(اعذروني عالتاخير بتنزيل البارت 16 ولو هو متابعين القصة كلش قليلين وماكو تفاعل...
بس اريد استمر بالقصة واريدكم تتحمسون للنهاية الغير متوقعة.....
ما اطول عليكم.....
اخليكم ويا القصة.....
ويا ابطالنا ادم ونور.....
بس قبل ما اترككم وياهم.....
دوسو النجمة الموجودة جوا👇👇👇.....
وعلقووووو.....
وسوو تاك لشخصين حتى تزيد مشاهدات القصة واتحمس وانززلكم اكثر واكثر.....)
-هلا يوم شلونج....والله خوفيتني عليكم كتيلي تعالي اريدج بشغلة ومضل عقل براسي، شبيكم؟
- مبينا شي تعالي عندي وياج موضوع.
- يمه هسة لي لو تكليلي شنو هذا الموضوع.
-اي صبري عليه...خل نفوت للمطبخ واحجي وياج.
-يالله نفوت ماظل عقل براسي...
-يمه...اجو جماعة يخطبون اختج نور...
-منو همه؟.
-تعرفيهم انتي...تعرفيهم.
-منو؟.
-اجو يخطبوها بيت صديقتها ازهار.
-المن؟.
-لادم.
-شنوووووووووو!!!!!
-شبيج يمه شو تفاجئتي.
-هااا....لا...اي لا...اقصد تفاجئت يعني... اي.... والمطلوب مني.
-يمه ترا اختج تجبها قسم ومتقبل،،،اختج حيرتني والله...قبل فترة اجا خطبها وليد ابن ام اكرم... خطبها...ومقبلت...رفضته بحجة صلت ومرتاحت...وهو خوش ولد وما عليه قصور،يمه ترا اختج متريد تتزوج ومعنده، وهسة اجا ادم يخطبها وانتي تدرين باخلاقهم، ويمكن تتذكرين من اجا فزعلكم بالمول قبل 8 سنوات، واخته شلون اخلاق عليها، يمه اختج ترا متعبة...اريدج تقنعيها...واني بالاصل خايفة عليها لايكون هي متريد تتزوج من ورا قضاية الطلاق التجيها، يمه ترا القسمة الزينة مو كل يوم تجي...واني اخاف على اختج من عوجات وكسرات الزمن، ترا اني وابوج مدايميلها، وحتى انتي واخوج من حقكم تشوفون حياتكم، والزمن يمشي ومندري بي، والمره ما الها الا زوجها وجهالها.
-اي يمه يصير خير...اني هسة اكوم احجي وياها.
-لا هسة كوبل...انتظري تنزل من غرفتها وسلمي عليها وكليلها اشتاقيتلكم اجيتكم وتصرفي وياها بشكل طبيعي.
-حاضر يمه.
اسيا...
امي اليوم اتصلت علي كالتلي اريدج بموضوع مهم تعالي، اني لهنا مبقى عقل براسي، خفت لايكون صايرلهم شي، بدلت اني وبدلت لودق وجابني يزن لبيت اهلي، وهنا نصدمت....
ادم خطب نور!!!!!
وهاب جانت تحبه كبل، وبعدتها عنه، وهسة رادها من صدك، والصدمة الاكبر انه امي تريدني احجي وي نور واقنها توافق،واني بالاصل بعدتهم عن بعض.
-اسيااااااااا....انتي شجباج.
-هو الي يروح لناس يكلوله انت شجابك...لو يكلوله هلا بيك نورت....
-اي متفاجئة من جيتج....يا هلااااااااا.
-على العموم، بالمهلي.
-شلونج.
-زينة....وانتي؟
-بخير.
نور...
جنت نايمة وكعدت ونزلت جوا وشفت اسيا موجودة وبصراحة تفاجئت...اسيا متجي هيج اوقات اسيا تجي من الصبح لليل متجي العصر، عرفت منها اجت وراح ترجع بعد شوية يعني مراح تظل لليل، كالت حتى عشا مراح تتعشا يمنا...اخذتنا السوالف وكمنا نضحك ونرجع ايام كبل اني وهي واية وامي كاعدة تباوع للتلفزيون هي تتابع مسلسل مصري، بعدين كالت اريد اطلع لغرفتج الكه شال لفستاني الي راح البسه بالمهر مال ابن عمة يزن، كتلها تعاي نصعد،وصعدنا.
-وج طلعيلي شال سادة يرهم وي الفستان لان الفستان مشجر الكيبور مالته.
-صار....هاج اخذي شوفي هذا.
- لا لتنطيني اسود ماحب الغوامق....واصلا الفستان مبي اسود.
-صار.
- هاج...هذا زهري فاتح.
-اي هذا يرهم.
-هاج اخذيه.
-اكول نور.
-كولي.
-سمعت بادم اجا يخطبج.
-اي.
-وشنو رأيج؟.
-مادري...بس 50% لا.
-لييييش؟ خوش قسمة.
-اسيا هاي شبيج...فقدتي ذاكرتج؟.
-لا مابي شي.
-اسياااااا،لتجننيني...مو هو جان صايع وابو بنات وصاحب كيف.
-نور...اول شي اهدي ولتصيحين،ثاني شي عندي موضوع وياج،ثالث شي اريدج توعديني لا تصيحين ولا تطلعين هذا الحجي برا الغرفة ابداااا لو شما صار،اريدج توعديني وعد.
-احجي عاد فضيني.
-اوعديني.
-اوعدج عاد فضيني احجي.
-نور ترا اني جذبت عليج.
-بشنو؟.
-نووور....ترا ادم مو هيج...ادم واحد كلش مؤدب، وهذا الحجي الحجيته الك كله جذب، هو لا متحرش بيا، ولاشي، ولا عنده سوالف وي البنات، ولا بعمري شفته وي بنية، ولا شفته بكليتي اصلا، ولا فد يوم لكفوه شارب ومن هالامور، ادم مو هيج، نووووور...اني جذب عليج سامحيني فدوة.
-هششششششششش...هششششش...ما اسمع نفس منج...هشششششش،ولج الله ينتقم منج ليش كسرتي خاطري،الله ينتقم منج، ولج انتي همين تعتبرين اخت...
-نور بس خليني ابررلج.
-هشششششششش انجبي وانطمي احسنلج...طمي راسج بالتراب حقيرة...ولج انتي شهرتي واحد بتهمة غلط وحرام...ولج انتي تهمتي بالزنااااااا...بالشرب...بالسفالة وقلة الحيااااااااا.
-نور نصي حسج ترا محد من اهلي يعرف بالموضوع.
-هم زين...هم زين...بس لا تخافين اني راح انزلج شحط من الدرج واككلهم هاي بتكم...هاي التحجي عالناس جذب، واخليهم هم وزوجج يعلموج ويتصرفون وياج.
-لااااااااا لااااااا لا فدوة نور لا لتسوين هيج.
-كولي شجنتي مصخمة ويا ثولة.....(عطت بيها)...احجييييييييييييييي.
-والله ممسوية شي بس خليني اشرحلج، والله ممسوية شي بس خليني اشرحلج اوكفي.
-انجبي احجييييييي.
-نور...لمن جنتي طالبة اعدادية مرة من المرات اجا يوصلج للدوام...واني شفتج شسويتي، مكياجج وحركاتج، اني خفت عليج...انتي جنتي مراهقة...مراهقة متعرف الصح من الغلط...ينضحك عليها بكلمتين، واني خفت عليج وهذا من حقي، فالنفرض انتي حبيتي وهو حبج وصار بينكم حب وغراميات، ولكفوج اسيد وابوية، شراح تسوين...
نور...انتي شما بسرعة نسيتي منى...
نووور شبيج...
نور انتي شما بسرعة نسيتي منى بنت عمج...شما بسرعة نسيتي منى والصار بيها، لكفوها وي واحد جانت تحجي وياه بالجامعة كامو بطلوها وزوجها لشايب غصب، وهي حلفت ممتقربلها وممسويلها شي، نور...
ترا صح بابا منفتح ويحب الحرية، بس عندا سوالف الحب والغرام خط احمر...
اني خفت عليج ليصير بيج مثل منى، ويصفى حالج مثل حالها، صدكيني اني مجان عندي شي وياه،بس لني خفت عليج وهذا من حقي.
-وج تدرين انتي شسويتي بيا،اول شي من سمعت بحجيج تمرضت وانتي تعرفين بوكتها اني وصلت للموت، ثاني شي انتي خليتيني افقد الثقة بي وبكل الرجال، ثالث شي قبل متتزوجين خطبي وحجه وياي واني رفضت، تدرين لوما انتي حاجيه هالحجي وياي جان اني وهو هسة متزوجين وعدنا اطفال، تدرين انه انتي خليتي سنيني تروح هباء واني احبه وضامه بكلبي.
-ادم تقدملج؟.
-اي...اي تقدملي ورفضته.
نور...
انصدمت...
كل الحجي الي سمعته من اسيا عن ادم جذب بجذب، اني ضعت...اي ضعت، ضعت مابين خجلي منه ومن تصرفاتي الجامده وياه ومابين حبي اله، من اشوفه ويحجي وياي جنت اعامله باحتقار،جنت اظن هو وغيره من اسباب التخلف والجهل بس لا...هو مو هيج،اذا سالوني اهلي عن قراري مراح اعرف شجاوبهم...
ضليت اني حايرة بحياتي ودايخه بسبب حبي لشخص ظلمته هوااااي، بس خايفة من جوابي اذا واحد سالني عن قراري...
ظليت افكر وافكر لحد ما تعب التفكير مني وما تعبت منه...وامي نادتني...
-نووووووور...نوووووووووور.
-(نادتني امي وحطيت شالي على راسي لان يزن موجود ونزلت)اي يوم...
-نوارة سلمي على يزن لان اجا...طبي سلمي عليه لان هو وابوج واسيد بالاستقبال.
-حاضر....
(طبيت للاستقبال)
-هلاااا هلا بابو ودق شلونك.
-هلا بنور هلا زين والله الحمدلله، انتي شلونج.
-بخير والله.
-الاب...يابه خلي نطلع للصالة هنا صارت باردة كولش.
-يزن صار عمي.
(طلعنا للصالة ولاكينا اية وامي واسيا ديحضرون العشا)
-الاب...نور بنتي، شتكولين على ادم.
-والله مادري بابا بكيفك انت.
-ماكو هيج شي بكيفي ما بكيفي، اني انتطيج رأيي بس لان هو خوش ولد والنعم منه وانت اختاري،بس اذا اخلاقه مو زينة مننطيج.
-والله بابا بكيفك اذا انت موافق ليش لا.
-بنتي اني اريد اسمع الموافقة منج...ولا تخجلين لان الموضوع مبي خجل.
-اني موافقة
-اي عفية بنتي علخير علخير
-الام...الف مبروك بنتي يوم الافرح بيج عروسة.
-اسيد...مبروك نور مبروك.
-مبروك خيتي مبروك تستاهلين كل الخير
-اية...الف الف الف مبروك حياتي نوارة الف مبروك.
-نور...الله يبارك بيج...الله يبارك بيكم كلكم.
-اسيا...مبروك نور.
(سكتت وباوعتلها بطرف عيني)
-نور...شكرا.
-يزن...يالله اسيا البسي شالج دنرجع.
-الاب...لا ماكو هيج شي، اليوم عشاكم يمنا.
نور...
مادري شلون طلعت مني كلمة موافقة، وكانه مو انا الححيت وكلت موافقه، عبالك شخص غيري...
اهلي فرحو وباركولي...
واسيا همين، بس رديت عليها بنتر، وكلت بيني وبين نفسي مستحيل اسامحها، تعشينا ولمن راحو سلمت عليا وبوستني واني مرديتها بالعكس بوستها وحضنتها وما صديتها عني...
اني هذا طبعي، اول خمس دقايق اغضب واحقد عالشخص...بس بعد الخمس دقايق يبرد كلبي واسامح وكانه ماصار شي...
واني ما ادري اذا هذا الصبع جيد او سيء...
انتظروني بالبارت الجاي حبايب❤❤❤.