بارت 6
بقلم سهير رائد
راح بعد مرجع نيسان
بيوم السبعة
مالت المرحومة
راحت مرت عمي من الصبح
وهيا موصيتني بليل اروح وراها ساعة 2
لان اكو مجلس وملايات وختمااات ..
الصبح علي وعمي راحو لعزاء بالكوت يتاخرون للعصر لان همت طلعو متأخرين
مهيب بالشغل وحدة بس هو يوصلنة
حيدر گعد مقهور الايباد مالتة مدري شبية
مهيب تغدينة وخابرة نيسان
الو هلو نيسان شلونك
هاا اي محد بالبيت هسة اخذهم واروح للشغل محد موجود وابوية مركز علية اكمل كلشي بدالة..
هسة نص ساعة نطلع !!
خلص اتصالة گتلة فدوة شوف ايباد حيدر شبية
گال هسة اكو ولد يگعد هسة اخذك ونطلع
.. اوك اني مكملة بس اغير حيدر يلبس
واخذة وياي هناگ كدام عيني
مهيب اي لان اني عندي شغل ويتعب وحارة.
قفلنة البيبان
بطني وجعتني گتلة روحو اخذو الايباد ورجعولي
بالباب سعمت خابر مهيب نيسان
...
بيت عمي جبيرة حديقتهم ومرتبة
وبيها شجرة الزيزفون جبيرة ومسويها الفلاح بشكل حلووو عبالك سياااج داخلي وبنصها كرراسي خشبية وطبلة
يعني العصرية من يرشوها بالمي تنطي نسمة حلوة
وراها تواليت رحت للتواليت سمعت سيارة والباب انفتح ؟؟
وصوت وحدة تتماوع؟؟
تسئل واحد انت متأكد مموجودين ليكمشنا ابووك وضحكة مايعة
بقيت فاتحة عيني باب المدخل انفتح
نيسااان متأكدة ماكو غيرة
سمعت ضحكة سزز
باب المدخل بعدة مفتوح
بااوووعت انصدمت شفت بس هيا لابسة بنطرون جيز ضيگ وكصير وحذاء صيفية لونها نيلي عالية تخبل
وسترة ليموني وشال واكع علة جتفها
گمت ارجف لان اول مرة اشوف هيج منظر
ديبوسون من الحلگ
بقيت منصية رأسي
شفته نزعها على السريع بقيت واكفة شفت وجها تشبة سمية الخشاب حلووةبس جبيرة
اني شفت المنظر لعبت نفسي جريت الباب سديتة حيل متعمدة
ومشيت للباب الرئيسي هو فتح الباب وملابسة مخربطة
شافني حسيتة بلع ريگ ورفع ايدة مثل الحس بتوتر فرك راسها وكصتة
اني درت وجهي على باب الشارع طلعت مو بايلي خابرت مهيب
الو وينك منتظرتك بالشاااارع بسرررعة تعال ؟
مهيب يمج بالفرع
نيسان .حوووري اوكفي داحجيج ويتقدملي ..
فتحت الباب شفت مهيب جاااي
طلعت وسديت الباب بقوة
بس فاصلة عن العالم الخارجي
حسيت بتقزز من الشفتة
من نيسان وتصرفاتة من يوم الدخلت الهم يومية فد شي يگلي هذا انسان مستهتر سافل منحط
ميحترررم ..
بقيت صافنة وحتى من دخلت يم مرت عمي والمجلس اني بغير عالم
.اتخيلت علاقة بينهم وهسة نازعين وبالصالة او يمكن بوحدة من غررف النوم ..
شعور يلعب النفس ..
من خلص كلشي وبقينا للعشاء
مرت اخو مرت عمي كدامي وكدام ام علي
كالت اريد اخبط جوري لاابني وطلعت موبايلها تشوفني ابنها
ام علي .. مقبلت ضاجت
المرية شوفتني ابنها بصورتين وحدة يمكن بالشمال
بس انتبهت عندة شوارب لان جان بالي فاصل بنيسان ؟
مهتميت للصور ولا لكلامه بس ركزت وي ام علي من گالت
عيني خو ولدي اولى ليش افرررط بيها ؟
........
نغمة الرسالة بتلفوني
باوعت
نيسان.. جوري اريد احجي وياج؟
بقيت محتارة اجاوبة لو لا
كتبت
شتريد
نيسان .مو تلفون انتظريني بليل احجي وياج ظروري حتى افهمج.
شتفهمني خيير
مجاوبني
ماريد ارجع واشوفة
اووو واني ليش مقهورة شعلية بية شيسوي ؟
رجعنا وي عمو وعلي راجعين وجايين للعزيمة مالت السببعة جاانت كلش جبيرة الله يرحمة يگولون خوش حجية جانت محترمة وتخاف الله..
رجعنا دخلنة اني وعمة للمطبخ اني وكفت اشرب مي شفت علي من شباك المطبخ دخل للحديقة
لمحت نيسااان
اوو عابت
دخلت بدلت وحيدر لگة مهيب مسوويلة الإيباد مالتة
شغلت الغسالة على ملابسنة وشكو ملابس
گعدت بالغرفة گلت من اسمع الغسالة تطفى اروح
اسمعهم بالهول يتابعون لعبة وسوالف وضحك ومطلعت للملابس
.. طلعت بعدين لكيت علي ومهيب يتابعون فلم اني بهدوء اخذت الملابس وطلعت على المشر اصفطهن ورا البيت بزاوية..
حسيت وراي واحد
عرفتة نيسان
بهدوء جدآ. جوري اريد احجيلج وابينج عن الشفتيها اليوم.
العفو منك نيسان
اني ماشفت شي ولا اريد اعرف شي لان شي خاص مالي علاقة
نيسان . بس
قطعتة انت لا اخوي ولاشي يعني متهمني ليش اسمعك تبرير لشي ميهمني
كل شخص حر بتصرفاتة؟
نيسان اوك اوك بس هم اريد اعتذرلج عن الراشدي
قاطعتة بسرعة لان وجع الراجدي لهسة بخدي
ممعذور ولا اقبل اعتذارك وروح منا لان ميشرفني توكف وياي !!!
شلت السلة ودخلت
كعدت يم الولد
بس كلبي يرجف
قررت احاول ابقى بغرفتي من يجي لان هذا شخص ممتربي وخاف يسوي شي
ديگلب علي بالتلفزيون
طلع مسلسل قديم سوري اسمة الانتظار بطولة تيم حسن ونسرين طافش من جانو شباب
گتلة سبحان الله الشارب والله ينطي شخصية للرجال
تيم حسن بدون شوارب محلو
علي . . هذا تيم البنات كاتلات روحهن علي
اني ماحبة بس بالشوارب شكلة يچذب اكثر تحسة عراقي من ذولة البجيش القدماء مو الجدد الوجوهم ممحبوبة ههههه
..
علي .. اي والله يمكن تقصدين نيسان وضحك ..
سكتت
لان نيسان يسمع ؟بنهاية الدرج واكف..
ثاني يوم قللت طلعتي بالغرفة كاعدة
بليل عمي طلع وبقو الشباب
سمعتهم يردون يعمرون نركيلاتهم لان ابوهم طلع وحيدر يمهم ..
بالعشرة ونص طلعت اشرب مي
وعيني عليهم من الشباك شفت حيدر واكف وخلة طرف النركيلة الي بيد نيسان بحلكة ويضحكون ..
تخبلت طلعت ركض بدون وعي
جريت حيدر ضربتة راجدي علي كام صاح
جوووري
درت على نيسان هم صافن
گتلة انت شكد انسان منحط تريد تعلم طفل على سوالفك المكسرة
نيسان محجى ولافتح حلكة بس خنزر علية بعينة
تقربت وأشرت بااصبعي السبابة وبلغة التهديد
ايااك اشوفك تتقرب لحيدر ومشيت جريت حيدر بيدي صحت همزين اهلي يجون قريب لو نبقى هنا سيد نيسان يطلعلي حيدر قمرجي عركجي ابو نسوان
دخلت حيدر للغرفة خنكتة
انت شلوووون تخلي يشربك نركية باجر لو عكبة يشربك عرك لو كبسلة لو يخليك وي نسوان ..
حيدر يبجي والله ماشربت والله اقلد على مهيب والله نتشاقة والله والله بقى يحلف اني مصدكتة كتلة روح غسل وتعال نااااام بس بصياح
غسل ورجع نام وعلي يدك بالباب
روووح علي ارجوك لاتدخل ماريد مبررات
نام حيدر بس يشهك من البجي ويتحسر
واني بقيت ابجي علية لان هواي أذيتة
وحيدر ميجذب ابد
يعني صدگ يقلد بس اني جنت محتاجة شوية اضبة وارزلة لنيسان حتى ترتاح نفسيتي ...
ابتعدت عنهم كلهم بس الصبح اسولف وي مرت عمي وعمي اذا موجود
حبست حيدوري يمي اذا مموجود عمي
حلولويحجون وياي منطيتهم اااي مجال
ابتعدت كلش عنهم
وهما هم يتجنبوني
وقررررب عيد الاضحى والحجاج صعدو عرفة وجان بابا فرحان بشكل
عندي خالتي ممتزوجة وعايشة وي بيبي بكركوك
خابرت گالت نروح قبل ليجون أهلج باايام نكعد بالبيت اني هم فرررحت
وماما گالتلي روحي
بالشارع مال بيت عمي هوسة الصبح وكراسي
عرفت جيرانهم راح يسوي عرس وحنة هنا بالشارع
مرت عمي صاحتني اجيبلها جنطة من فوك
صعدت بس كوة ولدها هنا
الغرفة البيها الحاجات گبال غرفة نيسان
باب نيسان مفتوح وهو متمدد بس مشافني
متمدد ع سريرة
ومخلي اغنينة حلوة امبينة قديمة
المطرب يگول (شلك علية يازمن وشرايد)
بقيت اردد بيها ونزلت انطيها الجنطة وبحثت باليوتيوب
اسم المطرب مضر محمد
بس اغنية وحيدة اله باليوتيوب عجبتني الاغنية كلت ليش يسمعها ؟؟؟؟
لليل سمعت دبكة
هما ولد عمي موجودين معزومين طلعو
مررت عمي گالت صعدي شوفي الجوبي يخبل ذولة جبور واعراسهم كلة دبكات فرقة يجيبون
صعدت وطفيت كل الاضوية ولد عمي واكفين
شفت نيسان واكف كبال بيتهم
جاانت الاغنية اليغنيها المطرب ممفهومة بس افتهمت مثل الرمد بالعين احوو عشك الصغيرة
واغنية الثانية كل الهلا بحبيبي الجان زعلان
الدبكة تجنن شلون مرتبين كشخة الشاب رشيقين تناسق بالخطوات والدبك واحد يطلع والثاني يشد واثنين بالنص صغار يفرون بالسبحة
وابو الطبل اندمجت وياهم واباوع من ورا الشباك بالمخزن حتى شغلت السبلت ههههههه
مخلية رجلي على الفراشات ورجل الخ بالكاع
وادية على الشباك لابسة دشداشة كشمير حاظر
..
وصوت هادء كلششش
شدسوين فزيت فزة درت وجهي نيسان كدامي بحيث لازگ روحة كلش..
نيسان .. اشششش شبيج خفتي .
وخرت ماگدرت دفعني للحايط قرب جسمة علية حصرتي
ليش تخافين
مخايفة ووخر مني
ضوة الشباك الخفيف بين بية وجة نيسان كبالي وملامحة القاسية مرراات وشواربة الي طالع ممزينة هلمرةةة!
نيسان.. منصي وبهمسة جوري انتي ليش طلعتي بحياتي
شنووو
خلة ايدة على الحايط ورا راسي
نيسان. انتي شبيج وانجذبتلج
ليش طلعتيلي هلفترة وشنو السبب!!
بصوت مبحوح .شـ نو صارت الشنو مالتي عبالك كلمات متقاطعة هههه
نيسان .. بهدوء والدبگة والركص البرة والهوسة
اششش يتنفس بهدوء بس قريب عليةحيل
حاولت ادفعة لزمني بقوة الفرق بالطول مو هواي لان هو 180
واني167
نصة روحة شوية
نيسان .. بهدووء قاتل وجو رومانسي بوقتها
نيسان. جوري يمكن اني حبيتج؟؟عيونة من حجاها غمضهن وفتحهن
واني مگدر احجي جمدت وعرگت
بلعت ريگ
اني اتذكرت البنية الجابها دفعتة خيل
گتلة اتذكر اني بت عمك مو صاحبتك تضحك عليها بكلمات وتأخذ التريدة
ودفعتة حيل وطلعت جرر ايدي
اسمعيني
عوفني لاعيط والله
نيسان عيطي وضحك.
جررني حيل حضني بقوة ودفعني يم الحايط القرب على الباب خفتتت منة كلش ونفسي يصعد وينزل
حيل جسمة قريب علية حسيت بحرارة جسمة
نيسان محجة بس حاصرني ويتنفس
بهدوء شبيج خايفة مني لتخاافين هدددي شش دحجي وياج
شتريد نيسان
اريدج وبس
لوتموت نيسان ماخليك تقربلي ووخر من يمي
نيسان.جوري والله مانيتي سيئة تجاهج اني نيتي زواج؟
تدرين انتي سحلتيني سحل خلال هلشهر حبيتج مدري ع شنوو قرررب وجهة كلش بحيث اشم نفسة هو جررر نفس قوي
والله طيب نفسج درت وجهي صفح ضحك ولزمني بقوة حاصرني محاوطتني من كل الجهات.
خل وجهة ورا اذني نفخخ على كيف جسمي كزكز شبة رخيت
وهو رخة
اني استجمعت قووواي من حسيت رخة
ودفعته حيل
...وطلعت من الغرفة نزلت علل السريع
لگاني علي داخل من باب المطبخ..
شافني مو طبيعية
علي.. جوري جوري شبيج يمشي ورايدخلت للغرفة قفلتها
حيدريتابع يوتيوب
تمددت وغطيت روحي
تذكرت كلامة وخطواته ونفسة بين خوف وابتسامة
دگ الباب علي فتحلة حيدر
اني لميت نفسي وگعدت.
تقربلي علي شاورني
جوري نيسان سوالج شي
صفنت علية خجلت بلعت ريگ ومدري ليش عيوني غوركت بالدمعة؟
علي .. افتهمت گالها بس بعصبية!!
طلع على السريع
اني هذا شفتهم علللللي شنو عبالة مسوية مكسورة وي نيسااان..
يمه عزة بس لاصدك بالى راح لغير سوالف .
سمعت صوت علي رغم الديجي والحفلة
طلعت اباوع على غرفة عمي ومرنة مقفولة الحمد لله
خطيت خطوتين على الدرج
اسمع علي يگله شمسويلها احجي
نيسان.. علي شبيك شمسويلها
علي. الله اعلم انت كلشي تسوي حتى تغثها ويمكن شارب حبوب مو بوعيك..
نيسان .. ممسويلها شي ومشارب شي
علي.. لعد شبيها ترجف وخايفة ونزلت منا تركض مرعوبة وصاااح احجي نيساااااان احجي .
نيسان .. انت ليش خايف وحريص عليها تحبها شنووو
علي.. جوري اختي واحبها حب اخوي وامانة يمنه ولازم اخاف عليها مو مثلك لا أبالي تفكيرك وصخ تجاة كل ابنية عبالك طمع تأكل وتوكعها ..
نيسان.. لاغلطان تفكيري مو وصخ تجاها اني احبها وعاجبتني !!!!!!
علي .. اذا صدك نيتك شريفة تجاهة اصلح حالك ولاتضيعها من ايدك بس اصلح حالك التعبان
والبنية ماكووو مثلها بس ممنوع تتقرب يمها منا لمن تطلع من هذا البيت لبيت ابوها .
ماسمعت صوووت لنيسان نزلت على كيف ودخلت للغرفة
بين الخجل والخوف
والتفكير الموتني بكلشي بنيسان وكلامه وعلي وشكة وخوفة علية من نيسان.. بيني وبين نفسي
لاززززم اطلع من هل البيت
ياربي طلعني بسلامة وبدون فضيحة من هل البيت وابعد نيسان عني