JOSHANE'S POV
Mabilis lumipas ang panahon ng hindi ko namamalayan. Masyado kasi akong busy sa business ko plus tinutulongan ko na si daddy sa pagpapatakbo ng kumpanya namin. Masasabi kong sa loob ng two years, nag matured na ako.
Marami na akong experienced sa buhay na naging motivation ko para marating ko ang kinatatayuan ko ngayon. Ilang beses narin akong nadapa pero patuloy akong bumabangon at hindi naging hadlang yun sa tagumpay ko ngayon.
Two years, pero marami na ang nangyari, maraming nagbago sa buhay ko pero sa kabila ng lahat na tagumpay na tinatamasa ko isang bagay lang ang wala ako. Yun ay LOVE.
I've been single for the past two years now. Although I have a lot of suitors and all of them are successful in their chosen career. But unfortunately, none of them got my heart.
Sabi nila, aanhin mo daw ang sobrang daming achievements kung wala ka namang pag aalayan nun?! Sagot ko naman, kelangan bang may pag aalayan ng achievements para makuha mo ang satisfaction na hanap mo?! Para sa akin kasi, sapat ng successful ako. Nabuhay naman ako sa loob ng two years na walang lovelife and i'm sure mabubuhay parin ako for the next next next years to come ng walang ganun.
Kung tatanungin niyo ako kung anung feeling ng pagiging single? Well, enjoy naman maging single. Marami namang advantage ang pagiging single. Walang away, walang nag seselos, hindi mo kailangan humingi ng permiso sa boyfriend mo kung gusto mong mag bar hopping kasama ng mga friends mo. Walang magbabawal kung anu ang susuotin mo, walang heartaches, walang break ups, walang LQ, nagagawa mo ang lahat ng gusto mo, pwede kang makipag date/flirt sa kahit kanino na walang magagalit sayo. At higit sa lahat, blooming ka lagi kasi hindi ka stress.
Oo nga enjoy ang pagiging single pero hindi ko sinasabi na masaya ang maging single. Hays!
Bruh is calling..
[ Bruuuuuhhhh... ] Inilayo ko ng bahagya ang phone sa tenga ko dahil sumakit ang eardrum ko sa tili ni Tricia.
[ Masakit ka sa eardrum ko. Para kang kinakatay na baboy! Bakit ka napatawag? Istorbo ka eh!]
[ Did you check your emails?] -Tricia
[ Nope, why? ] Bored kong sagot kay Tricia.
[ Nevermind! Anyways, may reunion ang batch natin this coming December. We need to go home! ] Sa sinabi ni Tricia biglang tumahip ang dibdib ko.
[ When is that? ]
[ December 8, 2017. Are you ready to face him again? ]
Ready na nga ba ako na makita siya ulit?
[ I don't know! Okay, we'll go home! Wag ka ng magpa book ng ticket natin, we will use our private plane. ]
[ Okay! It settled then! I'm so excited to go home! Yieeeeee.. Sige bye na! ] -Tricia
Inend call ko na ang tawag ni Tricia. Two years na ang nakalipas, handa na ba akong makaharap ulit si Harley? Kamusta na kaya siya? Married na kaya siya? Tuwing nag uusap kasi si JL at Tricia never silang nag dare na imention si Harley when i'm around. Ayoko kasi makarinig ng kahit na anung news about sakanya.
Magcocross ulit ang landas namin ni Celine pero hindi ako sigurado kung galit pa ako sa kanya. Sinubukan kong patawarin siya at ngayon na hindi ko pa siya nakikita parang okay naman ako. Ewan ko nalang kung ganun parin ang epekto ni Celine sa akin once na magkita na kami ulit.
Naka moved on na ako kaya wala akong dapat ika worried dahil for sure naman na lahat kami may kanya-kanya ng buhay.
Pero dapat ko parin paghandaan ang nalalapit kong pag babalik ng Pilipinas. Dapat aware ako sa mga nangyayari sa paligid ko dahil kung naka moved on na kaming lahat i'm sure may ibang mga tao na hindi pa naka get over sa past.
***
Nandito kami ngayon sa St. Kilda sa Tap house kasama sila Tricia at ang Twin cousins ko. Kumain kami dito and at the same time umiinom pantanggal ng stress.
" Uuwi daw kayo ng Pinas sabi ni tita Joecel? " Tanong ni Jomania habang kumakain ng southern fried chicken with cajun chips.
" Yup! Reunion ng batch namin, pero i'm planning to stay there for a while. " Sabi ko.
" Oh my gosh! Alam mo bang gusto ko din mag stay dun ng matagal para magpatayo ng boutique ko doon. Syempre dapat partner tayo bruh! " Tinaasan ko lang siya ng kilay. Alam naman niyang iyan ang business ko dito pero yan din ang ipapatayo niya sa Pinas. Engot talaga ang babae na ito pero sige pag bigyan natin mahal ko naman ang bruhang yan eh.
" I'm coming with you cousin! My contract kasi ako sa isang sikat na clothing line sa Pilipinas. " Nasabi ko na ba sa inyo na isang sikat na model si Jomania? Kaya kung umasta yan like a boss kasi sikat ang bruha. Hindi ko nga sukat akalain na sisikat pala siya kasi ang sungit niyan grabe, daig pa ang nag memenopause kapag tinopak siya.
Si Josh naman nagwowork sa isang company kahit na may sarili naman silang company na pwede niyang ihandle. Rason naman niya na gusto niyang magsimula mula sa mababang pwesto bago tanggapin ang pamamahala ng kompanya nila. Nagsisilbi din kasing training ground niya ang kompanyang pinagtatrabahuhan niya ngayon kaya sinuportahan nalang sila ng parents nila sa anumang desisyon ng kambal.
" Okay! But let me tell you this, if you're going to stay at my house you should follow my rules. Remember, my house my rules! " Nag belat lang si Jomania sa sinabi ko. Joke lang naman yun at alam niya na hindi ako seryoso sa sinabi ko.
" Ay bossy ka rin pala bruh, kunsabagay mana ka lang kay Jomania sa pagiging bossy. It runs from the blood. Tsk! " Binatukan ni Jomania si Tricia at napa aray ito dahil napalakas yata ang pagkabatok ni Jomania sa kanya. Nagtawanan nalang kami ni Josh sa ginawa ng kambal niya.
" Pero seryosong usapan bruh, handa ka na bang makaharap ang past mo? Kasi i'm sure mabubuklat yun once na umuwi tayo. " Nagkibit balikat lang ako sa tanong ni Tricia. Hindi ko alam kung dapat ko pa bang sagutin ang tanong niya kasi honestly, two years na ang nakalipas and i'm pretty sure na naka moved on na ako. I'm contented with my life now at wala na akong pakialam sa past ko.
" Bruh, ikaw yata ang hindi maka get over sa past ko eh?! Obvious naman na okay na ako at handa akong harapin ang past ko kahit na hindi ko naman kelangan gawin yun. " Tiningnan lang ako ni Tricia at tila parang may gusto pa siyang sabihin sa akin pero alumpihit siya kung magsasalita ba siya or hindi.
" Bruh, i want to tell you something. " Parang hindi mapalagay si Tricia kasi obvious na natetense siya.
" What is it? " Tanong ko sa kanya. Ngumiti siya na parang hindi abot sa mata.
" Si Harley--- Nevermind! " Pinutol niya ang dapat niya sanang sasabihin sa akin na ikinainis ko naman. Anu ba kasi ang sasabihin niya na hindi niya masabi-sabi sa akin?
" Trish, since when did you lost your tongue? Say it to me, you know how i hate when people hiding something from me. I have a trust issue remember?! " Pinatong niya ang kamay niya sa ibabaw ng table at tumingin siya sa mga mata ko.
" Fine! Si Harley, boyfriend na ni Celine and they're planning to get married. Kahapon lang sinabi ni JL sa akin eh. So i thought, you might need to know kahit na past mo na siya. " Pagkarinig ko ng sinabi ni Tricia biglang tumahip ang dibdib ko at napakuyom ako ng palad ko. Buti nalang nasa ilalim ng table ang kamay ko kaya hindi nila nakikita ang pag kuyom ng mga palad ko. Ngumiti ako sa kanya at nag taas ng kilay.
" So what if they get married? Am i invited? Let them get married, it's their life and not my business! " Tinitigan lang niya ako pero halata sa mukha niya na worried siya.
" I'm fine Trish! No need to worry! Tara na umuwi na tayong lahat, i'm a bit tired na eh. " Nagsipag tayuan na kaming lahat at nagbayad lang kami ng inorder namin and umalis na.
Pag dating sa bahay nag half bath ako at nahiga na sa kama ko. Pero ayaw akong dalawin ng antok, balisa ako na kahit nakapikit ang mga mata ko pero ang diwa ko gising na gising. Bumangon ako at pumunta sa kusina, gusto kong uminom ng gatas baka sakaling makatulog ako once na makainom na ako ng gatas.
Bumalik na ako sa room ko pero hindi parin ako inaantok.
Sabi nila kapag hindi daw makatulog ang isang tao may nag-iisip sa kanya or gising ka daw sa dream ng ibang tao. But ofcourse, i'm not buying that excuse! Who the hell do you think, would think of me at this hour? None! Pero bakit sa ikabuturan ng puso ko umaasa ako na sana naaalala or naiisip ako ni Harley ngayon?
Oh please, get over it Joshane! Go to sleep, your crazy! Natulog na lang ako kahit hirap akong makatulog dahil sa insomia. Kinabukasan, maaga akong nagising dahil sobrang aga mambulabog ni Tricia. Imagine? I'm still sleeping and out of nowhere tatalon siya sa kama ko just to wake me up?! Goodness gracious! Hindi ba siya nakakaintindi ng tinatawag na PRIVACY? Binato ko siya ng unan dahil patuloy parin siya sa pag talon sa kama ko.
" Tricia, will you please stop jumping on my bed? This is not a f*cking trampaulin, so get off my bed. " Bulyaw ko kay Tricia pero patuloy parin siya sa pag talon at hindi pa siya nakuntento hinila niya pa ang comforter ko at hinampas pa ako ng unan na binato ko sa kanya.
" Letche! Babangon na ako, ang aga mong mambulabog. Nakikita mo namang tulog pa yung tao ginigising mo na. Where's your manners? " Nagpupungas pa ako ng mata at siya naman tatawa-tawa habang pinagmamasdan ako.
" Did you sleep well last night? You look horrible! " Nagtanong pa siya halata namang hindi eh.
" No, i didn't! Tapos ang aga mo pa akong ginising. Anu bang kailangan mo at ang aga-aga nandito kana sa bahay namin? " Umupo na ako sa kama ko pero antok parin ako. Ikaw ba naman mapuyat hindi ka kaya aantokin?!
" Wala lang, gusto ko lang yayain kang mag shopping ngayon. " Sa narinig ko nag panting agad ang tenga ko.
" Gigisingin mo lang ako para yayain mag shopping? What the hell Trish? Pwede mo naman akong tawagan sa phone para sabihin yan at higit sa lahat pwede ka namang maghintay na magising ako ng kusa saka mo ako tawagan. Hindi yung tulog pa ako mambubulabog kana na sa akin! Letche ka, alam mo ba yun?" Nakakainis lang kasi na gigisingin lang ako para yayain mag shopping. Utang na loob! Hustisya naman!
" Grabe ka ha?! Minura mo na ako dahil lang sa na istorbo ko ang tulog mo?! Uuwi nalang muna ako sa bahay and call me when you cool down already. " Tumayo na si Tricia at lumabas na ng kwarto ko. Bumalik naman ako sa aking pag tulog dahil antok na antok pa talaga ako.
Nagising ako nung mga bandang 11am at sakto lang na pag bangon ko nag ring ang phone ko. Walang gana ko itong sinagot.
[ Hello? ]
[Finally, sinagot mo din. I've been calling you since kanina pa. What did you do? ] Sabi ng nakakairitang boses sa kabilang linya. Malay ko bang kanina pa siya tumatawag eh sa tulog ako.
[ One word palang nasabi ko samantalang yung sayo naka 15 words kana. Pasensiya naman dahil natulog ako ulit right after you left at ngayon lang ako nagising ulit. ]
[ Aalis pa tayo kaya mag bihis kana diyan. I need to buy new wardrobes. I'll pick you up in 30mins. See you! ] - Tricia
[ Okay, bye! ]
Inend call ko na at dali-dali na akong pumunta ng banyo at naligo. After kong makapag ayos at lahat-lahat na bumaba na ako para kumain pero nandun na si Tricia sa baba and ready to go na.
" Let's go? Sa labas nalang tayo kumain kasi hindi parin naman ako naglunch eh. " Niyaya na niya akong umalis kaya imbes na kumain pa ako hindi nalang.
Habang nasa daan kami tahimik lang akong nakatingin sa labas ng bintana ko. Naiisip ko parin yung sinabi sa akin ni Tricia na magpapakasal na sila ni Harley at Celine. Bakit hindi ko napansin dati na may gusto pala siya kay Harley? Dumating pa talaga sa point na sinira niya ang friendship namin dahil lang sa lalake.
" Oh, bakit ang tahimik mo diyan? Naka mute mode ka ba ngayon? " Bored ko siyang tiningnan habang nagddrive siya.
" Wala lang ako sa mood na mag salita, nakaka drain ng energy eh. Alam mo naman na gutom ako diba?! " Nagkibit balikat lang si Tricia sa sinabi ko. Nakarating na kami sa mall at dumiretso na kami sa isang fancy restaurant para mag lunch. Nag order na kami agad dahil gutom na talaga ako. Habang hinihintay namin ang inorder namin may lumapit sa aming dalawang babae. Of all people bakit sila pa ang nakita namin dito?
" Joshane? Is it really you? " - Lia
Sa loob ng two years alam ko na nawala na ang galit ko sa kanilang dalawa ni Cherry. Hindi naman kasi ako nagtatanim ng galit sa kapwa ko.
" Yes, its me! Why are you here anyway? " Tanong ko sa kanilang dalawa.
" Oh, dito kami nakatira na eh. Siguro almost one year narin. Kayo, bakit kayo nandito? Bakasyon lang ba kayo or dito din kayo nakatira? " - Cherry
Teka, diba dapat galit sila sa amin? Pero how come na kinakausap nila ako na parang walang nangyari dati?
" Alam niyo Cherry and Lia, kung nakikipag plastikan kayo sa amin, please lang leave us alone. And to answer your questions, nandito kami obviously para kumain and we live here nearby. " Sagot ni Tricia. Hindi ko naman masisisi si Tricia if ganyan ang pakitungo niya kina Cherry at Lia kasi saksi siya sa mga masamang asal ng dalawa way back nung college days namin.
" Look, we're sorry about what we did during college days! Nadala lang kami sa inis namin at ginatungan pa ni Celine. But right now, i'm over it! Hope we can start again as friends. Will you forgive us Joshane? " Cherry
Halata naman ang sincerity sa sinabi niya kaya wala ng rason para mainis ako sa kanila plus pinatawad ko na sila noon pa. Ngumiti ako sa kanila at kinamayan ko silang dalawa na tinanggap naman nila ng nakangiti.
" Okay! Stop the drama! Since nandito na kayo, why don't you guys join us? To start our friendship diba? " Alok ni Tricia. Umupo naman ang dalawa at sakto naman na dumating ang mga order namin na pagkain. Masaya kaming nag rereminisce nung college days namin. Biglang naalala ni Tricia ang reunion ng Branston.
" Uuwi ba kayo sa reunion natin? Kasi kami ni Joshane uuwi eh. " - Tricia
" Oo naman, exciting kayang umuwi lalo pa't magkikita kita ang batch natin. " - Lia
Kahit naman ako excited ng umuwi gusto ko na kasing makita ang Gforce, sila Paige at Elisa. Kamusta na kaya sila? Nakakapagtampo lang sila Elisa at Paige kasi hindi nila kami dito kinocontact.
Buong mag hapon kaming magkasamang apat. Nag dinner pa muna kami before umuwi. Nagbigayan kami ng contact number nila Lia at Cherry para incase na magkita kami next time tatawag nalang kami sa isa't-isa. Marami kaming pinag usapan at nabanggit nila sa akin na inaway din sila ni Celine after graduation kaya galit na galit sila kay Celine hanggang ngayon. Nakwento din nila sa akin ang ginawang plano ni Celine nung house party pati na yung mga pictures na ibinigay nila kay Harley kaya ganun nalang ang galit ni Harley sa akin. Sabi nila bawiin ko daw ang dapat na para sa akin dahil ako naman talaga ang nararapat para kay Harley. Pero paano kung masaya na pala siya kay Celine? Yung isipin palang yan, nakakapanghina na ng tuhod. Huli na ako, they're getting married na at kung masaya naman si Harley sa kanya, sino ba ako para hadlangan ang kaligayahan niya? Dapat maging masaya ako para sa kanya dahil masaya siya diba?! Pero bakit iba ang nararamdaman ko? Bakit nasasaktan ako?