ام البنات(22)
♡
سهيلة:نريد بت اختج جين لابني وعد..
فرحت ام حسام واختها والدة جين بالخبر
ام جين:گبعوها واخذوها بعباتها
سهيلة:رحم الله والديج،ان شاء الله نجيكم للبيت ونطلبها منكم حسب العرف والاصول ...
سمعت سهيلة طرقات باب الاستقبال،مؤيد:سهيلة عيني تعاي شوية يمي،تحركت سهيلة بإتجاه باب الاستقبال:ها عيني..
مؤيد:ياسمين اجتنا للبيت؟؟؟
سهيلة:لا ياسمين وية زوجها بالحلة..
مؤيد:زوجها هسة اجاني يبحث عنها،يگول صارت مشكلة وية امه واخته وتركت البيت،ضربت على صدرها:يمه بنتي،مسك مؤيد يدها:اوكفي لتظلين تولولين وتفاولين للبنت،راح نطلع نسأل ونستفسر وان شاء الله ماكو شي....
.
.
.
.
.&
&
سهيلة:شلون تريدني ارتاح وبنتي ماكو،وين راحت؟بس لا انخطفت،بس لا....
مؤيد:كافي اسكتي لتخبليني هسة طلع وعد وأمير يبحثون ببغداد بالمراكز والمستشفيات وأحمد رجع للحلة،وهسة راح اخابر فلاح هم،بعد شتردين...
ام حسام:كولي يالله ان شاء الله ماكو شي
سهيلة:والله گلبي بعد ميتحمل،كافي اللي صار بيه،مااريد افقد بعد أي احد،نظرت شوق بإتجاه تهاني ورأتها وكأنها فاقدة للوعي،حاولت ان تصحيها فوجدت دماء خارجه من انفها فصرخت..
نقلت تهاني الى المستشفى فكان ضغطها مرتفعا،ولولا تصرف الأهل وايصالها في الوقت المناسب،لكانت تهاني في عداد الأموات..
في ردهة المستشفى،جلست سهيلة تبكي حظها وحظ بناتها،مسك مؤيد يدها لكي يواسها فاجهشت بالبكاء،
احتضنها مؤيد وبدأ بالمسح على ظهرها:اششش كافي،كم مرة گتلچ مااريد دمعتچ تتزل لاي سبب كان،اني خايف على عيونچ..
سهيلة:مؤيد تعبت والله تعبت المن اصير؟؟لاولاد ورود لو لمشاكل تهاني وأماني لو ضيم وقهر شوق وهسة ياسمين والله تعبت شوكت اشوف الراحه اتصل بيهم شوف حصلوا خبر عنها لو لا..
مؤيد:اتصلت وماكو اي خبر....
.
.
صباحا..
عادت سهيلة وتهاني ومؤيد الى البيت،بكت تهاني كثيرا،ففسر الجميع بكاءها على اختها المفقودة،اما تهاني فكانت تحترق ببطئ كلما نظرت تجاه أماني،هل تخبرها بالحقيقة؟؟؟ام ستفضل الصمت؟؟؟
تقدمت أماني وحاولت مسك تهاني لكي تاخذها لغرفتها،دفعتها تهاني بقوة:بعدي عني اني اروح وحدي..
أماني:هاي شبيج،غير ردت أساعدج؟؟؟
تهاني:اذا تردين تساعديني،بعد عن طريقي ولتخليني اشوف خلقتج گدامي،توجهت تهاني الى غرفتها واغلقت بابها،انهضمت أماني لتصرف تهاني،انتبهت شوق لها:عوفيها ختولي هاي مخبلة...
.
.
.
صباحا/جامعة الموصل.....
دخلت أسرار تلك البنت الجميلة،ابتسمت لتحية زملائها عند بوابة الجامعه
ذهبت باتجاه مكان تجمع صديقاتها
أسرار:صباحووووووو
سجى:صباح الحب والجمال والعيون الزرگ
أسرار:عيون زرگ؟؟؟هههه شكو شبيچن؟؟؟؟
نوران:اه گلبي،محتاجه أحد يصحيني من الحالة اللي اني بيهة
أسرار:غالي والطلب رخيص، ضربتها
نوران:ااااخ،عابتلج شنوو هاي...
أسرار:انتن شبيجن اليوم من الصبح؟؟؟؟
سجى:وج أسرار،اليوم اجه وليد للجامعه
أسرار:وليد،وج هذا طالب ويانه مرحلة ثانية،وهو يقدم برامج على قناة ،،،،،، المهم حبي لوشايفته بالواقع يخبل احلى ممايطلع بالتلفزيون..
أسرار:ههههه انتن صدگ مخبلات،اكول ليش مرحتن رقمتنه بعد
نوران:لوجان وحده جان سويتهة بس كلها تراكضت عليه وماانطوني مجال اتعرف بيه
أسرار: ولجن عيب استحن..
سجى:ليش استحي؟؟ان الله جميل يحب الجمال وهذا موبس جميل،هذا صاك صاك صاك..
أسرار:صار عندي فضول اريد اشوف خلقته..
نوران:حصلت الفيس ماته،شوفي اسمه بالفيس وليد عمر
من أرجع للبيت افتح واشوف هاي الخلقة اللي خبلتني بيهة.....
.
.
.
عادت ياسمين الى بيت اهلها برفقة جاسم وام جاسم،استقبلها مؤيد بغضب وضربها وكانت هذه اول مرة له يرفع يده على بناته:وين جنتي؟؟شنو هالتصرفات هاي،متوقعت منج تصرفات رعناء،تدخل ابو جاسم:صلي عالنبي صلي عالنبي،اني هسة اسولفلك اللي صار،حكى ابو جاسم وزوجته ماحصل ورحب بهم مؤيد ودعاهم لضيافته كم يوم،كانت ياسمين متعبه فذهب الى غرفة اماني اغلقت الباب عليها لكي تنام،اما احمد وعند علمه بعودة ياسمين،عاد من رحلة بحثه عنها في الحلة الى بغداد،دخل الى البيت غاضبا:ها وين جانت ووين نامت بالليل؟؟؟
مسكه وعد من ياقة قميصه:هي انت احترم نفسك ولترفع صوتك،تدخل فلاح:على كيفكم اهدؤا شوية تعال ادخل لجوة خلي نتفاهم بسالفة جيهان..
احمد:استغفر الله ربي واتوب اليك،قبل رأس مؤيد:اعتذر عمي رفعت صوتي عليك،آسف...
حكى لهم أحمد قصة وعده لابوه وكيف انه رفض الزواج من جيهان لكن ياسمين تركت البيت حتى قبل ان تفهم القصة بأكملها...
وعد:ياسمين حالتها النفسية زفت وامك واختك مسمعاتها كلام يأذي هواي
احمد:واني اعتذر على كل كلمه حجوها بحقها،اني احب ياسمين ومااريد اي وحده غيرها،واذا الله كتبلي ميصير عندي اطفال منها فمااريد اطفال من غيرها،واني هذا وعدي والله والله مجرد كلام گلته لابوية حتى أسد حلگه،والا اني مستحيل افرط بياسمين لاجل طفل.(استيقضت ياسمين على صوت احمد نهضت من الفراش وتوجهت الى الصالة حيث اجتمعت أفراد العائلة وبوجود ضيفيها ابو جاسم وام جاسم،ارادت الدخول لكن كلام والدها اوقفها عن الحركة)
مؤيد:انت من حقك يصير عندك طفل،صح ياسمين بنتي بس انت هم ابني فإذا انت تريد اطفال،صدگني اني ماامانع بهذا الشي،وضعت ياسمين يدها على فمها تكتم شهقتها،واذا تهمك مشاعر ياسمين فاني اتكلم وياها بهذا الموضوع.
احمد:عمي،اني احب ياسمين ومااكدر اكون وية امرأة غيرها،ومستحيل مستحيل المس غيرها او تصير عندي رغبة جنسية تجاه امرأة غير ياسمين فإذا ربي قدر انه ميصير عدنا أطفال،فاني قابل وراضي واكول الحمد لله والشكر،ولو اني مستحيل ايأس من رحمة ربي، وبعدها اثنينه صغار واكو ناس تبقى عشرين سنة بلا اطفال فجدا عادي اذا تأخر الحمل،وبالنسبة لاهلي اقسم بالله العلي العظيم بعد ماادخل الهم وتنكسر رجلي اذا طبيت الهم بعد
سهيلة:رضا الله من رضا الوالدين،وهذا الشي اللي تسويه حرام،اذا انت تريد تروح لاهلك محد راح يمنعك روح الهم من غير متاخذ ياسمين وياك
أحمد:كرامتي من كرامة زوجتي واحترامي من احترامها ومااقبل اي احد يتجاوز عليها،اني اعرف انه ياسمين نفسيتها تعبانه بسبب الحمل،لكن والله والله مافد يوم نطقت كلمه بخصوص الاطفال بس هي الله يهديها خابصة الدنيا تريد طفل
بكت ياسمين بصمت وبينها وبين نفسها(صحيح اني انانية بحبي الك بس والله مااكدر اتخيل اعيش لحظة بدونك ياأحمد،وماأكدر اشوف وحده تشاركني بيك،يارب الطف بحالي يارب ارزقني الذرية الصالحه يارب يارب)
عادت ياسمين الى الغرفة تبكي وتظاهرت بالنوم....
.
.
.
ليلا....
فتحت اسرار اللابتوب وتصفحت موقع الفيس بوك ودخلت على بروفايل وليد بحثت في صفحته،فكانت اغلب منشوراته مضحكه،بدات تطلع على منشوراته وبالخطأ نقرت على زر الاعجاب ولم تنتبه له..
.
.
.
.&
.$
ارسلت مسج لصديقاتها في محادثتهن الجماعية على الفيس بوك:عووع هو هذا اللي خابصات الدنيا بيه
سجى ونور:خبلة شمعرفج بالجمال..
أسرار:والله هو مبين دمه خفيف،بس اني احب الرجل الأسمر
سجى:خبلة
أسرار:هههههههه هو اكو احلى من الرجل الاسمر وعنده لحية و..
نوران:وجع كافي يلا لتخبلينه...اريده مثل شاروخان لو مثل شاهد كابور عرفنا سوالفج
أسرار:اخ فديته لو بس اندل بيته لشاروخان..
سجى:اي واذا اندليتيه شتسويله؟؟؟
أسرار:مااسوي شي بس اظل اباع عليه من بعيد مثلما انت هيج سويتن ويه هذا وليد اللي كلش ابيض عووع...
وصلت رسالة الى أسرار:مرحبا انتي منو؟؟؟
أسرار(بنات اني اترخص صارت عندي شغلة) اتجهت الى خانة محادثتها مع وليد:وانت شكو؟؟؟؟
وليد:انت داخله على صفحتي ومسويه اعجاب على واحد من بوستاتي،ومن دخلت على البروفايل ماتج اتضح انتي وحده وياي بالكلية وبنفس كروب مال الجامعه فاكيد انتي وحده عرف .
أسرار:اذا فعلا كلامك صحيح فاني اعتذر هذا صار بالخطأ لان اللابتوب كان بيد اخوية الصغير
وليد:اهااااا،وهذا ميمنع اني اريد اتعرف عليج، باعتبارج زميلتي بالكلية..
أسرار:واني ماعندي وقت اتعرف بيه،مع السلامة..
وليد:هه مع السلامه،بس صدكيني راح اعرفج واجيج كدام البنات افشلج
أسرار:هههه سوي اللي تريده وشوف شنو اسوي بيك ابني مو اني اللي اتهدد يلة ادعبل.
وليد بين وبين نفسه:ادعبل؟؟؟؟اني وليد اللي البنات كاتلات روحهن حتى يسمعن مني كلمه حلوه او نظره هاي تگلي ادعبل؟؟؟؟بسيطه يا كبريائي سر انوثتي الا اعرفج انتي منو؟
.
.
.
صباحا/ اثناء تناول الافطار........
سهيلة:اكول ام جاسم ابنج جاسم وينه؟؟؟
ام جاسم:اووف اووف اني وليداتي كلهم راحوا مني بقة بس حسن عندي
سهيلة:يعني وين؟؟؟
ام جاسم:والله اثنين منهم سافروا خارج العراق وميقبلون يرجعون،والبنية نصيبها أجاها وتزوجت بديالى وعندي حسن هذا مهندس تخرج ومحصل تعيين ولاوظيفة اشتغل سايق تكسي لفترة وهسة جاي يدرس بالكلية العسكرية..
سهيلة:عزة مهندس ويشتغل سايق تكسي..
ام جاسم:اي والله مو بس هوة حتى جماعته كلهم هيج واحد يشتغل كصاب والثاني يصلح سيارات،دادة العيشة صعبة والحكومة مابيه خير حايرين بس بالبوگ..
سهيلة:اي والله صحيح،زين خلي يجي يشتغل وية ابو ورود بالشركة
ام جاسم:مايقبل بعد هسة راح يصير ضابط،ووراها يتعين واني كلبي محروگ عليه لان عيشة الضابط صعبة وخصوصا بالعراق
سهيلة:اي والله صحيح،حتى هواي ناس تخاف تزوج بناتها لضباط لان يفكرون مستقبلا احتمال يستشهد وترجع بتهم الهم أرملة ووياها جهالها...
ام جاسم:حسبي الله ونعم الوكيل،اللي الله كاتبه نشوفه...
.
.
.
جامعة الموصل:-
وليد:اكول مصطفى اكو وحده بالفيس بكروب الجامعه اسمها كبريائي سر انوثتي حاطة صورة ورد احمر منو يعرفها؟؟؟
مصطفى:اني اعرفها اسرار صديقة الكبد نوران
وليد:تكدر تدليني بيهة اريد اشوفها
مصطفى باعها هذيج البنية الواكفه هناك
وليد:هذيج القزمة
مصطفى:ههههه البنية طولها حلو،انت اللي طولك اوفر حبتين
وليد:هه اكولك مصطفى هاي بالفيس كاتبة عن نفسها كبريائي سر انوثتي وهي المفروض تكتب حواجبي سر رجولتي حواحبها ثخان كلش..
مصطفى:اسكت لتسمعك،ترة لسانها محد يكدر له
وليد:بروح اهلك عرفني عليها...
مصطفى:امشينا
توجه الشابان وليد ومصطفى الى مكان جلوس نوران وسجى وأسرار
مصطفى:السلام عليكم شونكم بنات؟؟
البنات:عليكم السلام...
مصطفى:اعرفكم بوليد
نوران:غني عن التعريف،الكلية كلها تعرفه ومتابعين برنامجه التلفزيوني،جلس وليد امام أسرار وغمز لها
،فخجلت وانزلت راسها واحمرت وجنتاها...
مصطفى:شونج اسرار،شو هالايام ماكو ماعندج نشاطات بالفيس بوك..
أسرار:ملتهية بالدراسة
.
.
.
.
.&
&
....
بعد مرور شهرين......
انتهت عدة شوق وتكلمت معها سهيلة بخصوص موضوع زواجها من فلاح...
شوق بعصبية:فلاح؟؟؟؟ اني اخذ فلاح؟؟؟؟ليش يمه خلصت الزلم؟؟؟
سهيلة:وشبيه فلاح،شنو ناقصه؟؟؟؟
شوق:مناقصه شي بس اني وياه مستحيل نتوالم اثنينه راسنه يابس واللي نريده لازم يصير،فمستحيل اني ووياه نتزوج لان طباعنا مرة اثنينه لااني اقبل اتنازل ولا هوة يقبل يتنازل وكل واحد من عدنا يريد يمشي كلمته،بإختصار اذا تزوجنا فزواجنا فاشل
سهيلة:لتحكمين على شي قبل ميصير وبعدين انتي تطلقتي شنو اللي تتأمليه،اللي يجيج لو مطلق أو ارمل فاني اشوف انه فلاح نعرفه ونعرف أخلاقه وهذا احسن من الغريب..
شوق:يوم اني مااعترضت على اخلاقة،اني جاي اكولج احنه اثنينه طباعنا مرة مااتوقع واحدنا راح يگدر يتحمل طباع الثاني،وبعدين ليش اني؟؟؟ ليش مو على اساس يتزوج تهاني؟؟؟؟
سهيلة:فلاح هو اللي طلب ايدج من ابوج
شوق:هااا؟؟؟كولي والله؟؟؟
سهيلة:والله العظيم هو اللي طلب ايدج وخصج بالاسم ..
شوق:هيج الحجي،يصير خير..
سهيلة:وين رايحه؟؟؟
شوق:لبيت فلاح،اريد اتفاهم وياه.....
اتجهت شوق الى بيت فلاح القريب من بيت اهلها،بدات بطرق الباب بقوة،فتح فلاح الباب:شبيج كانج مخبلة يوم جمعه منرتاح شوية؟؟
نظرت شوق له وهو واقف امامها بالشورت والفانيلا
بلة متستحي طالع هيج گدامي..
فلاح:وانتي متستحين تباعيلي.
شوق:دروح البس وتعال خلي نتفاهم..
دخل فلاح الى غرفته:استغفر الله ربي واتوب اليك،متكلي شمسوي حتى اصبح بهذا الوجه وبعد ارتداءه لملابسه:خير شكو من الصبح؟؟
شوق:منين يجي الخير؟؟هاا؟؟؟
فلاح:شكوو؟؟
شوق:اني اريد افتهم انتي ليش طالب ايدي من ابوية
فلاح:انفهرت عليج وكلت امشي سوكچ..
شوق:احترم نفسك
فلاح:هسة شرايده مني؟؟؟؟مترديني؟؟؟
شوق:اي مااريدك وياريت تحجي وية ابوية وتنهي هاي المهزلة...
فلاح:بس اني عاجبتني هاي المهزلة،وبعدين ياشوق مافكرتي بجهال اختج وامج المسكينه اللي متكدر وحدها على تربيتهم..
شوق:استغفر الله،استغفر الله،لك انت شنو من بشر تعرف كلش زين اني ووياك مستحيل نتوالم وبعدين اني لهسة احب عصام تقبل تتزوج وحده گلبها مو يمك؟؟؟
فلاح:واني هم لهسة احب ورود،وزواجي وياج تحصيل حاصل،يعني لخاطر ميس ومهيمن...
شوق:مدام زواجنا تحصيل حاصل،اذن اسمع مني هذا الكلام،اول شي اني راح ابقى بوظيفتي ومراح اترك الوظيفة لاي سبب كان
فلاح:واني ماعندي مرة تتوظف..
شوق:هاي مشكلتك،وهذا شرطي ينكتب بالعقد مال الزواج،اذا معجبك كول من هسة..
فلاح:وثاني شي شنو؟
شوق:زواجي وياك تحصيل حاصل لخاطر مهيمن وميس وبس،فهمتني؟؟؟
ابتسم فلاح بمكر:لا مفتهمتج،ممكن توضحين اكثر وغمز لها
.
.
.
$
احمر وجه شوق:كلامي ميحتاج لتفسير انت تبقى بنفس وضعك،واني انام وية الجهال..
فلاح وبنظرات ماكره:بس اني رجل اليه رغباتي وانتي حلوة ومثيرة،تقرب من شوق فابتعدت عنه ماأكدر اقاومج..دفعته شوق:يابة دطيير وحاولت الهروب لكن سحبها يدها فارتطمت به كانت نظراته غاضبة
:سمعي ياشوق مو اني اللي مرة تمد ايدها عليه،واني اذا اريد اخذ حقوقي منج،اخذها وغصبا عنج،هه ولو اني مستحيل أفكر بوحده مثلج خبلة..
شوق:على أساس اني الميته عليك
فلاح:تحبين تجربين؟؟
شوق:شنو؟؟؟
فلاح:منو بينه راح يضعف بالأول؟؟
شوق:نعم؟؟؟؟انت صاير...اسكتها فلاح بقبلة عنيفة،حاولت دفعه بعيدا عنها لكنه اقوى منها،ضربته بقدما بمنطقة مابين فخذيه فصرخ:اااه ياكلبة..
شوق:هه تستاهل..وخرجت من بيته هاربة
.
.
رن هاتف أسرار في الساعة التاسعة واستمر الرنين وازعج أسرار:هف حتى الجمعه ميصير اشبع بيهة نوم،رفعت الموبايل بدون ان تنتبه للاسم:الووو
وليد:صباح الخير
أسرار:شتريد من الصبح متصل
وليد:فتحي التلفزيون لعد شوية راح اطلع وراح اهديلج اغنية،اريدج تسمعيها
أسرار:وليييييد والله نعسانه
وليد:كومي يلة تنبل،راح اروح اني،باي
فتحت أسرار التلفزيون وبقيت تنظر الى برنامج وليد وهي ناعسة،الى ان شارف البرنامج على الانتهاء
وليد:احب اهدي هاي الاغنية الى انسانه عزيزة عليه واتمنى انها ترد عليه بعد سماعها للاغنية..
بدأ اصوات الموسيقى بالظهور وبدأ صوت كاظم..
احِبيَّني بلا عُقَدِ وضعي في خُطُوطِ يدي
احبيني لاسبوع لايام لساعات فلست انا الذي يهتم بالابدِ
احبيني احبيني احبيني احبيني احبييييني
تعالي واسقطي مطرا على عطشي وصحراي
وذوبي في فمي كالشمع وانعجني باجزائي
احبيني احبيني......الخ
.
.
.
.أفراح:ههههه ابو وليد يمكن ابنك عاشگ
عمر:والله ياريت يعشگ ويحب وافتك منه شوية،سنين واگف بطريقي.
أفراح:ههههههه الله يخليه النه هو شعدنا من هاي الدنيا،غيره
عمر:الله يحفظه اليه واشوفه يتزوج ويعيش بغير بيت بعيييد عني حتى اشبع منج
أفراح:صاير كلما تكبر ترجع مراهق
عمر:وانتي كلما تكبرين تزيدين جمال،صايرة تخبلين ،رن موبايل أفراح.
عمر:اتركيه
أفراح:خاف شي مهم ياااا هذا وليد
عمر:استغفر الله
وليد:يوم اني جاي بالطريق وجوعان مشتهي دولمه
افراح:تدلل حبيبي هسة اسويلك دولمه.
بعدما اغلقت موبايلها جذبها عمر تجاهه،لو هسة يجي وليد يوكف فوك راسي هم مراح يمنعني و.......
.
.
.
وليد:الووو
أسرار:اممم شنو هاي الاغنية
وليد:أسرار اني احبج واريد اتقدملج وبعد مااكدر اتحمل،اليوم افاتح اهلي بالموضوع...
وبعدها بايام تمت خطوبة وليد وأسرار
.
.
.
يتبع
ام البنات(23)
توجهت تهاني الى شركة والدها بعد فترة غياب طويلة بسبب مرضها،دخلت الى الشركة وقلبها يخفق وتشعر بدوار شديد لكنها قررت ان تكون اقوى من الظروف وان تتحدى نفسها وتواجه واقعها فهذا فضل من الجلوس والنحيب على أمر اصبح من الماضي في حياتها لكنه مازال يؤلم قلبها،تمشت في ممر الشركة وسط ترحيب الموظفين بها وتحمدوا لها بالسلامة،وصلت الى مكتبها وفتحت باب الغرفة وقفت في مكانها وعيونها الحمراء تتجولت في ارجاء الغرفة،هنا اعترف بحبه لها وهنا اول قبلة حدثت بينهما وهنا احتضنها وهنا اسمعها شعرا ذابت فيه..الالم في قلبها لايمكن وصفه صحيح انها احبته وحزينة لنهاية هذا الحب لكن هنالك ألما اقوى بداخلها،فهي قد خانت ثقتها بأهلها وقللت من كرامتها ومن نفسها عندما سمحت لهذه المشاعر ان تلخذ منحى آخر،احست بوجود شخص واقفا خلفها
حسام وبسخرية:حمد لله على السلامة
اغمضت تهاني عينيها وتنفست بهدوء،استدارت نحوه وبابتسامة ساخرة:الله يسلمك..
حسام ببرود:ماكنت اتوقع انج تحبيني لهذه الدرجه،حتى بيوم خطوبتي من اختج يرتفع ضغطج وتنامين مستشفى..
نظرت له بخيبة:واثق من نفسك هواية،ابتسم ساخرا
فاكملت:ياحسام ماانكر اني بيوم من الايام حبيتك،لكن هسة انت بالنسبة الي ولاشي،يمكن لو رايح وخاطب وحده غريبة كان تاذيت وانقهرت،لكن عقلك الصغير المعفن مانبهك لهذا تصرفك الخاطئ،تعرف شنو يعني تخطب اختي؟؟
يعني كل ماتصيرلك فرصة راح اكون كدامك حتى اذكرك باول حب بحياتك
حسام:هواي عندج ثقة بنفسج هه منو يكول اني احبج؟؟؟ليش مفكرتي ولو لدقيقة اني ممكن اضحك عليج؟حلوة مثلج بشكل جميل وجسد مثير طمع كل شاب؟؟رفعت راسها ونظرت بعيون حسام فارتبك.....
تهاني:متاكدة انك تحبني،عيونك فاضحتك وحتى اذا كنت متحبني فالشي الوحيد اللي هسة ضايجة عليه هو أماني،هاي المسكينه اللي ماعدها حظ لابشكلها ولابحياتها والاتعس من هذا انها حتتزوج واحد مثلك مورجال واغلقت باب غرفة مكتبها بوجهه....
.
.
.
اتفقت سهيلة ووالدة حسام على ان يتم الزواج بعد تخرج اماني من كليتها اما بالنسبة لوعد فرفض الانتظار وقرر الزواج باسرع وقت ممكن ولكي يسهل الموضوع على الكل فاتفقوا ان يكون الزواج في بغداد فجاء اهل جين الى بغداد وسكنوا في بيت اهل حسام،في هذه الفترة تم عقد قران فلاح وشوق وكتب في شروط العقد استمرار وظيفتها وتم الاتفقان ان يكون زواجهم بدون حفلة وتنتقل لبيت فلاح بعد زواج وعد...
في ليلة زواج وعد اجتمعت العائلة وكانت أجواء الفرح تعم المكان زين البيت واشعلت شموع صينية الحنه بهذا الوقت دخلت شوق الى غرفتها اتصلت بحنين وفتحت كاميرا من الياهو مسنجر وبدأت بنقل الاخبار لها بعدها دخل وعد الى الغرفة وسلم على حنين....
حنين:ديدو لو تدري شگد فرحانتلك كللللووووووش
وعد:حنوشة حبيبتي مشتاقلج بس اتزوج اجيب جين واجيكم
حنين:اي والله ياريت هنا ضوجة وحدي بالغربة
شوق:اكوللكم على ذكر الضوجه اني اريد اونس نفسي اليوم
حنين:شكو ولج؟؟؟شعندج من مخططات خبيثة؟؟؟
وضعت شوق فلاش في شاشة البلازما ورفعت الصوت لاعلي شي وبدأت الموسيقى وعبود خطبولة مرة يلة حيوا حيوا من غير حمره محمرة يلا حيو حيو وبدأوا شوق ووعد بالرقص وكذلك حنين شاركتهم رقصهم من بعيد سمع من في البيت اصوات ضحكات شوق ووعد فتوجهوا للصالة أمير وتهاني وأماني وسهيلة وياسمين وتعالت اصواتهم مابين الضحك والتصفيق والرقص وكلما صدحت الاغنية ولك عبووووود يدبك أمير ويضحك البقية على رقصه،قاطعهم دخول ام جاسم الى البيت فقد تمت دعوتها من قبل سهيلة ورحبوا وفور رؤيتها لوعد:كلللللوووش وبدأت بقول الاهازيج
واسمر ويخبل كل القوط تلوگ عليه اسمر ويخبل

وبدأت الزغاريد والرقص وشاركت الجميع وقفت بعدها في منتصف الصالو
ام جاسم: اوكفوا اوكفوا..سمعوا هاي..
وعيون الغزال عيون جنتنه صلوا ع النبي والصيده صيدتنه
.
وعادوا الى الرقص مرة اخرى،اثناء ذلك احست ياسمين بدوار في رأسها. ابتعدت عن الجميع وتوجهت الى المطبخ لكي تشرب عصيرا،أحست بان الدنيا مظلمة من حولها فاغمي عليها ولم ينتبه لها احد..
ام جاسم:هاهاهاها
الجميع:هاااا
ام جاسم:زفوني ماريد العشه وعيد كدامي مشه وهلا وهلا...
ام جاسم:فصوص روبه يا كفاهة وين دورهة ولكاهة وهلا وهلا
استمروا على هذا الحال لفترة بعدها تعبت سهيلة وتركتهم وهي مبتسمه وتوجهت الى المطبخ فرأت ياسمين واقعة على الأرض فركضت لها حاولت ايقاظهت لكن بلافائدة،صرخت لكن صوتهم العالي فلم يستطيعوا سماعها فذهبت تجاههم وطلبت مساعدتهم ركض وعد وحملها الى المستشفى اما الرجال فكانوا جالسين في الاستقبال فدخل عليهم امير واخبرهم بالأمر فركض أحمد الى المستشفى وركض البقية معه،تبين انها تعاني من هبوط في الضغط وفقر دم،طلبت الدكتورة إجراء فحص حمل لكن احمد اخبرها بان لاتوجد ضرورة لهذا التحليل فقد تعبوا كثيرا من هذا الموضوع لكن الدكتورة اصرت على هذا التحليل،سحب احمد الدم من يد ياسمين بحجة اجراء تحاليل عادية وذهب بنفسه الى المختبر واحرى التحاليل بنفسه كانت النتيجة ايجابيه:هه مستحيل حامل مااصدگ،أعاد التحليل ثلاث مرات انتبه زميل له
سرمد:شبيك احمد؟؟؟
احمد:مرتي حامل،ياسمين حامل وسجد على الارض يحمد الله ويشكره على هذه النعمه وبعدها ركض في الممر واخبر الجميع وفرحوا للخبر...
.
.
تم اكمال اجراءات الزفاف وسافر وعد وجين الى تركيا لقضاء شهر العسل..
بعد يومين من زواج وعد نقلت اغراض شوق الى بيت فلاح وفضلت النوم في غرفة الاطفال اما فلاح فبقي ينام في غرفته ولاجديد بينهما...
.
.
.
.
.
.^*.
.
.
.
.الموصل/
مقداد:تدري اني مستغرب منك
عمر:ليش؟؟؟
مقداد:مااعرف انت عندك بس وليد تروح تخطب له وحده شيعية ادري خلصن البنات؟؟؟
عمر:هاي شنو هاي مقداد انت الرحل المثقف تتكلم بهيج مفردات من شوكت احنه نفرق بين سنة وشيعة..
مقداد:واني مقصدت تفريق بس ظروف العراق تغيرت وانت نفسك عانيت بسبب زوجتك فكيف تكرر التجربة نفسها؟؟؟؟
عمر:عادي اني هذه الأمور متهمني،مدام هو يريدها ويحبهة فمايهمني بقية المسميات..
مقداد:هاي ظلت يمك اني اللي عليه خبرتك وانت بكيفك بعد..
عمر:اني مفكر بنهاية هذا الشهر ازوجه الشقة اللي فوك بيتي جاهزة واثاثها كامل وخير البر عاجله
وقف مقداد ونظر بضيق تجاه عمر:يصير خير،يصير خير..
عمر:وين رايح؟؟؟صارلك فترة متغير علينه لاتقبل تبقى ويانه ولاتاكل من اكلنا..
مقداد:غير مرة ان شاء الله
دخلت أفراح الى الصالة:هاي وين رايح مقداد،ابقى تغدة ويانه
نظر مقداد بإتجاه أفراح:مشكورة،مااشتهي في أمان الله...
نظرت أفراح تجاه عمر:هذا شبيه؟؟؟
عمر:ماادري من رجع من سوريا وهو هذا طبعه وحتى وياي صاير بارد ولاكانما اني صاحبه ورفيق دربه
أفراح:لاانت مو بس صاحبه انت اخوه،بس شو هو فد مرة صاير
عمر:احاول افتهم منه شنو السالفة،المهم بلغي اهل اسرار نهاية هذا للشهر يصير الزواج
أفراح:بلغتهم ووافقوا ...
.
.
.
.
ام جاسم:ابو جاسم رجع للحلة واني راح اثقل عليكم بعد يومين يجي ابني حسن وياخذني منا
سهيلة:ياا صدگ چذب اهلا وسهلا بيج احطج فوك راسي
ام جاسم:يسلم راسج حبيبة،اكولج خية بتكم الشگره ماتنطوها لحسن وليدي؟؟
سهيلة:هههه بعدها صغيرة
ام جاسم:شنو صغيرة؟؟لعد اختها التوأم مو مخطوبة گولي متردين تنطينهة لإبني
سهيلة:حبيبة ام جاسم،اني گلبي شبع لوعات مااگدر بعد اتحمل واخاف انطيكم تهاني وتاليها يعني اسم الله على ابنج بس تعرفين حياة الضابط صعبة ويروح ومنعرف يرجع لو لا
ام جاسم:الأعمار بيد الله..
سهيلة:والنعم بالله،مع هذا حتى لو اني وافقت ابوها ميوافق
ام جاسم:والله خية اذا جتي القسمة تنسد الحلوگ كلها واتمنى تهاني تصير من نصيب وليدي حسن ولو تدرين هو هم قافل ميقبل يتزوج..
سهيلة:الله يخليه الج
.
.
.
.
.
.
&
.
.........
.بعد يومين وصل حسن الى بغداد،اتصل بوالدته لكي تصف له المنطقة فتعمدت إعطاء هاتفها الى تهاني لكي تصف له الطريق،وبعدما وصل الى البيت وجد تهاني واقفة تنتظره ابتسم لها
حسن:السلام عليكم
تهاني:عليكم السلام،ثواني اصيح لخالة ام جاسم.
حسن:اوك براحتج بس كوليلها خلي تستعجل
تهاني:اوك...
في الطريق الى الحلة
ام جاسم:ابني شنو رأيك بتهاني؟؟؟
حسن:ياتهاني؟؟؟
ام جاسم:شبيك هاي تهاني البنية اللي شفتها
ابتسم حسن وبداخله(حلوة تخبل):عادية
ام جاسم:عزة العزاك اذا هاي عادية لعد الحلوة شلون
حسن ببرود:ماادري،يوم سدي الموضوع رجاءا
.
.
.
بيت فلاح....
عندما دخل لمنزله كان متعبا من عمل يوم شاق
سمع ضحكات طفلين وفتاة تغني لهما اغاني اطفال (انتي الدجاجة الشاطرة وانتي التنگرين
انتي النگرتي استاذي واستاذي مسكين )
وهما يرددا خلفها
فلاح : معقولة ؟! شوق ؟! امممم
من خلال تواجد شوق ببيته عرف انها المتسلطة القوية مع الجميع الا الاطفال تعود طفلة صغيرة وتتصف بالرقة،حين تنشغل بالطفلين لقد وجد بها جانب اعجبه وايضا هو يتوق ليلمسها ففيها وجد تشابه مع ورود يحب ان يفرغ شوقه وحنينه لورود بشوق لكن البنت صعبه المراس وبحاجة للترويض .
مر بالحمام كان الباب مفتوحا اراد السير لغرفته لكن جذب نظره انها ترفع ثيابها وتشدها بالخصر (يعني بالعامي من تشكل الكلبية وتشدها بالخصر حتى لاتتبلل ) كي لا تبتل وهي تحمم الصغيرين كانت قميصها الداخلي قد برز من تحت اطراف الكلبيه فوق الركب اسودا من الشيفون الشفاف مزين بدانتيل وقد ابرز تحته ساقيها كما ابرز خيال جسم متناسق لفخذيها .
بلع ريقه فهو من موت ورود لم يعاشر امرأة تنهد برغبة ونبض قلبه بجنون كانت نبضاته مجنونه كأنها موسيقى صاخبه،اشتدت رغبته لشبيهة ورود غافلا انه وقع اسير مشاعر لم تمربه سابقا لم يتصورها يوما ... أيرغب بشوق؟؟؟؟؟.. ام لعله رغب بتلك المفاتن والملامح التي تملكها لورود وامام حيرته هز رأسه ليطرد شبحها
على ما يبدوا ان شوق انتبهت لنظراته الجريئة بتحد انزلت الثوب ليتساقط كستار لمسرح ويستر ساقيها
صفقت لتغيظه فهي كرهت تسلطه وغروره
شوق بنظرات متمردة وتسلط وغرور : برافو. ... ترى انتهى العرض تكدر تروح منا لان استراق النظر للاخرين شيء سيء .
لمعت عيون فلاح الخضراء ليختلط لونا اخر غريبا وغامضا مع لونهم الاخضر بدا متوترا لانها امسكت به يتلصص على مفاتنها ابى غروره الاعتراف برغبته ان يلمسها لا فقط ينظر لها .
.
.
.
.
.
.
.
.&
&
&
&
.
.لمعت عيون فلاح الخضراء ليختلط لونا اخر غريبا وغامضا مع لونهم الاخضر بدا متوترا لانها امسكت به يتلصص على مفاتنها ابى غروره الاعتراف برغبته ان يلمسها لا فقط ينظر لها .
ابتسم بسخرية ورفع زاويه شفته لاحد الجانبين
قال بتكبر وغرور وقح : ياشوق ... ترى البضاعة اذا انعرضت دون غطاء اي شخص يتمتع برؤيتها و... امممم. ان شاء يلمسها ... هههاي وهماتين يتذوقها ..
رفع انفه بغرور : اكيد انت ميته علي ودتسوين اغراءات الي تعمدتي تفتحي الباب وقت جيتي .
ثم تركها واستدار دون السؤال بها ، وقفت دهشه وصدمه ، ارتجف وجهها واصبح احمرا من الغضب كورت يدها وكأنها صبي بحاجة لضرب احدهم
بسرها : يعني هذا من كل عقله حاطني براسه ،هههاي لا يابة لا الا اراويك شوق منو لك انت تمحوني وتمحو شخصيتي لا يابة بسيطة فلاحوووه لك اني الي سويت عصومتي بنيه ... اني ام العقل والمكر ، بس فلاح ؟ امممم لازم اروضك يا فليح الدفش ؟ حثبتلك اني الي مسيطرة والقيادة بيدي .
_______
جلس فلاح على سريره يفكر : لازم اروضج وابينلج مو فلاح الي تسيطر عليه مرة لازم تعرفي اني الرجال والقيادة بيدي .
لبس بجامته وبقى عاري الصدر القى نفسه على السرير
فلاح : اوووف؛ الاردنيالين مرتفع عندي والشهوة بس هاي ترفض الزواج يتحول الى حقيقة دخل انام شوي تعبان .....لكنه تقلب دون ان ينام .
___________
بما ان شوق تنام مع الاطفال وهي من عادتها تحممهم ليلا ليناموا دافئين حتى لا يتمرضوا .. اخذت تتقلب ولاتزال نظرات فلاح عالقة بتفكيرها
شوق : هذا ما ينفع اعطيه الانجرستين الهرمون الانثوي ااااوف هو يعرف كل افكاري وكل خططي كأنما كتاب ومفتوح وهو يقراه .. لعد شلون اخليه تحت سيطرتي .
نظرت لثياب نومها الفاضحة والقصيرة فوق الركب
منذ ان قرأت رسائل استهزاء عصام وعشيقتها بذوقها قررت ان لا تنام الا باجمل ملابس النوم واكثرها اثارة حتى وان كانت وحيدة بسريرها مجرد لاشباع غرورها انها انثى جميله ومرغوبه ليس كما قال عنها عصام
.
نهضت وهي ارقة جدا فتحت الستارة ورفعت رأسها للسماء ... كان القمر مثل اميراً قد توسط حاشيه من النجوم ..اغمضت عينيها وهي تلصق خدها بزجاج النافذة ثم فتحتهما
اتوق ان ارقص تحت ضوء القمر
واجعل النجوم تغار وانا بك اغتر
اتقول اني مغرورة لما لا
اليس من حق الارض ان تغتر بالمطر
والامواج الا تحب ان تعانق البحر
انا سيدة ... لم اجد رجلا يُقتدر
فجميعهم مثل خيوط الدمى
وعلى مسرح الحياة بين يدي تنتحر
امزقهم واقطعهم بعقلي وكلي فخر
تنهدت ثم همست : الجميع يراني تلك المرأة المتسلطة ونسوا ان داخلي بنت تتوق للحب في زمن لاوجود له .
نظرت لطفلي اختها :هففف اليوم مجايني نوم اروح اسويلي كهوة
خرجت وهي تتدلع بمشيتها فهي عندما لا يراها احد تحب ان تتدلع وتكون انثى بكل معنى الكلمه
اخذت تمشي على اصابع قدميها وهي ترتدي ثوبها الشفاف الذي بان جسدها كخيال مجسم من الانوثة من خلف القماش الشفاف ..
_______________________
فتح فلاح عينيه وتصنت لصوت باب وهمسات كأنماوهناك من يقوم بتمتمه للحن ما ...
نهض وابتسم بمكر : الدرس الاول بترويضج يا شوقتي
فتح الباب خلسة وسار بهدوء وسع عيونه لكتلة الانوثة التي تتدلع وهي تغني لنفسها
لا لالا ولك ..لالالالاعلى بختك ماني سالوفه صرت بين الطوايف
ياحريمه ياحريمه
ياحريمه أنباكت الجلمات..من فوكَـ الشفايف
ياحريمه ياحريمه
ياحريمه أسنينك العشرين.مامرها العشكَـ والعشكَـ خايف
ياحريمه ياحريمه.......الخ
بسره : متسلطة و مغرورة تتدلعين لنفسج هة ...
اخذت تدور بحركة راقصة لترجع وتصطدم بشيء دافيء ينبض بالحياة شهقت متفاجأة و فتحت عيونها
احتارت ماذا تستر بيديها فبدت كالعارية امامه
لكن استعملت لسانها السليط
بشراسة : بعد عني شوي
فلاح : هذا طلب لو امر ؟ اذا طلب كولي من فضلك اما اذا امر ، فاسمعي لج مو فلاح الي يتجرأ رجل يأمره مو بعد مرة ..
كورت شوق شفتيها بتمرد : امر .. وغصبا ما عليك تنفذه
اشارت بيدها دلالة الطرد : روح انطيني عرض كتفك يالله روح مو شوق الي يتسلط عليها رجل مغرور مثلك .
فلاح : دخل ببالي اروضج راح اتمتع بترويضج كل صعب مرغوب هههههههه امممم تدرين انت صرتي تحدي الي
رفعت يدها لصفعه لكنه امسك يدها وجذبها عانقها بوحشيه ليخضعها بينما هي اخذت تقرصه وتضربه
وتخدش جسمه باظافر يديها،لكنه بيده الاخرى سحب شعرها للخلف ورفع وجهها ليواجهه
فلاح : اعلمج شلون ترفعين ايدج بوجهي
اطبق شفتين دافئتين لتحتل شفتيها التي اخذت تعضه لتعلن ثورة ضد شفاهه المستبده .
حفزه ذلك ليقبلها بأكبر قدر ممكن من القسوة ويده اخذت طريقها لتمسك بضهرها .. حملها بين ذراعيه وشفتيه لم تترك شفتيها ...
القاها على الكنبة الموجودة في الصالة وهم ليخلع عنها الملابس لكنها بذكاء ضربته بين فخذيه وهربت وهي تلهث وتتمرد اكثر
بينما هو بمغص اخذ يتقلب
شوق : هذا درسي الاول الك مو شوق الي ترضخ بسهولة تعلم هذا مني وحفظة عن ظهر قلب
اراد النهوض لها لكنه تألم وعاد للتقلب
ضحكت بغرور وتسلط : هههههه فلاح الرجل الجبار هزمته شوق نيهاهاهاهااااا
دخلت لغرفة الاطفال وقد لغت فكرة القهوة والمجازفه بالخروج و اقفلت الغرفة بالمفتاح..
.
.
.
يتبع