الحلقه 4 😍
انا ماوجعني شي في كلامه الا كلمة حنعذبها ناقصني عذاب في حياتي
ركبت وخطمت من جنبه وهو سكت وقعد يبحت فيا
وانا ولا كاني نشوف فيه
عند معتز
انا" شن تبيني ندير نغضب امي ونخليها مش راضيه عليا
مها" لا مش هكي طبعا بس كيف تبيني نقدر نتحمل نشوفك هكي قدامي تجوز كل حاجه نحلمو فيها وخططناها مع بعضنا تكون لها الحوش الي مفروض نخشله انا عروس تخشله هياا
انا" انا قاعد بين نارين قوليلي انتي شن الحل في نظرك تعبت منكم كلكم ضغطين عليا
مها " مانقدرش نشوف وحده غيري تقعد مراتك وتشيل اسمك
انا " انا نحبك انتي وحتي لو اجوزتها حنعذبها مش حتريح معايا بكل اطمني انتي عارفه قلبي كيف يدقلك ومستحيل يدق لحد غيرك
مها" نموت فيك وكان نلقاه نمشي نقتلها توا ولا تكون لكي هيا
وانا نحكي معاها تركب نسرين
خفت تكون سمعتني خفت شويه ع مشاعرها بس حتي انا كيفي كيفها
مها" وين رحت نحكي معاك رد عليا
انا" معاك
مها" والحل توا يعني
انا" مها خليني نسكر توا ونتفاهمو بعدين ممكن
مها " براحتك
ع .اسماء " وجعتني نسرين بكل
ماما" ربي يهدي عمي وخلاص
جدتي " وليش واجعتك واخذها وللد عمها مش حد غريب
ع. اسماء" امي انتي راضيه شوفي العيال كيف رافضين بعضهم
جدتي" الحب يجي مع زواج
فكيني انتي من تكبير المواضيع اهو كل حاجه حتمشي تمام
في المطبخ
خالد " قهوه ي امريوه
مروه " فكني منه دلع السامط هذا
خالد " امريوه امريوه امريوه
مروه " دمك ولا دهان شربه
خالد " خير من دمك خفي روحك وديرلي قهوه
مروه " خدامة بوك تأمر فيا بي مزاجي نديرها
خالد " ي سنيورة ديرلنا قهوه
مروه " نفكر قبل
خالد " نشفتي ريقي ازف
مروه " خلاص اطلع تو نديرها انت ومن تبي
خالد " انا والشباب بره في جنان قاعدين
مروه "باهي خلاص اطلع ورينا عرض كتافك
خالد " كر الكرسي وقعمز قاعد ع قلبك مبردك
مروه " عنجد ثقالة دمك ي اخي
خالد " طالع لي بنت خالي
خش عليهم مهند
مهند " دزيناك تجيب قهوه مش تهدرز
مروه " هنودي خوذه وطلعه بره
هل الصداع هذا
خالد " هنودي اخره والله ولقينا حد يدلع فيك
مهند " هههههه انحرج
اطلع ي راجل وسيبها في حالها
مروه " هل ثقيل هذا
انا " هاله الشيت شكله في السياره مالقيتش هنا
هاله " انزلي بسرعه وتو نعاود عليك
انا" فكيني مانبيش ننزل عيله كلها ملتمه والشباب قاعدين في الجنان
هاله " وعليش خايفه مثلا
انا " افهمي مانبيش نشوفه
هاله " انتي غبيه قوي شخصيتك شويه وخليك قويه ماتخليش يسيطر عليك ويقعد يحط في قهره فيك وانتي كيف عبيطه تحملي
انا " هاله خلاص اسكتي
هاله " ماتعودتش عليك ضعيفه
انزلي توا مش سيارتك ادرسي فيها في الجنان خلاص وماتعدليش عليه تجاهلي وماتعطيش اهميه بكل
انا" خلاص سكري تو ننزل
هاله " ايوه سلم بنتي
قتلك راه سميه فرحها قريب
انا " البنت هذي غريبه بجد امتي لحقت تحصل عريس
هاله " ي حنه ماشيه بي نظام داري ع شمعتك تقيد
انا " ي واطيه ههههه
هاله " ماهو خايفتنا نسرقوا العريس نزيك الي محصلته اكيد في شي فرح راقصه فيه
انا" عنجدك بكل هي خليني نجيب شيت ونشوف الي تسالي عليه
هاله "باهي خفي روحك وانتي مرخيه
انا" بطلي هزايب ي فرخه
هاله " بايووو
