ابن الشيخ واليتيمة
الكاتبة:-سما حمد
البارت السادس
..................👑
مشت الايام والله وفقنه ونجحنه وضرغام جزاه الله الف خير ماقصر وگفلنه خوش وگفه
ونقبلنه بكليه القانون
الدنيا ماسايعتنه من الفرحه وكل يوم محدرين للسوگ نشتري ملابس شكل
ماضل غير ايام ونداوم
الشيخ :ياحي الله وليدي المحامي
بشار:حي الله من گال يالغالي
بعد بعد جدامي المشوار طويل
الشيخ :يايابه الايام تركض غمض عينك وافتحها ماتهجس اله انها گضت
بشار: ان شاءالله
الشيخ:عجل محارب وينو
بشار: اليوم مالو خلگ
الشيخ: عسى ما شر
بشار:الشر مايتدنالك يالغالي
تغيير جو
الشيخ :مشافه بحيل الله
بشار: عجل اني اترخص خلني اوايج على حرمتي ههههههه (يقصد محارب)
الجميع :ههههههههه
الشيخ:اواش اواش عندي سالفه وياك
بشار: اي يابه امر
الشيخ :يالله
خلنه انتمشى
بشار:الله يستر احـجي بكلبي
اي ليش لا
الشيخ: يابه بشار الحجي الي سمعتو صحيح
بشار: اي حجي يابه
الشيخ : دحج يوليدي اني لاحاط السيف على رگبتك ولا حاجي بغضب
جاي اتسولف وياك بهداوه لنو اريد اعرف السالفه من الاول
بشار :عرفت ابوي يقصد على مسره
دحج يابه اذا تيد تنشدني على مسره فأ گولك الي سمعتوو مالو صحه
ااااي البنيه هواهه يمي (تحبني)
لكن وحگ اي هاذ 👆🏻ربي وأشرت على السما
الي رافع السما بغير عمد
مسره مثل نغم جدامي
الشيخ : لاتسرع يابه لاتسرع جدامك وكت طويل دانش فكرك زين
والي انعرفو اخيير من الي مانعرفوو
وابوها وليد عمي تعبت عليهن جثيرر
بشار :يابه رحمه لهيلتك (اهلك) شفكر اگولك عادها اخيتي
الشيخ :دحج وليدي جثير زلم تجوزو غصب وعگب الجواز عشگو حريمهم
وانت تگول عادها اخيتي
ياوليدي الوكت يغير جثير اشياء
بشار :الا آٌني
يابه مسره ماتصيرلي مره ابد 😠
ارهوج : رهيفه
رهف :امري جده
ارهوج : لمي هديماتج تانمشي
رهف: منهو يودينه يجده
ارهوج : الي جابنه هو يردنه
رهف : جده علي موهينه
ارهوج : شلووون
رااافع يول هنااااا😠
ابو علي : گولي يمه
ارهوج : منهو ايردنه لهلنه تراني مليت من مجابلكم
ابو علي : لاه لاه يام رافع
عجل احنه منهو مواهلج
ارهوج : مالي خلگ اسولف جثير وامش وايجلنه منهو ايزتتنه
ابو علي : تامرين يمه
لفيت غترتي على راسي وطلعت اوايج بلكي المحلي واحد يزتت امي
لنو اعرفها اليوم لونها اتنام بالشارع ماتضل
بشار : گواك الله يعمي
ابو علي : هلا هلا يوليدي
بشار : تامرني على شي
ابو علي : العفو مايامر عليك ظالم
ادحج على الدرب بلكن ايرد علي لنو جديتك ارهوج تيد ترد
بشار : هههههههه والله جديتي عليها سوالف
لاتشيل هم اني ازتتها خلي اتهير علما اجيب السويج وابلغ الشيخ
ابو علي : جزاك الله خير
عاد رديت للبيت وگلتهن يله تهيرن بشار ايزتتجن
ارهوج. : عجل يايمه مسلم عليكم
ابو علي : على هونج يايمه. شنهي مطروده
ارهوج : 😠😠
يله رهيفه امشي جدامي
رهف : اي اي جده اجيت
طلعت اني وجديتي وصعدنه ويه بشار تايوصلنه
جديتي گعدت بصفو واني وره
ارهوج : بالمبارك عليك اريدك تصير سبع وماتنغلب ولاتخلي النساوين يضحكن عليك
بشار: ههههه الله يطول بعمرج جده شتعرفين بشار؟
ارهوج : اعرفوو شايل خشمو
بشار : لاه لاه يجده
ارهوج : يول مو تروح تمعشگ هذني امهات المدارس
وتعالوومشولي (اخطبولي) تره وصلاه محمد اترفسك ترفس
بشار: ههههههههه كليه اسمها مو مدرسه
يجده ليش اني بحال العشگ خلها تولي هالسوالف
ارهوج : خلنه نشووف يبشييير
اگووول
بشار : گولي جده
ارهوج: يول الك هوه يم مسره (تحبها/تريدها)
بشار: من سمعت اسم مسره انگلب وجهي ١٨٠درجه😠
جده بروح اهلج سدي هالسالفه
ارهوج : دحج خلي احاجيك
الي سمعتو البنيه تيدك وبالعرس عامله بروحها العمايل
هجستها موخاليه
وگومت اخيتها تغسل وجهه
بشار: جده مسره حالها من حال اخياتي
ولو تنطبگ السما على الگاع ماتغيير نظرتي الها
ارهوج: دحج كلمه الحگ اتسولف
البنيه ماطلعت عليها سالفه حليوه وسبعه وام بيت وگرابتنه
بس آٌنـي هجستها خفيفه مو راكده وهالشي مامعجبني
بشار : الله يستر عليها ويرزقها ابن الحلال
بس خل تجافيني شرها
ارهوج : ههههههه مواگولك خشمك عالي
بشار: اي رهيفه شلونج بالمدرسه
رهف : زينه الحمدلله
بشار: عفيه عفيه
تكملين دراسه لو لا
ارهوج : عجل شلون رهيفه تيد تصير مهندسه
بشار : عفيه بالسبعه
شيمه تيد تصير معلمه
رهف : اي ادري
بس بعد جدامنه جثير تعب خلنه بالاول نطب المتوسطه وتالي نفكر بالكليات
على گوله جديتي مانعرف الله شضاملنه
بشار : اي والله يرهيفه مانعرف هالايام شضامه
يله وصلنه ومااوصيج بعد صيري سبعه مهندستنه الزغيره
واهم شي جديتي ديرين بالج عليها
ارهوج : يول وصلت وماتحدر 😠
بشار : والله يجده نوبه الاخره لنو ابو مزاحم ماموجود والشيخ مايمو احد ماترهم اتاخر
ارهوج : امش امش عذرك جوه ابطك
بشار : هههههههه في امان الله
ارهوج : لا تنسى الوصيه بشيير
بشار : ههههههههه مانساها مانساها
محارب : خلو خلو لاتديرو
يول داحاجيك 😠😠
غسان :هاذ رجلج اجه روحيلوو ماعليج بالتلفزيون هههههههه
محارب : فين الله حظك ههههه
بشار : حياكم الله
محارب : هلاا بالغالي
غسان :ومن گال يحيه ويدوم
محارب : الديره توها تنفست ههههههه
غسان :وحگ الله صدگ
يولو اني زلمه واخاف امر من جدامها
محارب :ههههههههههه والله تعادل مليون زلمه
بشار :الدرب كلوو وهي توصي بيه
محارب : علش
بشار : تگلي ابالك تعشگ بالمدرسه تسمي الكليه مدرسه ههههههه
وتعالوو مشولي
ههههههههههه يولو تگلي اترفسك اترفس
وهي ماتگدر تخطي خطوه من غير العوجيه
غسان : تخيلوو جديتي وهي ترافس ب بشار ههههههه
محارب :يول مو اذبح ذبيحه لوجه الله اذا بشار عشگ
بشار : هههههه يولي تيدين اجيبلج ضره
محارب : يبعد اهلي وعشيرتي ماتيد تقهرني هههههههه
بشار:يولي منهو تجي بغلاتج لا وحگ الحگ ماكو
هههههههه
غسان :تراكم تخبلتوو رسمي
بشار:محارب هير روحك عگب يومين الدوام
محارب: اتحجي صدگ
بشار :وحگ الله
محارب:اگوم اتهير من هسه
بشار :هههههههه لا يالخبل
اليوم ماتمشي تضل هينه
محارب : علش بله مضيع حجل فضه (امه اسمها فضه) هينه
بشار:شواي (بعد شويه) يحدرون گوم زامل على الشيخ عدهم طلابه وانت موتيد اتعلم وكل نوب تسويلنه سالفه
محارب : عجل خلني امشي البس ثوبي الجديد وارد
شيماء:بسمه يولي عليج محمد كشي(اكنسي) الدير يولي عاونيني والله تعبت
بسمه : مااعليه
شيماء:يمه 😠 علش ماتطلع بسمه تلم الدير لو على راسها ريشه
ام ضرغام :يولي شهرتينه اليسمعج يگول شتشغلين من الصبح لليل
هو هالدير ومتذابحات علي شو ميلي غاد خلي اطلع اكشو
شيماء:😠😠😠
الماكتلتج يبسمه آٌنـي مْْـٍـو شيمه
طلعت دالملم بالدير واگشو بالعاده كل يوم انگشو نوبتين ٱڵـصبح والعصر
ومااهجس اله محارب ولد عمي جدامي
محارب :گواج الله يشيمه
شيماء: هله هله بمحارب شلونك
محارب : بخير عساج طيبه يولي صايره مره راح انجوزج
شيماء: خلني اكمل دراستي ماهاويه الزواج
محارب: عفيه بالسبعه اشهد بالله انج عجبتيني
شيماء: ايمته تداوم
محارب:عگب باجر اذا الله سهل
شيماء: اييي يمحارب راا....
محارب: اي كملي علش گطمتي سالفتج
شيماء: لا ماكو شي اريد اكمل الدير
محارب: عجل ارخصيلي
شيماء: مرخوص يوليد عمي
محارب: ااااااخ يشيمه ايمته تصيرين الي (اسولف بكلبي )
فضه: هله بهالطول هله بوليدي
محارب: بالمهلي يالغاليه
فضه: اليوم العيون اتبارگ(تبرق /تلمع)
محارب:حلوه وزغيره ااااخ يفضه حلوو😍😍😍
فضه: الله يصگعك ولك منهي
محارب: عگب انتسولف يبعد عيني خلني ابدل ثوبي بشار يتانيني بالمضيف
فضه: اكون تسولفلي (اله تحجي)
محارب: وعيونج الماعندي اغلى منهن اسولفلج عگب مارد
واني جدام المرايه ابدل واغني
عشگ الزغيره مثل الرمد بالعين احوو عشگ الزغيره
واطگ اصبعتين 😍
بعدك باولها يمحارب وتخبلت عجل شلون بتاليهااا (اسولف ويه روحي)
هاشميه: الصلاه على النبي شيمه صايره مره يخوي
الشيخ: عجل يخيتي الواحد يزغر لو يكبر
هاشميه: شيمه من هسعينه محجوزه لفيصل
الشيخ: رضي واخذي (قنعي واخذي) فيصل خوش زلمه على ابو الله يرحمو
هاشميه: يابعد عيني ريتك سالم وحبيت راسه(بسته)
ام ضرغام: ياهلا بام فيصل انتي هينه ومادري
هاشميه:جنت اتسولف ويه دحام وگتلو اريد شيمه لفيصل ومافشلني ريتو بعد عيني
ام ضرغام : فيصل خوش ازلمه بَـس يخيه شيمه بعدهي جاهل وينها وين الجواز
هاشميه : مانجوزهم هسعينه لاتخافين
عجل وينها اليوم ماشفتها
يولي شيمه تعاي تاشوفج
شيماء: جنت گاعده بالمطبخ واسمع عمتي تصيح عليه عاد نهضت ورحت عليها
هلا عمتي شلونج
هاشميه:ياهلا بجنتي
شيماء: شنهوو
هاشميه: هسعينه حاجيت ابوج وگال رضي واخذي
شيماء: اني بطبعي وكحه ومااسكت والكل ايعرفني
عاد گلتها
دحجي يعمي يشهد الله احبج واغليج بس سالفه الجواز لا هسعينه ولا بعدين افكر بيها اني بعدني جاهل واريد اكمل مدرستي
وجدام ابوي وامي اگلج يعمه اذا تيدين تجوزين فيصل جوزي لني حاسبتو حسبه بشار
هاشميه: دحجي يولي اني موهاشميه الماخذتج لفيصل
............لازال للقصه بقيه ولازلت اكتـ✍ـب