جاسر 

كاعد بالغرفة افكر بشغلة فهد هو مسويه بس ليش يتبلون عليه شنو مصلحتهم من هذا الشي شعدهم وياه اووف 

شلون شغلة صعبة ان يكون صديقك واكع بضيق و انت متكدر تساعدة لان انت الحاكم عليه و لازم تعدل و متظلم 

احد من الطرفين و يمكن يكون صديقك الغلطان شلون راح تحل هل مشكلة يجاسر اووف لزمت التلفون خابرت سما

جاسر . . الوو هلاو 

سما . . هلا

جاسر . . زعلانه 

سما . . اي . . . جاسر . . هههه ليش 

سما . . متعرف ليش لان سديت التلفون بوجهي وعطت عليه هم 

جاسر . . فدوه لطفلة التشكي الابوه حبيبي جنت لازم اسده 

سما . . ليش . . . جاسر . . اه سما اه

سما . . سلامتك حبيبي شبيك 

جاسر . . مشكلة بالديوان تخص واحد صاحبي

سما . . احجيلي 

جاسر . . لتوجعين راسج بهل  حجي 

سما . . لا اشو الا تحجيلي اني مو مرتك لازم اشيل الهم وياك 

جاسر . . اووفيش شهل كلام الحلو من هسه دتلعبين دور الشيخة 

سما . . هههه جا شلون مو مرت شيخ 

جاسر . . احلا مرت شيخ جا اسمعي ( و حجاله كل السالفة من  طق طق لسلام عليكو )

. . ها بويه شطلع وجاي ابشر 

سما . . و الله يا شيخ السالفة ادوخ بس اني اعتقد ومتاكده ان فهد ميسويه

جاسر . . شلون شنو الي يخليج متاكده 

سما . . راح اكلك اولا فهد تربة على ايد ابوك الشيخ ترباية شيوخ و علمة على الاصول ثانيا 

جاسر . . صح كلامج بس ليش سكتي كملي ثانيا شنو 

سما . . جاسر حباب راح اكلك بس شوية شوي عليه 

جاسر . . سما شنو ضامة عليه كولي لتخليني اعصب عليج هسه 

سما . . اي اي راح اكول 

جاسر . . كولي اسمعج 

سما . . فهد يحب 

جاسر . . شنو وانتي شدراج بهل سالفة منو كلج 

سما . . لبنيه الي يحبه هي كلتلي 

جاسر . . بلا الغاز واحجي خلي افهمج عدل 

سما . . فهد يحب بنيه وراد يخطبه اليوم 

جاسر . . بعصبيه و زكح . . اي و منو هل بنيه كولي عاد

سما . . سجى اختك

جاسر بعصبية وصوت عالي . . سماا انتي شجاي تكولين من كل عقلج 

سما . . جاسر و الله سجى كلتلي 

جاسر . . يمته هل حجي 

سما . . اليوم الصبح من سديته منك حجيت وياها وكلتلي ان هو يحبه و كايل اليوم يجي يخطبه من الشيخ 

جاسر بتنهيده  . . يعني لهذا تكولين فهد ميسويه 

سما برتياح من نبره صوت جاسر . . اي لان لو ما كايل اجي اخطب يعني هو واثق من نفسه ان هو نقي و 

ماعنده شي مو زين وتقبلون بي لو مسوي شي وملعب جان ما وعده بالزواج وكلله اجي اخطبج لان يعرف

راح تكول ان فهد يريد يخطبني الاحد من عائلته لهذا هو ميسويه لان يحب سجى

جاسر . . صح حجيج انشالله افكر بي ويصير خير المهم هسه انتي تحضري باجر مو تنسين اجي الكاج جاهزة اخذج ونطلع 

سما . . اوك حبي هسه لازم اروح نام باي 

جاسر . . باي 

سما همزين ماعصب هواي يبو يبو شراح يخلصني من سجى لما تعرف ان جاسر دره عليها هي و فهد يبو 

. . جاسر ضليت افكر بكلام سما فرحت لان كلامه منطقي ان فهد بريئ بس ضجت منه كلش شلون يحجي ويه 

اختي عرضي والله لو ما اعرفه يخاف على عرضي مثل ميخاف على عرضه جان موته بمكانه اخذت التلفون 

والباكيت مال جكاير وطلعت رحت على غرفة سجى دكيته سمعته دكول تفضل 

جاسر . . سجى اريد احجي وياج بموضوع 

سجى . . اي تفضل جاسر اسمعك بخصوص شنو 

جاسر . . بخصوص فهد صديقي

. . . . . . . . . . . . . 

بارت لخاطر عيونكم ادري صقير ^-^ 

# بسبس