زواج مرفوض

البارت 18

زواج مرفوض
لوتس
البارت ١٨
اي لعد شعبالج .. عوفي التصوير وتعاي ركصي وياي
-ههههههههه ولج خاف تشوفنه عمة
-شعليج منها دتعاي
- طفت الجهاز وكعدو يركصون وضحك مشتغل وماسمعو الا دك الباب قوي وكفو واذا ياسين واكف بالباب ويباوع عليهم وثنينهم تبللو ووكفو
-ويشومل ب ايدي شنوووو هاي عود انتي الجبيرة
-منار اجتي وحضنته لياسين وشبكها وباس راسها.. وضحك الله يسعدج ويوفقج ان شالله
- تسلملي
اندار على سهير .. دواية اريد اخذة وين حاطته
-اي حبيبي جيتك
تعافى ياسين ورجع لداومة وبلش شهر الخريف .. الروتين كالمعتاد بس انضاف عليه انو فطيم رجعت بعد اعتذارات للبيت وكفت ميها بلوحهة عنهم وياسين صار يحاجي سهير عادي صح مرات يتعاركون بس حياتهم مريحة ومستمرين بسورة البقرة ..
صار الليل يوم ١٥/٩ وبين ما كملو عشا سهير صاحت حسن وطلعو بالحديقة
-عندي طلب منك حسن
-عيني كولي
-همة ٢
-ههههههههه ١٠ كولي بس
-تسلم شوف راح توصل طلبية ب اسم ياسين من بغداد اريد تستلملي ياها واريد كيكة مرتبة ع ذوقك
-ممممممممم ويلعب بحواجبة المن عيني؟
-اخوك بعد كم يوم عيد ميلادة واريد اسويلة حفلة
-ممممممممم باع الشغل
-هااااا تساعدني
-عنية يابت ياسوسو
-ان شالله تسلم يا سنسن
-هههههههههه دزي التفاصيل ع الواتس وتدللين
تحضيرات عيد الميلاد خلصت وصلت الهدايا والكيك وحظرت سهير الميز وحطت ورد والكيكة والهدايا وكتبت بالكارت
(الله لا يحرمني منك حبيبي)
لبست فستان شوي طويل ومكياج والشعر اسود وصاحت على ياسين من فوك جان بالديوانية يم اهلة
-ياسين
-هااااا
-عيني بلكت تصعد تشوف الغسالة شو مدا تشتغل
-جيت
صعدت سهير وسدت الباب وختلت ورى الباب فتح الباب وشاف الكيك والورد وظل صافن سد الباب وفات شاف مكتوب عليها
دمت لي شيئآ جميلآ في حياتي
صفن شوي و اندار وسهير واكفة ورى تباوع
-مممممممم... شنو ماعجبتك
مارد باوع عليها وباوع ع الكيكة وساكت بس ضحك ضحكة بسيطة
-ممكن تكعد شوي نحتفل
-بشنو
-عيد ميلادك صرت ٣٦ سنة
-وشنو يعني ؟ ٣٦ لو ٦٦ ماكو فرق
-عندي تفرق واحب احتفل بهيج يوم دكعد لخاطر عمة
كعد يباوع وعيونه كلها حجي
-يلا اتمنى وانفخ الشمع
-هذا شغل جهال
-اعتبرني جاهلة واخذني ع كد عقلي
-نفخ الشمع وابتسمت .. كل عام وانته بخير حبيبي شجعت نفسها وحطت بوسة على راسة
-شكرآ
-اشرتلة على الهدايا بحواجبها .. هذولة بمناسبة اول عيد ميلاد واحنا سوة اوعدك العيد الميلاد الجاي اجيبهم اكبر
لزم الهدايا وقرا الكارت وتلون وسدة
-افتحهم
-ماريد
جرت الهدايا وفتحتهم ..
هذا باكج رجالي وبي اسمك على الساعة من سويس تايم ونظارة و عطر رجالي من لوكاست
والثانية قلب وبي صورتك .. ههههههه صراحة مالكيت غير هاي الصورة وماعندي هواي صور الك
-ممكن احجي وياج بصراحة
-اكيييييد
-صار ٤ اشهر من جيتي لحياتي و اني ماعاملتج زوجة لحد هاي اللحظة ... معاملتي جافة ضربتج هواي وما اعتقد نطيتج امل انو نكمل سوا ... انتي ليش مصرة انج تكملين وياي ؟؟؟... كلامج واهتمامج ووتصرفاتج كلها تكول انج عأيشة متهنية ويا رجال مدللج ليش تحاولين ويا واحد انتي نفسج تعرفين انو ممكن ماتكملين ويا وينكسر كلبج؟؟
-انت ممكن تفكر هيج بس اني تفكيري غير.. صح انجبرت ولحد اخر يوم اني رافضة بس ممكن كتبت الله عليه تصير الي بيها خير ... وانته بشر .. ممكن تتغير ويا الايام و تتقبل وجودي بحياتك .. واني متحملة جفاف الاسلوب
-هالشي مستحيل ... انتي واعية انج دتعلكين نفسج بالهوا
-ههههه ماكو شي مستحيل طالما الله موجود وكلشي بالحياة يتغير واني نفسي طويل ... وشغلة انو اكمل وياك حرب .. واني دخلتها بعد ومصرة اكمل وراح ابقى وياك وما راح اعوفك حتى وان ظليت جاف وياي
ياسين نزل راسة واخذ الساعة يباوع بيها بس شكلة مخنوك
- اني ما فارضة نفسي عليك بس جرب واعتبرني صديقة مو زوجة ... جرب انتة مو خسران شي وان حسيت انك ماتحتاجني بحياتك ننفصل بكل هدوء وارجع ل اهلي وارجع لحياتك ... واني راح ابقى اعتبرك جزء من حياتي احترمك
طلع ياسين وعاف الغرفة وبذيج الليلة حتى بالغرفة ما بات
#سهير
بس الكلام جان كلش قاسي علية حسيت ب الاهانة اول شي بس كرامتي نفضتني وحسيت للحظة انو ديريد يعرف مدا تمسكي بي وبجيت بذيج الليلة بجي ما صابدير ودعيت لحد الفجر الله يصبرني عليه.. ممكن تعاطفي ويا حالته خلتني اتعلق بي .. ماعرف المهم بداخلي شي يكلي كملي
البارت ١٩
صبح الصبح و نزلت اشوف وين ياسين لكيته طالع بسيارتة ومو بالبيت .. مر اليوم واصلآ ما اجة للبيت لحد العصر وجان البيت فارغ بس سهير بالمطبخ تنتظر ياسين طب سلم وكعد يريد غدة
-شو ماكو احد
-طلعو للسوك
-وليش مارحتي وياهم
-مو محتاجة شي
-ممممم صدك لو انتي بت بغداد وماتحبين اسواق البصرة
حطت الاكل وكعدت... الصراحة ماعندي فلوس واستحيت اطلب منك واحرجك وفكلت ما محتاجة شي
-تلون .. الفلوس بالمجر ليش ما خذتي
-اني ما اسحب فلوس بدون اذن وماعرف ظرفك يجوز متضايق ..
-باجر انزلج للسوك واشتري اللي تردي
-هههههه خاف اكلك وتعصب
-شنو
-احنا ننزل للسوك نتفرج ونفتر بس يعني لو رايحة اليوم جان باجر نزلت وياك ووراها اخذت منار ونزلت ههههههههه
-ههههههههههه والله انتو سوالفكم مو على بشر.. نسوان متصيرلكم جارة
-ليش متكول نحب الونسة
-فر براسة وكعد ياكل ....
-متروح للقاعة ؟؟
-ممنوع اتمرن لان احتمال يفتح الجرح
-لا يمعود اكعد نشف دمي ليما طيبتك
-دياكل وضحك وغمض عيونة
-ليش تضحك؟
-اندار عليها ولا شي بس مرتاح ميصير
-ان شاءالله على طول
كمل اكل ودك رسالة على الماسنجر بتلفونة مادار بال بس ضل طن طن طن واخر شي فتحة ويا الفتحة تلون وتغير شكلة وهوة يقرا وحتى وجهة صار مايتفسر