ဒီနေ့တော့ရှားရှားပါးပါး
အတန်းအစောကြီးပြီသည်မို့
နေသွေးခန့် internetတွင်နာမည်ကြီးနေသော
ဆိုင်လေးသို့သွားရန်ဆုံးဖြတ်လိုက်သည်။
SILENT CAFE
ထောင့်ကျသောနေရာကိုသာရွေး၍ထိုင်သည်။
ဒါသူ့ရဲ့များစွာသောဇီဇာကြောင်မှုများထဲမှတစ်ခုပင်ဖြစ်လေသည်။
ထိုင်ခုံတွင်ထိုင်ပြီးနောက်
woww so cool
''အကို ဘာသောက်မလဲခင်ဗျ''
နေသွေးခန့်ဆိုင်အပြင်အဆင်ကိုစိတ်ထဲမှ
အမှတ်ပေးနေစဉ် WAITERကောင်လေးတစ်ယောက်ကMENUလာပေးသည်။
''Espresso တစ်ခွက်ပေးပါ''
ထိုကောင်လေးထွက်သွားတော့
လွယ်အိတ်ထဲမှ
ဖုန်းကိုထုတ်လိုက်သည်။
ဆိုင်မှwifi pwကဒ်လေးက စားပွဲပေါ်တွင်အဆင်သင့်တင်ထားပေးသည်။
gamer တစ်ယောက်ဖြစ်သော နေသွေးခန့်အတွက်
နိဗ္ဗာန်ဆိုတာဒါမျိုးပဲ
နှောင့်ယှက်မဲ့သူလည်းမရှိ ။
ဆူဆူညံညံတွေလည်းမရှိ။
ဖုန်းခေါ်မည့်သူဆိုတာဝေးစွ။
game ဆော့နေစဉ်
ခုဏကထိကြားနေရသော
Sound boxမှ WESTLIFEရဲ့
You raise me up မဟုတ်တော့ဘဲ
stage ပေါ်မှာ guitarသံ......
stage ကိုပတ်၍စားပွဲများကိုစီစဉ်ထားခြင်းဖြစ်ရာ
နေသွေးခန့်ထိုင်နေသောနေရာသည်
stage ပုပုလေး၏ဘေးတွင်ရှိနေလေသည်။
Stageပေါ်မှguitarတီးနေသောကောင်လေးသည်
guitarသံတွင်စိတ်နှစ်ထားပုံရသည်။
မည်သူ့ကိုမျှကြည့်၍မနေပါ။
နေသွေးခန့် gameဆော့နေရာမှမော့ကြည့်သည်။
ဒီလိုမျိုးကမြန်မာကားထဲမှာဆိုကောင်မလေးတွေလုပ်
တာဖြစ်ပြီး
သိပ်ထူးဆန်းသည်တော့မဟုတ်။
နေသွေးခန့်ဆော့လက်စgameသာပြန်ဆော့နေလိုက်သည်။
''အချစ်အကြောင်းများမသိခဲ့ဘူး
ငယ်စဉ်ကအသက်အရွယ်မှာ...
ရူးလောက်တဲ့အချစ်မျိုးလည်း
ပိုတောင်မတွေးမိသေးပါ...''
နူးညံ့သည်။
ချိုသာသည်။
တည်ငြိမ်သည်။
ကြားလိုက်ရသောအသံကြောင့်
နေသွေးခန့်ခေါင်းတဖန်ထောင်လာပြန်သည်။
သည်တခါတော့ stageပေါ်မှကောင်လေးကို
သူသေချာကြည့်မိသည်။
guitarကြိုးသည်နူးညံ့လွန်းသည့်လက်ချောင်းလေးများကိုမညှာမတာထိခတ်နေသည်။
မှိတ်ထားသောမျက်ဝန်းအစုံတွင်
မျက်တောင်ရှည်ရှည်လေးများကကော့ဆင်းနေသည်။
*ခန္ဓာက်ိုယ်အစိတ်အပိုင်းအားလုံးကယောက်ျားဆန်ပါရဲ့နဲ့
မျက်တောင်လေးတွေကဘယ်လိုလေးလဲ
ရင်သားလဲမရှိပါဘူး*
Tomလေးလည်းမဟုတ်လောက်ဘူး
(A/N အမလေးဘာတွေလိုက်ကြည့်နေတာလဲဟယ်)
နေသွေးခန့်စိတ်ထဲတွင်ရေရွတ်ရင်း
မျက်နှာကပြုံးစိစိဖြစ်လာသည်။
ကိုယ့်မျက်နှာပိုးကိုယ်သတ်ပြီး
သီချင်းကိုသာဆက်နားထောင်နေမိပြန်သည်။
''နောက်ဆုံးတော့...... မင်းနဲ့မှချစ်တတ်ပြီပေါ့...''
သီချင်းဆုံးသွားသည်။
guitarသံလေးလည်းတိတ်သွားသည်။
''ကျေးဇူးတင်ပါတယ်ခင်ဗျ
ဆိုင်ကိုနောက်လည်းလာအားပေးပါဦး
ကျနော်ဒီမှာအမြဲရှိနေပါမယ်''
မတ်တပ်ရပ်လျက်စကားပြောနေသောထိုကောင်လေး၏ကျောပြင်ကျယ်ကိုငေးနေမိသည်။
ဘေးတွင်ဆိုပေမဲ့ stage အရှေ့နားတွင်ရပ်နေသည်မို့ဘေးတစောင်းသာနေသွေးခန့်မြင်နေရသည်။
ပြုံးယောင်သန်းသွားသည့်သူနှုတ်ခမ်း...
လှုပ်ရှားသွားသောလည်ပင်းမှ
ပန်းသီးချွန်ချွန်လေး...
ယောက်ျားတစ်ယောက်၏အသံကိုယောက်ျားတစ်ယောက်ကဂရုတစိုက်နားထောင်နေမိတာ
သီချင်းတစ်ပုဒ်ကိုနားထောင်သည့်ခံစားချက်မျိုးအပြင်
တခုခုများရှိနေဦးမလား...
နေသွေးခန့် ခေါင်းတို့ကိုခါလိုက်ပြီး
ရှေ့မှcoffeခွက်ကိုယူကာသောက်လိုက်သည်။
''အေးသွားပြီကွာ......''
coffeeခွက်ကိုစိတ်ပျက်လက်ပျက်နှင့်ပြန်ချလိုက်သည်။
''ဟာသေပြီ
ရှုံးပြီ သေလိုက်ပါတော့နေသွေးခန့်ရ''
gameဆော့နေသည်ကိုမေ့ကာ
ထိုကောင်လေးကိုအာရုံရောက်နေသည့်ကိုယ့်ကိုယ်ကိုသာအပြစ်တင်မိတော့သည်။
ကိုယ့်အဖြစ်ကရယ်ရခက်ငိုရခက်ရယ်လို့လည်းမဟုတ်
ဘာဖြစ်မှန်းကိုမသိတာ......
''ဟာကွာ မသိတော့ဘူး အိမ်ဘဲပြန်တော့မယ်''
ပိုက်ဆံရှင်းပြီ အိမ်ပြန်ရန်ကားဂိတ်ကိုသာလာခဲ့သည်။
အဆင်သင့်ဘဲ ကားရပ်နေသည်။
နေသွေးခန့်ကားပေါ်သို့တက်လိုက်တော့မျက်နှာချင်းဆိုင်တွင်
ခုနက ဟိုကောင်လေး......
Head Phoneတပ်ကာguitarလေးပိုက်လျက်
မျက်စိမှိတ်ထားပြန်သည်။
ခုမှတည့်တည့်မြင်ရတယ်။
ငတိလေးကချောသား......
ဆင်းရမည့်နေရာသို့ရောက်သော်
ထိုကောင်လေးအားတချက်မျှကြည့်လိုက်သေးသည်။
ငတိလေးကတော့မျက်လုံးမှိတ်ထားဆဲ...
မျက်နှာလွှဲရင်းကားပေါ်ကဆင်းလာခဲ့လိုက်သည်။
ကားကအစွန်မှာစီးရလိုများလား
ရင်ဘတ်ထဲကထူးဆန်းနေတယ်။
''ဟေ့ ညီလေး ကားခ''
နေသွေးခန့်ရင်ဘတ်ကိုဖိရင်းတွေးတော့နေစဉ်
နောက်မှအော်သံ
''ဟာာ ဟုတ်သားဘဲ ''
နေသွေးခန့် ရှက်ရှက်နှင့် ကားဆရာကြီးအားကားခသွားပေးလိုက်ပြီး
မျက်နှာကိုဝှက်ကာတချိုးတည်းပြေးရတော့သည်။
•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•
''ဟာ သားကြီး မင်းလာတာနဲ့အတော်ဘဲ ငါတို့အုပ်စုကိုတီချယ်ကြီးခေါ်နေတယ်တဲ့''
ရောက်ရောက်ချင်းလွယ်အိတ်ပင်မချရသေး
စိုင်းရဲ့နှုတ်ထွက်စကားအရ မထိုင်ဘဲတန်းသွားရမည်ပုံတွင်ရှိသည်။
''လွယ်အိတ်လေးတော့ချပါရစေကွာ''
နေသွေးခန့်လွယ်အိတ်ကိုစာရေးခုံပေါ်အသာအယာချပြီး
''လာသွားကြမယ်''
စိုင်းပုခုံးကိုဖက်ကာ
တခြားသူတွေကိုခေါ်ရင်း.........
'' သားတို့လာကြ ''
အင်္ဂလိပ်စာပါမောက္ခကြီး ဖြစ်သော်လည်း
ပကာသနကင်းစွာ အလုပ်လုပ်နေရင်းမှနှုတ်ဆက်စကားဆိုသည်။
''တီချယ်ကြီးခေါ်တယ်ဆိုလို့ ''
''အေး ဟုတ်တယ် သားတို့ကိုခေါ်တာက
အားကစားပွဲတွေနီးလာပြီလေ
အဲ့ဒါ ဒို့မေဂျာကလဲပြိုင်ကြမယ်လေ ''
''ဟုတ် ''
'' အဲ့ဒါ ဝင်ကစားမဲ့သူတေကိုစာရင်းလိုက်ကောက်ပေးပါဦး
ခု ဘာအချိန်လဲ သားတို့အတွက် တီချယ်ကြီးခွင့်တိုင်ပေးမယ်''
''ဟုတ်ကဲ့ Paper 2အချိန် တီချယ်ကြီး''
''နေဦး သူတို့တေလဲအတန်းချိန်ဆိုတော့လေ
လိုရင်းကိုဘဲပြောပြီး
စာရင်းပေးတာကိုတော့နေ့လည်ကျောင်းလွှတ်မှ
လာပေးခိုင်းလိုက် သိလား
စာသင်ချိန်ထိခိုက်မှာစိုးလို့''
''ဟုတ်ကဲ့ တီချယ် ''
စိုင်း တီချယ်ကြီးကိုထုံးစံအတိုင်းအပြုံးချိုချိုတွေဖောဖောသီသီကျွေးပြီး
အခန်းပြင်ထွက်လာခဲ့သည်။
''ဟျောင့်တွေ ငါတို့ဒီအတိုင်းဘဲတန်းသွားကြမယ်''
စိုင်းစကားအတိုင်း စာအုပ်ပြန်ယူမနေတော့ဘဲ
ပထမနှစ် section Aရှိရာ အပေါ်ထပ်သို့တက်လာခဲ့သည်။
''''တီချယ် ဝင်ခွင့်ပြုပါ''
''ဝင်လာခဲ့ သားတို့''
''တီချယ် သားတို့ကိုအချိန်ခဏလောက်ပေးပါနော်''
ဆရာမအားဝင်ခွင့်တောင်းပြီး စိုင်း လိုရင်းအကြောင်းအရာကိုပြောရန်ပါထပ်ပြီးခွင့်တောင်းရသည်။
ဆရာမမှခေါင်းငြိမ့်ပြရင်းလက်ခံတော့မှ......
''အကိုတို့က Final ကညီ ညီမတို့ရဲ့စီနီယာကြီးတွေပါ
E-major basketball အသင်းမှာညီတို့ညီမတို့ကိုtrainပေးမဲ့သူတွေလည်းဟုတ်ပါတယ်
အရင်နှစ်တွေကတော့အကိုဝင်ကစားနိုင်ပေမဲ့အခုနှစ်တော့ အကိုခြေထောက်ဒဏ်ရာကြောင့်မကစားနိုင်တော့ဘူး။''
စိုင်းခြေထောက်အဆစ်လွဲထားသည်ကအကြမ်းမခံနိုင်သောကြောင့် ဒီနှစ်တော့ စိုင်းမှာ ပွဲကြည့်စင်တွင်သာထိုင်ရတော့မည်။
''ဟာ......''
စိုင်း၏တစ်ခုတည်းသောလက်နက်...
အပြုံးမမည်သောအပြုံးတစ်ခုနှင့်စကားဆက်သည်။
''အဲ့အတွက်တောင်းပန်ပါတယ်
အခု ညီ/ညီမတို့စီလာတာက
basketball ကစားဖို့စိတ်ဝင်စားတဲ့သူရှိလားလာမေးတာပါ
တကယ်လို့ရှိခဲ့ရင်အကိုတို့ကိုစာရင်းပေးဖို့လာပြောတာ။
အကိုတို့သေချာသင်ပေးမှာပါ။
အကိုတို့အားလုံးကပြိုင်ပွဲအတွေ့အကြုံရှိပြီးသားတွေလေ။
ညီမတို့ရောစိတ်ဝင်စားရင် စာရင်းပေးလို့ရပါတယ်။
ညီမတို့ကိုသင်ပေးမဲ့အစ်မတွေရှိတယ်။
အဲ့ဒါဆိုရင်နေ့လည်ထမင်းစားလွှတ်ရင်အကို့သူငယ်ချင်း''
စိုင်းကဘေးနားမှ နေသွေးခန့်အားညွှန်ပြရင်း
''ဒီအကို
စာရင်းလာပေးပေးပါနော် အကိုတို့အခန်းထဲမှာဘဲရှိနေပါမယ်နော်''
''ဟုတ်ကဲ့.........''
ပြောရမည့်အကြောင်းလဲပြောပြီးပြီဖြစ်သောကြောင့်
ဆရာမအားနှုတ်ဆက်မည်အပြု
''ကျနော်ကစားမယ်''
စူးခနဲထွက်လာသည့်အသံ...
စိုင်းနားမလည်စွာတချက်မျှကြည့်လိုက်ပြီး...
''ညီလေးနေ့လည်မှ......''
*ဟင် ဟို ဟိုကောင်လေး* နေသွေး ခပ်တိုးတိုးရေရွတ်လိုက်မိသည်..
နေသွေးခန့် ရုတ်တရက်မတ်တပ်ရပ်ကာ
အသံစွာစွာနှင့်ပြောနေသော
ထိုကောင်လေးကို သူသေချာကြီးမှတ်မိနေသည်။
ထိုကောင်လေးတော့သူ့ကိုသိမည်မထင်......
''နေ့လည်ကျနော်မအားဘူး ကျနော့်နာမည်
လျှမ်း ဆက် ခ ခုံနံပါတ် ၁အ-၄၇ ရပြီမလား''
စွာလန်ကျဲနေတဲ့ကောင်လေးရဲ့ခုပုံစံက သီချင်းဆိုနေတဲ့ကောင်လေးနဲ့မတူဘူးဘဲ
စွာကျယ်လေး လို့မှတ်ထားမယ်...
နေသွေးခန့် ပြုံးကာ......
''Ok ညီ မှတ်ထားလိုက်ပြီ
ညနေ 3နာရီကစပြီးtrainingဆင်းရမယ်''
ထို့နောက်ဆရာမဘက်သို့လှည့်ကာ
''ကျေးဇူးတင်ပါတယ် တီချယ်ကျနော်တို့ကို
သွားခွင့်ပြုပါဦး''ဟုဆိုကာခါးကိုညွှတ်ရင်း
အခန်းထဲမှထွက်လာခဲ့တော့သည်။
စွာကျယ်လေး နာမည်က လျှမ်းဆက်ခ တဲ့.........
°•°•°•°•°•°•°•°•°•°•°•°•°•°
နေသွေးခန့် အားကစားရုံသို့စောစီးစွာရောက်နေသည်။
အတန်းချိန်ဆရာအား လေ့ကျင့်ပေးရမည့်ဟုပြောကာ
၂နာရီခွဲထဲကအားကစားရုံသို့ရောက်နေသည်။
နေသွေးခန့်စိတ်လှုပ်ရှားနေမိသည်။
''နေကြီး.. ''
ရုတ်တရက် စိုင်းခေါ်သံကြောင့်နေသွေးခန့်အားကစားရုံသို့ရောက်နေသောစိတ်အစဉ်တို့လမ်းလျှောက်နေသောလူဆီသို့ပြန်ရောက်လာတော့သည်။
''ဟေ အေးး စိုင်းကောင် ပြော''
''အေးးး ခုမှဘဲထူးတော့ ငါခေါ်နေတာ တစ်ကျောင်းလုံးကြားတယ် မင်းဘဲမကြားတာ''
''ပြော ဘာလဲ''
''ဒီကပြီးရင်ဘယ်သွားမလဲလို့မေးနေတာ''
စိုင်းစိတ်ကမရှည်နိုင်တော့
ခေါ်နေတာမကြားမှတော့ ပြောတာတွေပါမကြားဘူးဆိုတာသူသိသင့်ခဲ့တာ......
''အိမ်ဘဲပြန်ဖြစ်မယ်ထင်တယ်ကွာ''
နေသွေးခန့်cafeဆိုင်သို့သွားမည်ဆိုတာစိုင်းကိုပေးသိ၍မဖြစ်။စိုင်းဆိုတဲ့ကောင်ကနားငြီးတယ်။
သူပါရင်ဘာမှမဟုတ်ဘဲလဲဆူညံနေတဲ့ကောင်။
''အာ့ဆိုလဲ ပြီးတာဘဲ
မင်းငါ့ကိုထားပြီး
တနေရာသွားမှာတော့မဟုတ်ပါဘူးနော်''
တကယ်တော့သိတာလဲမဟုတ်ဘဲလျှောက်လျှောက်ပြောတတ်တဲ့စိုင်းကောင်ရယ်ပါ။
သည်တခါ သူပြောတာကွက်တိကိုမှန်နေသည်မို့
နေသွေးခန့် လန့်သွားရသည်။
အချိန်မှီမျက်စောင်းတခုဟန်ပါပါပြင်လိုက်ပြီး
''မင်းကငါ့ကိုမယုံဘူးလား''
''ယုံချင်စရာတော်တော်ကောင်းတာကိုး''
စိုင်းကောင်သည်အချဉ်မဟုတ် ....
နှစ်ယောက်သားပြိုင်တူရယ်မိကြသည်။
အားကစားရုံသို့ရောက်သော်တယောက်မှပင်မရောက်သေး။
''ငါတို့အစောကြီးထွက်လာမိပြီကွ''
''အဲ့တော့လည်း သွေးပူလေ့ကျင့်ခန်းလုပ်ထားလို့ရတာပေါ့ စိုင်းကောင်ရာ လာ''
လွယ်အိတ်ကို ပွဲကြည့်စဉ်တွင်ထားလိုက်ကြပြီး
အကြောလျှော့ကာကွင်းကိုပတ်ပြေးသည်။
ထိုနောက်ထိုင်ခုံတွင်ထိုင်နေသောစိုင်းကို
''ရော့ ...''
နေသွေးခန့်ဘောလုံးပစ်ပေးလိုက်ခြင်းဖြစ်သည်။
စိုင်းဖမ်းလိုက်ပြီး
''နေပါကွာ မဆော့ရဲပါဘူး ပြန်ဖြစ်မှ ကုမရဖြစ်သွားမယ်''
''ဟားဟားး အေးပါကွာ အဲ့တော့လဲဒီတိုင်းထိုင်စောင့်ကြတာပေါ့ကွာ''
နေသွေးခန့်နှင့်စိုင်းတို့ဖုန်းတစ်လုံးစီနှင့်အလုပ်ရှုပ်နေကြရာအချိန်မည်မျှကြာသွားသည်မသိလိုက်။
ကျောင်းသူတချို့နှင့်ကျောင်းသားများရောက်လာမှဖုန်းကိုယ်စီသိမ်းကာလေ့ကျင့်ပေးရန်ပြင်ကြတော့သည်။
လူစစ်ကာ ကျောနံပါတ်တွေသတ်မှတ်ကြသည်။
နေသွေးခန့် ကျောနံပါတ်တွေမှတ်နေရင်းမှတစုံတခုကိုသတိရသည်။
စွာကျယ်လေးမလာသေးဘူး
ထိုစဉ်basketballမိန်းကလေးအသင်းဘက်မှ ကောင်မလေးများထံမှဆူဆူညံညံအသံများထွက်လာ၍နေသွေးခန့်သူတို့အုပ်စုကိုလှမ်းကြည့်လိုက်တော့ အ၀င်တံခါးဝကိုကြည့်ကာငေးမောနေကြသည်..နေသွေးခန့်ကောင်မလေးများငေးကြည့်နေသည့်တံခါးဝကိုကြည့်လိုက်တော့..*ဟိုစွာကျယ်လေးပါလား*...နေသွေးခန့်လည်းစွာကျယ်လေးရောက်လာမှန်းခုမှသတိထားမိတော့သည်..နေ တစ်ယောက်အဝင်ဝကိုကျောပေးထိုင်ကာနာမည်စာရင်းတွေမှတ်နေမိသည်လေ။
အားကစားဝတ်စုံအပြည့်နှင့်စွာကျယ်လေး......
ဖိနပ်အဖြူ လေးကဒီလောက်ဖွေးနေပုံအရ
အသစ်ထင်တယ်။ဒီအတိုင်းဆိုဖိနပ်ပေါက်တော့မယ်။
နေသွေးခန့် လျှမ်းဆက်ကိုကြည့်ရင်း စိတ်ပူသွားသည့်မိမိကိုယ်မိမိအံ့သြရသည်။
အရှေ့ပြန်လှည့်ကာ ခေါင်းကိုခါလိုက်ပြီး
''ဘယ်သူကျန်သေးလဲ''
''ကျနော်''
စူးခနဲထွက်လာပြန်သည့်စွာကျယ်လေးအသံ
''နာမည်ပြော ညီ ကျောနံပါတ်ကရော''
သိသော်လည်းမေ့ချင်ယောင်ဆောင်ကာတမင်မေးလိုက်သည်။
''နာမည် မနက်ကပြောပြီးပြီလေဗျာ ကျောနံပါတ်က
20''
''sorry ညီ မနက်ကနာမည်တွေက တခြားစာရွက်မှာ အဲ့စာရွက်အခုဒီမှာမရှိလို့''
နေသွေးခန့် သက်သက်ညစ်လိုက်ခြင်း
တကယ်တော့သူနာမည်မမေ့ဘူးဆိုတာ...
''လျှမ်းဆက်ခ ဗျာ နာမည်ကြီးပြောရတာတမျိုးကြီးပါဆိုနေ ''
နေသွေးခန့်နာမည်မှတ်ပေးနေရင်းမှ ကြိတ်ရယ်နေမိသည်။
စွာကျယ်လေးကနေသွေးခန့်ရှေ့ ငုတ်တုတ်တိုင်ကာဒူးခေါင်းပေါ်လက်ထောက်
လက်ပေါ်မေးတင်ကာ စိတ်ရှည်လက်ရှည်ထိုင်စောင့်နေပေးသည်။
''အား လျှမ်းက အဲ့လို သနဲ့ သျှမ်း တာမဟုတ်ဘူး
လ နဲ့လျှမ်း ပြီးတော့ ဆက်က ဆ နဲ့ဆက်တာဗျ
ခ တော့ရေးတတ်ပါတယ်နော်''
နေသွေးခန့် ရေးနေသမျှကိုသေချာကြည့်ကာအမှားပြင်နေသောလျှမ်းဆက်......
နေသွေးခန့် လျှမ်းဆက်ပြောသလိုပြင်ပေးပြီးနောက်
''ကဲ အကို ရပြီလား''
စာရွက်ကိုသေချာစွာကြည့်ကာ
''ရပြီ''
ဟုပြောကာ ထသွားတော့သည်။
နေသွေးခန့်တစ်ယောက်သာပြုံးစိစိနှင့်ကျန်ခဲ့တော့သည်။
''နေကြီ့းရေ မင်းနောက်မှာမြွေဟ မြွေ ''
စိုင်း အလန့်တကြားအော်သည့်အသံကြောင့်ပြုံးနေသည့် နေသွေးခန့် လန့်ကာ မတ်တပ်ပါတခါထဲရပ်ပြီးသားဖြစ်သွားသည်။
ယောင်မှားစွာနောက်ကိုလှည့်ပတ်ကြည့်လိုက်သေးသည်။ပြီးမှ
''စိုင်းကောင်ရာ မင်းကွာ လန့်လို့သေမှာဘဲ''
''မင်းဘိုးအေ ငါအော်နေတာ လိပ်ခေါင်းတွေလည်းထွက်တော့မယ်''
''ငါ့ဘိုးအေက ဆုံးသွားတာကြာပြီလေကွာ''
စိုင်းပြောသမျှ ပန်းနှင့်ပေါက်သလို ပြုံးစိစိမျက်နှာနှင့်ပြန်ပြောနေသောနေသွေးခန့်
''မင်းလိုက်သွားတော့မလား''
စိုင်းစိတ်မရှည်စွာပြောလာသည်။
''စ တာပါကွာ ဘာပြောမလို့လဲ''
''မှတ်တာပြီးရင် ဒီနေ့အခြေခံနည်းနည်းသင်ပေးပြီး စည်းမျဉ်းစည်းကမ်းတွေလည်းပြောပြရမယ်..နည်းပြကဒီနေ့မအားလို့မင်းကိုလေ့ကျင့်ပေးဖို့ပြောထားတယ်ဆို"
''အေးပါကွာ."
နေသွေးနှင့် စိုင်းတို့၂ယောက်ဦးဆောင်ကာ ကစားသူစာရင်းများနှင့်ကျောနံပါတ်များမှတ်ပေးပြီး စည်းမျဉ်းစည်းကမ်းတွေကိုအရင်ဆုံးစရှင်းပြလေသည်...
နေသွေး မှာနည်းပြဆရာ၏အယုံကြည်ရဆုံးတပည့်ဖြစ်သောကြောင့် Leaderအဖြစ်လည်းခန့်ထားလေသည်..
တခါတလေနည်းပြမအားသောအချိန်မျိုးတွင် ဆရာက နေသွေးကိုယုံကြည်ကာ ဂျူနီယာလေးများကိုလေ့ကျင့်သင်ကြားပေးရန် အပ်ထားလေသည်...
''ကဲ အရင်ဆုံး ပြေးတာကနေစ ရအောင်
ကွင်းရဲ့အကျယ်အဝန်းအတိုင်း ပတ်ပြေးမယ်
အမြန်ပြေးစရာမလိုဘူး ဖြေးဖြေးနဲ့ပုံမှန်ပြေးမယ်
အမောခံနိုင်အောင်လို့ ဟုတ်ပြီလား''
''ကဲ တန်းစီ ''
leader ဆိုသူပြောသည့်အတိုင်း
လျှမ်းဆက် တန်းဝင်စီလိုက်သည်။
''ရွှီ......''
စီကနဲထွက်လာသောဝစီသံ...
အစပိုင်းကောင်းကောင်းပြေးနိုင်သောလည်း
ကြာလာသည်နှင့်အမျှ ခြေထောက်ကနာလာသည်။
ဖိနပ်အသစ်ကခြေထောက်အသားကိုတတိတိနှင့်တိုက်စားနေသည်။
ခြေထောက်နာနေသော်လည်း leaderကမရပ်ခိုင်းသေး...
လျှမ်းဆက် အံကိုကြိတ်ကာဆက်ပြေးနေသည်။
လှမ်းလိုက်သည်ခြေလှမ်းတိုင်းကနာကျင်မှုအပြည့်
''ရွှီ......''
သာယာနာပျော်ဖွယ်အသံလေး...
လျှမ်းဆက်စိတ်ထဲတွင်ရေရွတ်လိုက်ရင်း ခုံတွင်ထိုင်ကာ ဖိနပ်ကိုချွတ်လိုက်သည်။
တော်တော်လေးနာနေပြီမဟုတ်လား
မြင်လိုက်ရသည်မြင်ကွင်းက သွေးတက်ချင်သွားသည်။
ခြေဖနောင့် ခြေချောင်းထိပ် နှင့် ခြေထောက်ဘေးတွင်
ပွန်းနေတာတော်ရုံမဟုတ်။
ရေကြည်ဖုတွေပါထပြီး အချို့ဆိုသွေးတေပါထွက်နေလေပြီ။
လျှမ်းဆက်ခြေအိတ်ဖြူဖြူလေး သွေးစွန်းနေချေပြီ။
•°•°•°•°•°•°•°•°•°•°•°•°•°•°•°•°•°•°•°•°•°•°•°•°•°•
မောဟိုက်ကာ ခုံရှိရာသို့ ယိုင်နဲ့စွာလျှောက်နေသောသူ
ဖိနပ်ကိုချွတ်ကာ နာကျင်နေသောခြေအစုံကို
ခပ်ဖွဖွ တို့ထိနေသောသူ...
နေသွေးခန့် လျှမ်းဆက်ကိုအဝေးမှလှမ်းကြည့်နေမိသည်။
စစချင်းမှာပင်လောဘကြီးမိသည့်မိမိကိုယ်ကိုအပြစ်တင်မိတော့သည်။
ဖိနပ်အသစ်မှန်းသိရက် မိနစ်၂၀ပြေးခိုင်းခဲ့သည်။
ခြေအိတ်တို့ကိုပါချွတ်ရင်းသွေးစို့နေသော နေရာအချို့ကိုရေနှင့်လောင်းချနေသော လျှမ်းဆက်ကိုကြည့်ပြီး နေသွေးခန့်တစ်ခုခုသတိရသွားသည်။
ထိုင်နေရာမှထကာအားကစားရုံအပြင်ဘက်သို့အပြေးတပိုင်းထွက်လာခဲ့သည်။
''နေကြီး ဘယ်လဲ''
နောက်မှ စိုင်းကောင်၏အမေးကိုမဖြေလိုပါ။
အပြင်ရောက်ဖို့သာအရေးကြီးသည်။အားကစားရုံအနီးကမုန့်ဆိုင်လေးဆီပြေးသွားကာ...
''အန်တီ အနာကပ်ပလာစတာရှိလား''
''ရှိတယ် သား ''
'' ကျနော်ကို ၁၀ခုလောက်ပေးပါ''
''ဘာဖြစ်လို့လဲ သား အများကြီးထိခိုက်မိလုိ့လား''
''ကျနော့်ကြောင့် နာသွားတာ......''
ထိုအန်တီကိုပိုက်ဆံပေးပြီး အားကစားရုံသို့ပြန်လာခဲ့သည်။
''ညီမလေး ''
အားကစားရုံအဝင်ဝတွင်
ပထမဆုံးမြင်လိုက်သည့်ကောင်မလေးတစ်ယောက်အားနေသွေးခန့်ခေါ်ခြင်းပင်
''ဟုတ် ညီမလား ''
မယုံကြည်နိုင်စွာကိုယ့်ကိုယ်ကိုလက်ညှိုးထိုးရင်ပြန်မေးလာသည်။
''အင်း အကို့ကို ဒီဟာလေး ဟိုမှာထိုင်နေတဲ့တစ်ယောက်ကိုပေးပေးပါလား''
''ဟုတ် ရပါတယ် ဟိုတစ်ယောက်လားအကို''
နေသွေးခန့်ဆိုလျှင်မကူညီချင်သူမရှိ။
''အကိုပေးခိုင်းတယ်ဆိုတာမပြောနဲ့နော်
ဒီအတိုင်းပေးလိုက် ပြီးရင်ဆက်ပြေးနေနော်.."
နေသွေးခန့် အနည်းငယ်စနောက်ပြောပြီး
လက်ထဲမှ မိမိဆောင်နေကြပရုတ်ဆီဘူးနှင့် ဝယ်လာသည့်အနာကပ်ပလာစတာကိုပေးကာ
''ကျေးဇူးတင်ပါတယ်နော်''
ထိုကောင်မလေးလည်းပြုံးရင်ခေါင်းငြိမ့်ပြကာထိုင်နေသောလျှမ်းဆက်ဆီသို့ လျှောက်လာသည်။
နေသွေးခန့် ခပ်တည်တည်နှင့် ထိုကောင်မလေး၏မလှမ်းမကမ်းမှနေ၍ အားကစားရုံအတွင်ပြန်ဝင်လာသည်။
စိုင်းတစ်ယောက် gameဆော့နေသည့်ကြားမှ
ဘေးတွင်ဝင်ထိုင်သောနေသွေးခန့်ကို
''မင်းပြန်လာရင်ပြန်စ မယ်လေ
ဒီတခါတော့ စည်းမျဉ်းပိုင်းဆိုတော့ မပင်ပန်းတော့ပါဘူး ငါခုဏကလေးတင် ဘောလုံးကိုဘယ်လိုပုတ်ရတယ်ဆိုတာပြခိုင်းထားတယ်''
''ဟာကွာ ပိုနာနေတော့မှာဘဲ ''
''ဟင် ဘာကိုလဲ''
gameဆော့နေသည်မို့ နေသွေးခန့်ပြောသည်ကိုအာရုံမလာ...
ကောင်မလေးပေးသောဆေးကိုယူပြီး
ခြေထောက်လေးကိုဆေးလိမ်းကာ ပလာစတာကပ်နေသောသူ
ခပ်လှမ်းလှမ်းတနေရာမှထိုင်ကာ
လှုပ်ရှားမှုမှန်သမျှကို ကြည့်နေသောသူ.....
***************************
မကြည့်လို့မမြင်တာမဟုတ်ပါဘူး
မြင်နေပါရဲ့နဲ့ မကြည့်မိခဲ့ခြင်းပါ။
<လျှမ်းဆက်>
***************************
ငေးကြည့်နေရုံတင် ....
ဟုတ်တယ် ငေးကြည့်နေရုံတင်......
<နေသွေးခန့်>
****************************