ابن الشيخ واليتيمة
الكاتبة:-سما حمد
البارت الثاني عشر
..................👑
احبابي وأعزمن صحتي صحتهم
جفوني ولاضمائرهم صحتهم
بيدي أشرت وبلساني صحتهم
تهموني بكره وبغيرة شنيعة
&&&&&&&&&&&&&&
محارب: كلشي جنت اتوقعه يصير ويجره اله بشارر يتهمني اغار منو هااي الماتوقعتها
خلاني مثل الخبل امشي واحاجي بروحي
يول لوتعرف شكثر شايلك معزه بگلبي جان ماسولفت هيجيان
اني اغاااار منك ؟؟؟؟😔
يول انت اخووي الماجابتو فضه
لون گايلي جذااااب
يول لونك ضاااااربني
ااااااااخ يبشارر 🥺🥺
يول والله لو مثور افشگه (ضاربني طلقه) براسي اهون ولا هاذ كلامك
جاعد على الجرف واذكر ايامي وياه ودموعي تكت 😭😭
علش هيج يبشار يول علشششششش
لجل مره يول تتهمني
وتضحي بيه
واحنه الي خوتنه ينضرب بيها المثل
اااااااخ على ضيمك يگلبي
يول لوماتعرفني جان ماكتلتني هضيمه
يول مو انت اتعرفني ازود من امي 😭😭
طلعت اغاااار منك ومدري 💔💔💔
ذبحتني يخوي بهاااي سالفتك
ذبحتني وماضنتي الگه لعلتي دوه 💔😭
&&&&&&&&&&&&&
&&&&&&&&&&&&&&
من يوم الطبينه هالكليه وبشار كارهه وهو يعد الايام تايتخرج وايخلص
المااجتي هالحيه زينب 🐍
الي اگلبت كل الموازين
اني اعرفو مايعشگها لنو هاذ مو عشگ ولا هو حب
هو انعجب بشكلها وبس وهي الاخرى عدها اسلوب يجذب اكبر ازلمه
وكل نوبه اگلو بشار هالبنيه ماتفيدك ويسكتني
عاد يوم من الايام وعن طريج الصدفه سمعت صديقتها تعاتب بيها وتگلها
الصديقه: بشار خوش ولد ولتخسري متلگين مثله
زينب : بله متسكتين لخاطر الله لج هَََذا شنو القروي
انتي مدتلاحظين طريقه كلامه شلون تفشل
كل عقلج اربط مصيري وحياتي بواحد مثله اله اذا تخبلت
الصديقه: تتندمين والله
زينب : على شنو اتندم بله
لج بابا استاذ معن راح يتقدملي
بربج تريديني اعوف الاستاذ واخذ الطالب
الصديقه: لعد ليش حجيتي وياه ليش بينتيله هو حبيبج وانتي حبيبته
زينب معقوله مفكرتي شراح يصير بي من يعرف
زينب : اني احب هيج واحد😏😳
جان مجرد استلطاف لااكثر ولا اقل
واني وياج هو صح شكله حلو وجذاب بس مستحيل اخسر استاذ معن بسبب بشار
لج بابا معن ويييين وبشار وين
ويه معن راح تكبر مكانتي ويصير لوجودي قيمه
بله متگليلي بشار شنو الي يقدمه الي هو خلگ طالب لاوراه ولاگدامه
الصديقه: الي عليه سويته ونصحتج وياصديقتي كلمن عقله براسه يعرف خلاصه
محارب: من سمعت حجيها اهجس روحي دخنت وماعدت اشوف شي جدامي
عاد ركضت لبشار وگتلوو على الي سمعتو بالتفصيل
بس الي زاد الطين بله ردو
ردو الي ذبحني 💔
ردو الي خنگني وماعدت اگدر اسحب انفاسي 😭😔
ااااااااااااااااااااااااااخ يبشااااااااااار
جنت اگول امي تعوفني وانت ماتعوفني
رديت للبيت واني امشي بلا وعي
والي يحاجيني ماردلو
طبيت البيت تلگتني امي
فضه: ماتو اهلج يفضه 😱😱
شجرالك يبعد عيني علش هيج عيونك حمر
محارب: مابيه شي يمه مابيه تطمني
فضه: يول آٌني امك اعرفك ازود من حالك
محارب: اي وحگ الله اليوم عرفت محد يعرفني غيرج 😭
فضه: لا تور(تحرگ) گليب امك يبعد عيني
گولي شبيك
محارب: اريد آنام يمه اريد انام تعبااان جثير
فضه: يخسه التعب يبعد عيني
محارب : اروحلج فدوه يبعد عيني خليني انام
فضه : تَعَشَه بالاول يگليب امك
محارب: تَعَشيت يمه تَعَشيت وابشرج خوووش عشه
فضه: عجل نام يايمه نام
والله يريح بالك يوليدي
مشت الايام والكل مصدوم اشلون بشار ومحارب يتكاونون 😳😳
محد يرضى يصدك اليسمعو
وحتى آٌنـي تغيرت جثيررر
وعگب ما جان المكان الي بي بشار من احب الاماكن على كٓٓلٍٰــْـٍْـٍْــبْْي صرت اكرهو وما اتدنالو
ابتعدت عن الكل ماريد احد ينشدني
لنو مااعرف شرد وشگول
وان سولفت
شگوووول اخوي يگلي تغار مني
حتى المضيف الي جنت اكاون (اعارك) اذا فاتتني گعده بي صرت بالصدف احدرلو
وكل نوبه اذكر بيها رد بشار تغورگ عيوني وتنزل دمعتي
عجل يول مالگيت غير هالسالفه تتهمني بيها اااااااخ 🥺
بشار : عگب الي صار بيني وبين محارب انتهى كلشي حتى السلام انشال هو بطريج واني بطريج
حتى بالحاظره لاهو يدحج علي ولا اني الزعل طول والكل ينشد يريد ايعرف شنهو السبب بَـس لا آٌنـي ولا هو سولفنا
لكن من يوم الي صار واني انزرع الشك بيه اتجاه زينب
الى ان اجتني صديقتها وحاجتني
جانت البنيه اتعرفني بحكم آٌنـي رفيج حبيبها
بنين : هلو بشار
بشار: ياهلا
بنين: راح اگلك شغلة بَـسّ ارجوك لا اضوج وصدگني انت مخسران هي الخسرانة
بشار : شنهي الشغلة 🤨🤨
بنين : بشار زينب انخطبت لاستاذ معن
بشار : شنهو😳
شجاي اتحجين انتي 😡
بنين : والله هي الخسرانة وانت الله خلصك منها لان زينب متحب غير نفسها وبس
وانت عزيز عليه لذلك اجيت گتلك
بشار: ايمته انخطبت
بنين: البارحه
بشار : عفت بنين اتسولف وجزيت على زينب اريد احط عيني بعينها واگلها عليش هيج سوت
شونج زينب
زينب : الحمدلله
بشار : سمعت مخطوبة
زينب : الي سمعتة صحيـح وخطيبي هو استاااااذ معن 😌
بشار : استااااذ معن (حجيت مثلها )
دحجي يولي 😠😠
اني ماخسرت الحمدلله ربي نجاني منج ومن شرج والاستاذ الي انتي فرحانة بي مايوصل لمستواي
دحجي يأم المستويات
يلي تيدين المستويات خلني اعلمج منهو بشار
يولي انييييي المحامي بشار ابن الشيخ دحام الـ....
تعرفين شنهو يعني
يولي آٌنـي حفيد الماتو وتاريخهم حي
صيتنة واصل لاخر الدنيا
وان جان على المال فمالنة وحلالنة يغطي عين الشمس
هاذ بشار يزينب
هسعينه عرفتيني منهو آٌنـي ؟؟؟؟؟؟
دحجي وحق الله لو مادريها ترد علي بالشينة جان عرفت شلون اذلج
واخليج تركعين يم رجلي
بَـسّ آٌنـي شيخ ومن ظهر شيخ
والعرض عندي غالي اغلى من روحي
اٍٰخــافًًً بيوم تندار الدنيا واني عندي خوات
روحي يزينب الله وياج بَـسّ خليها ترجية باذانج
سالفتج وية هالستاذ مْْـٍـٍو طويلة
وبحيل الله يجي يوم واذكرج بيها
والي صار اليوم انطاني حافز قوي اكمل المشوار
عگب التخرج ومااگف هينه
واضل اكافح لين اوصل للاعلى منصب
واتمنى من الله يزينب اتمنى نهايتج ويه استاااااذج تكون بجره قلمي
الي يوقع على طلاگج منو
ويلة ولي من جدامي لنو شوفتج صارت تكشش الروح
اااخ يبشار💔😔
وسفة والف ياحيف عليك
يول هي هاي الي تهمت اخوك وعفتو لجلها
فييين الله حظي على هالعمله
والله اني حرام انعد على الزلم عگب اسوايتي الي اتصخم الوجه
بعت احزام اظهري لجل مرة ااااااخ ينار كٓٓلٍٰــْـٍْـٍْـ♥ــبْْي
محارب : واگف جاي ادحج على الجدول ماهجس غير بشار وراي الوجه احمر والعيون دم تخبلت من شفتو وگتلو شبيك يخوي 😳
ماهجست غير حضني وبجة😭
هد حيلي من شفتوو
يول عليش تبجي ماتسولف
يول بشار لاتور گلبي عاد
شنهو الجرالك يخووي سووولف منهو الغاثك
بشار : محارب يخوي آٌنـي تهمتك وسمعتك كلام امر من الحنضل اترجاك يخوي اتسامحني
محارب : من گال بشار سامحني رديت بشريط ذكرياتي لليوم الي گالي آنت اتغار مني 💔
جريت حسرة طوووووويلة
لو الها حس جان اصرخت
عاد ضربتو على جتافو وگتلو هونها وتهون يخوي
الاخو مايشيل على اخو
وانت ترخصلك الروح
بَـسّ تــعـال سولفلي الي جرة
عاد گعدنة سولفنة وتعاتبنة وتصافينة
&&&&&&&&&
عز العزيز اللي توده وتغليه
مادمت حي ودام عينك تشوفه
لوصد يشفع له حلو ماضيه
وحقه عليك إنك تقدر ظروفه
يابن عمي ودك ماني بناسيه
ومن شرى ودي انا دايم الدوم شاريه.
&&&&&&&&&&&&&&
وعگبها امتحنه وتخرجنة وطوينة صفحة اسمها الكلية
لكن بشار من يومها تغيير جثيييير وانگلب ١٨٠درجة
فقد الثقة بالكل
وكره شي اسمو مرة
حتى خواتة المسيجينات طالهن شرو
وبطلهن من المدرسة تخبل اخبال
و مايفيد بي ايهو الي حاجي
مايسمعو
شگد مانسولف وياه
ما على السانة غير سالفه
الحرمة حية والزوم تنضرب على راسها
.........................لازال للقصه بقيه ولازلت اكتـ✍ـب
&&&&&&&&&&&&&&&
وهذا البيت مني الكم
العشرة صعبه ودير بالك على الصديج
لاتدور وجوه جدد ابقه وي ذاك العتيج