21
#زهرةنيسان
بليل خابرت بابا
جاوبني وصوتة تعبان
شبيك بابا شبيك حبيبي
ماكو شي بنيتي انتي شلونج بيت عمج شلونهم
زينين وكلهم يسئلون عليكم
بابا .. خو ماحجيتي السوته امج
لا بابا شلون احجي عن ماما والله كتلهم تسلم عليكم ومريضة ونايمة بالفراش وعمو گام يحجي يگول شلون ترجعين وامج مريضة غير تبقين يمها
بابا .. امج صايرة انسانه ثانية والله محتار يابنتي وياها ووي طبعها هذا
ساعة اگول اكو من يقراء براسها ومرات اگول هاي حالة نفسية او مرضية
وحتى تجي بالي هيا مسحورها
گمت افكر باافكار تعبانه تصرفاتها خلتني اشك حتى بروحي وعايش بقلق
سودة عليه بابا هذا كلة مني لان اتزوجت بدون رضاتها
بابا .. لا بنتي ترا هيا صارلها فترة هيج بس اني ماخذها بالسياسة
واني هم اسايسها طول عمري ومافديوم غثيتها او رادت شي ومانفذتها
هسة يمكن بينت مع اول مشكلة
والله يابويه ماعرف شگلج بس أگلج ديربالج ع روحج وعلى رجلج وبس معليج باامج وماشاگلنه اگيد فد يوم الگي الحل اللي يريحنا كلنة
جنت اتصنت لكلامة وابجي
بابا فدوة ديربالك على روحك وعلى ماما فدوة والله اني احس اني السبب بكل هلمشاكل
مارتاح الا ترجعون متصافين
بابا .. لتبجين بنيتي واحلها ونرجع لتضوجين عليمن هلدموع والبجي اني اسولف وياج يا حبيبتي
بالعكس بابا ارتاحيت من سولفت وياي محتاجة دائما تسولف وياي حتى احس بداخلك شنو
بابا .. الله يحفظج ويخليكم اليه انتي واخوج
يله حبيبتي تصبحين على خير
وانت من اهل الخير ياعمري بابا
....
اليوم الثاني نيسان منزل واني جنت تعبانة ضايجة مالي خلگ كلشي
افكر بااهلي وبابا وماما وحيدر
ثالث يوم تقريبا ب9نايمة بعدني
حسيت نيسان فتح الباب
سويت نفسي نايمة لان جنت اريد اكمل نومتي ههههه
هو نزع ودخل بالفراش حضني من ورا
الحلو نايم مووو
بقيت ع نومتي وهو شوية گااام يشخر طلع تعبان كلش ههههههه
اني سحبت روحي ونزلت
گعد متأخر
وخلصنا يومنا حلو وبضحكة والحمد لله .....
ثاني يوم
التلفون من الصبح دگ عليه
امجد .. اني رجعت نمت وهو گوة يحجي ينعس
وساعة يگلة لتحرجني وساعة يگول الله كريم اشوف بس مو اكـيد
حسيتة خلص الاتصال
حضني من ورا
نيسان. . جوري نايمة
ها حبيبي اي والله مشبعانه نوووم
نيسان .. اي هذا السافل اتصل وخرب نومتنا .
شيريد من الصبح
نيسان .. يگول عازمينك انت ومرتك ع العشاء بيتنه !
درت وجهي
ليش شنو المناسبة
نيسان .. غير خالتي وتعزمني شبيج ويباوعلي ومبتسم
الله يكثر خا لاتك وعماتك
نيسان .. هههه ذكرتيني بعمتي ام حسن ولسانها لسان الدلالة. العصر اخابرها
ان شاءالله ...
بالبيت بس علي يعرف بالعزيمة وين وبيت منو
علساس طالعين نتونس
حظرت نفسي ورتبت روحي فد مرة
طلعنة ساعة5وجانت شبة مغرب لان شتاء
مرينه اشترينه حلويات ويانة
عيب ندخل وادينه فارغة
بالباب
شميت ريحة الأكل حسيته دوخني من كد ما ريحتة طيبة واصلة للباب الشارع
دخلنة لبيتهم جان بيت بغدادي قديم من برة بس شي حلو من جوة اول مدخلنه بس امجد وريحة الاكل اويلي
بعدنة دننزع احذيتنه استقبلتنه مرية متوسطة بالعمر حلوة
ملگاها حلو فرحانة جدآ حضنتني بقوة وحضنت نيسان بقوة وتبةس بية عرفتها خالته مبينه
وبعدين شاب وبنات وابوهم المقعد اني كلش خجلت منهم
ونيسان اصلا مارفع راسه من الخجل
الخالة شكد سئلت بيه عن حالي واهلي وعمري وكلشي عبالك تحقيق
الاكل ع ميز طعام خشبي طويل
خالته يمي وامجد يم نيسان اني كمت اكل من كلشي شوية لان مشتهية للأكل طعمة يجنن
لو بيدي انتحر بالسفرة بس عيب ههههه
خلص عشاء الجاي والفاكهة
شوية وخابر علي ونيسان سوة روحة مهتم بالاتصال او اكو شي وتشكر من خالته
ع العزيمة الحلوة
واترخص وطلعنه ع السريع
بالباب خالته وگفتني سحبت جنطتي
گالت والله خجلانه منج ماگدرت اطلع اشتريليج هدية زينة تليق بيج
بس هاي انتي اشتري ع ذوقج وگولي من خالتي ام امجد
اني خجلت لا خالة فدوة شنو القصة
لا مأخذ شيء
هيا سحبت جنطتي وخلت شي بيها
اني متت خجل گمت ماشوف الباب ونيسان جرني حيل عبالك راح يأكلوني اذا ابقى وراه
صعدنا السيارة وهما كلهم طلعوا ياشرون بيدهم بايباي
نيسان انت شبيك ترا امبين انت مجبور على الكعدة
نيسان .. اففف ولج اختنگ من طاريهن بس امجد ارتاح من اباوعلة البقية كلهم احس حاقد عليهم اكرهم
ليش حبيبي ترا محد يتحمل خطا عمي غيرة هو اللي حرمك من امك واتزوج عليها وخلاك عند مرت الاب
نيسان .. انجببببي شبيج شنو مرت الاب اممممي اممممي
وماعندي غيرها ام فاااااهمة
اي فاهمة
وصلنه للبيت
نيسان .. نزلي انتي اني رايح بشغلة وراجع
ها وشوفي مثل ماكتلج مطعم ولا تحجين زايد وصعدي بغرفتج اعرفج تفلتين ؟
شايفني بايعة اسراركم وافلت ورگعت باب سيارته على حيل ودخلت على السريع
دخلت للمطبخ ركض لكيتهم كلهم گاعدين
مرحبا
هلا ومرحبا
گعدت يمهم
عمي .. وين نيسان
عندة شغلة وراح
اترخص اغير وانزل
افلت قبل لاتسئلني عمتي ههههه
صعدت غسلت وبدلت نزلت جوة يم بيت عمي
اتاخر نيسان اتصل علية ينطي رفض
جنت گاعدة بالكليدور الوسطي شافني عمي
نيسان وووين
ها يم امجد ؟
عمي متأكدة
اي عمو متاكدة اني منتظرته مجايلي نووووم حاليا
راح عمي لغرفته نام والولد صعدو من وكت ينامون وسيد نيسان ماكو
طفيت الاضوية كلها وبقيت انتظر
حسيت بسيارته رحت للمطبخ فتحت الباب بعدوء على كيف
نيسان شبه ممتوازن؟؟؟؟
فتحت الباب والجووو بارد
ونيسان مو طبيعي بس يحاول يركز ويثبت روحة
سكرران والله سكران الله يصخم وجهك نيسان عزة بعيني گمت ابجي قبل ليوصل يمي شافني گال هاا الحلو شعندة
وتقرب كلش من يمي ريحة حلگة مقززة وتلعب ستين نفس
ابجي وايدي على حلگي ماگد احجي ليگعد عمي ويشوفة
سويلته اشارررو الاشششش اصلعي علل حلگة
هو صار رومانسي شنو هذا الفنگر للأكل ويطوح
جريته على كيف للمطبخ وسديت الباب وبقيت اجر بية ومخلية ايدي على حلگة
وهو يسوي هم راح أكل ايدج
لج هاي ايدج بس عظم مابيها لحم هههههه
دصعد وبالغرفة شتريد سوي سوي اكلني اشربني قبل ليحس عمي
صعدنا بااخر شي
انفتح باب عمي صااااح ولك عااار سكران
اني باوعت غلى نيسان نيسان ضحك بصوت عالي ومنسم ومسطور
نيسان .. هلا ياااب هلا بالغالي اموت عليك ونزل على الدرج واني وراة أجر بيه
ولك ارجع عمي لا يموتك
نيسان .. اششش ولج جوريتي اششش هذا ابوي يحجي وحلكة اعوج . ابوي هلا ياااب هلا ياب هلا ياب خمس مرات گال هلا ياب
البيت گلة گعدعلى نيسان وهلا يااااب
وصل يم عمي
جان يصيح يا ابوي ياابو الوفة
اني أبجي من الخوف واصيح عمو فدوة لتضربة گدامي فدوة
نيسان .. ابوي ويمووون ويطوطح يمنى ويسرى
عمي سكت بس صااح تعالو صعدوة لخاطر جوري مراح اسويلة شي
علي ومهيب يضحكون على نيسان وسوالف شاف مهيب
نيسان. هوبي حبي شاربك زينه وأذا متعرف ازينة الك بالقندرة هووووبي الضلع
مهيب .. هههههه دمشي لا ابوي هسة يزين راسك بالقندرة
يصعدونة الدرج واني وراهم ابجي وعلي مهيب يضحكون
گام يغني
ميحانه ميحانه 😂
گعدوة على القنفة ونزعوة جواريبة وملابسة
وهو شبيكم متستحون تصلخوني ت
نيسان .. تعاي گلبي تعاي ابوسج واحضنج
علي .. مهيب اطلع قبل لايحجي شي اكبر وركضو سدو الباب
عافوني وحدي يمة وامبين كلش مثگل
نيسان .. تعااي كبد تعاي عمري تعاي ويعص شفة اخ الا أگطعج تكطع بالبوس
عزة بعينك
هذا طابگ كلش
تقربت منه حتى ميصيح ويفضحني
اسكت نيسان اسكت والله فشلتني شبيك فدوووووة اسكت
دگ الباب علي
فتحة مد راسة گال جوري سبحية حتى يخف شوية
وسد الباب
گومته گوة وهو يغرد ساعة يکول خالي هااا خالي
وساعة يگول ياستار
فتحت الدوش وخليته جواة
ويجر بية تعاي تعاااي شوفي الشلال ونصير جوااااة
ياا ولك ياشلال هذا دوش
لا شلال بس انتي ماشوفين
اي هذا شلال بيت فلك
اسم جدنا الرابع اسمه فلك ههههههههههه
نگع ملابسي وشعري ذبيت ملابسي وطلعت هو صار رومانسي
يحيبني منا ويرجعني منا بس يبوس ساعة اضحك علية ساعة انقهر وابجي لحد ساعة تلاثة ناااام ولبست هدومي ونمت
گعدني ساعة وحدة الظهر
نيسان .. بصياح جوووررري
فزيت مرعوبة شكوو حبي شصاير
نيسان .. گومي راسي راح ينفجر سويلي گهوة ثگيلة الظاهر مثگل البارحة
گمت واني ارجف من صياحة نزلت گبل للمطبخ يتغدون باوعولي
شبيج جوري
مبية شي نيسان راسة يوجعة وارجف مدري
شبية
گام علي اخذ الدلة لان ارجف اخض
سووة گهوة وام علي گعدتني وانطتني مي
صعد الگهوة علي لنيسان
واني ام علي جابتلي جاي ولفة گالت لتتغدين تريگي
اگلت لكمة صاااح نيسان جووووري ويننننننننننننج
ذبيت الاكل وركضت ليفوك د
ها حبيبي
هو گاعد وراسة بين ايدية ومدنگ
تعاااي راح ينفجرررررر
سويلي مساج لراسي
خليتة بين حضني وگعدت ادلك راسة ومساج بين فروت رأسه وجبينة ووجها
نيسان .. جوري فدوة لتعوفيني والله راسي راح ينفجر
لاحبيبي هياتني يمك ماعوفك
اصابيعي نملن من المساج حسيت بية خدر ونام حضنته ونمت
دگ الباب مال الغرفة گعدت على كيف سحبت روحي وطلعت
عمو
ها عمو
وينه نيسان
عمو نايم
گعدي بسرعة
لافدوة عمو لتضوجةة راسة يوجعه ومتأذي
باوعلي لاتتسترين عليه انتي تخسرين وانتي الوحيدة تتأذين من طيشة وتصرفاته ورعونيته
هزيت براسي ودخلت لغرفتي حضنتنه وبقيت حاضنته
مدة ساعة گعد باوعلي
ها حبيبي شلونك هسة
نيسان .. زين وجوعان
هسة لحظات واسويلنه غدة
بس اسبح
نيسان .. اي گايم
يلاه گوم واني احظر الغدة واصعدة هنا واسبح وراك
نيسان .. لاجوةنتغدة
مو عمو عصبي ويريد يتعارك وياك لان سكران البارحة
نيسان.. لعد صعدي هنا رأسي يوجعني مابيه حيل ابوي يحجي علية ويرزلن
يتبع
اعذرني بنات ابني وكع وايدة مفصوخة وكوة كتبت هذا البارت بين النعاس والتعب والقهر حنى ماكو عقل يفكر ويكتب