بعد مرور عام:-
-نور...نور.
ـ ها اسيد شكو؟.
ـ وج طلعت نتائجكم...طلعت نتائج السادس الاعدادي.
ـ نور بخوف:ـ صدگ...گول والله.
ـ والله قابل اچذب عليچ.
ـ يالله...يالله.
ـ انتطيني الرقم الامتحاني والمدرسة بسرعة.
ـ اكتب يمك...المدرسة(......) الرقم الامتحاني(......).
ـ هسة اطلع النتيجة.
بعد خمس دقايق...
ـ نور هياتها نتيجتج.
ـ اسيا...يالله.
ـ الام...ولك يالله اسيد البنية راح يغمى عليها.
ـ اسيد...وج معدلج يقبل كلية قانون...معدلج( ).
ـ نور...الف الحمدلله والشكر...احمدك واشكرك ربي تحقق حلمي.
ـ اسيا...مبروووووك محاميتنا.
ـ الام...مبروك بنيتي مبروك...الف الحمد والشكر الك ربي فرحت بنتي.
ـ نور...الله يباركلكم...اسيد طلع نتيجة ازهار.
ـ صار انطيني الاسم.
ـ نور...اسمها (ازهار.....) والرقم لحظة اصبري افوت للفايبر لان دازتيلياه بالفايبر...سجل يمك(······).
ـ اسيد...ييييي عفية عليها همين خوش معدل مطلعة(····).
ـ نور...الف الحمد والشكر الك ربي فرحتنا...الف الحمدلله والشكر.
نور:-
مرت سنة كاملة على شوف ادم، ماعرف عنه شي، طلعته من گلبي، لان ماريد اشخاص مثل ادم تسكن گلبي، وبدا الدوام، داومت سادس ادبي وحطيت هدف ببدالي انه احقق حلمي وافوت كلية قانون، والحمدلله معدلي يقبل كلية قانون، بالنسبة لاخوي اسيد اتخرج، وبالنسبة لاسيا فهيَ هاي السنة تداوم سنة ثالثة كلية تربية رياضية، سمعت من ازهار انه ادم طلع من العشرة الاوائل عالدفعة، وراح يتعين مدرّس تاريخ، يعني راح يتعين بمجال دراسته، بس هو شلون يگدر يطلع من الاوائل اذا هو گاضي كل وگته يلحگ ورا البنات، اكو شي مو تمام بالموضوع، لحد الان اتذكر صورته من چنا بالمول وشلون تكاون علمودنا، معقولة هيج؟؟؟؟ المهم...اني بعد مال الي دخل بي، طلعته من گلبي، وينجاز بأمره، مثل ما يگولون...دع الخلق للخالق.
أدم:-
مرت سنة على شوفتي لحبيبتي، وسمعت النتائج طلعت مال السادس، وسمعت من ازهار انه نور ناجحة ومطلعة معدل تنقبل بي كلية قانون، لان اني اعرف انه هي تحب القانون، فدوة اروحلها بنت گلبي، والحمدلله اختي ازهار نجحت وطلعت معدل يقبل كلية تربية، حجيت ويا ازهار تروحلها بلكت اشوفها نشتاقلها بعد عيني:-
ـ روحي احجي ويا نور استرخصيها تروحيلهم، ادري بيج ضايجة من البيت والگعده بي.
ـ هاي منيلك هاي النخوه اطلعني وتوديتي، انت من تودينا لمكان تشلع گلوبنا.
ـ مو صوچچ صوچي اني، هاي هيَ ما تروحين بعد.
ـ لا لا هاي هيَ...اروح احجي وياها.
ازهار:ـ
حچه وياي ادم گلي استرخصي من نور تروحيلها، ادري هاي مو عوايده، وهو من نروح بمكان يظل ياكل بگلوبنا اذا راد يوصلنا، بحكم هو اخوي الجبير وهو الي يودينا ويجيبنا لان ابوية متوفي، واخوي رائد صغير بعده...مسكت الموبايل ردت احجي وياها عالرصيد...ودگيت ونفتح الخط:ـ
ـ هلاو نور...شلونچ.
ـ هلا زوزايه بخير وانتي؟.
ـ بخير الحمدلله...اكلچ نوره.
ـ شكو حبي.
ـ هذا ادم گالي روحي على نور...وهو يوصلني، انتم موجودين بالبيت؟.
ـ يا هلا بيچ حبي، ياهلا....اي موجودين.
ـ يالله استرخص اني اروح ابدل ومنا وساعة اني يمچ.
ـ يالله باي.
نور:ـ
سمعت من ازهار راح تجيني وفرحت، سمعت ادم راح يوصلها، وانا جمدت بمكاني من سمعت باسمه، رحت على امي كتلها ازهار راح تجي اني اطب للحمام اسبح وابدل واذا اجت انتي فتحيلها الباب، كالت خوش يا هلا بيها...وفعلا ما كذبت خبر طبيت للحمام سبحت وتاخرت حتى ما انحبر افتحله الباب اني، وطلعت من الحمام واجت ازهار وظلنا نسولف.
ادم:ـ
وصلت ازهار يم نور واني ادعي اشوفها نزلت نور دگت الباب طلعت امها، وگالتلي تفضل، كتلها لا خالة تعيشين والله ما اكدر، واني بگلبي اريد افوت واشوفها، رحت من يمهم وتمنيت اشوفها، فد ساعة ونص ساعتين رجعت اخ ازهار، ودكيت الباب وما طلعت هي طلعت امها همين، اوووف يربي هاي مرتين ما اشوفها، الي يشوفني يگول مراهق بس اني ثگيل ويا الگُل صخ اتشاقه بس كلشي بحدود، والي يتجاوز حده هاي الي الله كتبها عليه.
بعد مرور شهر:ـ
ـ باباتي نور طلعت القبولات مالتكم.
ـ اي بابا بشر.
ـ باباتي طلعلج قانون جامعة الموصل.
ـ يبوووو، هاي شيوديني للموصل.
ـ سهلةبابا، تروحين تسكنين يم بيت خالتچ يسرى بحكم هي بس عدها بنات ورجلها جبير وانتي مثل بناته.
ـ اي بابا بس اني راح اترككم.
ـ يا بابا قابل راح تعوفينا طول العمر؟، هي راح تجينا كل فترة وفترة وانتي تريدين قانون شسويلج بعد.
ـ اوك بابا.
نور:ـ
سمعت من بابا انه اني راح اروح للموصل يم خوالي لان ماما مصلاوية، كلش متحمسة للموصل، بس بنفس الوگت ضايجة شلون راح اعوف امي واختي واخوي وابوي، شلون راح اعوف عائلتي، بس بابا هدّاني من گالي تجين بين فترة واللخ لبغداد، وكلش فرحت، وبعد اسبوع ان شاء الله اروح لبيت خالتي.
سؤال اريد تجاوبوني عليه بكل صراحة...
تحبون الموصل؟؟؟؟
رايحين للموصل قبل؟؟؟؟
شنو اكثر مدينة بالعراق تحبوها؟؟؟؟
اريد الجواب بصراحة....
لاتنسون التصويت والتعليق والتاك.