ام البنات (24)
السلام عليكم ورحمة الله وبركاته
البارت راح يكون بيه كلام +18 فاللي ميعجبها لتقرأ
وقراءه ممتعة للبقية...
&&&&&&&&&&&
.
.
.
إستيقظت شوق من نومها صباحا كعادتها لكي تذهب الى دوامها وبعد تجهيز الفطار وتجهيز الاطفال لكي يذهبوا الى بيت جدهم وتعمل سهيلة على رعايتهم لحين عودة شوق من دوامها،اخذهم فلاح الى بيت جدهم وعاد الى البيت لإكمال فطوره...
اما شوق فقد دخلت الغرفة لكي تجهز نفسها للذهاب للدوام وقفت أمام المرآة ونظرت الى شفتيها
شوق:عزة عزة اشتعلوا اهلك لسابع جد على هاي سوايتك،هسة شلون اروح للدوام،هفف لازم احط حمرة قوية،استغفر الله..
خرجت شوق من غرفتها وصادف ذلك دخول فلاح الى البيت نظر لها بغضب فتجاهلت نظراته وتوجهت ناحية الباب لكنه امسكها من ذراعها بعنف..
فلاح:خير ان شاء الله وين رايحه لحفلة وهاطه هيج حمرة؟؟؟
شوق:اولا هذا الشي يخصني ومومن حقك تتدخل بيه،ثانيا اسأل روحك شسويت امس يامتوحش،ابتسم فلاح لذكريات الليلة الماضية لكنه عاد الى غضبه مرة اخرى:متوحش؟؟؟امممم؟؟؟عجبتني الفكرة حاول الاقتراب منها لكنها كانت اسرع منه فخربشت وجهه ورقبته باظافرها وحاولت الهروب لكن يد فلاح سبقتها فاحتجزها بين يدها نظر لها نظرات باسمة بانتصار حاولت ان تبعده عنها لكن بلافائدة فكان اقوى منها وحذرا من تحركاتها
فلاح:اممممم أظن حان وقت تروضيج
شوق:فلاح ابتعد عني كافي اللي صار امس..
فلاح:بس اني عاجبني الوضع
شوق:واني معاجبني ومااريدك،ودفعته بقوة ابتعد عني مااريدك مااريدك..
اعتبر فلاح تصرفات شوق اهانة له ولرجولته فغضب وارتفع صوته:كل هذا لخاطر المخنث عصام؟؟؟
صرخت شوق:عصام،عصام،عصام،انت شنو فرقك عن عثام اثنينكم نفس الشي
جذبها من شعرها:لتقارنين بيني وبينه
شوق:وليش مااقارن اثنيكم نفس الشي هو كان يريد يكسر خشمي ويقلل من ثقتي بنفسي،وانت تريد تروضني وتقلل من شخصيتي اثنينكم نفس الشي ماكو فرق بيناتكم،كل اللي تردوه تشوفوني إنسانه ضعيفة الشخصية ومهزوزة
ارتبك فلاح لكلام شوق :بس اني ابد مفكرت اني أذيج او اتجاوز عليج...
شوق:صدك؟؟؟لعد شتريد تسمي محاولاتك اني اترك الوظيفة؟؟ومحاولاتك انك تتعامل وياي بعنف وكلامك على ترويضي وكسر شوكتي،فلاح انت وعصام نفس الشي ماكو فرق بيناتكم...
فلاح:اني كل اللي ردته منج انه نبدي حياة طبيعية حالنه حال بقية العوائل..
شوق:طبيعية؟؟؟؟شلون هاي تصير؟؟،انت كل اللي تريده هو علاقة جنسية وبس،متناسي اني انسانه والي مشاعري واحاسيسي،اني مو الة لافراغ شهواتك ورغباتك الجنسية،افهم هذا الشي كلش زين،ومدام ورود لهسة بكلبك فانسى شي اسمه شوق،اساس زواجي منك هو لخاطر جهال اختي فابتعد عني افضل لك ولتحاول تزعزع صورتك بعيني لاني عرفتك فلاح الشخصية القوية والرزن والاخ الكبير اللي اگدر اعتمد عليه بكلشي..
فلاح بألم:خلاص اوعدج من اليوم مراح يصير شي بيناتنا ولاراح ازعجج ابد،تحركت شوق تحاه باب البيت فالتفت لها فلاح:شوق،نظرت له باستفهام.
فلاح:آسف،ابتسمت له مجاملة وركبت سيارتها...
.
.
.
دخل فلاح الى المستشفى وباشر باجراءات عمله وفي النصف ساعة الاخيرة من الدوام دخل احمد وياسمين لغرفته وبعد التحية والسلام،انتبه احمد الى رقبة فلاح وضحك واشار الى ياسمين ان تنتبه لفلاح...
احمد بخبث ومكر:اكول فلاح شنو هذا اللي برقبتك؟؟؟
فلاح:ماادري شبيهة؟؟؟
ياسمين:اكيد مخربشتك بزونه وضحكت هههه يلة احمد جيب المية دولار..
احمد:خرررب خسرت الرهان
فلاح:يارهان،تعالو هنا اريد افتهم....هربت ياسمين من الغرفة وحاول احمد الهرب لكن يد فلاح امسكته:تعال لك احجي شنو رهان؟؟؟
احمد:تراهنت اني وياسمين عليك انت شوق ههههههه صارلكم اسبوعين ولهسة ماكو شي
ضربه فلاح
ببطنه:روح من يمي لاارتكب بيه جريمه،ركض أحمد وهو يضحك....
.
.
.
عادت شوق بعد دوامها الى بيت أهلها وبقيت عندهم باعتبار ان فلاح يبقى في الشركة عصرا،وفي الليل نام الاطفال وارادات شوق النوم ايضا لكن استوقفتها سهيلة:هاي وين؟؟؟
شوق:انام وية الجهال..
سهيلة:ماعندي بنات متزوجات ينامن ببيت اهلهن يلة روحي لبيت رجلج..
شوق:تطرديني؟؟؟من بيت ابوية
سهيلة:القانون قانون ينطبق عالكل بقي الجهال نايمين ويلة على بيت زوجج
عادت شوق الى البيت قبل عودة فلاح،اعدت العشاء ودخلت غرفتها كي تنام،اراحت رأسها على الوساده وتذكرت حياتها السابقة مع عصام كيف دللها وعاملهت برقة وحنان وفجأة اصبح ذلك الإنسان المتوحش الشرس في تعامله،فعل كل ذلك فقد لكي يكسرها،وقد نجح في ذلك فبالرغم من تظاهرها بالقوة لكنها مكسورة ومحطمه من الداخل،كان نظرها موجها نحو السقف ولم تنتبه الى ذلك الشخص الواقف امامها ينظر الى مفاتنها،انتبهت له ارتبكت،حملت غطاء الفراش وغطت جسمها:انت شلون تدخل بدون استئذان؟؟؟
فلاح:دخلت البيت هدوء،وين الجهال؟؟؟؟
شوق:يم امي
فلاح:امممم حلو واكيد قانون امج ساري المفعول ممنوع بنت تبات بييت اهلها
شوق:اللهم طولج يروح،محتاج شي؟؟؟
فلاح:جوعان سويلي عشا..تركها وغادر الغرفة..دخل الى غرفته مهموما اغمض عينيه فاستغربت شوق تصرفات فلاح الباردة،تناول عشاءه بهدوء وبعدها حاول غسل الصحون لكن شوق اوقفته وقامت بغسلهن بقي جالس على كرسي ميز الطعام وهو ينظر لها ويسترجع ذكرياته مع ورود وكيف كانت حياته معها،فكانت حياتهم مبنية على الود والاحترام المتبادل،أنب نفسه كثيرا لتصرفاته الرعناء وقرر ان يعامل شوق كما كان يعاملها كالسابق قبل زواجه منها..
.
.
مر شهر كامل...
عاد وعد وزوجته الى العراق، في طريق عودتهك قرر وعد وزوجته الذهاب الى الموصل وزياة اهل زوجته والبقاء عندهم لمدة اسبوع....
تزوج وليد من أسرار وزفوا الى شقتهم التي تقع فوق بيت عمر وأفراح...
صباحا نزل وليد الى اهله غاضبا متجهما
استقبله والده بفرح.
(منو تتفق وياي الرجل اللي عنده شيب يكون اكثر وسامه ووقار )
