ابن الشيخ واليتيمة

20

ابن الشيخ واليتيمة
‎الكاتبة:-سما حمد
‎البارت العشرون
................👑

‎شيماء: وحگ الله ماصار شي
‎محارب: تلصمي 🔥🔥
‎شيماء: اني جاي اسولف بالي صار ماعگبت ولاكلمه
‎وهو يصيح تلصمي
‎بس ماسكتت
‎وماهجس غير ايدو على وجهي 😳😳
‎ضربني ضربه وگفت عگلي
‎موبس لساني
‎يول علش 😭💔
‎محارب انت مامصدگني🥺🥺
‎وروح جديتي ماصار شي غير.....
‎محارب: لاتسولفين كافي 😡😡
‎شگالولج يابه محارب
‎عايش بمريكا
‎يوووولي فيصل كسرني بيج 😡😡
‎تعرفين شنهووو كسرني
‎شيماء: اگولك وحگ الله ماصااار شي
‎محارب: حسج مااسمعه
‎ماگفاج خربتي فرحتي تيدين تخربين فرحه امي
‎شيماء: انت علش ماتفهمني
‎محارب: 🤫🤫🤫🤫
‎شيماء: گال اسكتي وعافني وطلع
‎لو اني تخبلت
‎قفلت باب الغرفه وگعدت ابجي على حضي
‎علش من دون امه محمد ليله عرسي هيجيان
‎ااااااخ يحضي الردي
‎عاد تأخر محارب مارد
‎گمت ذبيت بدلتي ومسحت مكياجي
‎وتمددت بس مافعل ابطل بجي عيوني ورمن 😭😭
‎شويه وجان يطب محارب
‎محارب: اسمعي يولي 😡😡
‎جدام كل الوادم انتي مرتي ومابينه خلاف
‎بس هينه اياااج تفكين حلگج وتسولفين جلمه
‎وتسوين فضل لو نمتي بالگاع
‎شيماء: يول والله مالي ذنب
‎محارب: ولواله 😡😡😡
‎منا وغاد اتحاسبين على اي جلمه افتهمتي 😡
‎شيماء: گمت مديت فراش بالگاع ونمت جانت ليله ماتسولف من القهر الي مر علي بيها
‎ومن يومها
‎محارب جدام الوادم شحلاتوو
‎ومن نضل وحيدنا مالو غرض بيه 😔😔

‎رهف: سوالف بشار ماعاد تنطاق
‎تيسير: يولي علش ماتسولفين ويه عمي يرددج يم عمي ضيغم
‎رهف: العام سولفت وياه ومارضه
‎بس هالسنه مگدر اضل هينه
‎تيسير : وشراح تگوليله
‎رهف: اگلو هينه مافتهم وتدريسهم موزين وبلكي الله يرضه
‎مسره: الله يساعدجن
‎تيسير: ياهلا بمسره حياج
‎رهف: هلا وجثير الهلا
‎يولي مشتاگتلج
‎مسره: اليشتاگ يسأل
‎رهف: وحگ الله ماعندي وكت من المدرسه للبيت
‎وهاي تيسير تشهد
‎تيسير: اي والله ونوب تيد ترجع يم عمي ضيغم
‎مسره: علش يولي هينه اخيرلج
‎تيسير: يولي بشار خبلها
‎كل نوبه يگوللها بطلي
‎ماعندو شغل غيرها
‎مسره: يولي خافنه عاشگج😔
‎تيسير: وحگ الله اني هم گلت هيج
‎رهف: غدي غدي غدي
‎شهالسيره الي تضيگ الخلگ
‎مسره: اييي يرهيفه ماعاجبج بشار
‎وهو كاتل روحو عليج بغير مايحس
‎واني الي اتمنى نظره منو واعرفو مايريدني
‎ولسه متانيه 💔😔(اسولف بكلبي)

‎شمتانية ؟
‎شابن ارموشچ بالقهر
‎العاشگته عاشگ ثانية 💔
‎• شمتانية ؟
‎• مو دگات گلبچ تنسمع
‎• تبچين سكتة بلا دمـع ومتانيـة؟!

‎تيسير: يولي رديتو خبر لبيت حمادي
‎مسره: اني گلت لبوي ماريدو
‎رهف: يولي علش ماترضين خلنه نفرح شويه
‎مسره: روحي طابت من الجوازكلو
‎رهف: يولي علش
‎بعدج زغييره وكلها اتمناح
‎مسره: بس الي اتمناه مايتمناني اسولف بكلبي 🥺
‎تيسير: بعد ماجايه قسمتها
‎رهف: الله يسعدج
‎ضلينه گاعدين نسولف ونضحك لما اجه ابوي
‎ابوعلي: حياكم الله
‎الجميع: حي الله نباك
‎ابو علي: يابه رهيفه ماتسويلي حامض
‎رهف: ٺـ♥ـدلل يابه
‎سويت حامض لبوي وصبيت الي ولتيسير هم
‎يابه
‎ابو علي: هاا
‎رهف: يابه تعرف هالسنه اخرسنه وهينه المدرسين مايفهمون
‎يبعد عيني خلني ارد لمدرستي اگضي هالسنه بيها
‎ابو علي: ابد لاتسولفين هالسالفه بعد
‎تيسير: عمي مشيه عليك الله ترضه
‎رهيفه تيد معدل وهينه مايعرفون يدرسون
‎رهف: اي يابه
‎ابو علي: يولي ماصدگت تردين جاي نوب ارددج بيدي
‎ماتصير ولاتجرى
‎رهف: يابه طلبتك لاتفشلني
‎ابو علي: خلني افكر
‎رهف: بلكي الله ابوي يرضه لن بعد مااتحمل هينه
‎بشار: اني اعرف ادوااج يرهف
‎اليوم انهيها وياج
‎طبيت للبيت غسلت وبدلت وتعطرت
‎اليشوفني يگول عريس
‎وطلعت للمضيف
‎وكت العصير(العصر)والمضيف مليان
‎محارب: اليوم طالع عريس
‎بشار: شنهو اول نوبه اكشخ
‎طبينه اني ومحارب سلمنه وگعدنه
‎جان اسمع ابوعلي وابوي يسولفون برهف
‎وابوها يريد يردها يم عمها تدرس
‎جنت متردد بالي ردت اسوي
‎لكن عگب الي سمعتو تقويت
‎شيخنا اريد وگفتك وياي
‎الشيخ: ابشر
‎بشار: يابه اني قررت اتجوز
‎الشيخ: ابركها من ساعه
‎ابوعلي: اييي بيها الخير يوليدي
‎بشار: يابه اريدك تمشيلي على رهف بنت عمي رافع
‎الشيخ: عفيه بالسبع
‎خيرر ماختاريت
‎اااي يبو علي وشتگول
‎ابو علي: الگول گولك يالشيخ
‎الشيخ: لامايصير انت صاحب الراي
‎والي تگولو يتنفذ وان مارضيت صدگ مانشدك علش
‎ابو علي: البنيه بنيتكم وبالخير عليكم
‎لكن لي طلب
‎الشيخ: وهو
‎ابو علي: امي الله يرحمها وصتني بدراستها
‎وهالسنه اخر شي
‎وعگب ماتگضي گبعوها واخذوها
‎الشيخ: غالي والطلب رخيص
‎عجل عگب العشا نسير عليكم دانقره الفاتحه
‎بشار: من سمعت طلب عمي تخبلت خبال وتوني جاي اسولف وابوي رد بمكاني
‎ماترهم اسولف بعد
‎اااااخ تخبلت خبال
‎بس هييينه يرهف
‎الماضوگتج المر اني موبشار
‎مواني گلت الحريم حيايه
‎اااااخ 😡😡😡
‎رهف: من عرفت بشار محاجي ابوي علي تخبلت يولو اني اخذ هالخبل هاذ
‎شلون اعيش وياه
‎اكرهو يربي اكرهو
‎اني لو لاگيتو صدفه انهزم منو
‎موعاد اصبح وامسي بوجهو
😔😔
‎گضينه العشا حيل حيل (بسرعه بسرعه)
‎لن يريدون يقرون فاتحتنه
‎ااااخ يجده
‎علش عفتيني
‎بهالضيم
😭😭
‎تيسير: يولي يخبله غيرج ايتمناه
‎رهف: الي ايتمناه خلها تاخذو وتخلصني
‎تيسير: هو ايريدج انتي ماراد غيرج
‎رهف: يولي اكرهو تعرفين شنهو يعني اكرهو
‎تيسير: عگب العرس تحبينو وتغارين علي هم
‎رهف: غدي غدي اني اغار على هالخبل
‎تيسير: ههههههه
‎رهف: اجوي بيت عمي دحام كلهم وقرو الفاتحه
‎وشتغلت الهلاهل
‎اليگول عرس مْْـٍو قرايه فاتحه
‎واني بحجه المستحاه لاطبيت ولاشفت احد
‎عادين دارن النسوان يمي
‎ادحج عليهن الفرحه مرسومه على وجوهن
‎واني اليگول عندي ميت 🥺
‎شيماء: يولي موگلتلج بشار ايريدج
‎نظرتي ماتخيب
‎رهف: لايولي بشار مايريدني
‎بس لن تحديتو
‎سوه هيج
‎انت بعدج ماتعرفين بشار
‎شيماء: تلصمي تلصمي
‎يولي بشار لو مايريدج ماجان مشه عليج
‎ولو مثل متگولين تحدي جان عرف شلون يغلبج
‎رهف: يولي ماريدو 😔
‎شيماء: تلصمي اخوي ماكو بحلاتو
‎اذكريني يولي هسعينه يجي يوم تعشگين الاثر مالو
‎رهف: اگول تلصمي اخيرلج
‎شيماء: 😂😂
‎رهف: شلونكم انتي ومحارب
‎شيماء: 😔😔
‎يولي لسه مايحاجيني
‎رهف: تراج عايله
‎عجل اكو مره عاقله تگول لرجلها بليله عرسهم
‎فلان حضني
‎شتريدين يابه ياخذج بالاحضان ويگولج انسي الصار
‎ترانه مو اجانب
‎وانتي تعرفين ربعنه دمهم حار مايتحملون
‎شيماء: وشنهو الي اسوي ماتگوليلي
‎رهف: والله يخيه ماعرف 😔😔
‎هسعينه دايخه باخوج
‎اگول عمتج تعرف بيكم
‎شيماء: لااااا
‎جان اشهرتني
‎يولي جدام الكل شحلاتوو وشلون ايتصرف وياي
‎وبيناتنه اكره روحي
‎رهف: تستاهلين
‎شيماء: يولي لو ضامه السالفه وعگب يسمعها جان ماطلگني؟
‎رهف: اوووف يشيمه
‎حاولي نوب وياه
‎تأسفيله بلكي الله ويرضه
‎شيماء: ان شاءالله
‎تيسير : يگولون يله
‎شيماء:يولي انخيلي
‎وحگ الله ماتحمل هالجفى منو
‎رهف: لاتبطلين ضلي سولفي وياه
‎شيماء: ردينه لبيتنه والدرب كلو عيني على محارب
‎يربي شكثر فرحان
‎اليوم لازم اسولف وياه
‎اني مالي ذنب بالي صار
‎وهو لازم يسامحني
‎عاد وصلنه البيت عمتي راحت نامت
‎واني ومحارب طبينه الغرفه محد يسولف ويه الاخر
‎بدلت اهدومي وتگلطت علي ماترهم نضل هيج
‎محارب يعيني ليمتى نضل هيج
‎وحگ الله ماتحمل بعد
‎يول والله ماصار شي غير الي گلتوو
‎محارب: شيمه تلصمي
‎شيماء: مااتلصم واليوم اذبحها على قبله
‎محارب: جااي اگولج تلصمي😡😡😡
‎لاتخليني آطُـلع من طوري
‎شيماء: تيد تطلگني يوليد عمي
‎محارب: 😒😒
‎تطمني هالشي مايصير ويجره
‎طبيتي لهاذ البيت بالابيض
‎ماتطلعين منو غير بالابيض
‎شيماء: عجل شمتاني موتني وخلصني
‎خمس اشهر اليوم وياك
‎جاي اتحاسبني على ذنب ماسويتو
‎محارب: دحجي يولي اليوم اني فرحان فانطمري اخيرلج ولاتخربين علي فرحتي
‎شيماء: ماتحملت اضل بالغرفه شلت فراشي وطلعت نمت بالربعه
‎وابجي على حظي
‎شنهو الي سويتو داهيج يصير بيه
‎كلو بسبب فيصل النذل
‎روح يفيصل عساك بمرض ماتگوم منو
‎شويه وجان اشوف محارب فوگ راسي
‎محارب: گومي شيلي فراشج وردي للغرفه
‎لا بالحرام هسعينه اطلع روحج
‎شيماء: مارد شعندي راده
‎محارب: جاي اگولج گوووومي
‎شيماء: واني گتلك ماگوم
‎ماهجس اله محارب گاضبني من ايدي ورفعني
‎يول علش هيجيان
‎جاي اگولك عووفني
‎امشي واسولف وياه الماوصلنه الغرفه وجان يشمرني على الجربايه بكل حيلو
‎اهجس ايدي انكسرت لن ثگلي كلو صار عليها 😭😭
‎محارب: علش يابه ماتردين هينه
‎شتيديني يولي اخذج 😡🔥
‎عگب الي سمعتو
‎شگالولج محارب دثو
‎دحجي يولي واسمعي زين
‎لاتحلمين بيوم من الايام تصيرين مرتي

‎شيماء: واني عگب هالليله ماضل هينه لو أّموت
‎باجر يصبح الصبح وامشي لهلي واسولف لبوي على الي صار وياي
‎شيريد يصير خلو يصير
‎محارب: ان جانج مره سويها
‎شيماء: مره ونص
‎وانت اتعرفني زين ماخاف من شي ؤلو گلت افعل
‎محارب: هينه گبرج
‎ماتحركين منو اله بامريً
‎شيماء: شيمه محد ايأمرها
‎ولو جان ابوي
‎محارب: اني محاااارب يولي تعرفين منهوو محااارب
‎شيماء: على روحك يوليد عمي
‎غير هالليله مايجمعنه مكان
‎محارب: عجل خلنه نشوف

‎..............لازال للقصه بقيه ولازلت اكتـ✍ـب
‎توقعاتكم