ابن الشيخ واليتيمة
الكاتبة:-سما حمد
البارت الثالث
..................👑
ارهوج : عليووي
علي: امري يجده
ارهوج : يبعد جديتك خلنه انحدر على بيت دحام بالاول
علي: ابشرري يالغاليه
بس خلهم يفتحون الباب تاطببكم جوه
ارهوج : علش انتانيهم يفتحون
يول تراه بعدني بحيلي 😠(ليش تنتظرهم يفتحون )
علي : ههههه الله يگويج يجده وينطيج الصحه والعافيه
عجل يرهوفه اسندي جديتج
رهف : صار
ارهوج : يولوووو هنااااا يهل الدااار شنهو ماتيدون (متريدون)احد خاتلين
ام ضرغام : يهلا يهلا يعمتي نورت الديره بجيتج يالغاليه
ياهلاا برهيفه شلونج
رهف : الحمدلله يعمه عساج بخير
عدنان : ياحي الله جديتي
ارهوج : حي الله نباك يعيني بالمبارك يجده منك المال ومنها العيال
ضرغام : شني هاااي صايره تخبلين ماتخلين عگل (عقل) يجده اله اجوزج هههه
ارهوج : ههههه الله يصگعك ع هالسالفه
بشار: علش الله يصگعو اني متاكد باجر لو شافوج عگب يوم يمشون عليج (يخطبون)
ارهوج : ياهلا ياهلا يول صاير ازلمه
بشار: بالمهلي يجده
والله نورتي ديرتج يالغاليه
ضرغام : رهيفه شلونج
رهف : الحمدلله عمو
ضرغام : صايره عروس يولي
رهف: ☺️☺️
ضرغام : هسعينه عرفت علش جديتي ماخذه رهيفه
يولي وحگ الله ماتنلام خلها تضمها من عيونه
ارهوج : يول لاتصيبها (تحسدها)
يول يمصگوع يزك عاد (كافي)سوالف وصلي على نبيك
ضرغام :عليه افضل الصلاه والسلام
جده امشي عليج الله انخيلي (ادعيلي)الله يرزقني ببنيه وكون تشبه رهيفه
ارهوج : يمصگوع عندك اربع ويلاد طيور ذهب وتيد بنيه
مايده: اي والله يجده انخيلنه
ارهوج : الله يرزقكم يجده واهم شي كون اتمامه الخلقه
شيماء : رهييييفه 😍
رهف : شييييمه 😍
ارهوج : مال العمه اگصرن (نصن)حسجن
ضرغام : جنه ملتمين يم جديتي وجاي انتسولف ومانهجس اله صايح شيمه ورهيفه
وحده تصيح على الاخرى داتسلم عليها
عادينه گلتلهم اصنتو تاندحج عليهن هههههه
شيماء : يولي مشتااگتلج جثير جثير وحگ الله
رهف: ولج يخبله موبگدي والله حتى انشدي جديتي يوميه اسولفلها عليج
ارهوج : وانه اشهد يشيمه رهيفه ماعدها غير هالطاري
الشيخ : يولو اليوم منهو هينه 😍
ياهلا بالغاليه ياهلا بعمتي ياهلا بريحه ابوي
ارهوج : بالمهلي يبعد عيني عسى الله ايحفظك
الشيخ : وايحفظك يعمتي
اليوم هينه ماتحركين ولاتحجين ولاتعذرين
ارهوج : لاا لاا مايصير يبعد عيني آٌنـي لسه ماحدرت على بيت رافع
الشيخ : عجل حدري سلمي عليهم وعگب ردي جاي
ارهوج : اگولك مايصير يعمه
اروح اليوم غادي ومن الغبشه ارد جاي
موهاي الاصول يالشيخ
الشيخ : معدله يعمتي دومج معدله
وماينگدرلج ههههه
يولو هاي مْْـٍـٍو رهيفه
ارهوج : اي
الشيخ : هلا هلا يبنيتي اگلطي جاي (تقربي)
رهف: حياك الله عمي الشيخ وبست راسو
الشيخ : الله ايحي اصلج والف رحمه على الحليب الرضعتي يبنيتي
ياهلاا وجثير الهلا بجيتكم
ارهوج : يله يجده خلنه نمشي
الشيخ : يول بشارر زتت (وصل)جديتك
بشار: ابشر يالغالي
گولي الله يحبيبه
ارهوج : يفاين انت خووش زلمه وحليو عسى ربي ايحرسك من كل عين لووومااا
الشيخ : ههههه كل حلو وبي لوله يعمتي
ارهوج : المصگوع لو شويه ايتواضع يصير شحلاتوو
بشار : هههههه والله يجده آٌنـي ازلمه بسيط
عدنان : اي والله يجده شايف نفسو هههه
ارهوج : أنــًًتوا مالكم غرض خلوو يشوف حالوو لنو احلاكم
يولو شوفة الحال متلوگ غير لراعيها ههههه
بشار: يعني اني حلووهههههه
يبعد عيني يجده
ارهوج : شلت العوجيه البيدي وهجيتو
شو امش جدامي يله امش لا اهطرك بيها (اضربك بيها)
الجميع : ههههههههههههههههه
بشار : طلعت زتت جديتي ورهف لبيت ابو علي وجزيت على محارب
تيسير : هلاا بجديتي هلا بالحبيبه
يولووو هناااا جديتي اوصلت
ارهوج : هلاا بيكم يعيني
رهف : عجل ابوي وينو
تيسير : بالربعه حدري علي
رهف : حدرت للبيت سلمت على اهلي ولگيت اختي هم سلمت عليها وعگب جزيت للربعه
لگيت ابوي نايم گعدتو وحضنتو لنو جثير مشتاگتلو
اهجس روحي طايره من الفرحه من شفتو وصرت بين احضانو ياربي شكثر احب ابوي
عگب طلعنه اني وياه وسلم على جديتي وگعدنه انتسولف ماهجسنه غير الدنيا غوربت
وتيسير مدت السفره عادينه التمينه على العشه تعشينه وگضينه وكلمن گضبتلها شغله الي اتغسل المواعين والي تصب الجاي
عگب ماگضينه شغلنه حدرنه اني وتيسر على شيمه
شيماء: يولي تعاي جاي تاشوفج ثيابي
رهف : شراح تلبسين
شيماء: اشتريت للحنه وللعرس وثنينهن حمر ههههه
رهف : خبال يولي ههههه عرفنه تحبين الاحمر بس موهيجيان
شيماء: وانتي شراح اتسلبين هههههه
رهف : من عسى سلاب اليسلبج
شيماء: لايولي عليج الله
رهف : جديتي ارهوج اشترتلي ثوب ازرگ تگول يبعد العين عنج ههههه
البسه باجر
بس گالتلي ممنوع تفرعين اعطوبج وتضلين لامتهن والا اتعرفيني
وانتي تعرفينين جديتي بعد والي يعصاها عسى امو لاجابتو الا بالحرام اتسود عيشتو
شيماء: الله يعينج يعني راح تلبسين حجاب
رهف: لاااا بس گالت لمي اعطوبج ههههه تخاف على شعري لحد يشوفوو
هاااااا وگالت ان تزوگتي (تمكيجتي) انجضج اتنجض جدام الوادم
شيماء: والله عاد جديتي تسويها وتعداها هههههه
رهف : اي والله
يمعوده هاي هي راح الفه كبايه واطلع گذله
موزين ماخلتني اسوي جدايل (ضفاير)جان تخزيت جدام الوادم
شيماء: ههههه لاهاي العايزه
تيسير : يله رهيفه خلنه نمشي
رهف: رديت للبيت طلعت ثوبي وشحاطتي (تكرمون) ورحت على تيسير خليتها تسرح شعري بلكن جديتي الله ايهداها وتخليني افرع
تيسير : اواش اواش يوولي ارهيفه يعني جديتي هي الي ماترضه تفرعين
رهف : عجل منهو غيرها يمنعني
تيسير : باجر احاجيها بلجن ترضى
رهف : لاااا ابالج
خلها عليه اني اعرف شلون اتحايل عليها بلكن الله يهداها لنو انتي اذا حجيتي وياها اتجايد بيه
ثاني يوم گعدنه من ٱڵصبح تريگنه عادينه جديتي حدرت على بيت الشيخ وگبل ماتطلع حذرتني من الفروع والزواگه (فتح الشعر والمكياج)
ماگدرت اسولف غير تامرين يجده
عگب الريوگ كترنه البيت وتيسير ورنين حطن الغده على النار
اني غسلت لجهالنه وبدلتلهم وهيرت اهدومنه الي نلبسهن
عاد تغدينه وگضينه گمت اغسل المواعين لنو ماعندي شي بس البس ثوبي بس اختي ومرت اخوي ايتزوگن ويرادلهن وكت جثير
گضيت المواعين وگعدت يمهن شگد تمنيت اتكحل واني عيوني زرگ بس جديتي ماترضى تگلي بعدج جاهل
عادينه گضينه لبس وزواگه وحدرنه للحنه
دخيل الله شكثر ناس مليان ملي البيت وهوسه
الي يوگف بصفك ماتسمعوو من الصايح والجهلان التارسه البيت
عادينه حدرت على شيماء لگيتها طالعه مهرج من الالوان الحاطتها بوجها
يوولي فيين الله حظج على هالعمله
ولج انتي خبله شعامله بروحج
شيماء : هسعينه اتحجين عليه
علش ماجيتي بوكت هاااا يله امشي جدامي عدليني
رهف: هههههه اواش اواش يولي امشي غسلي وجهج بالاول
نغم : هلااا برهيفه شطالعه اليوم يولي
رهف: اشكرج وانتي هم طالعه حلوه
نغم : يولي دحجتي شيمه شلاعبه بروحها
رهف : ايي هههه مشت تغسل
شيماء: يله يولي فضيها شجاي اتهذرين يمج
رهف: طبيت للغرفه لميت شعرها مثلي عاد هي حطت كحله عرب وحمره خفيفه وترست روحها بالريحه
يولي بسج عاد خنگتينه ماطلعت ريحه
شيماء: يولي اني اخت العريس
رهف : ومنهو الي گالج اخت العريس اتغوسل بالريحه
شيماء: هسعينه من ايعرس ابراهيم وعبدالله اتسوين ازود
لنو بعرس علي ومحمد جنتي جاهل ههههه
رهف : يمصگوعه فضيها تراج مصختيها
شيماء: اگول رنين جتي
رهف : اي علش ماتجي
شيماء: گلت ماصارلها شهر من تجوزت خاف عيالها مايرضون
رهف : لا يعيني ابشرج جابتهم واجت هههه
ويله امشي جدامي تانطلع شتگول الوادم علينه خاتلات بالغرف
ارهوج : يولوو يلي هنااا مادحجون ارهيفه جتي لا
رنين : اي جده اجتي وهسعينه يم شيمه
ارهوج : گومي شوو گومي گليلها جديتج تيدج
بشار : منهو ويه جديتي
ليش اهجسج متضايگه منهو وياج يالحبيبه
ارهوج : يول ماتشوفلي رهيفه وين ولت
بشار : يم البنوات ياجده قابل وين تولي
ارهوج : يول الي گمت لثربك بهالعوجيه
بشار : ههههه لاااتعصبين هسعينه تجيج
ادريها يم شيمه عاد طبيت گلتلها جديتي تيدج
رهف : صخام يولي اليوم جديتي تخزيني جدام العالم وكلوو من وراج امشي جدامي يله
شيماء: تطمني يولي حتى اذا ترزلتي محد يسمعج من الهوسه ههههههههه
رهف: دخيل الله ايمته ايخلص هاليوم (شوكت يخلص هاليوم)
شيماء:رهيفه رهيفه گبل ماتمشين دحجي منهو واگف باب المطبخ
رهف :هاذ مو فيصل شعندو بالمطبخ
شيماء:يولي جنج انعميتي من الهبطه هههه مادحجين منهو الي واگف يمو
رهف: شمعجل(شبسرعه) طب المطبخ وحگ الله بشار جني
شيماء:هههههه امشي امشي لاجديتي اتخبل عليج
رهف: اااي والله شلون نسيتها 😳
شيماء:عجل خلني اسلم على وليد عمتي
رهف: اي سلمي علي اليوم تاباجر يمشي عليج ههههه
شيماء:غدي غدي لاريدو ولاريد سلامو خلني اجي وياج اخيرلي(احسنلي)
رهف:ههههههههه
دحجي يولي عمتج هاشميه شلون صافنه عليج
شيماء:اگلج امشي جدامي عوذه من هالطاري
رهف : يولي فيصل خوش ازلمه ههههههههههه
شيماء:امشي لا تره وحگ الله احطج بحلگ جديتي
رهف:يولي جاي انتشاقه هههههههههههه
شيماء:لاتشاقين انوب 😠
.....................لازال للقصه بقيه ولازلت اكتـ✍ـب
طبعا لحد الان احداث القصه مبلشت بس حبيت اسردلكم ماضيهم حتى تتوضحلكم هوااي اشياء عن حياه ابطالنا بالمستقبل
❤️