منقوووووووووووووله
للكاتبة سمية الدرناوي
صــــرخة عـار
الحلقة 9
انا -:قصة ايش؟؟؟
صالحه:-حواء ما فيش داعي للاستعباط لأن لمياء حكتلي كل شئ الموبايل الطلعات الارواب.
أنا:-كيف مش من حقي نطلع انفس عن نفسي،،مش من حقي نمشي لسوق زيي زي باقي البشر مش من حقي ندير موبايل وصحبات.
ولا خلاص نسيتوا أن في شئ اسمه حواء.
ما يكفي أن كل شبابي مر قدام عيوني زي الكابوس .
وقعدت نبكي.
وقفت صالحه:-اوووووف وخلاص عليك كدر.
صبي صبي يا لمياء.
وقفت لمياء وطلعن......
سمعت أمي نفسها أعلي وقفت نجري جبتلها اميه وقعدت جنبها.
أمي:-حواااااااء ،حوويوه.
كنك يا بنيتي؟؟؟؟
أنا:-كني؟؟؟؟
ما كني شئ؟؟؟؟؟؟؟
أمي:-اسمعي صح أنا منشله وعندي الصرع وما غايب علي مرض.
بس عقلي مش مريض ووذاني مش مرضه مزلت نسمع ونفهم.
كنك تبكي؟؟؟؟؟
ايش قالنلك صالحه ولمياء؟؟؟؟؟
أنا:-وقت دواك توا نمشي نجيب اميه.
ووقفت نجررررري نتهرب منها..
قعدت في منور الحوش محتاجه نشم هواء قريب ننخنق.....
كتبت مسج لي نزار على الشوق والحنين.
ارسلي مسج يذكر في على موعد بكررررره.
مش عارفه شن ندير لو قلت باه قد نسبب الروحي مشكله خاصه ان لمياء وصالحه شاكات في.
وشافن فضايحي..
ولو قلت لا حيزعل نزار ويسيبني ونرد زي ما كنت انسانه تافهه ووحيده وامعفنه....
في الليل بككككككل جاء راجل صالحه وروحت معاه..
وقعدت أنا على لبسه من لمياء كويتها ورتبت اموري ..
طبعاً في الفتره الأخيرة زاد اهتمامي لنفسي ندير في كريمات ومرطبات قبل ما نرقد.........
في اليوم الثاني شعيب خذا زوجته لهلها لأن أمها كانت قابله وهي يلي تبي تولدها.....
فرحت هم وانزاح تقول أنا راجلها خايفه من طلباتها وحمها كله جاء على راسي..
نهيت أمور أمي والحوش،،،وخشيت تلبست وتشيكت على الأخر.....
طلعت لقيت بوي في الصاله.
بوي:-ووووووين وين؟؟؟؟
لا عد حشم لا جعره طالعه هكي تقول سايبه.
أنا:-لالا يا بوي كنت جايه بنقولك في وحده صاحبه إسراء عرفتني اسراء عليها فرحها قريب نبي نمشي نشري دبش عشان نقدر نحضر....
بوي:-ما نبي نحرجك قدام جارتك بس اعتبري أن هذين المشوارين السوق وفرح البنت أخر مشوارين.....
بعدهااااااااااا والله ما عد لك طلعه...
مسؤلياتك واجد مانك ملحقه وأنتي قاعده يابال ادوري.
اطلعي من قدامي.....
طلعت وأنا قلبي يدق وخايفه على الاخر......
مشيت دقيت على حوش اسراء وأنا مزلت نرتعد من الخوف.
كيف يعني معش نشوف نزار؟؟؟؟؟
بس هو مستحيل يرضى؟؟؟؟
اكيد توا يسيبني.
ونرد وحيده لا ياربي لا.
طلعت اسراء وكالعاده مشينا هي مشت لحوش هلها وأنا وقفت بعيد نستنى جاء نزار ومشينااااااااا...
طول الطريق فاتح أغاني وساااااااااكت ويحرق في دخان..
أنا:-نزار كنك؟؟
نزار خبط يده في باب السيارة بقوة:-اسكتتتتتتتتي.
منبش أي صوت.
أنا سكتت ومعش تكلمت خفت نتكلم يزعل ولا حاجه....
جينا لشقته نزلنا وخش خشيت وراه وراسي لوطا.
ماني عارفه قدامي من وراي.
ولا عارفه ربي بيش باليني.
نزار كنه؟؟؟؟؟؟؟؟؟؟؟؟؟
شن صاير في العالم؟؟؟؟؟
حتى اسراء كانت طول الوقت ساكته وراقيله؟؟؟؟
شنو في؟؟؟؟؟؟
طبق باب الشقه بككككل قوته ومشى جوا لدار النوم وسيبني بروحي نضرب قي اخماس باسداس..
قعدت على كرسي في الصاله ويدي على خدي..
ما ناقصني هم ولا ناقصني نكد ما يسد بوي يعني يا نزار...
قعدت ماده وجهي بروحي قريب نص ساعه في الصاله ونشم في رائحه دخانه وصوته يكح...
بعدها جاء للصاله ووجه عابس ومنظره
يخوف:-فيش اديري انتي هنا؟؟؟
أنا وقفت وأنا خايفه:-قصدك نطـ نطلع.
نزار فنص في:-الحقيني.
مشى ومشيت وراه لدار النوم عزق روحه على السرير وشيرلي:-تعالي جنبي.
أنا مشيتله:-كنك متعقد طمني؟
نزار:-متعارك مع واحد صاحبي.
شخبارك؟؟؟؟؟
أنا:-تمام بس في مشكله.
نزار:-شنو هي؟؟؟
أنا:-بوي قالي معش في طلوع بكككككككل.
نزار:-بكل بكل قصده.
أنا:-انا قلتله نبي نمشي للسوق عندي عرس صاحبتي.
قالي عدي السوق والعرس بعدها انسي.
نزار:-ساهله مش مشكله.
أنا:-كيف مش مشكله؟؟؟؟؟
معش نشوفوا بعضنا يعني؟؟؟؟
نزار:-لالا من يلي قال هكي.
أنا:-ها شن نديرو.
نزار:-خليها في وقتها.
توا تعالي جاي،،،،،،،،،
قربت منه وقرب مني وتعمقنا ونسينا ارواحنا مشى الوقت مش عارفه كم ساعه في ساعه وأنا مش حاسه بروووووووووووحي...
ختمت بأني قاعده في زاوية الدار ونبكي حي عليك يا حوااااااء حي على شرفك وشرف هلك يلي مشى في شربة اميه.
نزار وهو يلبس في دبشه:-تي هيا خليني نوصلك تأخرنا...
أنا:-حي عليا شن ندير كيف نقابل هلي؟؟؟؟
كيف نحط وجهي في وجه بوي وخوتي؟؟؟؟؟
نزار:-اولها على اخرها نبو نتزوجوا نحنا.
هيا الله يربحك عطلتيني...
مسحت دموعي ووقفت لبست وطلعنا...
جيت للحوش لقيت بوي والصابر في الصاله.
بوي:-الحمدلله على السلامه .
هذا كله سوق؟؟؟؟
بس الغلط مش فيك في أنا يلي سمحتلك من الاول بالطلوع.
الصابر:-خشي خشي.
واسمعي ره من اليوم وغاااااادي ادوسي باب الحوش والله نوريك.
شنو هذا؟؟؟؟؟؟
سوق سوق سوق يومياً.
والله قصه يا بوي سهام لها ساعه تبي تمشي لهلها والابله هذي معطلتنا.........
يــتــبــع ......
فـوت ⭐
تعليق 💭