1
#زهرة_نيسان
سهير رائد
ماما.. يلا جوري استعجلي شلعتي گلبي بفهاوتج
جوري . اي ماما جاهزة والله جاهزة
طلعنة بابا وحيدوري بالسيارة
والجو حار
صعدنا اني وحيدوري ورا
وماما بالصدر
طلعنة لبغداد..
ماما.. يعني هسة الا بيت اخوك
بابا.. بلي الا همه عندي اخوان واخلي جوري وحيدر يمهم واروح مطمئن للحج
ماما.. لعد يم اخواتي اخواني
بابا.. لا يم اهلي افضل وكلشي يصير عليهم على الاقل يگلون يم عمامهم
مو ادزهم لكركوك هناك يم اهلج
ماما..شبيهم اهلي؟
بابا.. هههههه عرفتج تتنرفزين مبيهم شي على راسي حبيبتي ..
سكتتووو..
گالت لعد طلعنة للكاظم علية السلام نزور
بابا. ان شاءالله
بين الحلة وبغداد مسافة بسيطة بس اني دخت واريد اتقيء عندي سفرة من السفر مااحب السفر حتى لو مسافات قصيرة
نزلت دايخة خليت جنطتي صفح لان مبيها شي بس موبايلي وحمرة ومراية وكلينكس مرطب وعطر siعطري المفضل
.
دخلنة للزيارة وطلعنة دنتمشى للسيارة
بابا لزمني .. جوريتي بيت عمج قريبين هسه دقايق نوصل وترتاحين وانطاني بطل مي
.. شربت شويه..بقت نفسي تختض تريد تطلع
بعدنا مواصلين للكراج اللي مخلين بية السيارة ماحسيت الا فد شي سحبني للشارع وعبالك مثل الطرت وانرگعت بالرصيف
بابا يركض وماما وحيدرو يعيطون التمت الناس
بابا شالني للسيارة والناس تگلة روح اشتكي
اسمع اليگول ان شاءالله الكاظم يطيح حظة والبية يگول الله لايوفقة همزين ممات البنية
بابا .. جوري جوري
انتي زينة بس نار احسة
اي بابا شكوووو
..ماما بلكنتها الكردية.. الله لايوفقا الله لاينطي وتبجي وحاضنتني
..
انتبهت باابا جنطتي
بابا حرك السيارة گال هو اروح اشتكي على هذا السافل ابن الحررام ..
عطت بابا موبايلي ؟؟؟
محد جاوبني بقيت ابجي موبايلي بي صوري وارقام والفيس وكلشي ؟
..........................................
نبذة مختصرة عن بابا وماما
بابا رجال متقاعد بعدة مو بسن التقاعد بس لان جان بزمن صدام عضو مهم بالحزب طلعوة باجتثاث البعث وعندة راتب تقاعد واعمال حرة والحمد لله وعفنا محافظتنا وعشنا بالحلة لان دائمآ يتهدد
اخوانة اثنين واخت وحدة عايشين بغداد بس علاقتنا جدآ سطحية اني شايفتهم بالثالث متوسط وهسة اني ثاني مرحلة معهد
ماما.. كوردية اتزوجت بابا عن حب موظفة وياة شافها بكركوك وتزوجها وعاشت وياة بين الجنوب والفرات الأوسط
اني البكرية جوري ومن وراي تجيب ويموت بس حيدوري بقى بالأول متوسط ...
...........................................
وصلنة لمركز شرطة الكاظمية نزلني وقدم بلاغ
الضابط تفاعل ويانة جان شاب حلو مرتب جذب انتباهي احب الحلوين مو بيدي واحب اتابع افلام عربي هواي لهيج اتاثر بهيج مواقف ههههههه
الضابط اخذ المعلومات وحجو بالاسلكي واخذو رقمي ورقم بابا ومعلومات عامة..
وطلعنة لبيت عمي
هم بمحيط الكاظمية مو بعيدين ..
بابا.. جوري اذا تحسين بيج شي نطلع للمستشفى
لا بابا زينة بس شوية دايخة وألم بسيط ..
ماما.. لا شوف وجها شلون صاير ازرك من الخوف
طبكنا بشارع حلو هادء جدآ بزونة مابية بالشارع
نزل بابا الجنط
ودگ الباب طلع ابن عمي اتذكررررررة من اخر مرة شفتة اسمهة مهيب
تباوع وي بابا وسلم علينة
هاااي شبيج
ويباوع علية وع ماما
ماما.. مو كردية مرات كلامها يطلع مكسر ههه
(واهد) ابن حرام باااگ جنطتها بالكاظم
مهيب.. اتفضلو اتفضلوووو
اي عمي بلغت لو لا
بابا .. اي عمو ونزع حذائة بالباب المدخل ..
اني باوعت على البيت من برررة حلوو وجبير.. بيتنا هم جبير بس مو مثلهم احنة بيت عادي
دخت اكثر
مدخل بااارد نزعنه احذيتنا ساعدني حدوري بالنزعة ولزم ايدي اول ملاگانة فيل مخلينة بالمدخل جبيرر ضحكنة اني وحيدر هههههه
طلع عمي لابس دشداشة جوزي
وصااح
ياهلااااااا وميت هلااااااا بالعزاز
بحلم بعلم ابو جوري يجيني اتحاضنو هو وبابا حضن وبو س قوي وبابا باس راسة وايدة لان هو اكبر منه يحبة ويحترمة بشكل ..
وسلم على ماما باوسها
باوسني گال شبيج عموووووو
بابا .. هسة اسولفك
جاب مهيب المي قدم النة
......بابا يسولف لعمي والثاني متفاعل ومتاثر.
واني مقهورة على موبايلي والصور البية
حيدر شاورني جوري شنو ذولة هنود كل فيل وتمثال شگدة ههههه..
ي يمكن هنود هههه ضحكني ..
ماما لعد ام علي وينها
مهيب.. هسة على جية راحت تشوف خالة بالمستشفى؟
بابا وماما نفس الحجاية
خيير شبيهها
عمي.. جلطة بالدماغ وشلل وهيه مرية جبيرة ويم رحمة الله بقت حالتها..
تقريبآ نصف ساعة وسمعنا باب انفتح ودخلت سيارة ..
راح مهيب
رجع لا هذا نسيان رجع من الدوام
عمي..
هاا شعجب نازل من وقت ..
طلع مهيب للمطبخ
وراه عمي
بابا صفن طبك حواجبة..
رجع عمي مثل اليضحك جذب ها نسيان تعبان يسبح وينزل الكم
بابا.. بعدة بالمكافحة
عمي اي والله بعدة وشالع گلبي فد مرة ياخوية
....
بابا.. هااا مثل الفتهم شيقصد وسكت
اني بردت وجنت دايخة و راسي وجسمي يوجعني مكسر
بكلبي اگول شنو هلقلة الذوق كلشي ماقدمولنة
فتح الباب مهيب
جايب صينية ريوگ
هههه
وراة ولد اي اي هذا علي
السلام عليكم بصوووت عالي
بابا.. هلووو وعليكم السلام ابو حسين
تسالمو على بابا وماما وگال هاي جوري صايرة جبيرة وحلوة جرني باسني
وباس حدوري
خلو الأكل
على الميز وگالو تفضل عمووو
بابا كام يغسل اني بقيت بمكاني فد اجاني شعور بالنعاسس ههههه
شاورت ماما اريد اغير ملابسي كلها تراب وهم تملخت شنو محد يحس بية
هيا راحت يم بابا كالتلة
صااح عمو مهيب متاخذ اختك تغير ملابسة هذا ابن الحرام شسوة بيها
مهيب اي عمو
شال الجنطة يلا جوري
طلعت من الصالة الى هول وسطي جبير فخم كلش مفتوح على الفوك الثريا النازلة بالنص تشبة ثريات أهل البيت هههه
بگلبي هو شيتغلل عمو بالمخدرات ..
دخلني لغرفة حلوة بيها سريرين وكنتور وميز مراية
ومرايا بالزاوية طويلة
بردة تول وفوكها بردة ثخينة وردي حلوة
بقيت اباوع واغير ملابسي
لبست تراك
ملاحظة مالبس حجاب كدامهم
وطلعت اباوع ماكو مغاسل
مهيب شافني
گتلة وين المغاسل
أشرلي هنا
اوك فتحتها ودخلت اغسل
طلعت لاگاني
واحد لابس شورت اسود وتشيرت نص ردن هم اسود
عبالك مريض موطبيعي لازم راسة
هذاااا نيسااااان اي هو
رفع حواجبة وگوة فتح عيونة
مثل المتعجب او جنة شايف خيال ممتأكد عبالك وحدة كدامة
گتلة مرحبا شلونك
ه لووو هيج طلعت مكطعة الـ هلو
رجعت للصالة وكعدت
بابا ها هسة شلونج ارتاحيتي
اي الحمد لله
عمو گام صبلي جاي بكوب
مااكلت لان تلعب نفسي
وضايجة حيل ومقهورة على موبايلي والصوووور محد فكر بيهن شلون؟
خلصنة ويسولفون وبعيدين عن موضوعي
انقهرت كلش
ماما كالت شيلي الأكل ودية للمطبخ !!
خزرتة بعدم الرضا
هيا كامت شالتة
وسمعتها تسلم وتسولف وي نسيان الاثول ماكووو غيرة الأثول ..
كعدت يم بابا بردانة ونعست رجعت جسمي على التخم جبير فلك كلشي ضخم عدهم
واتذكر شلون اخذ جنطتي هذا ابو الدراجة
دخلت نسيان يسلم بقيت ما سلمت لان مسلمة
بابا كال سلمي
هاا سلمت قبل شوية
عمي وعلي يباوعون لنيسان بقلق ماعرف ليش
علي گال وهسة عمو شسويت ليش مخابرت علينة نجي وياك للمركز
بابا. لا عمو قدمت بلاغ وانطينة افادتنا وارقامنة بلكي يلزمونة حرگ كلبي وقهرني ..
نسيان ..طلع حجايته برهاوي وهو كاعد مرجع جسمة على الكرسي ومجتف ادياته مثل البردان
شكووو!
علي .. جوري من مكملين زيارة ورايدة تصعد واحد بدراجة أخذ جنطتها وهمزين ما ضربتها السيارات..
نسيان.. بس لابيها موبايل گعد عدل
..بابا .. اي موبايل
نسيان .. باوعلي خو مابية صورج !!!
كلها باوعتلي
اني خليت ايدي على وجهي وبجيت حيل
اي اي والفيس والواتساب
نسيان.. خرررب بهيج وبهيج كام يغلط ويكفر!!
بابا .. ضاااج من كلام نسيان
عمو .. نسيان شبيكككك بصوت عالي
نيسان .. شنو متشوف متسمعون الفضايج من ورا الموبايلات
گام وهز ايدة هيالة وتبجي بعد شيفيد البجي
وطلع
...
ماما. والله كلامه صحيح
اني هم خفت من هاي السالفة
...
بابا .. باوع الها گلها كافي البنية شنو ذنبها متقصد ة وشيصير خلي يصير اني ابوها وراضي خلي ينشرونهن ....
عمو من شاف بابا ضاج
گلة كوم خوية ارتاحو واخذو راحتكم كاعدين هنا خطاااار شنووو..
رحنا اني وعلي وماما بالغرفة الدخلت بيها وبابا غير لبس دشداشة وبقى علي ومهيب يسولفون وياة ويضحكون..
اني بقيت ابجي
واتذكر نيسان شلون رزلني
اگلج ماما..
ها حبيبي
هذا عمو منيلة هاي الفلوس والبيت قبل جم سنة جان بيتهم عادي بس هم جبير..
اي عمج تاجر وهم باع اليملكة هناك وبنا هذا البيت
..ليش احنة مانكدر نبني هيج بيت..
لا ماما نگدر وعدنا خير بس
ابوج محتار وممصفي نيتة نبقى بالحلة نشيل هنا يم اخوانة..
حيدر.. ماما اريد مثل فيلهم عجبني هههههه..
حيدر كافي انت فيل شنسوي بالفيالة وضحكنا .
سمعنا صوت ام علي طلعت ماما
واني وراها سلمنا جانت تعبانة
وضايجة
ومقهورة على اختها بس رحبت بينة كلش
وكعدت تسولف النة على اختها ووضعها..
سبحان الله ابا ع عليها هيا وماما عيالك خوات
نفس الگصة بالطول بيض وعيونهن بيهن لون
تارسات بس ماما ارشق
والحلو لابسات عبي خليحة نفس الموديل هههههههه
...
نزل نيسان
سلم على امه هيا عيونها تفتر على رجلها وولدها
جان مبدل
گال عمو انطيني رقم البلاغ ؟؟؟
رايح شوية ارجع
طلع هو وبابا بالباب ورجعو
رجع مهيب من برة شايل علاليك واشياء مسلفنة غددددة .
ماما
بصوت عالي كدامهم
لج جوري ساعدي اخوج كاعدة اميرة شنو ..
يلا گومي
بداخلي خرررب والله سالفة ساعدي وساعدي
كمت للمطبخ
شنو هاي
مهيب
سمج هذا وهاي مقبلات وتمن وخبز
ولبن هسة انزلة
بقيت اسوي بالطرشي بكاسات ماعرف وين طلعهن علي
كال هااج انتي راح تبقين هنا شهروالله الى اكرب عليج كرررب اجرب شعور الاخت من اختة تخدمة
مهيب.. اي والله مليت مليت من الخدمة هههههه
علي اي ولك نكرب عليها نخليها ليل نهار تشتغل ملينة والله
مهيب. اللله شايف من الاخوة تكوهم اخواتها بالدفرات الى اسويها والله
ههههههههههه
اني اضحك صدك
گتلهم لاتفرحون ترا اني تنبل مال نوم واكل وماما هيا تغسل حتى ملابسي...
علي .. بس هليومين ويروح الدلال لمدة شهرررر
..
شغل السبلت بالمطبخ
گال سمج هنا ناكل
فرشنا السفرة ورتبو الولد السفرة
وبدينة نتغدة..
دخل نسيان
گلولة يلا لحگ
صعد
غير ملابسة ونزل
كال رحت وحجيت وي الضباط ويدورون بالكاميرات اللي بالبنايات القريبة
وانتي مخلية رمز بصمة
اني خفت وضجت
اي مخلية رمز رقم
..
عمي
.. اكلو وبعدين كمل تحقيقك بس احسة باوعلة بغضب وسكتة..
بعد مااشتهيت الأكل اللگمة ماتعبر بلعومي حسيت بضوجة كمت اكل جذب
نعست بشكل مو طبيعي
... شاورت ماما .. تعبانة لاتگليلي نظفي المطبخ
ماما.. روحي اني اساعدهم ..
شفت مهيب گام..
اني هم بسرعة كمت رحت غسلت وبالغرفة تمددت ونمت بسابع نومة.
كعدت لكيت ماما وحيدر هم بقيت شوية
وطلعت للتواليت وغسلت
شفت علي بالمطبخ
فاتح تلفزيون
رحت يمة گال هاااا فلتي من المواعين
ههههههه
تردين شي بارد حار
اي جاي
سهلة تدللين
صبلي جاي وانطاني..
گال وين وصلتي بالدارسة
معهد خلصت المرحلة الاولى
ماشاءالله
والله ذاك اليوم جنتي هلكد تج
اي ههه انت هم اخر مرة شفتك صغير
علي.. اي كبرنا وشيبنا حتى بعد محد تزوجنا هههههه .. دشوفيلي منا منا
والله عندي بنية ويانة من بغداد تخبل ومؤدبة لو عندي اخو الا اخطبها
علي. لعد حيدر شنو..
لا هذا نص رجال بعدة هههههه..
اي شوفيها والله جديات اذا خوش بنية وبت عائلة مو مهم الجمال الخارق يعني مثلج مرتبة اخطبها
..
سمعت واحد دخل كال شگد ذوقك خرررة وضحك !
نسيان ؟
علي ليش ولك..
نيسان تگلها مثلج هيا جوري جنها ولد وتشرررب جاي فوكها ...
حقيرر فد قهرني بشكل
علي.. دنجب انت دشوفها والله شعايزها شعر ورشاقة وعيون ..
بس انت ذوقك خرة مو اني باوعلي ابتسم ابتسامة يجبر خاطري لان شافني انقهرت ...
اني مو امدح بنفسي بس والله شكلي نازك ونسخة كوبي بيست من كندا حنا السورية حتى شعري مثل شعرها ورشاقتي ..
اشبة ابوي واهلة مو على ماما بس عيوني شوية بيهن لون للصفار اكثر
........
اني بقيت ساكتة ونزلت كوب الجاي
هو كعد ويشرب جگارة علي كام جابلي بيبسي
..
لا شكرآ ماشرب
ليش..
كتلة مااحب المشروبات الغازية
؟
نسيان.. صورج بالموبايل شنو يعني .
عفواا
نسيان .. صوووورج
..
صور عادية بالدوام وبالبيت
وهذا شي خاص وبابا متقبل الموضوع مالك دخل رجاءا
..
حسيتة ضاج
اني گمت غسلت الكوب
ورحت للغرفة..
ماطلعت منا لمن كلها گعدت وبقو يسولفون وصاحوني اطلع يمهم ..
يحجون يتفقون شلون ابقى اني وحيدر
وشوكت يطلعون ماما وبابا
ويطلعون للجج بر بسيارة مو طيارة...