#انتي سيوف الثأر في اجفاني

البارت التاسع عشر

البارت التاسع عشر
رواية...انتي سيوف الثأر في اجفاني
بقلمي..سمو العراق..نور
💔💔💔💔💔💔💔

ما ختنك..
فقط نسيت أن أعيش بتوقيتك
ما عدت أذكر ..
كم من المطارات حطّ قلبي بها ..
دون علمك ..
* * *
الخاطره بقلم..احلام مستنغامي😍

.......................

قارنت بين الرقمين

طلع مصعب النذل داخل بالكروب ومسوي روحه بنيه.....

حسيت اطرافي جمدت وثگل لساني

للحضه حسيت بخيانتي لخالد مع العلم هو يستاهل بس اني حاطه ربي بين عيوني ومستحيل اغلط هيج غلط واخوون زوجي ابو الشوارع...

اربعه وعشرين ساعه يفتر دكول شاد محرك جارجر لا يتعب لا يمل...

تنهدت دخلت للكروب شفت رسائل الاصفر علئ گولة خالد بعده يسربت...

اول شئ سوويته طردته من الكرووب...

شووويه ودخل خااص

كاتب...حبي دانيه عرفتيني موو القلوب سواجي والله....مشتاقلج بكد رحمة الله...

قريت الرسائل واني احس بنفس خالد بالغرفه التفتت بخووف ودارت عيوني بالغرفه برعب...

مارديت...

رسل صوره عباره عن بحر ورمل وبنيه لابسه شورت كابوي قصير وتشيريت ابيض مكتوب عليه love you...وشعرها مجعد ودايره وجهه

و ولد لابس بنطرون كابوي وتشيرت ابيض مكتوب عليه love you

ونايمين علئ البحر وواحد يباوع علئ الثاني

ومكتوب...احب شفتيك وما ورائها...

شووويه ورسل مسج غزلي...

مكتوب....
اينَ قَلبي ؟؟؟
تَعالي بَينَ ذِراعي حَبيبتي
دَعيني التَحِف اشْواقكِ وجنونك
بَين اجزاء جَسدي
ادخُلي بًينً احْضاني
وَضَمِدي جِراحاً نَزفَت كَثيرا
ببُعدكِ عَني !!!
الا تَعلَمين بِانكِ جنون عِشْقي !!!

احس صعد الدم الراسي والله اليوم اسوووي فلك اخواته الحقيرات هنه دخلن الاصفر..

كتبت...عيب عليك مصعب اني،علئ ذمه رجال ثاني مااريد اتجاوز.واحجي لان مخليه عيون خالتي بين عيوني...بس انت مخليت عيون ماما بعيونك ودتخرب بيتي...

طبعا افييك هو بيتيش اصلا خربان من اول يوم العرس بس لازم ابين المصعب اني سعيده بزواجي حتئ اكطع عنده الامل...

هو كتب...هذا الهتلري هم معتبرته زووج لج هذا ابليس يدرس عنده خصوصي..

كتبت..مصعب لا تحجي علئ خالد هو زوجي،واحترامه من احترامي ورجاءا هووايه انطيتك من وقتي راح احضرك واتمنئ بعد مترجع تتصل انت كل زين تعرف قساوة خالد فلا تسبب الي مشاكل...

كال...تعلميني بي هذا المتعجرف لج ذاك اليوم هجم عليه لحد الان حنجي مورم من ضربته ضربني بحافة المسدس...خلاني انزف حتئ من خشمي...لج هذا وحش مايرحم شلون عايشه وياه...واني مراقبه اربعه وعشرين ساعه يفتر بالكهاوي والله من اشووفه بدي احط طلقه براسه واكتله

تنهدت بس،الخووف احسه مثل الموت يسري. بجسمي...

كتبت...مصعب اذا تعرفه قاسي لا تورطني وياه هو حتئ ما يعرف عندي موبايل واني من ضوجتي اخذته وسويت كروب والعتب مو عليك العتب علئ اخواتك الي دخلنك بالكروب وهمني انت بنيه

رجعت كتبت ...رغم خالد قاسي بس يستحيل يدخل باسم بنيه ترئ مو حلوه بحقك ان شاء اللة فهمت قصدي...

كتب...دانيه احببج تعرفين شنوو احبج اسووي المستحيل حتئ ترجعين الي وبعدين إنتي الي من اول مانولدتي وكالوو دانيه لمصعب مااعرف شلون هل نذل خووويلد راوغني واخذج مني...

جاوبته...قسمتي مو وياك مصعب وبصراحه مااحب اجرح احساسك بس اني ماعندي اي مشاعر تجاهك..
ياريت تفهم وما تسويلي مشاكل...

كتب...دانيا اطلگي واتزوجج والله قسما بالكعبه لو تزوجين عشششره هم اضل احبج واريدج..

حسيت بگلبي ديكافح للانتصار على ارتعاشات الخوف الي اعترتني...اخلع سطوة الانين الئ استعمرت حدوووودي...

يااربي هذا شديحجي بسررعه انطيته حضر ...

وحذفت كل الرسائل مخليت شئ...

ضليت شوويه وراسلت رانيا...

رسلت الها الصوره الي رسلها مصعب...

كتبت...ريااانه شوفي مصعب شرسلي وضحكت بااستهزاء

كتبت...يكول احبج واذا تطلكتي اتزوجج هههه سوگي ماشي حتئ واني عند زوجي...

هي ماردت بسرعه اتصلت بيه...

ضلت تحجي عليه وخوفتني من جابت طاري خالد جاوبتها اني حضرته وسويت كووولشي بعد ميكدر يتصل...كالت اي رقم غريب لا تفتحي اوك...كلتلها اوك ابدد ماافتحه..

سمعت عمتي تصييح عليه....

عمتي...داااانيه دااااانيه والله موتيني نايمه للضهاري شلوون بيييج..

قفلت الخط بسرعه وضميته بصدري ونزلت اركض

كتلها...هاااا عمه صباح الخير..

كالت بعصبية...ياااا خييير والله شلعتي كلبي نهار كله خاتله بغرفتج ما دگليلي شعندج...والله يجي خالد واحاجي عليج

خفت من حجت هييج كلتلها...لا عمه انتي بس كوولي شتردين اني اسوووي الج اغسل واطبخ وانضف بس لا تكولين الخالد عليه

كالت...الئ متئ ليش تحسسينه انتي خطار وممهته اني يوميه اكله خالد يمه مرتك دير بالك عليها لا تكسر ضهرها بس انتي اخذتيها للصايح...

فوزيه...ام خالد النسوان مايجن اله بالخووف كلي الخالد احسن خطييه مرت معن الشغل كله عليها هسه شلون باجر تفتح بيت ويصير عندها جهال...بس لا تخافين هنه ذن الما بيهن خيير يصيرن ام افلان...

اجيت احاجيها بس سكتت هي عمتهم وبيتهم حايط علئ حايط وما حبيت يكون الحق عليه...

بس كلتلها.. العفوو عمه بس اتذكر ماما كالت الكم دانيه مو شاطره بالشغل...

ام خالد...تعلمي وهو شنو الشغل محد طلع من بطن امه يعرف يقرة ويكتب ولي يتعلم يعرف يسوي كوولشي...

فووزيه كالت...هو الشغل شنوو ترئ الغساله تغسل والمكناسه تكنس هسه عندي عذوره كافه البيت كف..

تنهدت بضيق عرفت فوزيه تارسه راس ام خالد ترس وعمتي تنتر نتر بالحجي اني صح غلطانه لان من صار عندي موبايل واني مستغنيه عنهم..

كتلها بكذب...جنت اسفط بملابس خالد وهم رتبت الغرفه وسبحت...

كالت عمه...روحي خلي يعلمنج علئ الخبز...

رحت للبنات كتلهم يعلموني

اجت اخت خالد جابت طحين وخمره وملح ومي

حطت المي وعليها الخمره وكالت يالله انخلي الطحين بالمعجنه واعجبني بيدج

نخلت نصه صار علئ حافه المعجنه ونص بداخلها ونص بالارض...

دخلت عذراء كالت...شني تركصين تنخلين شوو كلج تهتزين هههههه

كتلها بقهر ...دا اتعلم...

كعدت يمي اخذت من مي العجين وحطتهن علئ عيونها تسوي روحها تبجي...

عذراء ... اهئ اهئ ولج يممه فوزيه اخذيني لسوك  ولله مشتاقه للشباب  كلهم البسووك كلهم بدون استثناء..

ضحكت كلتلها ... شبييييج ؟

كالت .. اريد اروح للسوك وفوزيه امي متقبل دكول ماعندي فلوس ..

كتلها ... خلي ابوج ينطيج  

عذراء ... وين فووزيه اول مايجي تفتش جيوبه

كتلها ... يعني ابوج ممقصر

كالت ... لا ممقصر بس فوزيه المصيبه هي مقصره

كالت اخت خالد ... لا امج تحبج شكد تخيط الج ملابس وانتي ماتحافظين ترسين دهن ولكع ...

عذراء ... اي جااا مليت اضمهن واكول هلبت انخطب واعرس وتالي كلشي ماكووو فارس الاحلام هم لو جاي على سلحفاة هم وصل ...
عاد اني شسوي البسهن وخربهن عنادا بي ...

ضحكت عليها وانطيت العجين الاخت خالد ولفته وغطته حتى يختمر بس شنوو العجين وصل الصدري واديه لحد العكس بيهن عجين

كالت عذراء ... ائيست من امي سمتني عذراء بس لا ماتزوج وضل عذراء طول عمري ...

ضحكت كتلها ... اذا كووولش مالكيتي عرريس
ازوجج خالد

دخل خالد للمطبخ شايل علاگه

كال بااستهزاء ... وانتي بكيفج تزوجين مدااام .

خفت منه حنيت ضهري حتئ ميشوف الموبايل

كتله...الله يساعدك

كال...هلا

كتله بفخر...شوووف عجنت وشووويه واخبز

كال...اي مااحب المره الفاهيه

عذراء كالت...الله موصي بسابع جااار واحنه جيرانكم شبيكم انطوونه....وعينها علئ العلاگه

كلها خالد...تردين

حطت ايد علئ ايد وكالت...الله موصي بسابع جاار انطونه شوويه من الكيكه

كلها خالد ...اي والله صح تردين نصها لو كلها

كالت...لا نصها اني مو طماعه

خالد فتح العلاكه وكال...ادللي

كلتله...اجيب سجينه

كلها...لا ميحتاج

فتح العلاگه بداخلها باكيت

هي ركضت جابت صحن واجت حطته علئ طاولة الطعام

فتح الباكيت وطلع الحذاء

كلها هاج هذا تك الج

واذا تردين اخذيهن ثنينهن...

اني ضحكت بصووت عااااالي

وعذراء شالت روحها وركعتها بالكاع

هو سحبني كال...صوتج جنج ضحكت امهات الملاهي..

سكتت

هو كال العذراء...بعد عمج عذراء مو كل شئ تشوفينه تحطين عينج عليه اتاكدي من الشئ يالله تزاگطين

عذراء بعصبيه...شنووو اني حصاااان

خالد...خلف الله علئ الحصان لو يسمعج مشبه روحج بي انتحر من زماااان...

تركها وطلع وهي ضلت تعد وتسفط عليه والله لو يرجع الها اله يعلگها بدل البرده....

اجت اخت خالد كالت خالد يريد جاي

سويتله بسرررعه وحضرت الاستكان

وديته سمعت عمتي وفوزيه يحجن وياااه

عمه دكووله...خالد يمه ما يصير والله اني مخليه عيونك ومااحجي وياه بس مايصير هيج استغلت الوضع حاجيها يمه...

هو يكولها...اطيييح حضها يممه والله خدامه جووه رجليج اخليها

فووزيه كالت...اي خالد حاجيها هي ما تخاف من امك وشافتها فقيره..

كلها...عمه احنه عائلة بيت ياريت ما تدخلين لان اكو مثل يكول من تدخل في ما لايعنيه لقيه ما لا يرضي..

كلتله...لا اني احجي الحق ومقهوره علئ امك

كلها...مالج شغل اني احاسبها..

امه كالت...انت تروح وهي بعد ما تلفي نهار كله بغرفتها والله مرات اشك بيها

حطيت ايدي علئ صدري واديه ترجف من الخوووف ياربي شنو هل الكلام  هو منا مسودن ويسودننه عليه

دخلت بدون سابق انذار

العيون كلها نرفعت عليه...

حطيت الاستكان كدامه هو وكف وعدل قميصه

كال..الحگيني فوووك

تركت الاستكان ومشيت وراها وبكلبي ادعي علئ فوزيه النذله المنافقه شعلت عمتي شعل...

صعدنه الدرج جنت اباوع علئ ضخامته وهيبته اخااف منه تراودني افكار يمكن بضربه منه افقد الوعي...

اول ما دخلنه

سحبني حفر اصابعه بكتفي كال...امي تشكي منج ليش؟

جاوبته بخووف...والله ممسويه شئ بس هاي فوزيه هي تحشي براس عمه والله

كال بتهديد...شوووفي ورب الراقصات..« المعنئ بالراقصات هي الابل المسرعه بالمشي»...اذا ما مشيتي عدل اني اعرف شلون امشيج

انتي خدامه الامي مفهووم...

وشوفي اريدج تجيبيلي معلومات عن ابووج ومصعب النعال...

كتله...ماعندي اي معلوومه عنهم مفهووم واهلي مو مثل ممفكر روح شووف الي قتل اخوووك وتمرجل عليه لا تتمرجل عليه

لزمني من حنجي حيييل كال من بين اسنانه...شوووفي بنت النعال مراح اسووي مثل المسلسلات والافلام  من البطله دكوول للبطل انت مو رجال ويغتصبها لان اعرف روحي رجال وغصبا علئ خشم ابووج مفهووم..

درت وجهي ممهتمه الكلامه...

كال...مصعب الاصفير  هههه عوود مراقبني مايدري بيه اني مراااقبه ومطيح حضه

كتله واني اكتم عبرتي...ليش نسيت موضوعي ولزكت بمصعب وابويه...

كال بثقه...شوووفي يا حلووه انتي من كثر ما تسمعين كلامهم الاجرامي تشبع عقلج بهيج شغلات..
لذالك هددتي مهتدئ بس اعرف ما يطلع بيدج شئ

لذالك من اجاكم مهتدئ قتلتوو واخذتو فلوسه وسيارته ابووج ومصعب همه وره قتل مهتدئ وانتي هم متهمه احتمال انتي حرضتيهم عليه..

دفعته حيييل كتله...شوووف خااالد احتررم نفسك وابتعد عن اهلي ....اهلي مو مجرمييين

لزمني من شعري وقرب وجهي من وجهه كال...للاسف لحد الان محترم نفسي ومماخذ حقوقي الزوجيه ان شاء اللة ما ضل شئ واخذهن...

باوعتله بصدمه...ما الك عندي اي حقوق اوك

لزمني من ثوبي ناحية صدري رجفت من الخووف لا يحس بالموبايل...

كال..اوك راح اخذ حقوقي هسسسه

رجفن شفايفي من الخووف وصكت اسناني

دفعته حيييل

بس هو رجع لزمني دفعني علئ الجربايه

زحفت عليها من الخووف وكلبي يدووك حسيته حيوكف...

فتح ازرار قميصه وابتسم بخبث...

شلت التحفيه وكسرتها

حطيت الجهه الحاده منه بووجهه

كتله بس تتقرب اكتلك...

خالد...هههههههههاي تربية سووك مريدي...

نعتذر لمريدي بس شنسوي البطل لسانه متبري منه 😒»

صايره قوويه وتهددين ورافعه سلاحج بوجهي

ضررب ايدي حيييل وكعت التحفيه من ايدي

تقرب مني ودفن وجه برگبتي وهو يقبلني ويشم بيها

حسيت راح يغمه عليه واجيت اتقيئ عليه

دفعته ضربته بس جاان قووي حيييل..

عضيته بصدره العاري حيييل

العض سلاحي الوحيييد بهيج حالات

وهو سلاحه من ايده تخترق شعررري وهو عكش حيل يائذيني يخليني استسلم وارخي اسناني

انرعبت ضليت ابجي بصووت شبه عالي وادفع بي

حاول يجردني من ملابسي بس اني جنت اغطي الي ينكشف لعيووونه

بعد معركه كبيره حسيت راح اكون خسرانه وراح استسلم...

سمعت صووت وحده كالت...دانيه اختمر العجيين تعالي

صحت بصوت عالي حتئ احرجه...اي اي اجييييت اصلا اني نازله بس انتظريني لا ترحيين

ضحك بااستهزاء باسني بشفايفي قطع باقي كلامي..

ودفعني حييل انضربت بمكتبة السرير..

نزلت بسرعه من السرير رتبت نفسي بهدوء وطلعت..

نزلت جووه وكل جزء بجسمي يرجف..

هنه شغلن التنور وكعدن يخبزن وعلمني..

اني مااعرف اجيبها منا واحطها منا وما اكدر اسيطر علئ القبق والمخبازه

اخلئ القبق بالكاع وارجع اخبز وانوب اشيل القبق واقبقه...

مااكدر امد ايدي بالتنور لان حار وماعندي خبره اضل كل شووويه امد ايدي واخرها وانصي التنور حييل من اخبزها ارجع اعلي...

احترك نص،ونص وكع بالتنور ونص مجعمر طلع..

الحمدلله جنت فرحانه بااول خبزه طلعت سالمه

عبالك مو خابزه لا عبالك محرره بيجي...

اجت اخت خالد كالت باسف...خلص النت

عذراء كالت...الحمدلله عدنه نت..

انقهرت من خلص النت همه بالكووه يشتركون لان يكنكون علئ الرصيد بهيج حاله مااحكدر اتواصل ويه اختي...واهلي..

.............

جنت نايمه بالقرفه يم جدتي واني ابجي من اديه موتني مورمات ويطلعن خراج ومطككات حيييل مغرحات...« متقرحات»

اذكرت شنو سبب تغرح..« تقرح » ادييه

غبل اسبووع....

جنت كاعده بالحووش اجت مرت عمي كالت

سحر كووومي فلسي الباميه

كتلها...عمه والله توجع

كالت...كوومي توجع ...جااا شسوي الج

احنه عدنه زرع وحلال.. وعدنه البامية اليابسة نفلسها ونطلع البذر منها حتئ نزرعها...بس شنو تمووت...كلهه شوك...وكبار كلش...هاي الفلاحيين من يزرعون البامية ويحصدوها...فبنهاية الصيف...تصير خشنة حييل ويابسة... يفلسوها ياخذون البذور يزرعوا..

بس شنو تمووت والله كلها اشواك

البذور يصير كبار...والبامية تصير لونهه ابيض يابسة ومليانه اشواك ناعمة تخترق الجلد

جابتلي مرت عمي كونيه كالت فلسيها

بالبدايه حاجيتها بس،بعد حكم الغوي..« القوي » علئ الضعييف...

كعدت افلس بيها وابجي اريد امي تعبانه حيييل

ضليت افلس بيها من الصبح لحد المغرب...احس ضهري انكسسر وبعد مااكدر اتحرك...

اتذكرت بيومها مخابرات غيس

يحجي ويه وحده

ويكلها من يروح رجلج اجيج ويضحك ويحجي كلام فاسد انرعبت منه حيييل...

كملت كونيه الباميه وديتها المرة عمي

كالت بس هذا شووو شوويه

كتلها ...والله عمه نصها خااويه مابيه بذوور

كالت..هو انتي تطيرين النعمه

عفتها ورحت ومن يومها احس اصابعي ذابت تنزف دم.

جدتي تاخذني للمضمدين يضمدوهن وما يفيد

كالو اخذيها لبقداد لا يصير بيها كنركي

وجدتي كالت ميخالف اخذج...

وقررنه نروح مع العلم غيس كطعني تكطع من رجعنه من بقداد...لان رحت بدون علمه...

بس جدتي كلتله ومن شاف اديه كال روحي...

اريد اروح هم اعالج ادييه وهم اشوف مرتضئ ماادري احس روحي هايمه بي...واحبنه

وشتاغله...« اشتاقله » احس بي رجووله وشكله محبوب...

ارتاح من اشوووفه واحس نظراته اليه نضيفه مو وصخه...

ياربي يكون من نصيبي ويخلصني من غيس وامه...

طلعت برره الوجع موتني...

فتحت الثلاجه ادور علئ مسكن

ما حسيت قير..« غير » بيد كتمت انفاسي

ونرفعت عن الارض وشالني...

فتحت عيوووني مرعووووبه وصررررخت بس صرختي مكتووومه جوووه ايييده

وتوجه بيه لغرفته...ضليت ارافس برجليه واتمنئ انركع بالارض ولا اتدمر وانتهي...واتلوث من انسان سااافل...

.................   

بعد مرور اسبوع كامل...

طبعا خالد اسبووع كامل وهو مو بالبيت خفت يكون مااات...

اسئل امه دكوول عنده شغل...

ادري شنوو هذا الشغل وشنو يشتغل والله هذا الرجال مبهم حيييل

انتبهت عليه يطلع من الغرفه باليل وشوويه ويرجع

وثاني يوم من اكعد اشووف...اثار شمع مايع كدام غرفه مقفووله حتئ محد ينضفها

من اسئلهم يكولون هذا مخزن بي اغراض قديمه ومقفوول...

واني هم غلست بعد مااسئل اخاف يكولون تعالي نضفي....

شفته اجه ملابسه شوويه بيهن تراب ومبين تعبان وجان بطريق طووويل وجه تعبان حيييل

راح سلم علئ امه وصعد فووك

كال تعبان حضري الحمام

ماتجرئت اسئله وين جان؟؟ بسرعه رحت حضرت الحمام..

هو دخل سبح...

رحت حضرت اله الغده

اجيت لكيته نايم...

كعدته حطيت ايدي علئ كتفه

كتله...خاالد اكعد صبيتلك غده...

كال بعصبيه....اهوووووووو ماااريييييييد

ضجت من عاط بوجهي هو هذا ابو شوارع مو مال احترام

خليت ورحت نزلت جووه

لكيت عذراء طلعت الموبايل كتلها عذراء هذا موبايل خالد اكتبي اله الرمز يكوول

كالت....مااااا بخمسه

ضحكت كتله...اني انطيج بس اكتبي

كتبته وتفعل عندي

ضحكت رحت للغرفه دخلت للحمام شفت الرسائل ركع علييييه وكلها تسال

ومصعب داز هماتين بسرررعه مسحتهن...

قفلته سبحت وطلعت مشطت شعري وحطيت شويه مكياج...

كعد خالد باوع عليه وتثائب

باوعتله محاجيته

راح غسل ونزل جوووه

..........

خالد...نزل جووه كعد بالاستقبال محد جان موجود اتذكر مخابرة امه

من طلبت منه يصغط علئ مرتضئ يقبل يخطب رانيه...

اول مره خالد رفض الفكره..

بس من شاف اصرار امه وعدها من يرجع يضغط علئ مرتضئ ويخطب رانيه اله....

طلع بره الاستقبال....

لاكته عذراء

عذراء...جيب خمسه

خالد بااستغراب...مال شنوو؟

عذراء..مال تكنيك كنكت علينه

خالد...هييي شبيج شاربه نفط شوكت كنكت عليج هو اني شايفج وكنكت عليج...

عذراء...والله مساع دانيه جابت موبايل ابيض وكالت كنكي خالد وداه الج يكوول كنكي

فتح عيووونه مصدووم...ههههههي انتي شدكولي

عذراء...والله روح اسالها...

بلع ريقه بصعوووبه وتوجه الغرفته وهو يقبض ايييده بعصببيه حتئ بينت شرايينه...

نهايه...البارت.....يتبع

كونوا هنا كونوا بخير...احبكم...لا تنسوو التصويت رجاءا التصويت حييل قليل بالنسبه للمشاهده

الاصنام منين اجيب نبي ابراهيم عليه السلام يكسركم💔

بنات...اريد القصه تطلع بس عند الاصدقاء والمتابعين لتعرف هيج شئ خلي تعلمني اوك...

وسؤال...مرتضئ واكع بين اثنين منوو تكون زوجه اله.....؟

وشفتوو التحديث الجديد شلوون حلوو ستايل وطالع شباب ههههه

هااا نسيت شكر لهذي الكاتبه خطيه انحذف عندي البارت وساعدتني بالاستعادهSoSo---2003