لاخر نفس <3
الحلقه 10 😍
وطلعت ندور عليه جاني صوته من البلكوني
يكلم بالتلفون باين
قربت نبي نحكي معاه وسمعته
معتز " حتي انا نحبك تحملي علشاني الفترة هذي بس وبعدها انتي الي تكوني معايا
انا " قعدت متنحه وكرعيا معش شالني حسيت روحي حنطيح ماقدرتش لا نمشي نرد لي دار وندير روحي مش سامعة قعدت مصبيه كيف التمثال مش قادره
ترجمت انه اكيد يكلم فيها ويبيها بس في يوم زفتي انا وياه ماحترمش مشاعري بكل حتي الليلة هذي
معتز "برم ولقاني مصبيه وراه
فنص فيا
من امتي قاعده هنا انتي
انا " في شنو يهمك من امتي قاعده
وضحكت ضحكة هزوه
معتز " انتي فهمتي غلط خليني نشرحلك
انا " مانبيش نفهم شي منك
ورديت للدار وسكرت عليا وقعدت نبكي
جاء وقعد يدق ع باب
معتز " نسرين افتحي الباب
انا" معتز خطاني مانبيش نسمع منك حاجه
فكني من الكذب بالله عليك
معتز "انا كذاب
انا " شوف روحك
معتز " نسرين اخر من نقولها افتحي الباب
انا " سكتت ومارديتش عليه
وهو فهم بي روحه وسيبني
عند معتز
من اول ماخشت للصالة وهيا ترن علياا وطول الطريق ترن وانا مانبيش نرد عليها لما وصلنا للحوش
وصلني منها مسج
مها
كان ماترد عليا حنقتل روحي فاهم
انفجعت عليها وهيا مهبولة وعارفها كويس اديرها
استغليت فرصه انه نسرين خشت تغير في دبشها خشيت للبلوكني ورنيت عليها
انا " شنو المسج هذا
مها " صوتها كانت تبكي
خفت عليا يعني
انا " بلا جنون امتاعك
مها " قاعد معاها في نفس الحوش صاح
انا " مش مراتي طبيعي هذا
مها " وتقول فيها عادي اخره
مش حاس بيا انا تعبانه تعبانه نفسيتي مدمرة بسببك احلامي كلهن انكسرن قدامي اليوم
وجودك جنبها نار والعه في قلبي وانت مش حاس ولا ع بالك تعبت وانت بعيد عليا
انا " نحن اتفقنا وحكينا امس
مها " تمام تبيني نسكر
اسفه ازعجتك يوم زفتك
انا " فكيني منه الاسلوب هذا
مها " نحبك انا والله مازالت مش متخيله الفكرة بكل
مش مصدقه لعند توا
انا " حتي انا نحبك تحملي علشاني الفترة هذي بس وبعدها انتي الي تكوني معايا
مها " ياخوفي فتره هذي تغير عليا
انا " وعد راجل مستحيل نتغير
مها " نحبك
انا" نبي نسكر توا
مها " خليك
انا " سلام توا نحكوا
برمت ولقيتها مصبيه ورايا كانن عيونها مالينات دموع بس تظاهرت قدامي انها قويه بس عيونها كذبنها
سيبتني وخشت لدار حاولت اني نحكي معاها بس نرفزتني لما قالت كذاب
سيبتها وخشيت للدار لاخره غيرت دبشي وتمدتت ع سرير
حسيت روحي حقير واجد اني جرحت مشاعرها بس مش بي يدي الموضوع يعني حنعيش في مشاكل من توا انا مانبيهنش
طول الليل قعدت واعي لين اذن الفجر صبيت نصلي وخشيت نبي نرقد
سمعت صوت بره طلعت ولقيتها تشرب في ميه
عندي انا
بكيت واجد وماقدرتش نرقد نار والعه فيا ماقدرتش نطفيها حسيت روحي كاني ولا حاجه عنده بعد الي داره
كرهته وحقدت عليه وندمت واجد توقعت انه حتي لو نحن مش متقبلين بعضنا ممكن نعيشو حياه عاديه
بس باين من البداية انها بدون احترام ولا تقدير ماحترمنيش بكل
عطشت وجعانه كنت وطلعت نشرب في ميه وخفت نشوفه بس خذيت قرار اني مانعدلش عليه ونتجاهله احسن مانتعب نفسي ونحرق روحي وانا نفكر فيه
فتحت الثلاجة وطلعت الميه نشرب وكنت عاطيه الباب بي ظهري
معتز " مارقدتيش ؟؟
انا "هيييي
وشرقت في الميه
فجعني
معتز " لدرجه هذي نخوف
انا" سكتت مارديتش عليه
معتز " نحكي معاك انا مش كلب ننبح
انا " حطيت الكباية ع الطاولة
وجيت نبي نطلع
معتز " مسكني من يدي
انا " ممكن تطلق
معتز " لما نحكي تصبي وتحكي معايا مانخرطش بروحي نقعد
انا" لاني بجد مانشوفش فيك قدامي
معتز" نسرين احترمي روحك
انا " والله انا محترمه وعارفه روحي
ابرم انت ع روحك
معتز " ضغط ع يدي زين
انا " معتز اطلق احسن
معتز " انتي مصره نقعدو اعداء
انا " ههههههههههههههههههه
ضحكتني والله
شن تبينا نقعدو بالله عليك بعد الي انت ادير فيه
راجل ومراته لا ي روحي ماتحلمش بيها تمام
معتز " من كثر ماني مكبد عليك ع اساس انا بلكي نبيها يعني
انا " اطلق يدي
معتز " فكينا من جو العداوة هذي وخلينا نحكوا
انا "اطلقني قبل
معتز " طلقني وخر
تمام هكي
انا" شن تبي تقول احكي
معتز " لانه مجبورين نعيشو مع بعضنا خلينا اصحاب عادي
انا " هههههه انت من يقدر يتحملك بس
معتز " نسرين
انا" ههه والله خفت باهي
معتز " انتي ماينفع معاك شي
انا" بالك انت ينفع فيك
اسمعني نختصرها عليك انا
جوازنا هذا الي ادبسنا فيه نحن الاثنين خليه يكون قدام الناس وقدام العيلة بس مجرد مانخشو للحوش هنا كل حد في حاله ومش حندخل فيك ولا في خصوصياتك مع وسكتت شويه بعدها كملت
مع حبيبتك هذي مادخلنيش بيك لانك لا تهمني ولا حاجه مجبوره عليك والله غالب
يعني دور الراجل ومراته هذا ديره قدام الناس بس لما نكونوا هنا انساه ليا بكل تمام بس مجبور وغصبن عنك تحترمني فاهم
معتز " والله طلع عندك لسان وريحتي عليا كلام واجد
انا" ههههههه متفقين
معتز " تمام هكي اريح ليا ولكي
بس جو تقول قاتلك بوك فكينا منه
انا " خلاص نقعدو اصحاب ارحم
لعند ربي يفرج ونفتكو من بعضنا
معتز" زعمك يجي اليوم هذا
انا" مش حنقعد معاك عمري كله
نبي نشوف حياتي حتي انا كيفك
معتز " تحلمي قيسك
انا" مادخلكش في هذي ي صديقي
معتز " خشي ارقدي الله يربحك
الصبح طلع
انا " تبي اتحكم في نوم امتاعي اخره
معتز " وانا شن دخلني بيك
كيدك ع روحك
وخش لي داره
انا" خزي مغرور ثقيل
معتز " من الدار
نسمع فيك راه
انا" نبيك تسمع اصلا
معتز" انخمدي
انا" بجوي مش بجوك
معتز " نعن شكل اعناد امتاعك
انا" انخمد -_-
معش رد عليا
خشيت للدار ورقدت
ليلي " تو شن يديرو ناني ومعتز
نور" اس بلاش قلت ادب
نهي" هههههه نحن اساس قلة الادب خاطري نرن عليهم
مروه "عليك ازعاج
هبه " الكارثة في سلوي قاعده مازالت بره مع جمال
نهي " ان شاء الله تخش علينا حامل
مروه " ههههههه بعدك جمال مايبصرش بكل
نور " صبت
مروه " وين ماشيه
نور " نبي نركب فوق نجيب شحن فوني وننزل
مروه " جيبلي سماعاتي معاك
نور " حاضر
ركبت للشقة وخذيت شحني وسماعاتي وسكرت الباب ونزلت
وانا نازله وكنت مطبسه راسي في الفون ومش منتبهه خبطت في مهند وطاح مني الفون ع الدروج
نور" لاا فوني
وطبست عليه
مهند " اسف ماشفتكش
نور " بصوت هادي
لا عادي وعيونها دموع ع فونها الي انكسرت شاشته
مهند " خذا من يدها
انكسرت
نور " ياخذ سوك خلاص ماصا رشي
وصبت تبي تنزل
مهند " استني وخذا منها الفون
تو نصلحه لكي
نور " لالا تو نعطي لي بابا
مهند " مافيها شي انا كسرته وانا نصلحه لكي
نور " مش داعي تعب روحك
مهند " ياذوق انتي مافيهاش تعب
نور " ابتسمت نبي ننزل ممكن
مهند " خلاص خلي معايا فونك
نور" باه
مهند " شن تبي راكبه توا بروحك هنا
وكلهم لوطه
نور " كنت نجيب في الشحن من فوق بس
مهند " ههههه وجيت انا كسرته لكي
نور " خلاص خليني ننزل نعست
مهند " جت تبي تنزل
نور
نور " برمت عليه
نعم
مهند " انتي ديما هكي هاديه
نور " هكي طبعي
مهند " واحلي حاجه فيك راه
نور " قلبي قعد يدق بسرعه ونزلت بدون مانرد علية
خشيت للبنات في دار
نور " هاكي سماعاتك
مروه " منوره
وقعدت بعدها فجاءه ونحن نهدرزو
نور" حي علياااا
البنات " كنك
نور " نهي صبي معايا شويه
نهي " شن في
نور " صبي شويه بس
طلعن في الممر الي قدام الدار
نهي " كنك
نور" درت مصيبه شن اندير فيها
نهي " شنوهيا ي مرعوشة
نور " وانا نازاله توا خبطت في مهند وفوني طاح انكسر الشاشه امتاعه وهو اصر ياخذه ويصلحه ليا بس توا
نهي" وباهي شن فيها
نور " صوري في الفون كلهن
نهي " فجعتني الله ياخذك مهند مش قصقاص مش حيفتش اساسا
نور" زعمك خايفة
نهي " ماتخافيش خلاص وبكره في الصبح قوليله عطي ليا وخلاص
نور " زعمك
نهي " اهااا
نور " باهي تمام
ماتحكيش حاجه للبنات جوا باهي
نهي " وعليش
نور " تو نحكيلك بعدين
نهي " شن في اخره
نور" والله ماشوري باهي
نهي " باهي خلاص
خلينا نخشو بكره اسبوع وسريب طويل
مهند " خش لي حوشهم وماسك في يده الفون نور
جاء يولع فيه طلع مافيش شحن
حطه لها في الشحن
وخش يدوش وطلع قعمز ع سرير وخذا الفون وقعد يفتش فيه
كانت حاطه صورة الخلفية صورتها وهيا لابسه فستان اسود كانت طالعه سمحه
مهند " اول حاجه خشيت شفتها المسجات ولقيت كلهن مع صحباتها وع قرايه
خشيت شفت صورها وكانن نصهن بدون حجااب وايام الفرح الحق زدت كبدت فيها ملامحها الطفولية وهدوء امتاعها شخصيتها حلوه كيف البيبي عيونها كيف عيون القطوسة
وبين الصور لقيت صورتي انا وخالد وناصر قبل مايسافـر
زعمك شن ادير صوره هذي عندها
في حد في حياتها في عينها يكون في حد حتقعد ليا غصبن عنها
طفيت الفون وحطيته جنبي ورقدت وصورتها بين عيوني
جاء الصبح
نضت دوشت ولبست ودرت ميك اب خفيف وطلعت بره
لقيته مقعمز يفطر في مطبخ ويدخن
وكان لابس شورت وتيشرت كت وشعره كان مبلول ومنظره كان سمح غمضت عيوني
انا " بصوت واطي
استغفرالله العظيم
انا " صباح الخير
معتز " صباح النور
خميرة نوم شكلك
انا " مضايقتك -_-
معتز " لا عادي بس الظهر اذن راه
انا " ممكن اطفي دخان امتاعك
معتز " مضايقك
انا " مانحبش
معتز " والله مش عاجبك اطلعي من المطبخ
انا " مش طالعه ماتفرضش عليا حاجه انا مانبيهاش
معتز " ياروحي انا معناها تحملي
انا " مثقلك والله -_-
معتز" سيبناها لكي خفة الدم
انا " شكلك نايض رايق وتحب تحكي ع صبح ممكن تسكت شويه
معتز " قالبه وجك ليش ع صبح
الحياة نزيكه
انا" ماهو لما نشوفك تلقائيا وجي يقعد هك
معتز" قالتها الي وجها جميل
انا" صقع عليك واسكت واشرب قهوتك وانت ساكت ممكن
معتز " لا تعالي اضربيني احسن
انا " محترمتك لانك الكبير
وصوت وفوني رن
طلعت نجري خذيته وكان رقم دولي ناصر
انا " ع طول فتحت
صباح النور
ناصر " صباحو ي عروسه
امس كنت بنرن عليك قلت اكيد مش فاضيتلي بكل
انا " كم عندي نصوري انا
ناصر" اووووه راه يغار معتز بس
انا " هههه انحرجت وسكتت
ناصر " ياخيه وجك قعد حمر توا
انا " ياسامط امس رنيت عليك مارديتش
ناصر" كنت طالع مع الشباب بره
خليك مني وقوليلي شن دايره
انا" كويسه بكل
ناصر" معتز جنبك
انا" برمت ولقيته ورايا
فنصت فيه في خاطري كنه جاي يقصقص -_-
انا" اهو جنبي :/
ناصر " عطي ليا
انا" مديتله فون
يبيك ناصر
معتز " صباح الخير
ناصر" صباح النور ي بو نسيب
مبرووووووك
معتز " الله يبارك فيك
الفرح ناقصك انت
ناصر " والله كان صبرتو وستنيتوني
معتز " مانقدرش نصبر انا
ناصر " تحشم ي تيس
معتز " ههههههههه امورك تمام انت
ناصر" تمام بخير بكل اهو قربت قريب نروحلكم
معتز " خلاص سادك غربه رايفنا عليك
ناصر " طلعن عندك مشاعر ازف
والله ماعرفتكش
معتز " حيوان بلكي مانحسش
ناصر" كنت نحسابك هك
معتز " راه نسكر راه
ناصر" المهم رد بالك من قرعتي الي جنبك
معتز "بحت فيا وغمزلي
ماتخافش في عيوني
ناصر" هيا سلام توا
معتز " سلام
انا " ههههه قعدت نقلد فيه
ماتخافش في عيوني
حسيتك عشت الدور واجد
معتز " يفجعك القدر
انا" ومن سمحلك اساسا تلحقني لي داري وتخش ورايا تقعد تسمع في كلامي
معتز " مش مراتي
انا" مراتك عينك شن اتفقنا امس
محد يدخل في خصوصيات لاخر ريحنا
معتز " سكت وانحرج وطلع
انا" يستاهل
طلعت فطرت و مديت وجي ع التلفزيون ومر الوقت
وهو ضاربه القلق كل شويه يخش ويصبي
انا" كان تقعمز حولتني وانت تصبي
معتز " في شنو مضايقك ولا ادوري في مشاكل
انا " جيت نبي نحكي رن جرس الحوش
معتز " خليك تو نفتح اكيد مهند جايب الغذاء
مهند " صباحية مبارك ي عريس
معتز " وين الغذاء
مهند " قيسك جعان
بصوت واطي مغير قولي شن صار معاك امس
معتز " ي سخيف سكر فمك
مهند " ملامح وجك مايبشرنش بالخير
معتز " انت قليل ادب
مهند " هههه متعلم منك ي خويا
كلم العروستنا نبي نشوفها
معتز " خذا منه الغذاء
ابرم وجك وروح هيا
مهند "نعليا ماتبيش حد يشوفها اخره
اه من ظلم الايام
معتز " حسيتك فتحت هدرزه هيا اقلب خلقتك نبي نخش
مهند " باهي اعزمني
معتز " اسفين والله نبو ناكلو ونرقدوا
مهند " اووووووووووبا
معتز " خبطه ع كتفه
سكر فمك
مهند " باهي خلاص وانت تلز فيا
امسك هاك وطلعله مفتاح سيارة
معتز " شنو هيا
مهند " مفتاح سيارة ناني وصتني نجيبها لها
واهي درستها لها قدام الحوش راه
معتز " باهي هيا منور
مهند " وبعد خطرها قالتلكم جدتي تعالو مع 5 غادي
وهيا وجك
معتز " سلام
خش وسكر الباب
وجاني في الصالة
معتز " امسكي
انا " سيارتي
جابها هنودي صاح
معتز " اها هو الي جابها
وحطيت الغذاء في مطبخ
صبي وتي لنا وقعمز
انا" نخدم عندك اصلا
معتز " ههههههه والله انتي البنت تقريبا
بلكي تبيني انا ندير وانتي تاكلي مبردك الصراحه
انا" صبيت
لاني جعانه بس حنصبي ندير
معتز " هيا خفي روحك جعان
انا" خشيت للمطبخ وفته
وتيت الغذاء ووقعمزنا نتغذو في صمت تام
وكان هو حاط الفون امتاعه ع البار امتاع المطبخ
وكان قريب مني ونقدر نشوف من يرن
رفعت راسي وكان مكتوب مهــــا
انا" اسمها مها
معتز " كر التلفون ودار صامت
انا " هههههههههه
كنك اضايقتك
معتز "مش قلنا محد يدخل في خصوصيات لاخر
انا" مادخلنش سالت ع اسمها بس
يالله مايهمنيش اصلا
معتز " تمام الحمدالله وصباه وخش لي داره
انا" ولا كانه يحكي كملت وكالي مع اني مقهوره وخاطري نقتله مستفز برود امتاعه يجلط تحسي هكي جامد مافيش حاجه تقدر تهزه
معتز " ايوه
مها " وينك كنت نستنا فيك ترن عليا
معتز " مافضيتش بس
مها " احم شن درت اليوم
معتز " عادي روتين ممل مافيش حاجه
انتي شن درتي
مها " تمام
رايفتلك
معتز " انا اكثر
مها " نبي نطلب منك طلب
معتز " شنو هو
مها " اليوم بنات خويلة ماشيات لي سندباد وماشيه معاهن
معتز " ومن ماشي اخره
مها " شايلتنا ماما ومعانا خويله
معتز " ماتمشيش
مها " وعليش مخنوقه انا ونفسيتي تعبانه
معتز " انتي تعرفي مانحبكش تخشي وتمشي غادي بدون مانكون معاك
مها " باهي تعالي عادي وانت تعرفهن اصلا عادي
معتز " مها انتي عارفه مانقدرش نطلع اليوم
مها " عارفه بس تبيني ننحبس لعند انت تفضالي ووتقعد تقدر تسيب السنيورة امتاعك
معتز " مهااا معش تحكي عليها
مها " والله قعدت ادافع عليها
معتز " ماشورها شي هيا توا خلينا فيك انتي انا مش موافق
مها " انا نبي نمشي وكان انت خايف عليا ع قولتك تعالي معانا وخلاص هذا الي عندي وسكرت
في العشــية
نور" نبي نركب نلبس قبل مايبدو الناس يجوا
سلوي " تمام انا نبي ندوش بعدها تو نركب ونلبس فوق عندكم
نور " تمام خلاص
خليني نركب
طلعت من حوش جدي لقت مهند كيف خاش
مهند " ابتسم
اهلين
نور " خير
وقعدت منحرجه مش عارفه كيف تحكي
مهند " كنك خاشه في بعضك
نور " نبي نقولك
عطيني فوني
مهند" حط يده في جيوبه
وعليش
نور " اصلا معش نبي نصلحه
مهند " هههه وباهي عليش السبب
نور"هكي معش نبي
مهند " تعالي معايا
نور" وين
مهند " استنيني في جنان بس نجيب حاجه من السيارة ونجيك
نور" طلعت وراه وقعدت تستنا في جنان لين جاء وكان في يده كيف
مهند "تفضلي
نور " شنو هذا
مهند " فون جديد بدال فونك الي انا كسرته لكي واصلا فونك مانقدرش نحطه في محل يصلحه وفي صورك الي مصورتيهن فيه
نور "انحرجت
ماتقوليش انك شفت الصور
مهند " بي نيه طيبه والله هههههههههه
انا" ليش هكي
وغمضت عيونها
مهند " خلاص ماصار شي
نور " شكرا مانبيش فون هذا تعبت روحك نبي تلفوني انا
مهند " خلاص لاخر معش يصير منه
نور " بس نبيه انا
مهند " حطيتلك شفرتك هنا
خلاص هذا قعد امتاعك
نور" بس مانقدرش ناخذه افهمني
مهند " الهديه ماتنردش خلاص قعد لكي توا
نور " شكرا تعبت روحك
باهي عطيني فوني
مهند " لا الاخر يقعد عندي
نور " لا مستحيل
مافيكش امان بعد شفت الصور ههههههههههه
مهند " هههههههههه في حد قالك ضحكتك حلوه
نور" انا نبي نركب
وشكرا ع تلفون بجد
وخشت تجري ركبت فوق
صفاء" مهند
كنك توزع في ابتسامات هنا
مهند " صافو شن دايره
صفاء" كويسة
انت شن جوك
مهند "فوق الريح جوي
صفاء" دوم ان شاء الله
مهند " انا طالع توا تشاوو
نور " ركبت ودسيت الفون في داري
وبديت نوتي في روحي وندير في شعري
عندي انا
لبست فستــان لونه وردي وقصير وضابط
وطلقت شعري ودرت ميك اب بروحي لانه الاسبوع كان ديرينا للعيلة بس مافيش حد غريب
كنت نلبس في سلسله وينفتح الباب
انا " كيف تفتح الباب بدون مادق
معتز " قعد امتنح فيا
اسف مش قصدي
انا " شن تبي
معتز " طولنا بس
انا" شويه بس تو نطلع
معتز " قعد مصبي في مكانه
انا " ممكن تطلع
معتز " نستنافيك بره ماطوليش وطلع
انا " سكرت الباب
وكملت ولبست عبايتي وخذيت فوني وشنطتي وطلعت
وانا ماشيه للصاله نسمع فيه يحكي ع فون والباين يحكي معاها ماعدلتش عليه تو تقولوا غريبه البرود الي نازل عليك بس مافيش في يدي حل انديره غير اني نتجاهله ونفوته هذا احسن حاجه
مع اني عفست ع كرامتي واجد
بس لو اطلقت شن الحل غير انه ممكن جدي يدفني وانا عايشه يحرمني من حياتي كلها من قرايتي ومن شغلي ومن سواقه وكل حاجه لانه هذا تفكيره البنت المطلقة كانها دايره عار مع انها مالهاش ذنب وما فيها شي لو الوحدة اطلقت وحافظت ع كرامتها وكبريائها ولا عاشت وكملت حياتها مع راجل يقعد يهين في كرامتها بس تخلف المجتمع والعادات والتقاليد هكي ينظروا للبنت لو اطلقت كأنها جايبتلهم العار مع انه الموضوع كله نصيب من ربي وهكي كاتب
يعني معتز كان بالنسبة ليا اني نتحمله ارحم ما نندفن وانا حية
معتز " خلاص تو نجيك ونتلاقوا غادي
مها " باي نحبك
معتز " حتي انا هيا سلام
انا" واتيه نطلعوا
معتز " هياا واخيرا طلعتي
انا" ماطلوتش بس انت الي مستعجل شكله وراك موعد
معتز " حاجه ماتخصكش
انا " نطلعوا
معتز " هيا
ركبنا وطول الطريق ساكتين
وصلنا وقدام الباب
معتز " مدلي يده
انا " نعم
معتز " كر يدي ومسكها
انا" مافيش داعي تأوفر في التمثيل امتاعك
معتز " عيب ي مراتي تحكي هكي مع راجلك
انا" حسيتك عشت الدور واجد
معتز " خشي وانتي تدوي في شارع
انا" خشينا للحوش ولقينا
الشباب مقعمزين في جنان
انا" بصوت واطي
اطلق يدي
معتز " بحت فيا
وشن فيها
انا" انت مستمتع بالاحراج الي حيصير مثلا
معتز "ياروحي تحسي فيهم انتي
وابتسم ابتسامه البليده امتاعه
انا " لقنك سامط
حاولت نكر يدي بس ضغط عليها هو بكل قوته
جمال "اوووه العرسان جوا
معتز " سلام عليكم
خالد " شوفو شوفو
ماسكين يدين بعضهم اخره
انا " كريت يدي
تافهين انتو راه
وخشيت جوا
مهند " بصوت عالي
وجها قعد طماطم
معتز " قعمز في كرسي الي جنبهم
تموتو في تزليط اانتوا
خالد " قتلهم من قبل جينات وراثيه هذينا
معتز " محمد وين
مهند " طلع للصيدلية قال شويه ويجي
خشيت جوا واول وحده شفتها ماما اضبتها ونبكي
نهي "بلا طروح راه لكي كم ساعه راه بس حتي 24 ساعه ماسكرتها
انا" شن فهمك انتي في احساس بس -_-
سلمت عليهم كلهن وقعمزت
نهدرزو وجو سمح وكنت واخذه دور العروس
نور " الحوش بلاكي مافيش اي جو
انا" حسو بي قيمتي
نور " حسينها
انا" انتي جاسوسه امتاعي الي في الحوش نهي شن دايره
نور " لا رايحه متربيه معش فيه خلاص
انا" ان شاء الله بس
وجتنا نهي قعمزت جنبنا
نهي "احكيلي شن درتوا انتي ومعتز
وغمزتلي
انا " مش وقت قلة ادبك
نهي "حي وتو تقعدي مجوزه وتقهرينا مثلا
انا " ههههه اكبر منك تحشمي شويه
نهي "ياطروح عمري ماتحشمت من حد الحمدالله
انا" ههههههه عارفتك
قعدنا نهدرزو ومر الوقت وحطوا العشاء وتعشينا
علي" قصدك قااعد في السيارة انت
معتز " اهاا ماشيلها
علي " رد للحوش خيرلك
معتز " كنك انفصلت
علي " انت انهبلت تاني يوم مع مراتك ماشي تشوف في حبيتك
معتز " صارن عرم حاجات تو بعد نشوفك نحكيلك
علي " معتز رد للحوش ومش داعي تمشيلها مها مش وقتها توا طول عمرها كانت تطلع بدون ماتمشي معاه توا نزل الخوف وطروح هذينا ولا تبي تبدا اديرلك في مشاكل من قبل ماتجي كنك رايح هكي ازف ي راجل فكر بي علقك ازف
معتز " وقف السيارة
مشتت بكل انا
علي" حرام عليك اكيد تو كلهم يلاحظوا غيابك وحيقعدو يسالو عليك وتنحرج البنت روح وفكنا من المشاكل
وبكره انتلاقوا ونتفاهموا
معتز " يصير خير
علي " مش يصير خير روح توا ازف
وكان ع مها مش حتزعل راه بي كلمتين ولا هديه تلقاها راضيه
معتز" هيا اممس سمعتني نكلم في مها
علي " ماتحشمش ع وجك انت اصلا تيس
معتز " انت ممش فاهم حاجه
علي " لا فاهم حاجه وحده انك حمار
معتز " خلاص سب ازف
علي " روح للحوش
معتز " خلاص سكر انت بس
علي " والله نسمعك مشيت تنساه تشوف خلقتي
معتز " ياااي حنرايف عليك تصدق
علي" واانا قتلك وجرب ديرها وتوا تشوف
معتز " زكر ازف خلاص فهمنا
علي " وجك
كنت مصبيه مع البنات في مطبخ ونهدرزو ونضحكوا ع حاجات صارن في الفرح
جتني عمتي صالحة
عمتي صالحه " ناني وين معتز
انا " بره اكيد
عمتي صالحه " سالت مهند قالي طلع نبي نشوفه ماخشش
انا" انحرجت وازلطت
معش عرفت نحكي
عمتي صالحه " رني عليه شوفي معقوله طلع
انا" حااضر
الكارثة مش هنا الكارثه انه ماعنديش رقمه
ولحسن الحظ واكتشفت انه ربي يحبني
هو خش من باب المطبخ الي ع الجنان
عمتي صالحه " وينك وسلمت عليه
سالت قالولي طالع
معتز " كنت نجيب في دخان من محل
عمتي صالحه "تو قلت لي نسرين تكلمك
معتز " بحت فيه وسكت
انا" رفعت راسي
في خاطري ي كذاب
ليلي " مايسلمش علينا نحن
معتز " امس شايفك عليش الحب هذا
نهي " ماهو قتلك ي ليلو ماعندش ذوق خوك هذا
معتز "سيبنا لكي ي جالطه
نهي " ربي يكون في عونك ي اختي
انا" ابتسمت
عمتي صالحه "كنه وليدي ي نهي
شن ناقصه
نهي " ناقصه حناطه -_-
طلعت عمتي صالحه
معتز " عمي كيف داير معاك بي طولت لسانك هذي بس
انا" برمت نبي نطلع
معتز " نسرين وشيرلي
يتبع ............