♣︎✺⋘⊰..﷽..⊱⋙✺♣︎
بِقلـمہ ألـﮏأِِتًبِة {ذأِِتً ألـقلـمہ ألـمہجٌروُـحّ}
" أﺳﺎﻣﺢ ﻷﺭﺗﺎﺡ ، ﻭ أﺗﻨﺎﺳﻰ ﻷﺑﺘﺴﻢ ، ﻭ أﺻﻤﺖ ﻷﻧﻲ ﻻ ﺃﺭﻳﺪ أن أﺟﺎﺩﻝ ، ﻭ أﺗﻐﺎﺿﻰ لأﻥ ﻻ ﺷﺊ ﻳﺴﺘﺤﻖ ، ﻭ أﺻﺒﺮ ﻷﻥ ﺛﻘﺘﻲ باﻟﻠﻪ ﻟﻴﺲ ﻟﻬﺎ ﺣﺪﻭد .. "
👤وطلعت من غرفة المدير وكدامي استاذ رامي وانه امشي والتفت يمنه ويسره واشوف الجامعه وبيني وبين نفسي
لارين : (يعني لو نص ياخذو يبنون بي مستشفى مو احسن يعني مبالغ بي كبرها اف اشكد يبذرون)
رامي : (طلعت من الغرفه وهيه وراي تمشي وانه مشيت وكلت هسه اكيد تحجي وياي او تتحارش بكلامها كل البنات نفس الشي وفجأة سمعت كلام كلت هاا مو كلهن نفس الشي مو اكول انه حلو وكلت خليني انتبه شنو تسولف)
لارين : (ومن يبونون المستشفى انه اصير بيها طبيبه بس لازم اخذ اذن من المدير وافلش نص الجامعه واكلها نصها الك ونصها اصير مستشفى هذه احسن حل حتى نصير اقتصادين )
رامي : (خرب حضي 😰 ولك رامي انضربت بوري انه حسبالي تزحف الي طلعت تزحف للمدرسه 😂😂انه اريد الزم ضحكتي مااكدر 😂)
لارين : استاذ استاذ رامي
رامي : (اي ولك بدأ الزحف ان كيدهن عضيم كلهن نفس الشي )نعم لارين
لارين : استاذ هذه مو هو قسم الطب مكتوب فوك ليش انته طالع لكدام
رامي : هاا اي يالله خلينه ندخل ( 😂😂ياوالقسمه هذه البوري الثاني اضحك على روحي لان تيهت لو ابجي لان بدقيقه اجاني بوريين وها البواري من بت مو ولد 😂)
👤دخلت للمحاضره وهوه دخل وراي وسلم على الطلبه وكال لارين كعدي يم نسرين وانه اشعرفني بنسرين اشو المدرس امطفي بساع تيه وهسه صدك مطفي بس بعدين وكفت طالبه وكالي هاي نسرين روحي كعدي يمها وانه رحت كعدت والاستاذ بدا يتكلم
لارين : هاي نسرين
نسرين : هايات ياله كعدي
رامي : نبدا بتدريس المحاضرات واريدكم اتابعون وياي يعني اريد اطلع اطباء منا سمعتوا
الكل : نعم استاذ
رامي : راح اعرفكم عن نفسي .....
👤ضل يحجي وعرف عن نفسه وكال عمره انه ردت افطس من الضحك هذه بعمر جدي بس والله ماابين اعلي حسبالك طالب المهم هو الدرس شنو خلينه انتبه لدرس
خلصت اول محاضره والكل طلع من الصف وانه ضليت كاعده
نسرين : لعد مطلعين
لارين : لا ...اريد اكتب كم ملاحضه واطلع
نسرين : اوك بس ممكن اعرف اسمج
لارين : اسمي لارين
نسرين: تشرفت بمعرفتج واسمج كلش حلو
لارين : وانتي الاحلى الشرف الي
👤خلصن المحاضرات والحمدلله مااكو واحد ادخل او واحد سمعني كم كلمه اكيد كلهم يخافون من عندي اشوكت الاخ يجي مو انصمطت من الشمس
رن .......رن .......يرن
لارين : الوو ضياء وينك
ضياء : ولج والله الشغل لراسي واصل انه انطيتج فلوس ركبي تكسي ورجعي للبيت
لارين : ولك صدك تحجي وتدري بيه اكره اركب تكسيات
ضياء : لخاطري بس هاي المره ولج الشركه مخبوصه يمي
لارين : اوك افتهمت
ضياء : لزعلين حبي بس تعرفين شغلي
لارين : اوك مزعلت يلا اخرتك مع السلامه
ضياء : الله وياج وانتبهي على روحج
👤اووف يضياء شسوي بيك خليني اطلع بلكي سيارات يوكفن اشوفلي وحده اطلع بيها وفجأة وكفت كدامي سياره حديثة واجنن
رامي : خلصت محاضراتي وردت اطلع للبيت
المدير : استاذ رامي
رامي : نعم استاذ
المدير : اذا شفت لارين واكفه بالشارع وصلها وياك وهيه بعمر اختك لهذه تصعد وي اختك وره
رامي : لعد وي ضياء اخوها
المدير : اخوها خابرني وكالي الشركه مالته متدهوه ويريد يشتغل بيها وعده شغل كومه ومايكدر يعوف الشغل لهذه طلب مني ومااكدر اردله طلب وشفت من الافضل انته اتوصلها لان هيه واختك نفس المدرسه والقسم
رامي : هاا اوك افتهمت استاذ من عيوني راح اوصلها
رامي ( اخذت نسرين وطلعت بالسياره والتفت يمنه ويسره )
نسرين : اشبيك رامي تتلفت
رامي :ها ادور على هاي البت الكعدتها بصفج
نسرين : ليش واحد يعرف الثاني ابينكم علاقه
رامي : ولج ياعلاقه يابطيخ المدير رادني اوصلها ومااكدر ارد طلب المدير
نسرين : هاا هيج السالفه ......لك رامي مو ذيج لارين
رامي : وينها .......( التفتت لكيتها واكفه ومنتضره سياره شكلها كلش طفولي ومعليها بالراح وبالجاي احسها طفله محد ينتبه لتصرفاتها واعيونها يبوو اشبيك رامي روح وصل البت لا انعل صفحتك هسه )
وكفت كدامها وشفتها تفاجئت وترفع عينها اشويه اشويه
لارين : رفعت عيني وشفت الاستاذ ونسرين شكوو الله يستر
رامي : لا تخافين مراح نخطفج
نسرين : هههه لارين المدير طلب نوصلج صعدي صعدي
لارين : لا مااكو داعي انه راح اخذ تكسي وارجع
نسرين : لا حبابه لارين واخيرا راح تصعد بت وياي فدوه صعدي
لارين : لا لا هسه توصلني سياره
رامي : هسه اصعدين لو لا (بخشونه)
لارين : ( اتغير صوت الاستاذ وراسا دنكت راسي ) وخنكتني العبره هذه اشبي يعيط اعليه هدوني اعلي الا اعلمه التربايه عدل
نسرين :اشبيك اصيح اعليها بعدين احاسبك
👤نزلت نسرين من السياره وجرتني للسياره وكعدت ابصفها وابين اعليها الفرح
نسرين : معليج بي بس هوه صبر ماعده وابسرعه يعصب عوفي عوفي
رامي :( من عيطت اعليها ودنكت راسها حسيت بذنب كلت شنو ذنبها يعني اكيد تستحي تصعد اووف مني مااتفاهم دومي يلا من اوصلها اعتذر منها وافضها )
لارين : صدك شنو علاقتج وي الاستاذ
نسرين : ههههه حبيبته
لارين : لا صدك
نسرين : اتخبلت احب واحد مسودن مثله يحضي انه اخته هو صدك مانتشابه ابد بس شسوي
رامي : نسرررررررررين 😒😒
نسرين : هههه سكتت سكتت
👤انه ضليت ساكته وهوه يحجي وي اخته ويضحك وكلت بكلبي وينك ضياء عفت اختك ابحدها انه اعلمك من ارجع للبيت الا مااحجي وياك
رامي : لارين البيت مالتكم مو موجود ب******
لارين : اي صح بس اشلون عرفت
رامي : مو اخوج خابر المدير وكاله العنوان وكال عندي شغل وماعدها خط لهذه كالي اوصل
👤 يخاف اعليه وانه توني احجي اعلي طاح حضج لارين وصلت لباب البيت كتله هذه البيت
لارين : اها اشكرك لان وصلتني يلا مع السلامه نسرين
نسرين : الله وياج حبيبتي باجر اشوفج
👤نزلت من السياره وفجأة صاح شخص لااارين
رامي ( وصلت للبيت مالت لارين وهسه لازم اعتذر منها افف نسرين اذا سمعتني اعتذر اضل كامشتها اعليه خليني انزل واكللها احسن الي اشبيه اليشوفني يكول اول مره اعتذر الصدك اي اول مره 😏😓)
رامي : لاررين
لارين : اتفاجئت والتفتت نعم استاذ
رامي : انه استاذ فقط داخل المحاضره خارج
المحاضره رامي وبس
لارين : اوك استاذ
رامي : شنو كلت انه
لارين : شنو استاذ
رامي :( اللهم يطولج ياروح ولج اشكد غبيه افف قال اطلع اطباء قال بهذه الغباء اطلع زبالين ) المهم ردت اعتذر منج
لارين : اي مقبول اعتذارك ممكن ادخل استاذ
رامي : ( راح اتخبل افف 😠😠كلهن يتمنن اوكف وياهن هاي الوكفه وهاي اطرد بيه اشو خليها اطير وشنو همي انه )
رامي : اوك دخلي باجر ....( خرب اريد اكمل وهاي دخلت راح اسودن فوك مااعتذر الها اخ لو الزمها الا الزگها راشدين 😠😠😬)
👤دخلت للبيت شفته هدوء اكيد محد اجه لحد الان لعد خليني اقفل الباب بعدين ذكرت الصار بره
لارين : هذه شبي هذه اول شي يعيط وبعدين يعتذر يوه وانه ليش افكر بس الصراحه حلوه صدك يعني حلوه واشلون اعليها عيون يخبلن حتى اسمها حلو نسرين يهنياله على هيج اخت
وفجاة حجه واحد من وراي
نسرين منووو ؟
...................
#######$######$########
الى هنا ينتهي البارت الثامن
طلبين وبس 1-رئيكم لان بالنسبه الي دعم حتى اكملها للنهايه
2- تصويتكم الها
❋・────━【باااا👋ااااي】━────・❋