(مرحبا حبايبي شلونكم؟؟؟...
اجيتكم ببارت جديد، وبي حدث راح يبدي احداث القصة الرئيسية...
ماطول عليكم...
اريدكم تصوتون وتعلقون وتسوولي دعم...
بااااااي...)
#قصة- هوانا.
بقلم:-
#ضي-الدليمي
قبل الرجوع للعراق بيومين:-
نور... متدري شكد فرحانة، راح نرجع للعراق...
واخيييراااا...
ادم...اني همين مشتاق للرجعة.
نور...ممصدكة انه بعد يومين اني يم اهلي، مشتاقتلهم...
نور...
قرب موعد الرجعة واخيرا، ادم اخذ الماجستير والحمدلله، ولا واحد يدري شكد فرحتله، بس راح نرجع راح يصير استاذ جامعي، فرحانتله بغض النظر عن مشاكلنا الي متخلص ولا تنتهي، دعيت من ربي بلكت يتغير من نرجع، دعيت من ربي نلكه جاره، ونخلص من مشاكلنا، وربي استجاب، ولكن بطريقة مأجت على بالي...
رجعنا للعراق، والفرحة جانت فرحتين وي منورة، بنت ازهار، حلوة وتخبل، اسمها منار، بحيث كمت ماعوفها، صار شهر من رجعتنا للعراق، اما عن علاقتي وي ادم عادية كلش، مبيها شي غير القهر والبجي...
اية...نور شلونج وي ادم.
نور...هه، شلوني؟؟؟...
عادي، نفس الشي قهر وضيم وضلايم وياه.
اية...مقتنع بالزواج؟.
نور...لا...ياريت.
اية...زين من جنتو بامريكا محاولتي تحجين وياه، تلكون حل لوضعكم.
نور...حجيت وياه عل تبني، مقبل، حجيت وياه على زراعة الرجم مقبل...
بعد شسوي...
اية...زراعة رحم!؟.
نور...اي...كلت بيني وبين روحي اخلي امي تبيع ارضها الي يمكم بالموصل، وناخذ الفلوس تكاليف للعملية، بين ما احنا بامريكا، بس عبس، اذا الحايط اقتنع ادم اقتنع.
اية... والله يا خيتي الله يعنج وياه، شوفي هو صح منفتح وحباب وشقاوجي، بس من يعصب يا ستار.
نور... ويتغير علبشر، مادري ليش.
اية...الله يعينج ويساعدج.
******************************
ام ادم...يا ابني خلي ازوجك افرح بيك.
ادم...يمه سدي الموضوع.
ام ادم...لا مراح اسده، شسوتلك نور حتى هيج تركض عليها.
ادم...يمه...نور مسوتلي شي، بس اني ماريد مشاكل، اني متاكد اذا تزوجت راح تنكلب الدنيا كلاب عليا، كلها مشاكل واثنين نسوان، وشيخلصها.
ام ادم...بالله عليك اريد اسالك سؤال.
ادم...سألي.
ام ادم...راح تظل هيج.
ادم...لا مراح اظل هيج، بس من اريد اتزوج عود اتزوج، مو هسة، اني مو مستعد...حاليا ما اكدر اتحمل مسؤولية اثنين نسوان.
ام ادم...اذا طلكها.
ازهار...شنووووو!!!...
ام ادم...يطلكها.
ازهار...ليش يوم تحجين هيج، ليش؟...البنية شسوتلج، قابل بيدها الي صار وياها، زين منها عايشة وتدجر النفس لحد هسة، بعدين رفض ادم للزواج الثاني مو صوجها، صوج ادم الي ميرضى...
ادم...باعي لج ازهار، باعي يوم، بعد اي واحد منكم ما اسمحله يتدخل بحياتي وبحياة نور، تركونا براحتنا، وطلاك ما اطلك، وزواج ما اتزوج هسة، فهمتو لو اعيد؟؟؟...
******************************
بعد مرور مدة من الزمن...
نور...ولج ازهار مظل شي العيد زواجنا.
ازهار...اي.
نور...وج دا افكر بشي.
ازهار...شنو؟...تقتلين ادم؟.
نور...هههههه سكتي لج خليني اكمل، رجاءا بلا متصيرين كونان النسخة النسائية.
ازهار...ههههههه ماصير كونان، انتي بس احجي.
نور...اريد اسوي مفاجئة لادم بعيد زواجنا، يعني اريد اروح للصالون، اعدل شكلي، اصبغ شعري، اشتري ملابس جديدة، اغير ديكور الغرفة، اسويلها جو رومنسي، وكذا...
ازهار...العب العب، وشنو المطلوب مني.
نور...كونج صديقتي وحماتي لازم تساعديني.
ازهار...غالية والطلب رخيص.
نور...
قريب عيد زواجنا كلش اني وادم، حبيت اغير من شكلي شوية، اصبغ شعري، اكصه علموديل الجديد، اشتري ملابس جديدة، ومن هاي الامور، كلت لازم اتخذ خطوة نحو التغيير، بكلت يتعدل حالنا، بهل فترة حجيت وي ابوية يحجي وي ادم ويتقنعه انه يكله حل لمشكلتنا، نتبنى او اي شي، و ابوية وعدني يحجي وياه، بيوم عيد زواجنا الصبح، كبل منروح للصالون اني وازهار، دك موبايلي...
ام ادم...نور، نور، تعاي صوت موبايلج.
نور...اي اجيت، اجيت...
هلا يابه شلونك.
ابو اسيد...زين الحمدلله وانتي؟.
نور...زينة.
ابو اسيد...راح احجي وي ادم هسة.
نور...بكيفك بابا، انت تصرف بألي يعجبك.
ابو اسيد...يالله بنتي، راح اروحله واحجي وياه.
نور...الله وياك.
******************************
ادم...هلا عمي شلونك.
ابو اسيد...زين وانت.
ادم...الحمدلله، شلونها عمتي واسيد.
ابو اسيد...الحمدلله، زينين يسلمون عليك.
ادم بضحك...شعجب جايني، واخيرا شفتك مشرفني للجامعة.
ابو اسيد...والله يا ابني تدري بيا اشغالي، بعد مفتحت محل الاقمشة، ومديصير بيدي وكت، بعد مطلعت تقاعد مليت شوية، وانت رجال وتدري، بعد ولا واحد يريد يظل بالبيت.
ادم...صح والله...الله يقويك...شتشرب عمي، جاي كهوة، شي بارد.
ابو اسيد...ماريد اشرب شي والله وتسلم، اجيتك بموضوع وما اظن تردني.
ادم...تأمر امر انت.
ابو اسيد...ميأمر عليك ظالم...
ابني انت ونور متريدون تكلون حل لمشكلتكم.
ادم...اي مشكلة.
ابو اسيد...موضوع الانجاب.
ادم...حاليا لا.
ابو اسيد...ليش يا ابني، ليش يروح شبابكم هيج، كافي يا ابني، ترا نور كلش تعبانة، وتريدلها شخص يونسها، صح هي تشتغل وتكضي وكتها، بس يا ابني نور تريدلها ونيس وياها، وهذا الونيس هو طفل، طفل تربيه وتكضي وكتها بي.
ادم...عمي هذا الموضوع مو وقته.
ابو اسيد...لا وقته.
ادم...عمي...
هو اني بنور وممخلص، تردون تجيبولي مره ثانية، تكفيني دوخة الراس الي عندي.
ابو اسيد...لا يا ادم لا، هسة نور صارت دوخة راس.
ادم...عمي هذا الي عندي...
بس نور الي كلتلك تحجي وياي، مو؟.
ابو اسيد...نور وضميري رادوني احجي.
ادم...يصير خير يا نور، يصير خير.
ابو اسيد...يالله ابني انا استرخص.
ادم...الله وياك عمو.
**************************************
نور...
جنت كاعدة بالصالون اختار لون الشعر والقصة الجديدة، ولا مهتمة للي راح يصير وياي بعدين، فرحانة والبسمة مرسومة على وجهي، معرفت انه هاي الابتسامة راح تكلب الى دموع، مرت ساعات وكملت نفسي، رجعت للبيت وصعدت فوك، وكفت كدام المراية العمودية، شفت نفسي اخبل، اني وشعري ومكياجي وكلشي بيا حلو، كلت بيني وبين روحي، يا بخت يا ادم بيا، جبت شموع وعلكتهن، بدلت ملابسي بملابس نوم، وتعطرت وعطرت الغرفة بمعطر جو، طلعت جني عروس جديدة وطلعت الغرفة جنها غرفة عرسان جداد، وصلت للحظة الحاسمة، طب ادم للغرفة، شافني وانصدم...
ادم...هاي شمسوية.
نور...تغيير، اكلك ادم، اليوم بيش يذكرك.
ادم...ميذكرني بشي.
نور...فكر زين.
ادم...كتلج ميذكرني بشي.
نور...اليوم عيد زواجنا.
ادم...اوووو، اسف نسيت.
نور...يالله مو مشكلة، على كل خلينا نعيد نفس الاحداث ونركص على اغنية سمعني نبضك.
ادم...ماشي.
نور...
طب ادم للغرفة حسيته ضايج مني شوية، ناسي عيد زواجنا، نقهرت شوية، بعدين كلت ميخالف، شغلت اغنية سمعني نبضك، وكمنا نركص سلو، ونحنا دنركص حجا ادم...
ادم...نور، اكلج.
نور...كول حبيبي.
ادم...انتي حاجية وي ابوج يجي يحجي وياي بموضوعنا.
نور...هاااا.
ادم...لتغيرين الموضوع وتتفاجئين، احجي.
نور...بصراحة، اي.
ادم بصياح وطفى الاغنية...انتي منو كالج تحجين وي ابوج وتكليله.
نور...على كيفك ادم.
ادم...لا مو على كيفي، جم مرة كتلج مشاكلنا متطلع برا الغرفة.
نور...مطلعت، بس اني حجيت وياه لان مليت ضجت، مضلت سالفة وحل مكتلك عليه، ومقبلت، شسوي، ترا من حقي اصير ام.
ادم...مليتي!...ضجتي!...
نور...اي نعم.
ادم...نور اقصري الشر، وسدي السالفة، بعدين نحجي.
نور...لا مراح اقصر الشر واسد السالفة، مو تحجي وياي بنتر وترديني اسكت، كافي عاد، اني هماتين بشر وعندي مشاعر واحاسيس، كافي ادوس على كلبي، مهمك كلشي سويته اليوم، بس تريد عراكات براسي.
ادم...نور الصمي لا اسوي شي ميعجبج.
نور...سوي.
ادم...انتي طالك.
نور...
اطلكت، من سمعت الكلمة ضحكت مثل المجنونة، لا مستحيل، حب عمري مستحيل يسويها ويطلكني، لا لا، ماكو هيج شي، شقه بس مو اكثر، بعدين وعيت على روحي، اني اطلكت، كمت وبلا وعي، لمت ملابسي واشيائي ونزلت للشارع، ادور على سيارة تكسي توصلني لاهلي، جانت الساعة 11 بالليل واني وحدي مريه ماكو بشر وياي، صعدت بالتكسي، وصلت لاهلي، دكيت الباب.
ام اسيد...منو.
نور...اني نور.
ام اسيد...هلا بنتي هلا، شجابج هسة مو على اساس راح تسوين عيد زواجكم، طبي يمه طبي.
ابو اسيد...هاي اشجابج...ادم وياج؟.
نور...لا، اجيت وحدي.
اسيد...شلون تجين وحدج، باعي الساعة.
اية...هاي شبيج نور، شو ايجيتي هسة، وليش جايبه جنطة السفر مالتج.
ابو اسيد...احجي.
نور...اني اطلكت.
الكل...شنووووووو!!!...
يتبع...
1188 كلمة...