19
زهرة نيسان
بقلم
سهير رائد
الليل كولة بقيت افكر وميته قهر واتگلب حتى كرهت نومتة بقربي
هو هم منام بسرعة بقى يتگلب ويتأفئف
يريد بس اتحارش بيه او احجي شي
اني طبعي مرات اذا اتجاهل اتجاهل بحقد هههه
الصبح گعدت قبلة نزلت تريگت وحدي ومنتظرتهم
بس ضايجة كولش
سويت حملة ع الصالة دخلت اباوع
بگلبي صح جبيرة وتعب بس المهم اشغل روحي وأهملة
بلشت بالبردات ماكدرت حاولت هم مگدرت
صعدت لمهيب ينزلهن وياي
تول وبطانه والستارة النازلة اووة يتعب مال شباكين كبار ومدخل
شغلت الغسالة وخليتهن بيها
بديت بالجام
دخلت مررت عمي
ولج جوري شدسوين انتي
دا انظف
ولج عمة هاي تعب غير احنه كلنة نسوي عليها عمل شعبي يله نكملها شلج بهل التعب يااأمي
لا ماكو تعب هسة مهيب يساعدني بس خلي يتريگ
گالت البردات نشكل غيرهن عدنا فوگ هسة علي يساعدج شاطر بهيج شغلات
هيا طلعت اني نظفت الجام
وكملت بلشت بالثريات صعدت على درج بالنص ثريا جبيرة
انظف بيها ع كيف اخاف ليتكسر الكريستال او يصير بيها شي امبينه غالية
دخل نيسان عليه للصالة لابس تشيرت ابيض نص ردن وبرمودة رصاصي وبيدة جگارة
وشعرة امرتب اله خلك يرتب من الصبح
بقى يفتر وجگارته بحلگة
عبالك عندة تفتيش
تحركت شوية
صاااح ع كيفج
گمزت بس محجيت ولابينت واني گلبي وگع من صياحاة
جلبت بالصالة من التسعة للوحدة كملناها اني والولد
علي .. كافي انتي حلمانه بيها ونازلة تنظفيها
تردين تستقبلين بيها العبادي
لا بس بيها مكان نگس اريد اطهرة الله اعلم شنو من اشياء صايرة بيها
رفع نيسان عينة عليه ويخزر
ومخلي رجل على رجل
نيسان .. لا تريد تشوفكم هيه شگد نادرة
علي باوع علية وباوع علية
گال والله هية فهمت وهز ايدة وضحك
نيسان .. شفهمت
علي .. فهمت اكو حرب كلامية وعركة وزعله
نيسان .. اي اكو ناس عقلها صغير متفهم مثلك على الطاير
اني مسكتت .. اي علي واكو ناس
هم متفهم بعدني ممكملة
نزل رجلها نيسان شنووو ولج
علي .. اسكت نيسان صوتك نصي ابوي ليسمعك
اني گمت صعدت ليفوك سبحت ونمت حتى بدون غدة ومگعدوني
گعدت بالاربعة نزلت جوعانة
لگيت مهيب منتظرني لان جان طالع
ومتتغدي تغدينا بس اني حسيت سوية صخنت
للمغرب صرت سكراب هههه
صختت كولش
متمددة بالغرفة الجوة
احس بحرارة وبرودة بلاعيمي
محد انتبهلي
للمغرب نيسان سمعته نزل
شوية وصااح يووووم لعد جوري وين
ليش مو يمك فوك
نيسان ... لا يعني صدك هيا وين
ام علي .. ولك يوم للتتشاقى
نيسان ..جووررري
مهيب .. جوري بالغرفة الجوة نايمة
جان الباب مردود ومطفية الضوة ومتمددة على السرير
دخل نيسان فتح الضوة
ليش نايمة هنااااا
تعبانة
اجة تمدد ويتشاقة
باسني ولج جووري انتي مصخنة نار گعد لزم ايدي وبطني ورجلي
هااي شنو ناااار من شوكت انتي هيج
من العصر.
نيسان .. دگومي ياعيني گووومي غسلي تروح الصخونة لو كومي اخذج للمستشفى بلكي ينطوج شي يخفف الصخونة
مد ايدة وگومني
طلعنه من الغرفة
نيسان .. يوووم جوري مريضة ونايمة بالغرفة وانتي متدرين ليش يمة
ام علي .. اسم الله عليها شبيها
مبيه شي عمة شوية صخونة
وصعدت فوك تمددت على فراشي
نيسان بدل ولج گومي
گمت بدلت واخذني للمستشفى للطبيب بالطوراي
كتب النة عل علاج
وضربوني ابرة
واشرب سوائل
رجعت تعبانه واحس صخونتي زادت
گوة صعدت حتى كلهم يحجون وياي ماحسيت بيهم
گعدت اررجف رجيف .
نييسسسان نيسسان راح اموووت
حضني نيسان مبيج شي حبيبتي مبيج شي
شالني شيل للحمام فتح الدش وخلاني جووواة لان الحرارة والصخونة احسها طلعت من بلاعيمي
عيوني گمت مشوف بيهن..
لفني لف رجعني للفراش اهذي اهذي وي روحي ماعرف شحجي وشخيط من الصخونة
.. شربني عصير برتقاال وتقيئت
نمت وكعدت بس احسن ودايخة لگيتة متمدد وغافي
تعرفن كيد النسا
گلت خلي اطلع روحة هههههه
گمت اگح جذب گعد
ها حبيبتي شلونج
عايشة بس بصوت تعبان اصلآ من الصخونة
نيسان .. جوعانه اكيد
ماريد
ليش ياعمري
ماريد عوفني بلكي اموت وترتاح مني ؟
نيسان .. ها اا هااااا شبيج اسم الله على حبيبتي
اكو واحد يرتاح من حبه
اصلا اني تمرضت بسببك واتحمال انجلط واموت وارتاح واخلصك مني وگمت ابجي
نيساان .. شبيج لا حبيتي حضني لا شنو هلحجي شمسويلج اني
والله ضجت وانقهرت من لگيتج بالغرفة مريضة
انت متحبني ماعرف ليش تزوجتني انت تحب هديل
نيسان .. انعل عشيرتها وابيها وامها كافي جوري منو هاي الحشرة وتقارنين روحج بيها
ها مجرد علاقة عابرة وهيا لازكة
لا وخرر عني وگمت ابجي خليت ايدي على وجهي وزدت بالبجي ههههه
لا انت محتفظ برقمها يعني تخابرها ويمكن تكللها ابوي جبرني ع بنت عمي وماحب بت عمي واني احبج ومن هلسوالف اللي نشوفها ونقراها علفيس ويمكن واعدها بالزواج
نيسان مصدوم مدري مذهول
ههههههه
نيسان .. لا جوري وداعت عيونج ماعندي شي وياها بس اهدي وكلشي التردينه يصير اهم شي لا تعبين وانتي مريضة
جاب اكلينس ومسح وجهي
وگال اسكتي هاج اشربي مي
وراح أجيبلج شوربة تأكليها بس ادفي وارتاحي وعوفج من التفكير التعبان
نزل من السريرر
واباوع علية خطية مثل المثول ومايعرف يتصرف ههههههههه
اني لافة نفسي بالبرنص گمت وصدگ مريضة موعيارة گوةطلعت تراك صيفي لبسته لان حرانه
رجعت للفراش واحس بلاعيمي موتتني ونيمت نفسي حسيته صعد سويت نفسي كلش مريضة
دخل نيسان بيدة صينية گعدني
ويشربني بشوربة العدس مسويتها مرت عمتي ويعصر عليها ليمون ويوكلني
صح انتعشت بس سكتت بقيت اون وأووون ههههه
ومنطيته ظهري
حاب موبايلة ووخر الصينية
گال باعي
هذا رقمها گدامج حظر
وهذا البصمة جيبي اصبعج
موبايلي ينفتح ع بصمتي وبصمتج
خاف تگلين نيسان عندة شي
يومية فتشي شوكت متحبين حتى تتطمئنين وتتأكدين معندي شي والله وداعتج
حسيتة صادق وخجلت بس بداخلي لان اني مريضة بقيت اون واكولة مو وقتها
وتمددت وأكول يمكن عندة جهاز ثاني وديقشمرني اني الك بس خلي اصير زينة ههههههههه
.. للصبح بقى يراقب حرارتي بية
وكلساع يبوسني
الصبح صعدولي عمي ومرتة كعدو يمي
عمي .. بعد متشتغلين عوفي البيت شنو غاسلة الصالة شبيها
وبقى يحجون وشوية ونزلنه كلنه
طلعت گعدت بالحديقة نتريك
نيسان جاب الريوگ
علي .. والله زمن يانيسان
ولامرة جايب النه شي طووول عمرنة نخدمة وهسة شايل صينية لمرتك
ام علي .. والله صدوك ياعلي. حتى ابوك مرات يشتغل ونيسان ولامرة سوة شي بهذا البيت ..
نيسان ولاجنة يسمعهم ومسوي روحة ضايج هههه
ويسوي لفات وينطيني واني مستمتعة جدآ ههههه
اخذت العلاج والابر بوقتها ودفيت نفسي
يومين وصرت زينة ونيسان داراني مدارات مو طبيعية
جان خايف وحاس بتأنيب ظمير عبالة صدك
اني تمرضت من سالفة هديل
..
بليل عاد اني تمكيجت وبدلتوتعطرت
ولبست ثوب نوم جديد اسود
وتمددت منتظرته
هو دخل عرف من العطور
خطية مصدگ سحل روحة سحل
بقينا للفجر گاعدين نمنا
گعدنا وي الغدة وعلى دگت باب
علي فلش الباب
شبيكم ميتين عايشين
نيسااان ..اااي اااااي غراااب البين هسة نگعد
دخل سبح ونزل واني وراه
نزلت.. اشم روائح طيبة وهوسة
وشوية وواحد سوالي بخخ
حدوووورتي
حضنته حضن وشالني هو ههههههه لان ضخم
بابا وماما ممصدگة بجيتهم
بوستهم مشتاقة بكد الدنيا الكم
ماما . اي مبين ؟
شوية وگمت للمطبخ
نيسان لحگتي
امج بستها دارت وجها شنو هلحقد
فد استحيت ماعرفت شجاوبة
حبيبي هيا طبعها هج لتزعل
لا مو طبعها بسسس وسكت
باوعلي يله كلمن وعقلة
طلع من المطبخ واني ضجت كلش من ماما وتصرفها وياه ومن نيسان وكلامه
شوية ونزل مبدل
ها وين
طالع ماابقى هنا
ليش حبيبي واهلي عيب
نيسان .. اشم هوا واهلج كلها يمها اني شزيد يعني؟
الله وياك حبيبي
طلع سيارتة وفتح الباب اني اباوعلة
اجت ام علي. وين رايح
ماعرف شو عصبي مدري ماما شمسويتلة
ام علي .. دارت وجها من راد يبوسها وفشلته گدامنه؟
حسيت صرت بنص هدومي والدمعة بطرف عيني
ام علي غسلي وجهج وروحي گعدي يمهم
رحت گعدت يمهم صح اسولف واضحك بس نيسان مهان عليه من تصرف ماما
وهم ماگدر احجي وياهة لتزعل
وبين نارين
الغدة نص طابختة ام علي والبقية المشاوي من برة
گعدت بالمطبخ اخابر بية اول مرة مجاوبني
جاوبتي
الو حبيبي
هلاو حبي
تجي منتظريك ع الغدة
هستوني طلعت ومارجع منا لليل
لا حبي تعال
جوووووري لتلحين
اوك حبيبي لتضوج
براحتك اتونس الله يحفظك
هلا بيج
..صبينه غدة لگمة وحدة يشهد عليه ربي ماخليت
حسيت بضوجته وانقهرت عليه كولش بس شسوي بعد ماعندة حظ وي ماما ..
للعصر بقينا نسولف ومنما وهما راحو
طبعا بابا هم جان ضايج وهما مقررين يباتون بس بابا قرر يرجعون يمكن حس بنيسان
لان هو سئل وين راح كتله صديقة عازمهم من البارحة
ومشيت القصة ع الكل
العصر من طلعو
ام علي .. جوري انتي اكليلج لگمة ترا شفتج بس لازمة الخاشوكة
لاعمة ماريد أكل من يرجع نيسان ع العشاء
...
نيسان لساعة 12 يله رجع واتصلت عليه مرتين مجاوب وملحيت عليه
..
اجة تعبان غسل ونام حتى كلمة وياي محجة
اني هم تمددت
اوف ياربي من انخطبت لهسة كلما علاقتنا تقوى لو لماما لو واحد لاخ يخرب هلسعاظة والحب
ويضوجنا
نيسان گمت احس عندة عقدة من ماما تنقص بشخصيته
نمت وعفتها ع الله شلون يصفيها ويخلي ماما تحترمة
ثاني يوم هم طلع من الصبح لليل
رجع بليل اني جنت منتظرة واتابع تلفزيون
دخل گعد بصفي خلة رجل على رجل وجگارته بيدة
باوعتلة جنت ضايجة من تصرفة يعوفني ويطلع وميحاجيني من يوم الاهلي أجوي
گال حظري ملابسي
باجر دوامي
ذبيت الريموت وگمت طلعت جنطته وحظرتهن
گتلة البدلة مكوية ومعلگة
ورحت نمت تغطيت
نيسان .. لتنامين اريد انام يمج باجر اولي ؟
استفزني بطلبةبس سكتت
گتلة اريد انام تعبانة
نيسان .. شنو ماخذة دروس من امج !
شبيك نيسان شنو هلكلام وامي شدخلها بنومتي وياك
وانت شبيك صارلك يومين مطايقيني
اش انجبي ونامي
حتى النومة وياج مرايدة
اني هم درت وجهي بداخلي هذا شبي تصرفاتة شي ميشبه شي
بس كسر خاطري
نزعت ملابسي بسرعة وحضنته وخليت وجهي يم وجه كتلة احبك من انت رايق واحبك من انت ضايج
..
نيسان .. اني احبج بكل تفاصيلج وبكل حالاتج
كملنة وخليت المنبه ع الستة
ونمت بحضنة للصبح گعدنا سوة ع المنبه
نزلت سويتلة ريوك وهو سبح ونزل وتباوسنا وطلع
..
من يروح احس بفراغ بحياتي وبيومياتي وملل بحيث اطلع شغلات وتنظيفات بالبيت
وهم يبقى عندي فراغ
وقررت اراجع ع اطفال
سئلت مرت عمي
گالت ترا مصايرلج شهرين
ميخالف عمة اريد شي يسليني من يروح نيسان لدوامة
گالت ميخالف اخذج
خابرت نيسان وحجيتلة
نيسان .. لا لا لا جهال ماكو اتخبلتي من هسة تردين جهال ؟
ليش شنو قابل انت صغير؟
نيسان .. اي مو صغير وهم ماريد شنو هلشلعان الگلب والله اذا سمعت بيج رايحة للطبيب من ورايه الا اطلكج
شكرا نيسان شنو هذا الحب والاحترام وهذا الكلام الحلو
نيسان .. دولي اني ماكل خرررة وهاي تتمضيگ
وگطع الخط
اني صدگ ضجت وگمت ابجي وسولفت لمرت عمي عنه
يتبع