الحلقة9
بقلم سهير رائد
زهرة نيسان
بيومها تعبنا تعب اني ومهيب
الغدة والعشاء من برة لان منلحك نطبخ ومحد عدنا تطبخ
يعني كعدة عشر دقايق مكعدنا والحمد لله مهيب موجود ..
بعد العشاء وفضت الخطار شوية
عمي حظر نفسه گال بعد رايح اني واجيكم فد يومين يلا مهيب حظر نفسك
بابا عطلهم مقبل عمي وهم خطية صارلة اسبوع معطل شغلة وعايف مرتة وبيته وراحته وكاعد يمنه..
من طلع باوعلي گال ان شاءالله قبل محرم نعقدلكم انتي ونيسان ؟
ماما جانت متدري محد لحك يسولفلها
گالت شنو عيني
بابا .. بعد شوية احجيلج؟
راحو ودخلت اعزل بالبيت والم الزبل اخليها برة نذبها اني وحيدر..
رجعت سمعت ماما بصوت عالي
واني شنو مو امها
شلون تنطي لاخوك ومتأخذ رأيي
جوري ماتزوج نيسان هذا السرسري
بابا.. بعد اخوي خطبها وانتطيتها وصارت ماكدر اكسرةبخاطر اخوي...
ماما.. متزوج يعني متزوج هذا اللي إسمة نيسان
انطيها لعلي انطيها لمهيب نيسسان لا لا لا
ماما رفضت نيسان رفض قاطع تخبلت من عرفت لنيسان
تلاغت وي بابا واول مرة أشوفهم هيج يتلاغون
..
ماما محجت شي وياي ابد بهذا الموضوع لان جانت مشغولة
بالخطار وثالث يوم اهل ماما من كركوك اجوو والتهينه وياهم
وتعبت بوقتها تعب مصاير احس مفاصلي كلها توجعني ...
نمت من وقت بالغرفة الثانية اني وحدوري
كعدت ساعة تسعة بقيت بفراشي اتگلب
فتحت تلفوني لگيت نيسان متصل ..
اهووو شيريد هذا
سمعت صوووت برة بس لان سبلت مشغلة بالغرفة مااسمع الصوت الخارج الغرفة. .
عدلت شعري وفراشي وغيرت ملابس النوم الثوب القصير
لبست تراك
وطلعت رحت للمغاسل غسلت سمعت صوووت عمي
عمي ماسمعت صوت ثااني
شفت خالتي طلعت من الهول للمطبخ
رفعت راسها شافتني
رجعت علية
خالتي . . صباح الخير جوريه
صباح النور خالة
خالتي . .تتريگين
اي خاله هسة رايحية اسوي ريوگ
خالتي. . لا اني مسوية ريوگ
وصلت للباب الصالة اسمع صوت عمي
خالتي. اي عمج وابنة نيسان ؟
باوعتلي خالتي بابتسامة
اني رحت وراها للمطبخ
ماما شو ماكو
خالتي .. يم بيبتج بالهول ديسولفن
.هو هذا الولد خطيبج
اي غير يكولون هو خطيبي
خالتي .. يعني شنو يكولون
يعني هما بينهم قرو الفاتحة
خالتي. . الف مبروك جوري الله يتمم على خير
بس ماما مموافقة وبابا موافق واني بينهم محتارة ارضي منو؟
تقربت عليه خالتي وباوعتلي
گالت ارضي گلبج شيريد هو ؟
صفنت على كلامها
شنو يعني
خالتي
كلبج شيريد يريد الولد نيسان لو لا
انتي تعيشين وياة مو غيرج انتي ..
سكتت خالتي بقت تأكل
دخل بابا علينة
للمطبخ
بابا .. صباخ الخير علجوري
صباح النور هلا باباتي
بابا .. عمج يريد يشوفج
يي هسة اكمل وادخل اسلم عليه
طلع بابا وبقيت اكل ع كيفي
خالتي
.. يله كومي رتبي نفسج روحي يم عمج وابنه
اي گايمه
غسلت ورجعت لغرفتي خليت عطر وشوي مسكارة وحمرة خفيفة
واردد كُلام خالتي
اختاري اللي گلبج يريدة
واباوع على نفسي يمنه يسرى خاف بيه خلل اريد اطلع حلوووة كدام نيسان وبيه انوثة مو جبار يعني ؟
صفنت لا ما اطلع بالتراك جني رجال
لبست كلبية كولش حلوة
دخلت
جان عمو كاعد على التخم ومدد رجلة ونيسان بنهاية الصالة على كرسي التخم
صباح الخير .. ورحت لعمو دنگت بسته وگعدت يمة
عمي هلا بحبيتي هلا بجوريتنا شلونج
الحمد لله
رفعت راسي شفت نيسان جان لابس تيشرت لون شبة صارخ بس يخبل علية كتلة شونك نيسان
نيسان هلو جوري
عمي عدل گعدتة .. شلونج حبيبتي زينة
اي الحمدلله
عمتج تسلم عليج هوايه
الله يسلمة
عمي . . تعرفين بعدها حزينة على اختها ممكملة الاربعين متكدر تجي ..
مغذورة عمو..
عمي .. ابو جوري قبل ليدخل علينة شهر محرم خلينه نسويلهم حفلة عقد ونرتب امورنا هلشهرين ويتزوجون..
حسيت بابا خطية ضاج او احتار لان ماما وموقفها اتجاة نيسان..
بابا.. الله كريم هلايومين اردلك جواب
عمي.. اي حتى تجي جوري تختار الذهب وتشتري التحتاجة
الله كريم ..
اني طلعت رحت للهول لكيت ماما كاعدة وضايجة وتهز برجلها
صباح الخير..
صباح النور بس گوة حجتها
عرفتها سامعة الكـلام بيبي نايمة وخالتي بالمطبخ
گمت للمطبخ يم خالتي..
گالت حيبقون للغدة
اي شي اكيد عمي متمدد تعبان مو مال يرجع هسة..
دخلت ماما للمطبخ فتحت المجمدة طلعت دجاج وسمجة جبيرة
گالت تعاي طلعي السمجة خليها شوية بالشمس وعينج عليها لتأكولها البزازين
...
خالتي شبيج ضايج
ماما.. مبيه شي
خالتي خلي البنية تقرر انت لتدخلين هيا تختار حياتها
ماما .. واني شنو دوري يخطبون ويقرون القاتحة واني اخرررر من يعلم ليش
خالتي .. احجي بهدوء عيب ليسمعونج عيب من ابو جوري..
گامت تكطع بالدجاج وتغسله
واني بقيت اراقب السمجة لتاكولها البزازين هههههه
وبالي شراح يصير
اوافق لو لا
ارضي بابا لو ماما لو اشوف گلبي شيگول
بس گلبي مررااات يهوى نيسان رغم كثرة عيوبة وشايفتهن بعيني الشرب والكبسلة والنسوان ؟
ومع هذا كلة اني فد شي جذبني اله بقوة رغم اخوانه احلى منه بهواي
شخصيته لو عيونة اهووو والله ماعرف شعجبني بهل السافل
صحيت على صوت بابا.. جوووري تعالي
گتلها ماما رايحة يمهم والسمجة شلون
كالت روحي ولاتطولين بالكعدة وهم لتوافقين على اي شي يكلولج
دنكت ومشيت درحت للصالة
بابا تعاي بابا عمج يكول خلي تكعد يمنه
كعدت وجانت كعدتي مابيها كلام بس نظرات اني ونيسان نظرات عادية
جنت قلقلة من ماما بجها
وضايجة على بابا
محتارة بينهم شوي وطلعت للمطبخ انظف الخضرا
وسويت زلاطة
دك موبايلي بالغرفة رحتلة
نيسان؟
انطيتة رفض
دزلي رسالة
شبيج ضايجة من شفتيني ؟
مجاوبتة غلقت التلفون ورجعت للمطبخ
كملنة الغداء وصبيناة بالصالة الهم
عمي .. تعالي انتي وحيدر تغدو ويانه
لا عمو اكل هناك
بابا . . تعالي كعدي
انجبرت كعدت اكل .. حسيت ماما ضاجت لان هيا بيضة صارت حمرة اعرفها من تضوج
دخلت علينة جابت لبن
اني لگمتين وكلت الحمد لله رحت للهول يم بيبي وخاله
من خلصو الغدة رحت شلت المواعين
وطلعت حظرت الاستكاين ماما دخلت كعدت يمهم
اخذت الجاي وهما يسولفون
عمي .. ام جوري ان شاءالله نريد المهر قريب
ماما . . لا مو هسة
عمي ليش.
بابا.. حاول يغير الموضوع او ميخليها تحجي
ماما.. ماسكتت. والله اني مموافقة واتفاجئت انتو خاطبين وقارين فاتحت بنتي واني اخر من يعلم
عمي . . شلون ام جوري !
بابا . . لا ماكو شي هيا ماعرفت تعبر صح عن رايها
ماما . . شنو اني قصدك ماعرف أحجي..
اني بقيت واكفة يم الباب عيني على ماما وبابا شلون يتجادلون. وگلبي وجعني
اباوع لنيسان يباوع عليه بااستغراب عاقد حاجبة
عمي.. سكت وبعدين گال حجاجنا صلو على النبي محمد
شكو شنو الصاير..
بابا .. ماكو شي صاير
والمهر مالتهم عسا ما هسة اروح اجيب شيخ ويملج الهم اليوم قبل باجر؟؟؟
عمي .. شنو فهموني
ماما . . الظاهر اني وجودي وعدمة واحد وهم مالي راي ولا كلمة بيتي..
گامت وطفر عمي لزمها اختي ام جوري شبيج اذكري الرحمن ونبية المختار
ماما .. يالله اللهم صل على محمد وال محمد
شنو شكو احجيلي
ماما.. اني بصراحة انطيك جوري بس مو لنيسان لغير واحد من الولد ..
من حجتها حسيت قطرة دم بجسمي ماكو
شفت نيسان بين متفاجئ بين مقهور
بابا.. صاح بصوت انجبي وطلعي كافي زودتيها ماخليتي احترام النه اطلعي...
صدددمة اول مرة بابا يحجي وي ماما هيج
طلعت ماما من الصالة
عمي ركض وراها للغرفة
بابا بقى كاعد يستغفر بربة
نيسان صافن علية واني صافنة عليه كسر خاطري بشكل
...
....... بابا باوعلة گلة لاتضوج عمو ام جوىي ماتعرف تعبر مرات الكردية تشتغل عدها وتكوم تخيط وتخربط..
نيسان مافتح حلكة بقى مدنك ومخلي جف بجف
سحبت روحي
يم خالة وبيبي
بيبي امج ليش هيج دتسوي
خالتي.. ماعرف شبيها اذا البنية وموافقة وابن عمها هيا شعليها
هسة بهذا تصرفها راح تخلي الكلوب تجفى وهم الولد تبقى باله اذا تزوج جوري طول عمرة مينسى هذا الموقف ..
عمي اشوفه كاعد يم ماما ويسولف وياها بس بهدوء
وشوية گام باس راسها من ورا الحجاب وطلع
يضحك جذب..
دخل ها ابو جوري شبيك يااخي تفاهم وي مىتك هيا ضايجة لان انت مكايل الها وحقها تدري بالاخير ..
يلة احنه نترخص
بابا .. وين
عمو.. لا هم يلة
بابا .. وروح امي ماتطلعون منا الا خاطركم طيب واليوم نملج الهم وهسة
عمي .. لا ابو جوري مو هيج كلشي بالتفاهم اتفاهمو انت ومرتك
بابا .. الكلمة كلمتي وما تتنثى وجوري لنيسان وغير هذا الكلام ماعندي
عمي . . ابو جوري تفاهم وي مرتك احسن
بابا .. اني كلت اليوم يعني اليوم ..
عمي . . لا مالنة قسمة بالبنية مانريد نتخارب علمود الولد
بابا... شنو مالكم قسمة شنو هلحجي
ابو علي تعرف شنو معناها
ابو علي.. اي اعرف شنو معناها بس ماطول امها مموافقة
هاي هيا اني يعز علية اكول هذا الكلام بس امها ومقها توافق لو لا
...
بابا صاح .. واني شنو نعال بهذا البيت وتمشي كلامها على زلم مرة
طلع موبايلة وطلع واني خالتي حضنتني لان ابجي مقهورة عليهم
بيبي راحت يم ماما بالغرفة
سمعت نيسان
يابه خلي نروح
عمي .. اي نروح ولاتضوج كلشي بالقسمة!رجع بابا
كال هسة يجي السيد صاحبي وياة شهود
يعقد الهم واذا ماعقد اليوم
والنبي اللي اجيت منه وبيت الله الا اسوي اليوم جريمة بهذا البيت
عمي.. اذكر الرحمن ياخوي واهداء
بقو ساكتين وسد حيدر باب الصالة وكال ماما تريدج
رحت اله لزمتني ضربتني وگالت اذا وافقتي اني مو امج
نيسان هذا (ابن الزنا؟؟؟)
ماتتزوجينة
بيبي.. عيب عيب ام جوري عيب
اني طلعت من الغرفة لغرفتي
سمعت بابا يحجي بالتلفون
يالله شسوي شسوي
بابا اجة كال حضري نفسج راح يجون
اي بابا
غسلت وبدلت ولبست شال
خالتي دخلت
خلي مكياج وفرحي ماطول انتي تردينه معليج باامج فترة وترضى
ولا تعاندين ابوج عصبي وكلشي يسوي
وبعدين غيري هذا اللبس
طلعي شي فستان شي
طلعتلي ثوي طويل ساك وردن اشتريته قبل اشهر لحفلة تخرج صديقتي وياة شال بيجي
اني ارجف وخايفة من ردة فعل ماما وبابا
وخايفة ومتوترة بالصار
بطني حسيتها انتفخت خوف
ارجف
بس بلحظة فرحانة ..
كلشي صار سريع
سبحان الله يمكن جيت عمي اليوم بيها فد شي قلبت الموازين ..
مقهورة على ماما حيييييل
اتمنى ارضيها بس بابا موقفة اصعب
خليها على الله وهو يسهل الامور ويحلها من يمة
اجة حيدر
كال خالة مي وبارد بابا يگول
طلعت خالتي وشفت بابا غرفة ماما مسدود
سودة علية ماما والله مابيدي شي والقران موبيدي وگمت ابجي وافرك بيدي ورا ربع ساعة
صاح بابا تعالي
كعدي بالهول لمي حجابج
جرني من ايدي گعدني
لگيت رجال معمم
وعمي
وجها اسود
اخذي مني الموافقة وراح للصالة كمل العقد وسمعتهم يتباركون !
بقيت بكعدتي
دخلتلي خالتي بوستني گالت الف مبروك حبيبتي اني كمت ابجي
گالت روحي لاامج وگعي عليها جبري خاطرها
گمت فتحت الباب لكيت ماما كاعد بطرف السرير ومخلية ايدها على خدها
وكعت عليها ابجي
گالت وخر من يمي انتي بنت ابوج
وماراضية عنج للموت واذكرج ياجوري راح تجيين فد يوم وتكولون طلكوني ماريدة