زواج مرفوض

بارتين

بارتين لعيونكم
زواج مرفوض
لوتس
البارت الثاني
#سهير (العروسة)
محامية عمري ٢٧ سنة طويلة شوي وحنطاوية وشعري اسود امراة شرقية بكل معنئ الكلمة احب الادب وغاوية قراية اكل الكتب واحب شغلي كلش وجنت اشتغل عقد بمحكمة دار العدل .. حياتي تغيرت بيوم ما اجة الشيخ للمحكمة عندة معاملة وسهلتله امرة لان صديق بابا .. صفن هواي علية ونظراته واسئلته جانت غريبة الي بس ما جنت اتوقع يخطط لزواج .. حاولت وحاولت بس الظاهر جان مكتوب عليه هذا الشي اكون زوجة لشخص ما شايفته
#ياسين (العريس)
مهندس كيمياوي اشتغل بحقول الجنوب ٣٥ سنة طويل واسمر مو كلش .. غامض ومحد يفهمني بس امي ... وبيه هواي شغلات راح تعرفوها بالقصة

زفو العروس والعريس لغرفتهم فوك والدعوات مشتغلة الهم بالستر والذرية
طبو للغرفة والعريس باس راس عروستة وكعدت على الجرباية والجكليت من كل اتجاه يطش على روسهم .. كعدت يمها امها ونزلو كل العايلة وبقت الام وبنتها تودعها
-اووووف يا بنتي كلبي وياج.. اعرف شتحسين ومتكطعة من جواية ردتلج قسمة تفرح كلبج بس مابيدي شي
-سهير تبجي .. الله المعين هذا المكتوب
-ابوج وصاني اكلج شي وحلف يطلكني اذا ما كتلج يا...
-كولي
-هذا البيت مالج طلعة منه لو يذبحوج.. انتي ل ياسين للابد واذا فكرتي تحجين او تشتكين ابوج يموتج
-سهير كامت تبجي كولش قوي وحضنت امها ... يعني لو مشتريني من السوك مو هيج تسوون بيه
-كافي يمة الله يسعدج ويهنيج
طلعت الام وسهير مسحت دموعها ودعت الله انو يجبر بخاطرها وطبت منار شايلة العشا مالت العرسان وحطته بالكاع وجانت الغرفة كلش جبيرة بيها غرفة نوم حلوة وعلى صفحة كعدة عربيه وتلفزيون ومكتب وثلاجة وحمام ومخزن زغير حطت العشا بالكاع منار (اخت العريس عمرها 24سنة) واندارت على سهير
-حبيبتي هذا عشاكم وان شالله الف مبروك وامي تكول لا تشيلين الطرحة من على وجهج الا يجي ياسين يشيلها
سهير ما شالت راسها ودموعها تصب واجتها منار تشوف شبيها
-شبيج حبي سهير
-تبجي.. مابيه بس راح اشتاق ل اهلي
-تتعودين حبي هذا نصيبج وان شالله ترتاحين
وانفتح بالباب واذا ياسين اشر لمنار تطلع برة وقفل الباب ونزع عبايته والغترة والعكال وشمرهم على الجرباية وكعد بالكاع وشغل التلفزيون وكعد ياكل ولا كأنما ماكو عروسة بالغرفة وسهير بعدها بالبدلة ومغطيها بالطرحة ومرت نص ساعة وياسين ما حرك ساكن ولا اندار عليها اخر شي طب غسل وشال مخدة وغطا ونام بالكاع على وحدة من المنادل وانطى ظهرة لسهير
سهير بداخلها متعجبة.. معقولة؟؟ صار نص ساعة اني كاعدة وانتظر وهوة حتئ سلام ما سلم ؟!!! لا وتعشا ونام ولا عبالك اكو وحدة ويا بالغرفة .. ابد مو طبيعي هذا الرجال
كامت سهير بدلت وغسلت ونامت والافكار تودي وتجيب بيها وصبح الصبح كعدت ومالكت ياسين بالغرفة بس كاتبلها ورقة ع باب الغرفة
شوفي تسبحين وتبدلين وتتعطرين وتنزلين جوة مبتسمة وشيكولون تكولين صار .. و فنج تفكين حلكج بشي او تشتكين مني.. مباشرة راح اكول انتي مو بنية واخلي اهلج يذبحوج .. وبين ما تبرين نفسج انتي رايحة بخبر كان.. اسمعي كلام ونفذي...
شالت سهير الورقة وظلت تفكر ... واخر شي قررت تنفذ المكتوب وتشوف هذا فلمة شنو بدلت وتمكيجت ولبست ثوب الصبحية(كلابيه بيها شغل لونها وردي فاتح)وتنزل جوة واول مانزلت من الدرج استقبلوها هلاهل سلايفها ومرت الشيخ
-مبروووك بنتي ان شالله زواج العمر
- تسلميلي عمة
-تعاي يمة عمج الشيخ يريد يباركلج
طبت سهير لديوانية الصغيرة اللي بداخل البيت واذا الشيخ متربع وجان مهيوب وكاعد بصفة ياسين منزل راسة لابس دشداشة بيضة ولازم مسبحة.. تقربت سهير وباست راس الشيخ وايدة واشرلها كعدت كدامة وباوعلها وابتسم
-صباحج مبارك بنتي والف مبروك زواجج
-مشكورة عمي يبارك بعمرك
-شونه ياسين؟ ان شالله عجبج؟ اعرف كلشي سريع صار ومالحكتو تتشاوفون بس الظرف هيج
-احسن رجال بالدنيا ومالكى ظفرة عمي.. كافي ابنك وباوعت ل ياسين وهو شال راسة باوعلهة متعجب وضحك ونزل راسة
-الشيخ تغير لونة بس ضحك..ههههه الله يسلمج ويحفظج بنتي... ام ياسين جيبي الصبحية
-تفضل
انطى الشيخ طخم ذهب ل سهير .. صبحيتج بنتي
-اشكرك عمو بس هذا كلش هواي
-لاااااا مو هواي عليج انتي مرت الغالي ابني الجبير
-الله يسلمك عمي
وبهالاثناء اجت مرت اخو الشيخ فالح وام زوجة عبدالله (فطيم)واحد من ولد الشيخ(فخرية اسمها) وكلبت الدنيا هلاهل وجابت الريوك للعرسان .. وطبت للديوان هلاهل .. ووراها سارة بنت اخت فخرية شايلة الصينية ع راسها
-الف الف الف الف مبروك زواج الغالي ياسين
-الله يباركلج خية
-كرت عينك شيخنا..
-وعينج ام مزهر الله يسلمج
-هذا فطور العرسان اني ناذرة بيوم زواج ياسين اجيب الريوك للعرسان واروح للنجف اوزع ثواب
-زحمة عليج خية
-لا والله ابد.. اترخصكم اطلع انصبلهم الريوك بالغرفة
-مرخوصة خية
وطلعت فخرية وسهير وسارة شايلة الريوك ونصبتلهم يا فوك
كاهي وكيمر وبيض وجبن ولحم مشوي ومربة وكليجة وجاي
-شوف شون ايدية دبكت من الشيرة .. يمة بنتي عديلي الشيلة بس اغسل ايدية
عدلت سهير الشيلة وراحت مرت العم تغسل بالحمام وبقت سارة تباوع ع سهير
-انتي حلوة
-حبيبتي شكرآ
-شسمج
-سهير
-الله حلو اسمج ..
شالت شهير ١٠ الف ونطت ل سارة هاي الج
-ليش.؟
-اني حبيتج وحبيت انطيج شي
-سارةصفنت وانقهرت.. لا.. اني..
واجتي مرت العم .. شسوين هنا معزاية نزلي
واجة ياسين.. ليش هالزحمة يا مرت عمي
-حبيبي انتة الغالي لازم نكوملك بالواجب.. اترخص والف مبروووك
-الله يباركلج
-كعدو تريكو ان شالله عوافي
طلعت مرت العم وكعد ياسين ياكل وظلت سهير واكفة باوعتله مستغربة تصرفاته... وشال راسة وباوعلها.. شو واكفة تعاي صبي جاي لو تردين عزيمة
كعدت سهير صبت جاي وبكلبها حجي وقررت تحجي
-ماكو داعي تتركلي ورقة تعليمات تكدر تكعدني وتكلي اللي تريدة
-والله عاد هذا اني .. وزين سمعتي كلام ونفذتي صح ومالعب الشيطان براسج
-هههههههههههههههههههه
-شال راسة وعيونة تجدح شنو اللي يضحك ب الله؟
-انته عبالك اني خفت ونزلت و سويت اللي سويته خفت من تهديدك؟اني اكدر انزل بالورقة للشيخ واكلب الموضوع عليك واستلم عاد اللي راح يجي

البارت الثالث
-انته عبالك اني خفت ونزلت و سويت اللي سويته خفت من تهديدك؟اني اكدر انزل بالورقة للشيخ واكلب الموضوع عليك واستلم عاد اللي راح يجيك..باوعتلة انته مزوج محامية مو وحدة غشيمة
-فد شي يعني اكوللهم هاي انتي كاتبتهة
-هههههه وخط ايدك ؟؟من تهدد لا تكتب بخط ايدك مرة لخ حتى ماتلبس الشغلة
-عدل كعدته .. يلا كومي روحي سوي اللي تردي وكولي الحقيقة مو دتهددين؟
-اني ماهددت بس ماحبيت هذا الشي .. اذا انته ماتريدني ليش اتزوجتني؟جان بقيتني عد اهلي وراسك بارد
-لنفس السبب اللي تزوجتيني عليه
-اني غصبوني اهلي وبنية وماكدرت اسوي شي
-واني وافقت حتى ارضي اهلي واخلص من الزن ... يعني انجبرتي عليه وانجبرت عليج .. عجبتج العيشة اهلآ وسهلآ ماعجبتج رفع ايدة واشر على الباب هذاك الباب كدامج اني ما لازمج
- اني مالي اختيار اصلآ . حتى ابوية.... وسكتت عيونها دمعت
-كملي شبي ابوج
-شوف اني سويت اللي سويته وجذبت على عمي حتى ما اسوي مشاكل .. واحفظ كرامتي بعيونهم وماسوي مشكلة .. مهما كان اسمك زوجي ورجاءآ اذا تريد شي لا تكتب ورق كلي و لا تخاف اني ما حب مشاكل وطالما اثنيناتنه مغصوبين راح نمشي اكيد حتى نخلص من الزن
كمل ياسين اكل واندار عليها
سمعي يا بنت الناس اني نظامي كلش وماحب احد يتحكم بيه.. اللي اريدة يصير بدون نقاش وحياتي جدول واي خربطة بي ما انصحج بيها لان ماتعرفيني واني عصبي
سهير شالت كوب الجاي وتباوع عليه وتشرب.. شنو نظامك؟
اكعد بل ٦ ونص الكى الحمام جاهز و معلكة المنشفة يم الباب وملابس شغلي البدلة مال العمل والبوت اسبح وانزل الكى الريوك جاهز واسألي منار تعلمج عليه.. ٧ ونص اطلع ارجع بل ٢ هم الكى الحمام جاهز اسبح وانزل الكى الغدة مصبوب اتغدة وانام بل٤ ونص اكعد ابدل واطلع لقاعة الحديد وارجع ب٨ ونص الكى العشا اكل واتعلل لل١٠ ونص اصعد ابدل وانام .. فهمتي
-اممم ممكن تعيد حتى اكتب ورقة احفظ المواعيد
-تستهزئين؟
-لا والله بس مرات انسى وماريد اعصبك
-رفع حاجبة عليها اكتبلج اني عود
-ماشي .. كملت اكل انزل الصينية
-اي
نزلت الصينية بس ثنينهم كلمن براسة فلم يفتر ياسين محتار ومنفر راسة وسهير نفس الشي.. النقاش جان فوك بس جوة جان اكو غير نقاش بين الشيخ ومرتة
-والله يا متعب ماعرف شكلك
-ليش حجت على ابنج ومدحته لعد؟؟وابنج كال انو نعم الاختيار والبنية حلوة
-والله العظيم شوف عيني فتت للغرفة بعد ما نزل ياسين وشفتها نايمة بوحدها ع الجرباية ومكان ياسين مرتب مبين انو ما جان نايم بي واكو مخدة وغطى بالكاع ومبين ما نايم يمها
-هاي البنت ذكية وماخابت نظرتي بيها.. من شفتها بالمحكمة ثكيلة ومن تحجي بعقل ومعدلة عرفت هالبنية ماتطلع منها الشينه وتتحمل ياسين
-اوووووف ويلي وليدي ليمتى يبقى هيج؟؟ وبنت الناس شنو ذنبها تعيش ويا وهوة طبعة عسر
-الله يفتح عليهم وينسجمون...
-امييين
كضو العرسان اليوم بالغرفة ياسين مكابل التلفزيون وسهير ترتب بالغرفة واطلع غراضها من الجنط وملهية روحها وصارت الساعة٨ نزل ياسين وجان جاي باهر ابن خالتهم يصلح المبردة لان عطلت وبين مدا يطلع سهير نزلت من الدرج وشافها باهر وياسين تخبل وفاتت سهير للمطبخ وراحت ع مرت الشيخ
-خالتي اسفة مادري عدنه رجال غريب ونزلت
-هذا باهر ابن اختي جايي يصلح المبردة .. ميخالف يمة مرة لخ حطي شيلة ع راسج
مرت نص ساعة واجة ياسين مفور وجر سهير من شعرها وضرب بيها واشتغل العياط وكوة منار وامه فكوها من ايده وكامت تصيح
-شسوت ؟؟ حرام عليك انته بشر لو شنو
-هاي الحقيرة الادبسز انكشفت على باهر وشافها!! اني تاليها مرتي تنكشف الله يقبل
-البنية ماسوت شي واحنا ماكلنالها اكو غريب بالبيت وبعدين ماكفرت لابسة كلابيه وباهر مؤدب
-بس هية حيوانة ماتعرف طبعنه
-الله اكبر بعد يومين ماصارلها عندك وتضربها والله لا اكول ل ابوك
سهير طكت بجي شعرها نكفش وطبعات ايدين ياسين على وجهة وجسمها غسلتلها الام وهية تبجي
-يمة انتي عقلج جبير هذا غير يحبج ويغار عليج
-باوعت سهير ع الام... خالتي الحب هيج؟؟
شوية ودز عليهم الشيخ بالديوانية وطبو الام وياسين وسهير
الشيخ متخبل
-انته شنووو؟ فضحتني جدام الوادم خايب انته مخبل عرووووس تنضرب؟؟ شلون لخاطر الله وحط ايدي ع راسة
-اللي ما مترباية لازم تتربة لعد تنكشف ع غريب
-البنية مو من ديرتنه وماتعرف طبعنة يا الاغم وما تعرف اكو رجال بالبيت وبشر وتغلط قابل كفرت
-بس
-ولا كلمة ياسين انته غلطان ولازم تعتذر غصبن ماعنك
-سهير لاعمي اني غلطانة ..
الشيخ صفن عليها.. بس يا بنتي
-جان المفروض احط شي على راسي وصار خير عمي مهما كان
-الشيخ كلش فشل من كلامها امسحيها بلحيتي بنيتي وان شالله ما تتكرر...
-اني كتلك من البداية...
قاطعة الاب اخذ حرمتك واطلع واشوفك بعد تمد ايدك الا اكسرلك ياها ياسين.
طلعو للغرفة وسهير تبجي وبس طبو لزمها من شعرها... اكرهج .. اني اكرهج وشمرها ع الجرباية ..
بجت شوي ووراها حطت راسها على المخدة وغمضت وبدت تفكر
مو اني اللي يصير بية شي .. بس هذا مو طبيعي معقد ومكلكع وبي شي مو طبيعي ٣٦سنة ومو متزوج يصدر احكام ويدور حجج وبساع ضربني ... معقولة خبل؟؟
لو مريض نفسي؟؟اكو شي مو مضبوط
وبين ما سهير تفكر ياسين هم جان يباوع ع التلفزيون بس بدماغة جان اكو صراع...
هاي البنية مو هينة مدحت كدام ابوية وتسمع كلام وكتلتها وتكول هي الغلطانة... غامضة وذكية كلش ... يا رب شنو هالورطة اللي ابتليت بيها اني اريد اهججها واخلص

مرت٤ ايام وسهير تافلة المر ما تكدر تشكي ل احد وابوها مايرضى يستقبلها وتدعي كل ليلة الله يخلصها من هالبلاء وياسين ما يحاجيها خلاص بس ينطيها اوامر وجانت من عادة اهل الديره بعد ٤ ايام من العرس يجون يباركون وجانت سهير تنزل الصينيةصاحتها مرت الشيخ
-بنيتي
-نعم
-يمة اليوم راح يجن النساوين يباركن اتحضري لبسي ثوب حلو وتهندمي العصر ماشي
-صار
واجوي يباركون الناس لزواج ياسين اجوي نسوان العم والعمات وصعدت منار تصيح سهير ونزلو سوةسهير جانت لابسة فستان مخصر احمر وبس اسود بالاطراف وعلية ليلو وحطة مكياج كلش حلو احمر واسود وفاتحة شعرها اسود لحد نص ظهرها

#فوفة الحلوة