ابن الشيخ واليتيمة
الكاتبة:-سما حمد
البارت الواحد والعشرين
................👑
حبايب كلبي اسفه جدا على التاخير
لكن والله غصب عني جنت كلش مريضه
شيماء: عگب المعاتب والسوالف الماجابت نفع ويه محارب قررت ارد لهلي
لن مو شيمه الي ترضة بهالحال
مديت فراشي وتمددت واني عيوني مابطلت دمع
ماعرف شلون غفيت
گعت الصبح دحجت محارب بعدو نايم
عاد لميت فراشي وطلعت
بيت اهلي جدام بيت عمي جريب (قريب)
صبحت على عمتي فضه
صُباح الخير عمه
فضه: ياهلا بهالصباح يعيني
شنو رجل بعدو نايم
شيماء: اي عمه بعدو
فضه: عجل تعاي خلنه نتريك
شيماء: سويت ريوگ الي ولعمتي وتريگنه
بس آٌني ايدي على گلبي اخاف لايگعد واني بعدني هينه
عاد كملت وغسلت المواعين
اگول عمه اني راح اروح لهلي
بطبعنه عادي نروح ونرد لنو باب گدام باب
وعمتي كل ضنها اروح اشوفهم وادر مثل كل نوبه
عاد ماگالت شي
طلعت بثوبي
امشي واتعثور خاف لايگعد محارب ويخربها علي
بسمه: ياصباح الله خير
بولي ماتگوليلي شعندج گاعده غبشه
شيماء: شتاگيتلكم غير
بسمه: عجل بروح اهلج گشي الدير بين ما الملم المطبخ
شيماء: اخاف اضل بالدير لايشوفني محارب عاد گلتلها
اني الملم المطبخ وانتي گشي الدير
بسمة: والله وكفوو منج يشيمه
شيماء: 😒😒
غسلت المواعين وحطيت الجدر على النار
وجان اسمع صايح لم الديره
عاد طفيت الطباخ وطلعت داشوف شنهو الصوت
ولن الوادم اتراكض على بيت عمتي هاشميه
واني ماجذبت خبر
ركضت وياهم
بيتها ورانه
ولمن اصل وادحج 😳
دخيلك يربي النارر تلهب
والوادم فازعه
محارب: يولي منهو گالج تطلعين
شيماء: مووكت هالسوالف
جاي نسولف ومانشوف غير فيصل يطب البيت دايطلع عمتي
والوادم تصايح علي شلون طب وراح يحترگ
شويه وجان يطلعون
هو محترگ هينوب بس بعدو عايش وعمتي اشو منو(احسن منه)
اني شفتو بهالحال لو تخبلت
نسيت كل عمايلو
وتذكرت يومن جنت زغيره وهو يلاعبني ويخاف عليه من النسمه
تگلطت علي
فيصل لاتخاف اتحسن ان شاءالله
فيصل: حالليني واهبيني يخيه على كلشي
شيماء: يبعد اخيتك لاتگول هيجيان
جاي اسولف وجان يسحبني محارب
عاد شالو فيصل هو وعمتي للمستشفى
فيصل اول ماواصل المستشفى سلمها لن صاير عندو تسمم
وعمتي ثاني يوم لحگتو
تخبلنه عليهم
مامصدگين الي صار
الفاتحه صارت بيتنه لن بيتهم احترگ
طول فتره الفاتحه واني مااحاجي محارب
عاد طلعت السبعه
جان يجي محارب عليه
محارب: يله شيمه ماتردين لو حلالج الجو
الشيخ: لو ما جاي اليوم جان گلت متكاونين
محارب: الله يجفينه شر المكاون
الشيخ: من تجوزتم وانتو تسيرون وتردون سوه
هاي اول نوبه تضل شيمه
محارب: والله يعمي على عمه عيني بس لخاطر بنوات عمتي الله يرحمها گلت اتوانسهن
الشيخ: بارك الله بيك يوليدي
عجل يابه شيمه هيري روحج داتردين
شيماء: تامر يابه
رديت ويه محارب للبيت
من غير ماسولف جلمه
محارب: شيمه ماتسويلنه جاي
شيماء: اي ٺـ♥ـدلل
فضه: يمعود شلگ بالجاي
يبعد عمتج سويلنه حامض
شيماء: ٺـ♥ـدللي عمتي
سويت الحامض وشربنه
عاد عمتي مثل كل نوبه راحت نامت واني شلت الصينيه وغسلت المواعين
رديت للهول جاي اتفرج على التلفزيون
محارب: طفي التلفزيون ولحگيني
شيماء: جاي ادحج 😒
جان يخطف من جدامي يطفي التلفزيون
ويجرني من ايدي للغرفه
علش بله هيج سويت😡
محارب: حسسسسسج لاترفعينو بوجهي
شيماء: وشلي تيدو مني
محارب: دحجي يولي
يومن شفت فيصل جاي يتماوت
وگالج يخيه
هالجلمه اهجسها امسحت من عگلي كل الي سولفيلياه
الزلمه راح لدار حگه وماتجوز علي غير الرحمه
بس لو آٌني بمجانو اسوي ازود
حتعينه مااخسر الي احبها
بس يشيمه انتي غلطتي
ؤلو واحد غير ومسولفتلو الي سوالفتي الي بليله عرسي
الا الجان طلگج ورددج بلحظتها
بس الي شفعلج هاذ واشرت على كٓٓلٍٰــْـٍْـٍْـ♥ــبْْي
يولي الي سويتي مايتسولف
شيماء: عجل اسمعني زين
اني من سولفتلك بساعتها لن ماردت تسمع من غيري
وجنت خايفه من فيصل الله يرحمو لا يجي ويگولك السالفه ويكبرها من عندو
محارب: يولي لو مخليتني على عمه عيني ولامسولفتها
تعرفين اني شصار بيه
يووووولي خليتيني من اسمع باسم فيصل انهزم
مگدر اواجهو
لن تحداني يوم المشيه
وعگب الي صار اهجس كسرني بيج
شيماء: بس آٌني گتلك على الصار وماضمين منو
محارب: هالسالفه سديها
وماريدها تنعاد
وانوب من عندج سالفه اعرفي شلون تسولفيها
شيماء: 😒😒
محارب: ماعاجبك كلامي
شيماء: علش رددتني
محارب: لن هاذ مجانج
شيماء: وين بله بالگاع
محارب: هينه مجانج 👈🏻❤️
شيماء: 😳
محارب: الفات خلو يولي
وخلينه نبدي من اليوم حياتنا الجديدة
شيماء: اعذرني يوليد عمي
مگدر
محارب: هاذ الشي موبكيفج
شيماء: لا بكيفي
محارب: عجل خلنه نشوف بكيفمن
شيماء: وجان يجرني على صدرو
وحضني كل قوتو
بالاول مارضيت ودفعتو
گمت ابجي واعاتب بي
يول لوماتعرفني 😭
محارب: يولي موشيبتيني
من يوم العشگتج ولهاذ يوم الله
خلنه انتصافه
وگتلج الفات خلو يولي
شيماء: ضليت اسولف ماسكتت هاذ طبعي شسوي يربي
ماهجس اله محارب سكتني بوسه 💏
بالبدايه قاومتو عگب ماعرف شنهو الي صار
بلحظات گدر يمتص كل قهري
وخلاني طايره بالسما
نساني كل الايام الراحت
ورجعني لايام حبنا ومباوگ النظرات 😍
عاد بادلتو المشاعروووو💏(وانتو شكو تباعون يله من غير مطرود 😂)
عادين صرت مرت محارب الي مرمرني بعشگو
ياابه شكثر احبو 😍
VOCÊ ESTÁ LENDO
ابن الشيخ واليتيمة
Romanceمساء الخير اجيتكم بقصة حلوة وغريبة للكاتبه سما حمد كل تصرف يصدر منا هو عباره عن رده فعل لصفعه تلقيناها من شخص قريب وعزيز على قلبنا لانه لو لم يكن ذلك الشخص عزيزآ لما صدر منا هكذا تصرف ، وقبل ان ابد بسرد احداث قصتي يجب ان اُلفت انظاركم لشيء سبق وتحد...
