لاخر نفس <3
الحلقه 22😍
انا " سكتت ولا كاني سمعت حاجه
هاله " يعوضك خير
سميه " ان شاء الله
وقعدنا نهدرزو شويه
هاله " ناني مش هذا معتز
انا " برمت لقيته خاش ويدور فيا
سميه " هيييييييييي هذا راجلك قصدك
انا "بحتت فيها باستغراب
كنك ؟
سمية" هههههه لا شي
انا " باي هاله نحكو
هاله "سلام
هاله " سمية فكينا من طروحك -_-
سميه " شن درت انا
هاله " طروح امتاعك هذينا فكينا منها سيبي البنت في حالها
سميه " حرام فيها راجلها سمح احلي منها
هاله " ساد الي درتي في موضوع احمد
سميه " انا نعرفك قبلها هيا كنك تعاملي فيا هكي
هاله "الي درتي انتي غلط موضوع احمد نسيتي
سميه " ليش كل حاجه سمحه لها كلها مع انها ماتستاهلش كل حاجه ديما جايه معاها هيا حظها ديما مساعدها ليش انا الحياه ضدي وهيا كل حاجه لها
هاله " انتي متخلفه راه شنو كلامك هذا
الي درتي في بنت وفاتتك وسامحتك وردت تحكي معاك عادي تو جايه تبي تنقي عليها في حياتها
سمية " انتي ديما ادفعي عليها ودايرتها طيبه
هاله " انتي صفي نيتك من جوا قبل
سمية " انتي ماتعرفيش شن صارلي في بداية زواجي انكتبت عليا مجوزه وخلاص
هاله " انتي الي حطيتي روحك في موقف هذا محد جبرك تاخذي احمد منها وانتي عارفتي كان يحبها ويبيها
سمية " مش خساره فيا انا نفرح يعني ليش ديما هيا الصح وانا الغلط
هاله " ركزي في كلامك انتي تو تعرفي ليش انتي الغلط
سمية " نمشي انا احسن لانك انتي ماتحمليش فيها حاجه
هاله " ربي يشفيك
معتز " صار ماحليتش
انا" كنت نجرب نفجعك
معتز " والله فكرت في نكد الي حيصير
انا " هيييي قصدك انا نكدية
معتز " شويه هك
انا" معتز
معتز " بطلي تفنيص ي بنت
انا " راك رايح سامط
معتز " هههههه زيديني ملح
انا "اوف مبردك
معتز " ردي ع فونك الي يرن
انا " عمو اسلام هذا
انا " عمو
اسلام " شن جوك
انا "تمام كويسة وانت
اسلام " تمام
وين قاعده انتي
انا " في سيارة مروحه من الامتحان
اسلام "شن درتي حليتي
انا "ان شاء الله خير
اسلام " حمادي ساكنلي يبيك
انا "ياخيه مرايفة عليك حبيبي جيبه ليا
اسلام " ماعندكش قراية
انا " جيبه ليا اليوم في العشية مازال في وقت ع ماده لاخره
اسلام " باهي تو انجيبه لكي
انا "تمام نستنا فيكم
اسلام " باي
معتز " كنه
انا "يبي يجيبلي حمادي بعدين
معتز " اها تمام
وصلنا قدام الحوش
انا "ماتبيش تنزل
معتز " لا راد للعيادة مازال عندي كم حاله ونروح
انا "تمام ماطولش
معتز " حاضر
اسلام " يعني كلام العيل صاح
جدتي " امها هكي قالت بنتي قعدت ع عيل واجد وتوا لازم تشوف حياتها مادام جاها نصيبها
اسلام " تشوف حياتها بس ولدي يعيش عندي
جدتي " نيروز مش موافقه قالت مانعيشش بعيد ع ولدي
اسلام " مانخليش ولدي يعيش عند راجل غريب فاهمه
جدتي " وسع بالك انت تو نديرو حل
هما عرب دافعين حتي فيها
اسلام " كنها ماتقول ولا تبي تصدمني يوم زفتها
جدتي " توا انت شنو الي مضايقك
اسلام " انا هيا ماتهمنيش تجوز ولا تنحرق الي يهمني ولدي يقعد عندي وكلام منتهي
خش جدي
جدي " ياساتر كنه صوتك مرتفع شن فيه
اسلام "بنت خوك تبي تجوز وتبي عيل يعيش عندها دير حل انت احسن ماانا نصرف
جدي "كيف الخبر هذا
جدتي" والله امها بروحها قالتها ليا
اسلام " هيا حاطه في راس العيل انه يقعد له بات جديد انا مش ميت مازالت عايش
جدي " اسكت توا انت تو نصرف انا فيه الموضوع هذا
اسلام " احسن دير حل انت خير ما انا كان نمشي نحكي معاها نقربعها لها
