زواج مرفوض

البارت 12

زواج مرفوض
لوتس
البارت ١٢
اجيت ضكته والا فلفل اسود باوعت على منار
-بلة هاي سالفة عود هاي الجبيرة
-شنو ؟؟
-ضوكي؟
-ضاكته ... فلك طرج هذا فلفل اسود
-ليش شسويتلها اني
-حقيرة .. ذبي خربتها بعد
-باوعت على منار ... والله لا اكلها يا .. طبخ الطبخته خلي تاكلة .. غلست بس شلت الجزء اللي بي فلفل اسود وحطيته بوحد وكملت باقي الشغل وسويته طوس وصار هواي ..
صبو العشا وكعدو ياكلون الزلم وفطيم تضحك ومكيفة واني مسوية روحي شاربة الموقف وبعد التعزيل والجلف اجت تلكح حجي
-اليوم النادرة مسوية حلويات .. بس لا تطلع من خشومنة
-رقية .. صدك
هزيت راسي اي
-عاليه .. طيبه
-الحكم ع الضوك
حطيت صينية جبيرة وبيها الطوس مال الحلو وصينيه زغير على صفحة بيها طاستين كبار ل ياسين وحسن
فتت شايلة الصينية وكاعدين الولد كلها والجناين والشيخ ومرته بس ياسين طالع
الشيخ.. شنو هذا بنيتي
-والله عمي حبيت اسوي شي من ايدي واطعمكم وان شالله سهمكم العافية
فطيم تباوع تتمضحك وتنتظر الفضيحة وزعت الطوس وشيلت فطيم طاستها ام الفلفل الاسود وانطيتها يا وشلت الصينية وكلت للكل.. الف عافية وكعدت انتظر الردود يم منار ومنار تاكل وتضحك توووووب عاشت ايدج
بالعافية
اكل الشيخ لكمة هو ومرتة ووواحد باوع ع الثاني طيب عاشت ايديج ..متعجبين وشهاب وعبدالله وحسين ياكلون ويهزون براسهم والسلايف ياكلون بسكوت وفطيم شالت الطاسة واول لكمة وكامت تكح واتفل
-هاي شنو فلك طرج يخزي عاب هالطعم السكط
اندار زوجها عليها... والله يخبل اني بحياتي ماضايك هيج شي طيب ..
-ولك كله فلفل اسود يلعب النفس شنو ما حسيتو
عاد رديت من مكاني ... هذا وين اكو فلفل بالحلو
ذبت الطاسة وبكل صلافة ردت ... لعد بس الي حاطة فلفل تزوهريني
الشيخ ادخل .. شهالكلام فطيم
-عمي حاطتلي فلفل بطاستي شو ضوك وودت الطاسة للشيخ ومنار صاحت
يابة لا تاكل ترسها فلفل ترى حطتة لسهير من دتسوي الحلو عاد احنا حطينا بطاستهة لان تحب الحاد
فطيم لاحمرة لا خضرة لا صفرة وجان يصيح بيها الشيخ... انتي ما تبطلين مشاكل يا الاغمة؟؟؟ بطلي وجوزي من سهير عاد لا والله اطلكج ردي مكانج لا بارك الله بيج ولا بشغلج
طلعت فطيم نار وشرار وعبدالله متبلل
-اخوي والله مو بقصد بس زادتها وياي كلام تسمعني وتحجي وابلع واخر شي تريد تسود وجهي وياكم والله ما سويت شي
شال راسة عبدلله.. خيتي مالج علاقة واعرف الخلل وين طلع وعاف المجلس
الشيخ.. عاشت ايدج بنيتي كلش طيب بس يمكن دسم شوي
الف عافية اي عمي بي قشطة
الباقيين كلهم مدحو وعجبهم الاكل ولميت الصواني وبين مدا اغسل طب حسن
-ازيك يا بت ؟
-كويسة ازيك انته؟
-ههههههه كويس .. وين الحلو خلص بعد
-حطيت ايدي على خدودي.. يااااااا نسيت اضملك
-والكعبة هسة اسوي فاينه اذا صدك
-ههههههه لا هذيج طاستك الجبيرة على الميز
-امممممموعن جر خاشوكة وراح ياكل ولج دمار عاشت ايدج
-الف عافية ... لعد ياسين وين
-طبك سيارتة وسلم وطلع يبدل
اخذت الصينية وبيها كاستين وحدة جبيرة ووحدة زغيرة وطلعت لكيته لابس تراك وامدد بالكاع يتفرج فلم اجنبي
-مساء الخير
-مساء النور
البارت ١٣
لابس تراك وامدد بالكاع يتفرج فلم اجنبي
-مساء الخير
-مساء النور
حطيت الصينية بالكاع وكعدت يمة .. سويت الحلو بس جنت طالع
-باوع ع الصينية مالي نفس شيلي
-ضوكة بس
-جر خاشوكة .. خاف حلو كلش اني ماحبة حلو حيل.. ضاكة خاشوكة ووراها جر الطاسة واكل اكل اكل واباوع عليه(هذا مو ميحب الحلويات شو فات بيه كوووول ) لحد نص الطاسة وشمرها
-هاااااا شنو رأيك
-طيب
-بالعافية
-الله يعافيج
-عاشت ايدك
-اندار ورافع حاجبة .. انتي سويتي مو اني
-بس انته الجبت الغراض يعني نصة عليك
-بالعافية
-الله يعافيك اشيل
-اي وجيبي مي
شلت الطوس بالثلاجة ونطيته مي شرب وغسل واجة يريد ينام وكلتله
-تصبح على خير
-تردد شوي ... وانتي من اهلة
واني هم نمت بس حسيت بالراحة بذاك اليوم رغم مشكلة الفساتين وتذكرت انو سورة البقرة شون ريحتني من شغلتها وقررت اشغلها كل يوم ...
مرت ٤ ايام واني اشغل سورة البقرة يوميآ وافتح شبابيك ومرتاحة وياسين شوي صار افضل يعني يسلم ومرات يكول شكرآ يعني احسن من البداية شوي ..خامس يوم بلليل دك جهازي علاوي
-حبيبي شونك
-بخير انتي شونج
-زينة ومشتاقتلكم كلش
-والله عاد المشتاق يجي
-ماعرف اشوف بلكت اسويلي جية
-ههههههه لا تسوين اني جايج باجر اني امي نشوفج .. صارلج شهر من ازوجتي وراح نجي
-اييييييييي عفية والله مشتاقتلكم كلش تعالو كم يوم
-باجر اتغدة يمج
-كل الهلا بيك حبيبي
سديت الخط ونزلت كلت لعمتي وكيفت
-كل الهلا بيهم بنتي على الراس والله
-يسلم راسج عمة
طلعت والفرحة ماليتني نظفت الغرفة وسبحت وصارت الساعة ١١ وطب ياسين
-مسالخير
-يسعد مساك حبيبي
-تنفخ ودار وجهة ... اني ماحب هيج كلمات لا تكوليها
-بس اني تعجبني
-لا تكوليها الي
-لعد المن اكولها؟
سكت وتنفخ وفات للحمام غسل وطلع مدد بالكاع
-حبيبي باجر اهلي يجون ماما وعلاوي
-هلا بيهم همته يجون
-ويا ال١١ كال من ال٦ يطلعون
-ماشي
-تحتاج شي حبيبي قبل ما انام
-لا شكرآ
-تصبح ع خير
-وانتي من اهلة
صبح الصبح ياسين تريك وراح للدوام وكملنة الشغل اليومي وصارت الساعة ١١ ونص طبو اهلي واستقبلهم شهاب وحسن
الموقف جان صعب بعد شهر وشوية اشوف امي كدامي حضنتها وشبعنة بجي وطبو جوة و كعدت بيناتهم وعلاوي حاطة ايدة على ضهري وحاضنته
-والله اشتاقينالج كلت ل امي لازم اشوفها
-حبيبي والله اني هم اشتاقيتلك
-مرت الشيخ ي اهلا يا هلا ياهلا زارتنه البركة
-الام.. حبيبتي الله يسلمج
-سهير كومي جيبي مي ل اهلج مو اضلين تبجين
مسحت دموعي وكمت فتحت الباب وطااااااب والا اندعم ب احد
شلت راسي واذا ياسين
-ماشفتك
-باوع عليه وهز براسة وفات سلم وكعد حطيت مي ووزعت وكعدت يم اهلي
ماما اندارت وطلعت علبة ونطتني ياها..
-هاي صبحيتج من بابا و ماما
وطلعت علبه زغيرة هاي صبحيتج من علاوي
فتحت العلب طخم ذهب كلش حلو والعلبة الثانية سوار فرفشة
-ام ياسين.. تعيشين واجيبين خية
-الله يسلمج ويعمر بيتج
-بعد الجنطة مال غراضج برة جبتلج ياها كدري وشوفي والمايعجبج ارجعة
انسحبو العايلة واخذو علي وياهم وبقينه وحدنة اني وماما
-شونج يمة شون عيشتج زوجج عيالج
-الحمدلله زينين .. بابا ليش ما اجة ؟
-ابوج بالهند يجيب بضاعة سلم عليج هواي وكال بوسولي ياها
-مشتاقتله
-زوجج شونة وياج
-زين
-مدللج؟؟ يصرف يتعامل زين
-اي الحمدلله
-ماكو شي منا منا
-لا مايريد خلفة يكول بعدنه عرسان وماريد جاهل يلهيج عني
-ههههههههه شوف شلون يفكر هذا اكيييد حبج انتي حلوة ما شالله وتطبين للقلب
-بداخلي(والله لو تدرين بالضيم جان بجيتي) اي كلش
-وانتي هم تحبي؟
-اي مو زوجي بعد
-ما شالله حلو كلش وينحب طول وسمار ودمة عسل واسلوب لا و معضل
-اي
-صدك رجال الله يهنيكم ان شالله
وبهالاثناء طبت مرت الشيخ.. تفضلي ع الغدة خية شي مو من مقامكم
-عيني الله يسلمج
وفاتت ماما بالديوان وجانو مادين سفرة كعدو عليها حسن وياسين وعلي واني وماما وكعدت مرت الشيخ يمنه تعزم علينه وياسين يعزم على علاوي واكلنه وكملنه وبديت انقل مواعين للمطبخ واني راجعة جرتني مرت الشيخ على صفحة
-سهير شنو حجيتي ل امج
-ولا شي عمة
-سهييييير طمنيني يمة
-والله ماكلت غير الحمدلله وكلشي زين .. لا يضل بالج اني ما نطي بيكم ولا اكول ل اهلي على شي
جرتني وباست راسي.. روحي الله يسخر ياسين ابن بطني الج يا سهير ويريح كلبج
-هههههههه امين
العصر اخذو الولد علاوي يشوفو البصرة وتعشو برو وبقيت اني وماما وتعشينه ويا مرت الشيخ ومنار والساعة ١٠ رجعو ويضحكون متونسين وكعدة يمنه واول مرة اشوف ياسين يضحك سنونة مصفوفة وعندة بلحيته رصعات .. من شفته دعيت من كل كلبي الله يهدي واكدر اطلعة من ضيمة و بهالاثناء امي حاجته
-ابني نترخصك اليوم سهير تنام يمنه والله ماشبعنه منها
-اي عمة مرخوصة على راحتكم
-الله يحفظكم ان شالله
علاوي.. شوف عاد انت اخذت سهير صح بس اني مكاني ما تجي يمة
-ههههههه انته الاصل يمعود
-لاااااا بس اني سهير عندي غير كلش احبها جنه اصدقاء مو اخوان
رديتلة حبيبي علاوي كلمن ومكانة الله لايحرمني منك ولا من ياسين ويخليكم الي
ردو اميييييين
حسن ... اووووووف همته ازوج عاد ومرتي تدعيلي
علي هههههههههه ومن سمعك
-حسن .. تعال خوية احنا عزابية ومظلومين خلي نطلع ونعوفهم
ياسين خربان ضحك عليهم .. والله انتو الزوج صدك شبه بعض عبالك توم
-اي ونعم من علاوي والله اخ صح تعارفنه الصبح بس تكول من زمان نعرف بعض
-حبيبي حسوني اخ عزيز الله شاهد الكلوب سواجي.. نترخص عاد تاخذون راحتكم
علي .. بعد وكت كاعدين
ياسين لا خوية جاي متعوب اخذ راحتك طلعو و فرشت ومددت بين ماما وعلي وحاضنه ماما
-سهير راجعة جاهلة
-ليش
-من جيت ليهسة بحضني ليش هيج
-مشتاقتلج
وجان يجي علي ويجرني من حضن ماما وحضني .. هسة دوري اشبع منها
-حبيبي والله مشتاقتلك
-البيت اظلم وراج مالي واهس افوت من يم باب غرفتج
-قسمة وصارت تتعود
-بس زوجج وردة ... ادب وحشمة وذوق واني قبل فترة سألت عليه جماعة كلش مدحو واليوم شفته .. ماشالله ثكيل ورزن الله يسعدكم
-حبيبي تسلم يومن الك
-انتي مرتاحة هنا ؟؟
-اي
-اكييييد؟؟