ابن الشيخ واليتيمة
الكاتبه سما حمد
البارت الاخيييير
.................👑
عشرتهم قهر اكلت شباب الروح
مثل حال الخشب لو عاشر الأرضه
أنفض ذكريات يجوز سهله تصير
لكن هذا الوقار براسي شينفضه
تركولي اثر بكل خطوه دمعه تصيح
عنهم لا بعد للموت ما ارضه
شرسم يافرح وبروحي عزرائيل
ميت روح عاش بروح منقبظه
مشو وسنيني تمشي وكلبي مابي خير
العمر فدوه يكلي ! المحب شيعوضه
الكتبتلهم قصايد! عالشعر كالو عيب
وحق ربك حرام بحقهم الومضه...(لسان حال مسره)
بشار: لا هاي مو رهيفه الي اعرفها
شلي غيرها
ااااخ كلو مني اني الي وصلتها لهالمواصيل
الشيخ: يابه طلج البنيه وخلها تشوف حياتها
البنيه بعدهي زغيره وحليوه والف من ايتمناها
بشار: فنه الي ايتدنالها وخشمي يشم الهوا
خلها تشوف حياتها يوم يغطي وجهي التراب
&&&&&&&&&&&&'
فنـه اليجيس اهـواي ويمس خـياله
الـبرد لـو جـاساه ڪل عطـوه مـالـه!
&&&&&&&&&&&&&&'
الشيخ: والتالي
بشار: مالها تالي
رهف مرتي وتضل مرتي لماموت
الشيخ: مايصير يوليدي علش هالانانيه
اليوم ازود من ثلاث سنين البنيه معلگه لاهي للسما ولاهي للگاع
بشار: ياااابه مرتي مااتنازل عنها 🥺
طلعت من المضيف وروحي لايبه ماعرف شنهو الي اسوي وارددها
وگفت باب المطبخ وجان تجي مسره
عفتها وطلعت ولنها تصيحلي
مگدر اصد بوجها
لن كل ماادحج عليها اشوفها هي الحاجز الي بيني وبين رهف
شتريدين 😒😒
مسره: اني ماريد ابنك ايريد
بشار: لاتخليني اسبج واسب ابني وياج
مسره: بشار يزك عاد
علش ماتقتنع اني حاظرك وام ابنك
رهف جااانت مرتك وهاذ ماضي
وهي ماتريدك
علش مجلب بيها
لو تعلمت على المذله
بشار : 😡😡😡😡
شنهوو ولج شگلتي
مسره: وحگ الله زله لسان
بشار: انتي طول لسانج وصايره ماتحشمين
واليوم اعلمج شلون تسولفين وياي
گضبتها من شعرها وجان توگع بالگاع
عادين سحلتها من المطبخ لماوصلت باب الغرفه
امشي اترفس بيها
خليتها تيد تجر النفس ماتگدر
ضرغام: يول تخبلت عوفها 😡
بشار: بالحرام مسره بعد ماتصيرلي مره
ام ضرغام: يول علش شنهو الي جره
بشار: منهو الي ينذل يولي
ابوج شبعج خبز ماعرف يشبعج اخلاق
ضرغام: يول المره حامل هدها
بشار: انعل ابو الجاهل ماتلوي اذراعي بي
ام ضرغام: امشيه عليك الله تعوفها ولك يمه البنيه گامت تنزف
بشار: عساها بالموت الياخذها ويخلصني منها
ضرغام: شو امش جدامي 😡
بشار: ماتضل هينه هسعينه تمشي لهلها
ضرغام: ول يابه امش جداااامي
بشار: طلعت للمضيف واني گوه اجر النفس
حيلي انهد
وگلبي يوجعني 💔
ماتحملت طلعت وجان يلحگني محارب
محارب: يول بشار تهده لايصير بيك شي
بشار: وگعت من طولي بالگاع وبجيت مثل النسوان 😭😭
يول مااتحمل بعد مااتحمل
محارب : لايخوووي انت قوي
ورهف ترد لاتشيل هم
وهالدموع غاليه يابو شاهين
بشار: رهف ماتيديني يول ماتيدني
وكلوو مني
محارب: رهف ازعلانه جي تزوجت عليها ونوب اسمعت بمرتك حامل
جم يوم وتبرد السالفه ونحاجيها
يول ماتعرف النسوان ناقصات عگل
رهف: الا رهف
محارب: شو گوم
اليشوفگ يگول غرگانه السفن مالته
بشار: رديت للبيت دابدل ولن امي تصيح
خيرج يمه😳
ام ضرغام: مسره تنزف
بشار: عياره نسوان
ام ضرغام: ولك يمه البنيه تنزف
بشار: ويطبها مرض
ام ضرغام: امش داتوصلنه للمستوصف
بشار: لاتحلمين يمه خلي اي واحد يوصلكم
وعفتها ومشيت
طبيت الحمام غسلت ومن طلعت مالگيتهم
بدلت وطلعت للمضيف
واني الدنيا طالعه من عيني
عدنان: يول بشار انت هينه
بشار: خيرك
عدنان: مرتك
بشار: شبيها
عدنان: وگع الطفل
بشار: ويطبها مرض
عدنان: كل عگلك تسولف
بشار: گول لامي خلي تزتتها لهلها ماريد اشوف شكولها عگب اليوم
عدنان: شنهو الي صار
بشار: 😠😠
رديت للبيت لگيت اهل مسره يمنه
ام مسره: علش يمه هيج سويت وراح وليدك
بشار: انشدي ابنيتج المربايه شنهو السبب
ام مسره: شنهو 😳
بشار: اني گلتلها گبل لايوگع الجاهل مالج مكان هينه
بنتج تجاوزت علي ومو بشار الي يرضى بالاهانه
ام مسره: گول ياالله وليدي
بشار: الي عندي گلتو
ومسره عگب اليوم ماتصيرلي مره
مسره: واني هم بعد ماضل هينه والي يربطني بي وگع
بشار مايتعاشر
YOU ARE READING
ابن الشيخ واليتيمة
Romanceمساء الخير اجيتكم بقصة حلوة وغريبة للكاتبه سما حمد كل تصرف يصدر منا هو عباره عن رده فعل لصفعه تلقيناها من شخص قريب وعزيز على قلبنا لانه لو لم يكن ذلك الشخص عزيزآ لما صدر منا هكذا تصرف ، وقبل ان ابد بسرد احداث قصتي يجب ان اُلفت انظاركم لشيء سبق وتحد...
