ام البنات (18)
في هيئة النزاهة..
كان ذو الفقار يقرأ في ملف احدى القضايا عندما دخل عليه مديره وكانت ملامحه تدل على ارتباكه.
ذوالفقار:اكو شي؟؟؟
المدير:استشهد عمر
ذوالفقار:هااا
المدير:اليوم الصبح صعد بسيارته يريد يوصل مرته وجهالة للدوام وطلعت السيارة بيهة عبوة لاصقة وتفجرت
ذوالفقار:شلون يعني؟؟ مجاي اصدك لحد قبل نص ساعة جنت احجي وياه بالموبايل.
المدير:شگد نصحتكم وحجيت وياكم بس انتو متسمعون حجاية،ابني روح اخذ اجازة لحدما تهدأ الأمور..
ذوالفقار:وليش آخذ اجازة و...
المدير:كافي ابني لتظل تحجي اذا متفكر بنفسك فكر باهلك وبزوجتك،روح ابني روح اخذ إجازة والله يستر...
.
.
مؤيد:فلاح هذا الموضوع منتهي ولتگول مثل اختي،اني قررت وهذا قرار نهائي
فلاح:ادري اني واطفالي ثقلت عليكم هواي وان شاء الله راح اخذهم باقرب وقت
مؤيد:غبي ليش جهالك منو؟؟؟مو قطعه من بنتي الله يرحمها وبيهم ريحتها،اني حجيت لمصلحتك انت،تتوقع هذا الشي سهل عليه؟؟
فلاح:مؤيد صدكني مستحيل اكو وحده تحل محل ورود وتاخذ مكانتها بكلبي مستحييييييل
مؤيد:واني مكتلك انساها او تخلى عنها،بس فكر بعقلك حياتكم تحتاج الى امرأة عاجلا او آجلا..
فلاح:خليها بعدين احسن،لاني متأكد هسة اذا تزوجت راح اظلم تهاني والاطفال واظلم نفسي،خليها بعدين احسن
مؤيد:احسك تريد تزحلكني؟؟؟
فلاح:لاوالله بس الموضوع مااگدر اتقبله فرجاءا غلقه خلال هاي الفترة..
مؤيد:راح اغلقة بس مؤقتا..
.
.
.
.
بعد مرور عدة ايام ...(ليلا)
حنين:هاولج شنو الاخبار؟؟؟؟
شوق:جاي انطيه هرمونات ومنتظرة النتيجة،ابن القندرة لهسة يروح الها
حنين:اي اكيد هاي الادوية ينراد الها وقت حتى تاخذ مفعولها
شوق:واني منتظرة على احر من الجمر،هه اذا مطيحت حظه فلااني شوق،دخل عليهم ذو الفقار وبيديه فلاش ميموري:السلام عليكم
شوق&حنين:عليكم السلام،شوق:شونك خوية شخبارك
ذوالفقار:هلا خيتي انتي شلونج شخبارج
شوق:الحمد لله بخير،جلس ذوالفقار بالقرب من حنين:ايه حنين مناوية تسويلي عشا ميت جوع
حنين:من عيوني،ذهبت حنين الى المطبخ لإعداد العشا،تقرب ذو الفقار من شوق:شوق اني عندي مشكلة صغيرة ومااكدر اخبر حنين بالموضوع هذا فلاش بيه معلومات وصور مستندات ووثائق وفيديوات،اريدج تخليه يمج للاحتياط واني عندي النسخ الاصلية،اخذيه قبل لتجي حنين
اخذته شوق بقلق:الله يستر شنو اللي صاير وليش خليته يمي اني..
ذوالفقار:بعدين اسولفلج على انفراد بدون علم حنين،لان تدرين بيهة گلبها ضعيف ميتحمل..
شوق:خير ان شاء الله..
بعد العشاء وشرب الشاي جلسوا يتكلمون بمواضيع عامه الى ان سمعوا اصوات قريبة منهم،انتبه ذوالفقار الى شاشة المراقبة فراى مجموعة ملثمين ومسلحين،انتفض من مكانه:شوق انتي مو من اهل البيت روحي صعدي فوك واني متأكد مراح يدورون عليج حاولي توصلين لفلاح ولعمي مؤيد واني احاول ااخرهم شوية يلا بسرعة ماعدنا وقت..
صعدت شوق الى سطح البيت وبيدها موبايلها ارسلت رسالة الى فلاح:الحك النه اني ببيت ذوالفقار وهسة دخلوا علينه جماعة مسلحين يمكن اربع اشخاص واني فوك السطح
تنبه فلاح الى الرسالة:شوق هذا الكلام مو مال شقة
شوق:والنبي مااتشاقة الحك علينه دخلوا البيت والله..تقربت شوق من باب السطح واستمعت لكلامهم..
كان ذو الفقار وزوجته جالسين على الارض والاسلحة موجهة عليهم،حنين تبكي بفزع اما ذو الفقار فكان مسيطرا على اعصابه..
مسلح1:وين المستندات يا'_*$&/$#
ذوالفقار:يامستندات؟؟؟
ضرب مسلح2 ذوالفقار بطرف السلاح على رأسه
مسلح1:ليش تخليني اطلع المستندات بالطريقة الصعبة ولوما مرتك البقرة وسدت نفسي كان تعاملت وياكم بغير طريقة
ذوالفقار:ليش متنجب يابن ال'/^$#/^&&
ضرب مسلح1 ذوالفقار :ابن $^&/_* تحجي لو اتصرف غير تصرف والله..
ذوالفقار يمسح الدم النازل من انفه وفمه:كولي المستندات تخص منو اول شي؟؟
مسلح1:تخص تاج راسك
ذوالفقار بسخرية:والله البلد بيه هواي تيجان روس هه ياواحد منهم تقصد؟؟؟
مسلح1:تاج راسك وحامي عرضك و..
ذوالفقار:اي عرفته تاج راسي وحامي عرضي المجاهد البطل الوزير والدكتور والمهندس والبروفيسور #/&&^$#$&& تقرب مسلح 3 وضرب حنين على رأسها فاغمي عليها،صرخ ذوالفقار عليهم وحاول ضربهم وتدخل الثلاثة وضربوه بقوة بينما مسلح 1 واقف يبتسم ويتفرج:لتخلوه يموت اريده حي،بعد دقائق رموا ذوالفقار وحنين بالماء البارد لكي يفيقوا من بعد فقدانهم الوعي..
تقرب مسلح 1 وسحب ذوالفقار من شعره:هذا نقطه من بحر من اللي راح اسويه بيك وبمرتك اذا متنطيني الوثائق اللي عندك واؤكد لك اذا تساهلت وياي وانطيتني الوثائق بسهولة راح اتساهل بطريقة موتك انت ومرتك واتعمل وياكم برحمه شوية
ذوالفقار:ابعد زوجتي عن الموضوع واني راح اسوي اللي تردوه.
مسلح1:حبيبي انت بموضع ميسمحلك تتشرط فتهمت
.
.
لم يعي مسلح 1 ماحدث فعلا لكنه تفاجأ بسقوط زميله على الارض مقتولا بسكين التفت المسلحين فشاهدوا فلاح وحسام يحملون الاسلحة،نهض ذوالفقار وحنين الى الغرفة مستغلا انشغال العصابة بالظهور الثنائي المفاجئ..
فلاح:اشرقت وانورت شتحبون اتعامل وياكم بالطريقة السهلة لو الصعبة،دخل وعد وبيده سائق السيارة التابع لهم مكتفا ووجهه مضرجا بالدم،رماه ارضا تحت اقدام مسلح1
وعد: ابن ال#$%% اليوم $^**&/$/&)$%^&&/$^*&^/$$$##$&&/ تفووووووو
.
.
حاول المسلحون المواجهة لكنهم تفاجأوا بذوالفقار من خلفهم يحمل مسدسه بيده،استسلمت العصابة وانتظروا مجئ الشرطه لتستلمهم...
كل هذا الوقت كانت شوق واقفة في سطح البيت تبكي وخائفة على مصير الجميع بعدما استسلمت العصابة وتم توثيق يديهم،نظر ذوالفقار عليها،نزلت ترتجف وخائفة لكنها فور رؤيتها للعصابة نزعت ال اولاد الكلب سفلة حقراء ضاع البلد من وراكم ومن امثالكم خدمة الحرامية والمجرمين،عبدة الفلوس .....
سحبها وعد بالقوة وادخلها الى غرفة حنين لكي تساعدها...
.
.
بعد مرور عدة ساعات...
مؤيد:دقيقة وحده متبقون بالعراق هسة تاخذون غراضكم وتطلعون لتركيا ومناك لاستراليا..
فلاح:اني خابرت صاحبي عنده شركة سياحه وسفر وحجز تذكرتين وحسام اخذ الجوازات حتى يفيزوهن
ذوالفقار:اني مااطلع هذا بلدي ولا
.
.
.
.
ولازم اكشف المسؤولين الفاسدين اذا كل واحد يكول اني معليه معناها ضاع البلد وراح وهذي وظيفتي مااتخلى عنها
مؤيد:انعل ابوك لابو وظيفتك اني هسة بيا حال وانت جاي تتفلسف عليه،الله الستر جان اليوم اثنينكم بطريق النجف
سهيلة:كافي ارحموني گلبي ميتحمل فكروا بغيركم لتفكرون بس بنفسكم
مؤيد:اني خابرت خواتك وهسة جايات بالطريق يودعنكم والله ومحمد وعلي وياكم..
صرخت أماني يمه شبيج..التفت الجميع الى سهيلة المغمي عليها،حملوها الى المستشفى،وهم ينتظرون تقرير الطبيب..
مؤيد:وعد امشي وصل ذوالفقار وحنين للمطار وابقى يمهم لحدما تتأكد من سفرهم
وعد:بس امي و..
صرخ مؤيد:كافي لحد يناقشني اللي بيه مكفيني وزايد روحوا من يمي روحواا
اقترب فلاح من مؤيد:على كيفك الانفعال موزين على صحتك
مؤيد:هي ظلت صحة،وية هاي البزرة اللي بس تجيب شلاع الگلب،الله الستر اليوم على حنين وذوالفقار،اكول شو الطبيب تأخر؟؟؟
فلاح:لتخاف ماكو شي هسة سألتهم،ارتفاع بالسكر.
مؤيد:الله يستر..
.
.
.
بعد دقائق....
الدكتور:ارتفاع عالي بسكر،تترك حب السكر لان بعد ميفيدها وتستقر على ابر الأنسولين،لازم حمية باكلها وابعدوها عن الانفعالات،شخص واحد.يكدر يدخل يشوفها
مؤيد:اني ادخل اريد اشوفها..
الدكتور:تفضل منا...
دخل مؤيد الى ردهة المستشفى المقسمة الى مجموعة اسرة،شاهد سهيلة ممدة على السرير وبيدها الكانونه المتصلة بالمغذي وعلى وجهها جهاز الاوكسجين،وجهها مصفرا وبان عليها التعب،مسك يدها ونظر لها متألما بقي معها لفترة طويلة الى ان فتحت عينها تقرب منها بلهفته المعهودة:حمد لله على سلامتج حبيبتي
سهيلة:الله يسلمك،شنو اللي صار؟؟
مؤيد محاولا تلطيف الجو:من كثر حلاتج صار عندج سكر زايد بالدم..
سهيلة:يووه يارجال،كول السكر صاعد
مسك يد سهيلة وقبلها:الحمد لله على كل حال،بس هسة لازم تهتمين بصحتج اكثر وبعد ماكو هذا الحب القبرصي مال السكر الدكتور يكول لازم تاخذين أبر أنسولين
سهيلة:الله كريم،اكول شعجب المستشفى مابيهة كهرباء..
مؤيد:ليش ماكو كهرباء مو كدامج الاضوية
سهيلة:مؤيد الدنيا ظلمة مجاي اشوف شي..
نهض مؤيد وبفزع يده تمسك بعكازته وترجف وبقدرة قادر استطاع السير الى خارج الردهة:فلاح صيح للدكتور بسرعة ..
.
.
بعد الفحص.......
الدكتور:للاسف الشديد السكر مرتفع وأثر على عيونها عدها وحده منهن طفت ومابيهة اي أمل والثانية بيهة نزف ينرادلها علاج وفترة وترجع طبيعية
سقط عكاز مؤيد من يده وسقط على الارض ساعده حسام وأمير على النهوض مرة اخرى
فلاح:مؤيد شنو سالفتك هسة بالعلاج تصير زينه،
مؤيد:فلاح احس نفسي مخنوك مااكدر اتنفس،تقرب فلاح منه تحسس نبضه:يمكن ارتفاع بالضغط وحمله الى سرير المجاور لسرير سهيلة واعطوه السيرم الخاص به..
.
.
.
الموصل...
عادت افراح مرة اخرى الى الموصل لكنها لم تكن راغبة بذلك فكانت تعتبر العيشة في العراق مستحيلة لانها تخاف على ابنها وزوجها..
دخل وليد مبتسما:ماما ماما،راح اشتغل اعلامي بقناة تلفزيونية
أفراح:اعلامي شنو؟؟غير تكمل دراستك وبعدين انت علوم حاسبات شجابك عالاعلام؟؟؟؟
وليد:يوم ترة محد يدور شهادة اي شخص شكله حلو ومرتب يشغلوه ويصير إعلامي شكبره وخو اذا وكف عالشاشة وغلط وفشر ههههاااي يصير بطل ومجاهد بس اني راح اشتغل برامج عادية مو سياسية..
أفراح:اي يمة من فدوة اروحلك گلبي خلصان مااريد لاسياسة ولاتندگ بالسياسة واريدك تنتبه لدروسك مو معناها اشتغلت يعني بعد متدرس
وليد:لاشنو السالفة اكيد ادرس واحصل على الشهادة هذا اهم اهدافي بالحياة..
أفراح:ربي يوفقك ويفتحها بوجهك،قبلها وليد من يدها:الله يخليج اليه يالغالية
دخل عمر:احم احم ،شكو لازگ بأمك يلة روح منا يلة..
وليد:هذي أمي العزيزة الغالية وبدأ يقبل والدته وافراح تضحك على تصرفاتهم وتحمد الله وتشكره على مارزقها ربها من نعمة الزوج الحنون والابن الطيب والبار بوالديه..
عمر:اليوم مقداد خابرني حتى اشوفله بيت لان راح يرجع،يكول الاوضاع بسوريا موزينه..
أفراح:اي هلة بيه ولو اني ممرتاحه وتعودت على العيشة خارج العراق،بس شسوي الحمد لله على كل حال.
عمر:الحمد لله والشكر....
.
.
عادت شوق الى بيتها بعد آذان الفجر،وجدت عصام ينتظرها وقد بان الغضب على ملامحه:هاي انت هنا؟؟؟
عصام واضعا قدم فوق قدم:لاهناك،وين جنتي؟؟؟
شوق:بالمستشفى،امي مريضة
عصام:اهاااا امج مريضةالحمد لله على السلامه
شوق بغير نفس:الله يسلمك.
عصام:وليش مخابرتيني اجي وياج،لو انتو تعودتوا تخلوني آخر من يعلم،اكيد الكل متواجد بس اني ماكو
شوق:والله ياعصام انت اللي عزلت نفسك عنهم وبعدين شيسوون بيك شو وجودك وعدمه نفس الشي
ازداد غضب عصام:شقصدج؟؟؟
شوق:ماعندي قصد بيهة،اني تعبانه اروح انام ،الليل كله واكفة على رجلية،تحركت بإتجاه باب غرفتها لكن يد عصام اقرب لها فسحبها وضرب رأسا بجدار الصالة،مسكها من رقبتها:من احجي وياج تحترميني ومن اكمل كلامي وانطيج الإذن يالة ترحين منا،اني مو طفل صغير جوة ايدج فااااهمة..
دفعته شوق بقوة،وكانت هذه اول مرة تتعامل بها شوق معه بخشونه فتفاجأ من تصرفاتها:كاااافي ترة مليت منك ومن تصرفاتك،الناس حاسدتني عليك وميعرفون بيك وبتصرفاتك،المرة من تتزوج تعتبر زوجها سندها بالحياة واني مشفت منك هذا الشي اني حالي حال اللي كالت ردت رجل يهواي عن وحشة الليل،ههه لاوالله انت حتى بالليل متفيد،لانك مورجال ومابيك خيير..اقفلت باب غرفتها وتوجهت لنزع ملابسها
عصام:انتي يا #/&&^/$$^&&/^&££%/^؛ صاير عندج لسان وتحجين وترفعين صوتج عليه وتغلطين ادبسز...
شوق:طلكني عصام واتجفى شري،لاوالله والله اراويك شوق حفيدة أحمد شتسوي
عصام:اطلكج هههههههه وفرضا اذا طلكتج يعني هم تتأملين يجي احد ويتزوجج،انتي صرتي اكسباير وبنات كومة لهسة باقيات بلازواج يتوسلن حتى احد يتزوجهن
شوق:طلكني واستر على نفسك واني متأكدة اني راح اخذ اغاتك وانعل ابوك لابو أمك لابو خواتك
عصام:انجبي بيج خير فتحي الباب حتى اراويج شنو عصام..
شوق بحرقة قلب وغضب:
.
.
.
.
.
.
.
.&
شوق بحرقة قلب وغضب:انت بالنسبة اليه نعال،تعرف شنو نعال؟؟؟يعني انزعك والبس الف واحد غيرك(اعتذر على هاي المصطلحات بس تدرون شوق لسانها طويل )
غضب عصام بشدة لكلامها فقد اعصابة بدل بضرب الباب بقوةمحاولا كسرها:اليوم اموتج واخليج تلحكين خواتج..
اتصلت شوق بوعد وطلبت مجيئه باسرع وقت،كان وعد عائدا الى البيت،وبحكم قرب المسافة بين البيتين،وصل وعد بوقت قصير،طرق البيت ولم يفتح له الباب،فدفعها ودخل وجد أثاث البيت متكسر ويسمع صياح عصام العالي وقف وعد ودفع عصام عن باب الغرفة المتواجدة بها شوق.
وعد:كافي نصي صوتك فضحتونا بالمنطقة الله ياخذكم اثنينكم..
عصام:اختك ممترباية ولسانها طويل تجاوزت هواي
وعد:شوف عصام هسة احنه مخبوصين والدنيا مكلوبة عدنا ابوية وامي اثنينهم بالمستشفى فإذا جلدك يحكك كول ماعندي مانع هسة اهلسك هلسة غسل ولبس اطلع ضيمي كله بيك،شوق حضري روحج ترحين لبيت اهلي وبعدين من تهدأ الامور نتناقش،خرجت شوق من غرفتها وتنظر نظرات استهزاء وسخرية الى عصام ركض عصام لكي يضرب شوق لكن وعد دفعه عنها ببوكس قوي
شوق بنفسها(افيييش برد گلبي)..
.
.
.
يتبع
.
.
.اللي سوته شوق بزوجها واعطاءه الهرمونات الانثوية هو خيال كاتب لااكثر فلتجي وحده تسويهة بزوجها واني ابتلي
.
&&&&&&&&&&
ام البنات(19)
كانا في غرفة واحدة كئيبة من الجناح
الخاص في المستشفى،يرثيا حالهما فقد اتعبهم ماحصل لم تكن هذه الحياة التي تخيلوها في كبرهم،تخيلوا بيتا كبيرا يضم بناتهم واحفاداهم وامير ووعد وزوجاتهم واطفالهم،تخيلوا بيتا كبيرا وعائلة كبيرة،تخيلوا الضوضاء المزعجة بسبب شجار الاطفال تخيلوا وتخيلوا وضحكوا على تخيلاتهم لكن الواقع امر مما حلموا به،تفرقت العائلة،بنتين في مقبرة النجف وبنتين في تركيا،بكت سهيلة في صمت ظنا من انها لوحدها في الغرفة،نزلت دموعها امام ناظري مؤيد،كان ينظر اليها بألم وبصمت ودموعه تنزل من عين واحده،قضمت شفاهها كي تكتم صوت شهقاتها،امتدت يد مؤيد ذات الاصبع المبتور ومسحت دمعة سهيلة:كافي سهيلة،دموعج سجاجين بكلبي احسها،مسحت سهيلة آثار دموعها:هاي انت هنا؟؟عبالي عفتوني لوحدي
مؤيد:ليش اني اگدر اتركج لوحدج؟؟تدرين شكد توسطت حتى اخذ هاي الغرفة وابقى بس اني ووياج بيها..
سهيلة بصوت مخنوق:تعبانه مؤيد،گلبي محروگ على بناتي واللي صار بيهن ياريت لو ربك يأخذ امانته وارتاح
مؤيد:الحمد لله على كل حال،حبيبتي كولي الحمد لله والشكر حنين وزوجها بخير وان شاء الله راح يوصلون تركيا ومن تركيا يسافرون لاستراليا
سهيلة:الحمد لله على كل حال،الحمد لله على كل حال،لااله الا انت سبحانك اني كنت من الظالمين
مؤيد:اني زعلت منج
سهيلة:ليش؟؟؟
مؤيد:تردين تعوفيني وترحين،اني شعندي غيرج بهاي الدنيا..
سهيلة:الله يجعل يومي قبل يومك،لان ماأكدر أتخيل حياتي بدونك،ألم فقدان اهلي وفقدان بناتي مراح يوصل لربع الم فقداني إلك..
مؤيد:سهيلة
سهيلة:اممم
مؤيد:شگد تحبيني؟؟؟
سهيلة:ههههههه بعد هذا العمر كله تسألني هيج سؤال
مؤيد:احب اسمع منج
سهيلة:اممممم مااكدر احدد شكد بالضبط،يعني كل دنياي بكفة وانتي وحدك بكفة وحده
مؤيد:تتذكرين اول لقاء بيناتنا؟؟؟
سهيلة:هههههه كبة الموصل
مؤيد:لا،اكو لقاء قبله بس يمكن انتي متذكريه
سهيلة:مااذكر،شوكت؟؟؟
صعدمؤيد على سرير سهيلة ونام بجانبها ووضع يديه اسفل رأسها:وقرب فمه من اذنها ونظراته لها نظرات حب وهيام،ومسح بيده الاخرى شعر راسها:اممم تدرين بيه جنت شاب وحلو والبنات كاتلات روحهن عليه والغرور كاتلني هههه
سهيلة:جنت اموت منك
مؤيد:لا هاي قبلها،طبعا قبل دوام المرحلة الاولى اتحضر اني وبقية الشباب حتى ننسق وية الحلوات هههههههههه،اتذكر اول مشفتج خطفتي گلبي،بياضج وجمال عيونج السود كتلني،بس كان مبين من طريقة التزامج بحجابج ماكو فرصة،مشيت كدامج وطخيت كتفي بيج وطيحت جنطتج عالارض انتي نزلتي تلمين الغراض بدون حتى متباعين بوجهي طبعا وجهج بوقتها صار أحمر مثل الطماطم واني كنت ممتع عيوني بيج من تتحركين وتبين كدامي منحيات جسمج
سهيلة:ايا ادبسز
مؤيد:ههههههههههههههههه،والله ايام المهم بوقتها نزلت خذت منج قلمج الباركر بدون متدرين ولهسة محتفظ بيه
سهيلة:عزة واني اكول القلم وينه؟؟؟ ليش محجيتلي عن الموضوع؟؟وشلون لهسة محتفظ بيه بعد الاحداث اللي صارت ب2003
مؤيد:كنت محتفظ بيه بالمكتب ماتي والحمد لله بقيته لهسة يمي..
سهيلة:اوووف شايلة هم ميس ومهيمن شلون راح اهتم بيهم واني بهذا وضعي..
مؤيد:حبيبتي اولا وضعج مابيه شي،باجر الصبح فلاح يدز فحوصاتج كاملة لطبيب عيون بإيران،ونسافر اني ووياج لإيران هم نعالج عيونج وهم نجدد شبابنا
سهيلة:عزة العزاك هذا ياشباب؟؟
مؤيد:والله اني روحي خضرة ولو عمري 100 سنة مدامج يمي راح تبقى حياتي شباب بشباب..
سهيلة:ههههه متبطل من سوالفك،مسك مؤيد كف سهيلة بيده وقبلها تحولت ملامح وجهه من الفرح الى الجدية:سهيلة،اني باجر راح افاتح تهاني بموضوع الزواج من فلاح،بعد ماعدنا وقت اني ووياج راح نسافر،ومنعرف شوكت نرجع يمكن علاجج يأخذ وقت اطول
سهيلة:اوووف يامؤيد هو هذا اللي هد حيلي،شلون راح ازوج تهاني لفلاح،تهاني صغيرة والفرق بيناتهم بال17 سنة وبنفس الوقت خايفة على ميس ومهيمن تهاني ماعدها حنية مثل أماني،ياريتك لو تفكر بهذا الموضوع مرة ثانية..
مؤيد:فكرت هواي وتعذبت هواي،موهين عليه ازوج بنتي بهذه الطريقة،لكن عزائي الوحيد انه فلاح خوش انسان واكدر اعتمد عليه ومتاكد راح يحط تهاني بين عيونه
سهيلة:الله كريم،الله كريم...
.
.
.
حكت شوق كل ماحدث معها لوعد،ثار وغضب واراد الذهاب لقتل عصام لولا تدخل شوق باللحظة الأخيرة:وعد اتركه معليك بيه،اني مدبرتله خطه جهنيمة اذا مطيحت حظه فلااني شوق حفيدة أحمد
وعد:هذا الكلب الحقير،بنات الناس لعبة بيده وبعدين انتي شنو بيدج تسويه،ضغطت شوق على الفلاشة التي سلمت اليها من قبل ذوالفقار وابتسمت:كان اكو خطه ببالي وبديت بتنفيذها،بس هسة ربك دزلي فكرة جهنمية،والله والله ياوعد راح ارجعله الصاع صاعين،اني غبية يوم حبيته،بس هسة غير اني راح أثأر لكرامتي وانثوتي المجروحه..
وعد:اني خايف عليج تتهورين وخاف يأذيج
شوق:هع لاء لتخاف عليه ابليس ميخرب عشه.
.
.
.
طلب مؤيد اجتماع العائلة بعد الغداء وبحظور الكل(شوق،وعد،تهاني،أماني،أمير،ميس، مهيمن)...
مؤيد:اليوم اجتمعت بيكم حتى ابلغكم بأمور مهمة،مثل متعرفون سهيلة مريضة واريد اسافر وياهة لإيران للعلاج،واكيد حتى اذا رجعت بعد السفر،مراح تكون بكامل قدرتها حتى ترعى ميس ومهيمن ولهذا السبب فلاح راح يتزوج،حتى يجيب ام لاطفاله وزوجة ترعاه وتحافظ على بيته،واكيد الكل يعرف منو فلاح وشنو اخلاقه وشخصيته،لهذا السبب اني قررت ازوج تهاني من فلاح..
صمت الجميع لتفاجأهم بهذا القرار..
نهضت تهاني:بس اني مااريده والزواج مو بالغصب،فلاح اعتبره مثل اخوية
مؤيد:بس هوة مو اخوج،هو انسان غريب ويحل انه يتزوجج وهذا قراري النهائي،الأطفال يحبوج ويرتاحون الج فحاولي تصيرين ام الهم وتكسبين فلاح زوج الج
صرخت تهاني:مااريده مااريده شنو هالظلم هذا ليش تزوجوه اليه،زوجوه أماني..
مؤيد:اني قررت وخلاص،قراري نهائي وخلال هاليومين نكمل اجراءات زواجكم..
تهاني:ههه مو بكيفكم،إلا اوكف گدام القاضي وافشلكم،وقفت شوق وضربت تهاني : احترمي نفسج اللي رافعه صوتج عليه،يصير ابوج ولتنسين أمي مريضة بالمستشفى اذا تصرفتي اي تصرف غلط وصار بيهة شي اموتج هنا بمكانج وماعندي اي رحمة بگلبي،و.
.
.
..&
.
.شكو بيهة اذا تزوجتي فلاح؟؟شنو اللي ناقصه؟؟؟
تهاني:اني اريد ابدي حياتي وية رجال ممتزوج قبل وعنده اطفال،شنو ذنبي اتزوج واحد عنده طفلين بدل مااهتم بزوجي وزوجي يتهم بيه لوحدي اجي اتحمل مسؤولية اثنين اطفال،هذا الشي فوق طاقتي لتجبروني عليه..
شوق:هذولة ايتام،كسبي ثواب بيهم شبيهة اذا ربيتيهم؟؟
تهاني:والله حلوة هاي،الله ياخذ واني ابتلي(استغفر الله)سحبها وعد من شعرها بقوة:لج انتي شكد حقيرة وعينچ ضيگة طايحة الحظ..
تركتهم تهاني وذهبت الى غرفتها تبكي،ارسلت مسج لحسام طلبت منه ان تلتقي به غدا،لأمر ضروري..
.
.
اتصال هاتفي بين ياسمين&شوق..
ياسمين:شلون صارت امي؟؟
شوق:نزل سكرها ونهاية الاسبوع يسافرون،انتي شلونج،احس من صوتج اكو شي؟؟
بكت ياسمين:تعبانه شوق تعبانه،هاي ثالث مرة نسوي عملية حقن مجهري وتفشل وهسة الدكتور قرر الشهر الجاي نسوي عملية طفل انابيب ويارب هلمرة تنجح،نفسي بطفل فوك متتخيلين شگد أتمنى اصير أم..
شوق:على كيفج ياسمين ترة الحالة النفسية الها تأثير،خلي أملج قوي برب العالمين وان شاء الله راح تحملين ويصير عندج كومة جهال لحدما تلعب نفسج وتصيحين،بدأت شوق بتقليد صوت ياسمين ياريتني مخلفت وياريتني متزوجت
ياسمين:هههههههه نعلاعلا بليسج شلون قلدتي صوتي بهيج طريقة،يارب يسمع منج والله راضيه بطفل واحد بس واحد
شوق:ان شاء الله يارب،شلونها حنين؟؟
ياسمين:زينه الحمد لله،طلعت هي وذوالفقار يستكشفون اسطنبول ههه بس تعاي سولفيلي هاي شمسوية بعصام خررب من سولفتلي حنين متت ضحك..
شوق:هع لو تدرين شلون منتظرة الدوة ياخذ مفعولة والله لاضحك عليه ضحك مصاير
ياسمين:اكولج صدك اذا انتي زعلانة شلون بمخططاتج وادويتج هههههه
شوق:حبيبتي اني مو غبية،زوجي التحفة كل يومية الصبح ياخذ ملعقة عسل مخلوط ببعض المقويات
اني حطيت الدوة بالعسل حتى ياخذه براحته،اصلا مراح ارجع خليني هنا مرتاحه نفسيا،اووف جنت عايشة وياه بجحيم لايطاق..
ياسمين:الله ينتقم منه
شوق:امين يارب...
.
.
.
في الشركة....
حكت تهاني لحسام كل شي،في البداية متفاجأ من الخبر فهو لم يحسب لهذا الموضوع حساب وبالرغم من الصداقة القوية التي تجمعه بفلاح لكن فلاح لم يخبره برغبته بالزواج ومن تهاني تحديدا
تهاني:احنه لازم نتزوج ونهرب منا ونخليهم گدام الأمر الواقع..
حسام:اني موطبعي خوان ولاناكر للجميل فلاح والاستاذ مؤيد الهم فضل كلش جبير عليه وعلى عائلتي،همة اللي وصلونه لهذا المستوى بوقت كنا بيهة عائلة فقيرة والدي يشتغل سايق تكسي بسيارة مو ملكه
تهاني:يعني تتخلى عني؟؟
حسام:اكو شي مهم واكو شي اهم،صحيح انتي مهمة بحياتي واني احبج،بس مومعناها اتخلى عن اخلاقي وعن مبادئي،الاستاذ مؤيد بمقام والدي وفلاح صديقي واخ عزيز عليه ماأكدر اسوي اللي كلتي عليه صعب واني ابن عشاير
تهاني بغضب:كافي لتكمل فهمت كلش زين انت تريد تتخلى عني
حسام:اني متخليت عنج،يعلم الله گلبي شلون محترگ هسة بس بنفس الوقت مااكدر بسهولة اسوي اللي ترديه،اللي اعرفه فلاح انسان مثقف واخلاقه راقية و
تهاني بغضب:ورجال
حسام:نعم؟؟؟؟
تهاني:فلاح رجال وبيه خير وكلمته سيف مو مثلك وعودك متكدر تنفذها ولاتكدر توكف بوجه الناس وتكول هاي الانسانه اللي احبها
حسام:احترمي نفسج ولتتجاوزين..
تهاني:اكيد ممحترمة نفسي،لو محترمتها مجان حبيت واحد حافي منتف ابن فگر مثلك
حسام: اني صوجي اللي حبيت وحده مثلج بلا اخلاق،صحيح اني واهلي خيرنا كله من الاستاذ مؤيد بس حصلناه بتعبنا وبمجهودنا،مااكول غير حرامات وحدة مثلج تكون بنت هذا الانسان الفاضل، من اليوم اني لااعرفج ولاتعرفيني ولااتشرف اعرف وحده مثلج.
تهاني:عااساس اني الميته عليك،انت جنت بالنسبة اليه تسلية لااكثر
نظر لها حسام بغضب:واني هم تسليت وياج هواي،شكرا عالايام واللحظات الحلوة اللي كضيتها وياج،جنتي خبيرة محترفة بتسليتي،هواي اشبعتي رغباتي لدرجة مراح افكر اتزوج لفترة طويلة
تهاني:كلب حقير
حسام ببرود:ادري
تهاني:اكرهك،اكرهك
حسام:اذا ماعندج شي بعد تفضلي لان عندي شغل..
خرجت تهاني من مكتب حسام وتوجهت الى غرفة والدها،دخلت لمكتب والدها
مؤيد:هاباباتي؟؟ بيج شي؟؟
تهاني:بابا اني ماعندي اشكال موافقة على فلاح،بس انطيني مهلة اتعرف عليه اكثر
مؤيد:بس ماعدنا وقت اني هسة جاي ارتب اموري واخلص الاوراق اللي عندي حتى بعد يومين اسافر،واكيد الاطفال يحتاجون رعاية واهتمام اكثر من..
تهاني:بابا من رخصتك،الاطفال راح يبقون يمي بالبيت واني اهتم بيهم وكدام وعد وأماني،وفلاح شوكت ميحب يجي اهلا وسهلا بيه،اني كل اللي اريده وقت اتقبل بيه فلاح لااكثر واني متأكدة انه فلاح لهسة ورود الله يرحمها بقلبه،انطينه فرصة واحد يتعرف عالثاني واذا تريد نلبس حلق وبعدين نتفاهم..
.
.&
.&
.
.وافق مؤيد على اقتراح تهاني،سافر هو وسهيلة الى إيران وعولجت سهيلة واصبحت تبصر من حولها،بشرط ارتداء نظاراتها،اكتشف الاطباء ان سهيلة لديها التهاب روماتيزمي وهشاشة عظام وسوفان في الركبة وبهذا فهي تحتاج للعلاج والراحه لفترة اطول،فضل مؤيد البقاء للعلاج بدل العودة للعراق واخذها كفرصة للانفراد بزوجته وتجديد شهر العسل .....
، توسط فلاح بين عصام وشوق وتم الصلح بينهما،عادت شوق الى بيتها ومازالت المخططات الشيطانيه تكبر وتتوسع في مخيلتها ومازال عصام على تصرفاته السابقة من سب وشتم وضرب،اما حسام فقد مر بايام كئيبة سوداء خصوصا عندما يرى تهاني وفلاح سوية،كانت تهاني تتعمد الطلب من فلاح الخروج سوية كي تغيض حسام او كي تثبت لحسام انه لاشئ بالنسبة لها،في هذه الفترة بدأت العطلة الصيفية،حجزت شوق موعدا في الصالون لها ولأماني وكانت هذه اول مرة تدخل بها اماني الى الصالون،وبعد ساعات من الترتيبات والتعديلات
.
.
.
بدأت أماني العمل في شركة والدها وكان مديرها الرئيسي حسام،كانت منعزلة لاتحب ان تتكلم وان تختلط بأحد،لفتت انتباه الجميع بلون بشرتها الغريب فكان هناك المنقرف منها وهنالك المعجب بلون بشرتها،كانت تسمع كلماتهم وسخريتهم عليها لكنها لاتهتم فقد علمها والدها الثقة بنفسها وان لاتهتم بكلام الناس أبدا،كانت تتمشى في ممر الشركة عندما سمعت الموظفات...
موظفة1:اوووف تلعب نفسي من اشوف خلقتها حتى وزني نزل تنسد شهيتي من اشوفها(جاءت تهاني تتمشى من بعيد استغربت وقوف اختها عند باب الغرفة،وقفت خلف اختها وسمعت)
موظفة2:اي وفوكاهة اني حامل وكل يومية من الصبح اباع بخلقتها بس لايطلع ابني يشبهها غير اموت،شعرت اماني بالالم نتيجة كلماتهم لكنها ذهبت الى غرفتها وكأنها لم تهتم لكلامهم وعادت الى غرفتها،اما تهاني فلم تحتمل حديثهن دخلت الى الغرفة وحملت بيدها كوب ماء ورمت الماء بوجههن:جايبات نفسجن بالمكياج وكاعدات تحجن على اختي،ادبسزيات طايحات الحظ،دقيقة وحده متبقن هنا لو اعرف هسة احرگ الشركة فوگ روسجن
سمع فلاح وحسام وبقية الموظفين صراخ تهاني
.
فلاح:هاي شكو شكوو؟؟نظر فلاح الى وجوه البنات ملابسهن مبلله والمكياج سائل فكان الموقف يضحك فسيطر على نفسه وكتم ضحكته
تهاني:معاجبتهن اختي اماني والله نفسيتهن منقرفة من شكلها طايحات الحظ،خلف الله عالمكياج اللي محلي وجهجن ومن غير النفخ والتفخ والتاتو والكرياتين والاظافر والرموش الاصطناعية والعدسات بيجن خير طلعن من بيتجن بلا مكياج، هذني دقيقة وحده ميبقن بالشركة
ابتسم فلاح لانفعال تهاني ووجها المتلون باللون الاحمر نتيجة غضبها:تأمرين أمر ست،اغتاظ حسام من كلمات فلاح واشتعلت غيرته لكنها تبددت بسرعة فور رؤيته نظراتها الموجهه نحوه ووبانت على شفتيها ابتسامة هازئة منه
.
.
.
.
.
&
.
.
.
.مرت ثلاثة اشهر على ابطالنا واليوم وقت عودة مؤيد وسهيلة من السفر،تواجد الجميع في البيت ماعدا وعد فقد ذهب للمطار لاستقبالهم..
جلس عصام بجانب فلاح ويرمقه بنظرات امممممم اما فلاح فقد اشمئز وانقرف من نظرات ومن تغير شكل وتصرفات عصام.....
.
.نظرات عصام لي فلاح....
ويتبع
.