ام البنات (26)
.
.ياقارئ كتابي..
ابكي على شبابي...
بالأمس كنت حيا...
واليوم تحت التراب...
.
.
.
في اتصال هاتفي....
وعد:انتي مخبلة؟؟؟شلون تبقين بالموصل؟؟؟؟
جين:حبيبي والله ماكو شي هنا وحتى تعاملهم وية الناس كلش زين،وهواي أهالي رجعت للموصل وهمة كالوا اللي ماعنده شي معلينه بيه..
وعد:سمعي جين حاولي بأي طريقة تطلعين من الموصل،واني راح احاول هم اوصل الج باي طريقة لج راح اتخبل انتي شنو من عقلية سز عندج؟؟حياتج اهم من الطفل..
جين:هذا طفلي مااگدر اخاطر واطلع،راح ابقى هنا واخافظ على طفلي
وعد:لج انتي براسج اكو دماغ لو قندرة؟؟؟؟والله اذا الزمج والقرآن الكريم حظج اطيحه اصبريلي ياأم راس اليابس...
جين:حبيبي هسة اخليك تحجي وية جيرانه...
ام آزاد:مرحبا ماما شونك؟؟
ارتبك وعد وحاول السيطرة على اعصابه:اهلا خالة الحمد لله
ام آزاد:حبيبي جين بيد أمينه ولتخاف عليها،اني مهتمة بيهة وتحت رعايتي ومحد بالمنطقة يعرف بوجودها ببيتي،وحتى لتخاف وتقلق دزيت ابني آزاد يم اخته بسنجار...
وعد:خالة اني اشكرج لان دتهمين بجين بس اني هم خايف عليها،الوضع ميطمن والأخبار زفت..
ام آزاد:ربك الحافظ،وان شاء الله ميصير إلا كل خير..
وعد:ان شاء الله ميصير الا كل خير واصلا اني تطوعت بالحشد الشعبي وجاي أتدرب...
ام آزاد:ربي يحفظك ويخليك وديربالك على روحك..
وعد:ان شاء الله وانتي هم ديربالج على جين
ام آزاد:هههه ماما لتوصي حريص جين بعيوني..
.
.
.
اثارت مجزرة سبايكر ضجة إعلامية كبيرة،وثار اهالي الشهداء وجاؤا من كل المحافظات واعتصموا في بغداد وتمكنوا من دخول البرلمان وطلبوا معرفة مصير ابناؤهم لكن بلا فائدة،وكان من ضمن الاهالي،والدي حسن(ابو جاسم وام جاسم)..
وقف مؤيد وسهيلة بجانبهم واستضافوهم في بيتهم،تحولت ام جاسم من المرأة المفعمه بالحيوية والنشاط الى امرأة اخرى حزينة مهمومه..تقضي وقتها في البكاء،مرت ثلاثة ايام وام جاسم في بغداد،وفي تمام الساعة الحادية عشرة صباحا،انتبهت ام جاسم الى صوت رنين هاتفها،انتبهت له فكان رقم غريب فتحت الخط
ام جاسم:الووو
حسن:شونج يووم اني حسن.
صرخت ام جاسم وهي غير مصدقة بأن هذا الصوت هو صوت ابنها حسن..
ام جاسم:مااصدك انت وليدي حسن عايش كللووووش كلللووووووش،ابني عايش كلللووووووش..
حسن:يوم مو وقتها هذا ميقبل باكثر من دقيقة دزوا رصيد ابو ال10 الاف وانتوا اتصلوا بيه...
ام جاسم:روح هسة اجيب الرصيد،اغلقت الموبايل وبدأت تركض بسرعة وسط صدمة الكل،اوقفتها سهيلة وطلبت منها الاستراحه وذهب أمير لشراء رصيد التلفون وارسلوا رقم الرصيد برسالة الى الرقم الغريب الذي اتصل بهم..بعدها اتصلوا بحسن،لكن اجابهم صوت اخر وأجروا حوارا ونقاشا معه عن مكان ابنهم فتبين انه في تكريت قرب الصحراء ولايمكنه العودة..
مسلح:شو بدي خبركون،انا مبيهمني لااسلام ولادولة اسلامية،انا اللي هاممني المصاري وجهاد النكاح،وإزا بدكون ابنكون بيرجع تعطوني 5 الاف دولار وبسفروا عسوريا وبسلموا لرفيقي في السيدة زينب...
(اگطع،أملخ بالسوري فيدتني)
.
.
اخبرت ام جاسم زوجها بطلب الداعشي ..
ابوجاسم:طز بالفلوس،الارض الزراعية اللي بالمشخاب راح ابيعها واجيب الفلوس...
مؤيد:ابو جاسم اسمحلي كل دقيقة تمر على ابنك وهو بيدهم مومن صالحنا،الافضل انه نرسل له المبلغ باسرع وقت،راح اساعدكم وادفع المبلغ وربي يسهل اموركم..
بكى ابو جاسم:ربي يفرحكم ويسهل اموركم مثلما سهلتوا امورنا..
مؤيد:شنو السالفة؟؟؟والله لو داعش طالبين فلوس بدل ذبح ولدنا جان انطيناهم،الله ينتقم منهم ومن كل شخص خان بلده وساعده..
