بارت خامس
بيت عمتي مبقو للعشاء
اثناء ميطلعون دخل نيسان
سلم عليهم وشوية وكفو بالباب
اني دخلت للصالة شلت الصينية مالت الجاي
مهيب.. جوري ليش لبستي منهم شال ودشداشة ومبتسم..
شكد فضولي انت هههه
عمتي كلامها ماحبة تنقد وهم ابنها حسسن غثيث يااخي واحس نظراتة مو راحة؟
باوعت لگيت نيسان بالباب نيسان درت وجهي على السنك اغسل
علي.. صفن مبتسم.
ها علي تريد تسىل ليش لبست دشداشة وحجاب
مهيب يجاوبك وضحكنا تلاثتنا
تعشينا جبن وجاي لان مثكلين بالغدة
بس نيسان گال يوووم اريد شي
دسم
سوتلة عمة بتيتة ولحم وزلاطة
..
عشانا يختلف علي گلي سوي جااي طيب من إيدج
واجبان جابو وتعشينا والحمد لله
حيدر ابو بطن گعد وي نيسان يأكل وتصالحوو لان سمعتهم بس يضحكون ماعرف ع شنووو ..
بس اني ماريد حيدر يكعد دائما يم نيسان .
خابرت ماما وبابا واصلين للمدينة وخابروني وينگطع
مهيب .. جوري نزلي الأيمو برنامج يگولون زين ووقوي بالسعودية..
نزلتة واتصلت علية صحيح اوضح صوت وصورة .. بالغرفة فاتحة الباب وداريد أطلع
نيسان كاعد يتابع تلقزيون
سمعتة يحجي وي عمة
يوووم من صاعد للغرفة اليوم؟
عمة جوري نزلت ملابس غسلتهن ومسحتها
نيسان .. ماعرفت تسد الشباك ست جوري
عمة.. اششش حسك نصية موزين منها مو صوجك صوجي اني خليتها تصعد البنية خطاار وامانة وتخدمكم
..
علي .. اني بعد مراح اخليها تنظف غرفنة عمي مخليها امانةيمنة نهتم بيها نداريها لحد ميرجعون بالسلامة والبنية ممتعلمة ومدللة وفوكها نحجي عليها..
نيسان- ع كيفكم شگلت اني
...
اني رجعت للغرفة وسديت الباب مطلعت هم اني زايدة مني انظف غرفهم بس علي يستاهل انظفلة نيسان انعال ميستاهل ..
ماطلعت الا كلش بليل فرجت اسناني
وغيرت ملابسي جنت قمة البريود الشهرية فيضانات عبالك هههههه
الصبح گعدني حيدر..
ها شبيك حدوري
جوري علي يگول تعال روح ويانة نشغلك صانع نكرب عليك ههههه .فدوة اريد اروح وي عمو وعلي ومهيب .
يلا عادي روح بس انتبه زين عـ نفسك وهم لتطلب شي وهااك فلوس ولاتحجي شي ولا تلعب بشي متعرفة وخليك مؤدب عيب حدوري ..
وبدلتلة وطلعتة
شفتهم منتظرينة خطية بالمطبخ
صباح الخير عمي
صباح النور حبيبتي ..
ها جاهز
اي فدو عمي ديربالكم علية
عمي ضحك واخذة توصيتي على ولدي ولج .
لا عمي بس حدوري وكح
لا انتي بس اطلعي منها وحدوري ورد ..
ابقي يم عمتج اليوم راسها يوجعهة قست ضغطها مرتفع..
ياا خطية لتشيون هم اني يمها وراح اسويلها ريوگ..
طلعو واخر واحد علي
علي علي.
ها جوري جوري ههه
أشرت براسي ليفوك
هنا لو ووو
علي أشر براسة مثل اليضرب طوبة صفح يمنى يسرى ويرفع بجسمة
عود لا
وضحكنا ضحكنة قوية
وطلع..
مرت عمي ضغطها مرتفع سلگت الها بيض ورتبته بالماعون
وخبز سخنتتة وحمرتة بجهاز تحميص الخبز
ومي وجاي واخذتة الها خطية راسها مأذيها
عمة كعدي اتريگي
خطية گعدت ها حبيبتي
عمة هذا ريوك الج
ام علي. .
يمة فدوة ونذر والله البنات نعمة والله مارزقني بهل النعمة
رزقني بولد عارات وضحكت
لا عمة الله يخليهم والله ماكو منهم
عدلت ثوبها اسود قصير بية تول من الصدر والردن ذكرتني بماما نفس ستايلها باللبس
مديت أيدي گعدتها..
گالت شربت حباية والريوگ اجة بوكتها
من فدوة لهل الايدين والله الا اخليج بيتي ماطلعج للغريب!!
سويت روحي ماسمعتها
كملت واني كعدت اتريك وغسلت
صحت عمة شتسوين غددة لو متگدرين
گالت لا والله اخابرهم يجيبولهم شي من برة
گتلها اني اعرف بس برياني غيرررة ماعرف ههههه
ام علي.. لا حبيبتي خلي يولون تعبين نفسج ميستاهلون !
گلت الظاهر ضايجة من حجاية نيسان البارحة ومتريدني اشتغل
.. فتحت المجمدة طلعت اللحم من الجيس مكطع ومكمل خليتة على النار وكمت اكشر بالبتيتة والبصل والجزر
وطلعت شعرية حمستها بالزيت گسبتها وگليت الجزر والبتيتة والبصل والبزالية
استوة اللحم طبخت التمن بيةكبس وحمست اللحم هدرت الجدر ودخلت اسبح اباوووع ساعة 11
وقت طويل ومرت عمي نامت اني هم نمت ع التخم
بالهول الوسطي
سمعت نيسان يصيح يووم يوووم بالمطبخ مادخل من شافني نايمة
فزيت جنت مخربة بنومتي الظاهر وشعري مكفش شبة كيرلي
من كمت هو دخل لغرفة ابوة
صاااح جووري !
اهو شيريد
رحت گاعد بملابسة السود العسكرية اللي منطيتة فد هيبة تخبل
گال خابروني من المركز يردونج تشوفين الاخذ جنطنتج
وابوي گال اخذها وروح
وهاي امي مريضة متگدر تروح ويانة حظري نفسج اخذج لان عندي رجعة لدوامي وهم جيبي اوراق تقديم البلاغ والجنسية مالتج؟
بس هو يحجي ويلعب بسويجة وميباوع علية
ر حت للغرفة لبست قميص نوعآ ما طويل وبنطرون حيز كاحت الون ماركة طبعآ
وبوت وشالة لفة عادية ومسكارة وكحلة وحمرة طوختهاشوية
واخذت اوراقي وطلعت لگيتة گاعد بالمطبخ يدخن وايدة الثانية مدخلها بشعرة
..
مارفع عينة گاااام
وشرب مي انتبه علية
نيسان.. احنة رايحين لمركز شرطة مو حفلة ونخلي حمرة ونلبس هيج لبس !!
هذا لبسي وامشي وي بابا بية وو بعدني ممكملة
گال اني مو بابا ..
لبسي الذاك اليوم لابستها بالفاتحة؟؟؟
منتبة علية
رجعت نزعت القميص لبست كيمونة ولبس العباية وغيرت الشال والحذاء كعب ناصي
ورحت طلعت بالشارع گاعد بسيارتة الرانج
فتح باب الصدر
ومشينة
بدون كلام بس اخذ مني الاوراق بيدي
لازمتهن ولازمة الموبايل
گال جيبي موبايلج ليجي واحد يأخذة من فهاوتج ..
افففف بگلبي
نزلنة وجان اكو شرطة وهوسة هواي ناس مركز بعد
خابر
ورجع اجانة واحد
واحنة ندخل اجت مجموعة شباب وياهم ضباط
واحنة نريد ندخل
خلة ايدة ورا ظهري وخلاني گدامة مثل الحضني ودخلنة للمكتب اني جسمي بوخ من لزمني هيج وحضني لا واحد منهم يطخني لان هواي هما خاااف عليه
بحيث عرگت من الخجل
نفسسس الضابط الشكلة حلو موجود وسلم ويضحكون واني بعدني بعالم ثاني من حضني نيسان ودخلني ؟
اشرلي نيسان اكعدي جاااب كرسي بصفة وكعدت بصفة
طلع الضايط تصوير
شلون اخذهن مني ابو الدراجة طبعااا نيسان بقى يباوع منطاني الجهاز
طلب من الضابط يرسلة الة على الواتساب
وبعدين جابولي واحد گال هذا
ولد شاب خطية يبجي كسر خاطري كلش
نيسان كعد يدخن ولني منتبهة على هذا الولد
والله سيدي اول مرة والله سيدي التوبة والله سيدي ماعيدها
والله سيدي امي مريضة
نيسان .. دنجب كلكم هيج امي مريضة وابوي مريض وانتو اخوووات ك.... ماكملها
والله محظورة
ضحكو كلهم بصوت عالي وبقوة يطلعون عضلاتهم على الولد
قهروني حيل
گالو الموبايل مبيوع ومايعرف المشترية
والعلية كلة ممسوح لان هما مفرمتينة يلا مفتوح الجهاز وبايعينه..
اني من گال ممسوح كلشي اطمئنيت
نيسان .اي عرضوة على القاضي هل العار القندرة بعد يمك جيتها مو مهمة عرضوة وخلوة ينسجن ويأكل خرة ويتربى
..
الولد گااام يبجي بحرگة
..
اني لا لا اني متنازلة.
نيسان خزرني اشش سكتي
..
لا متنازلة والله هيا مو القضية والبلاغ قدمة بابا بااسمي اني اتنازل خلي يروح خطية..
ماحسيت الا نيسان لازم جف ايدي فزيت وبلعت ريگ
وعصرها حيل..
بس هم ماخفت
..
الضابط .. يعني تتنازلين
نيسان بعدة عاصر ايدي وگلبي يرجف من لزمتة ماعرف هو لزمني بقوة يمنعني واني فرحانة بهاي اللزمة ههه
أي اتنازل والله يعاقبة ماريد شي ؟
الضابط .
بعد بكيفج هو هم راح ياخذ جزاءة الحق العام ينسجن ؟
مالي علاقة بغير حق
اني حقي ماريدة واريد اتنازل
طلعو اوراق وسحبت ايدي وكتبو عريضة وتوقيع وختم اتنازلت
نسيان عيونة الجقم هههه صارت بگصتة ..
وبشقى وي الضابط
بعد هيا خيرة وتتنازل مانگدر نمنعها وبقى يسولف وحسيتة ضايج كلشششش
سلم على الضابط
وگلي يلا گدامي فتح الباب ولد ماعرف شنو رتبته خلة عينة بعيني الولد
السلام عليكم ..
نيسان لزمني وخلاني وراة وعليكم السلام
وفتح الباب حيل واشرلي طلعي
طلعت امشي وراي نيسان
طبيعي
بس طلعنة من باب المركز
اني كلب امشي وي وحدة فاهية ثولة غبية..
اني كلب
اوووي يحجي على روحة شعلية اااااني
فتح السيارة
كعدت هو شغل سيارتة ودار علية جسمةصااح شلووون تتنازلين وتحجين بدون متگليلي اني طرطوررر ثووولة ..
اني خفت وضجت اختنگت
گتلة انت ليش تصيح انت مو ولي امري ولا مسؤل عن تصرفاتي
فاااهم ..
نيسان.. شغل سيارتة بشخطة والله والله لو ما امانة يم ابوي الا هسة اعلمج شلون تحجين
اني خليت أيدي على وجهي وگمت إبجي شنو هذا ويزمخ علية يومية يضوجني ..
وصلنة للبيت .. صاااح انزلي
.
فتحت الباب ولا شعوريا صحت انجب لاتصيح علية
ماحسيت الا حرارة بخدي
ضربني كف گلبي طگ من القهر نزلت ركضت فتحت الباب دخلت للمطبخ للغرفة قفلت الباب وگمت ابجي وابجي بحرگة طااافية الكهرباء
سمعت مرت عمي طلعت من التواليت تححي وياة شسويتوو
نيسان. ماسوينة
شبيك ضايج يووم
نيسان حارة
هذا موبايلها
اني بقيت بالغرفة نزعت ملابسي واستحيت اطلع گدامها اتذكرت حجي علي اذا عمي يدري او احجيلة اني ممرتاحة بالبيت بسبب نيسان راح يگلبب البيت عليهم..
على كيف طلعت غسلت وطبع اصابع نيسان على نهاية خدي واحس بحرارة الكف والله..
دخلت للمطبخ لگيت عمة كاعدة
ها عمة شلونج
شلونة راسج
الحمد لله زينة اخذت مدرر وداشرب مي وشوية يمكن دينزل
اني سويت نفسي اطلع خيار وطماطة وطرشي اسوي زلاطة..
ام علي .. هاي شوكت سويتي البرياني ..
من نمتي كملتة
اموعلي ايي دگليلي شسويتو
تنازلت
ليش
لان خطية قهرني طفل اذا ينسجن وي المجرمين شيطلع وحلف ميكررها ..
ام علي الله يهدية شدسوين؟
زلاطة وي البرياني وروبة غير هيج يتقدم
ام علي .. والله تعبتج وياية وشگد مستحية من تدري امج داخدمينة
لا عمة غير اهلي والولد اخواني
ام علي .. والله بعد ولاعوفج
اني اثرم ودايرة وجهي مجاوبتها غلست للمرة الثانية والدمعة بطرف عيني من قهر نيسان وتجازوة عليه
گامت أم علي واني خلصت ورحت للغرفة..
تمددت لثنتين ونص سمعتهم ودخل حيدوري عليه فرررحان شايل بيدة علاكة
دخل ركض علية كاعدة على الجرباية حضني
حيدر.. شوووفي عمو ششترالي ؟
طلع من العلاكة
ايباااد جبير نوعية ايفون
نزلت رجلية شفت الفرحة بعيونة ووجها الاحمر
ما ردت اكسر واهسة
واحجي عليه
بعد هو عمة مثل ابوة
..
حيدر فرحان واني مقهورة سبحان الله
والحمد لله على كل حال .
سمعت علي يكول جوري انتي نايمة
لا هياتني جاية.
طلعت الهم سلمت طلعت امواعين اصب الهم تفاجئت بوجد نيسان هو مو كال رايح للدوام
بس بعدة بملابسة وكعد على الميز صاب لنفسة ويأكل اني كأنووو مموجود ابد بالمطبخ صبيت الهم
عمي. اكعدي عمو دنتعبج
لا عمو الف عافية مأكلة
گال ليش تنازلتي
خطية ما كو داعي ينسجن عـلى شي تااافة
رحت بالهول
نيسان كمل عااشت ايدج يووم
ام علي
.. ولك ولو متستاهل انت بس اني مطباخة بت عمك الطبخت اليوم ..
مسمعتة جاووب
بس عمي
ليش تعبين البنية ليش تشغلوها
ام علي.. بروح اختي فلا حسيت الا من راحت وي نيسان لكيت الجدر مطبگ جنت نايمة ..
علي عااشت ايدها خوش برياني ..
ابتسمت
النهار بطولة محجيت شي حتى رادو يعرفون ليش ضايجة
كتلهم مشتاقة لماما وبابا وبيتنا وصديقاتي ؟