خيال ام واقع

اكثر من صدمه ( البارت الثاني )

           ･✻･ﾟ･✻･ﾟﾟ･✻･ﾟ･✻･ﾟﾟ･✻･･✻･✻･ﾟ
             ♣︎✺⋘⊰..﷽..⊱⋙✺♣︎
{لقد خلقنا لنمارس الاصرار هكذا نستطيع ان نعرف من نحن}
لارين : اريد اطرق الباب وفجأة انفتحت كان امامي ابو عيون عسليه مااعرف شسوي اتجمدت امكاني
ابو عيون عسليه : يهلا بلارين دخلي سيلي بغرفتها كاعده
لارين : ( اووف فوگاها يعرف اسمي فجأة اتعوقت بعد مااعرف اشلون امشي )
ابو عيون عسليه : لارين ...لارين الوو دخلي سيلي منتضرتج
لارين : (انه كنت بعالم ثاني ) ..ها ..اها اهلا وسهلا فيك اوك راح ادخل 😅
ابو عيون عسليه : اوك 😊
.......
ام سيلي : هلا وغلا زارتنه البركه اتفضلي بتي صادفتي رامي بطريقج
لارين : منو رامي
ام سيلي : رامي اخو سيلي الكبير
لارين : ( واووو😲😲 طلع اسمه رامي ) اي خاله صادفته وخلني لجوه
ام سيلي : خوش بتي يلا سيلي بالغرفه ...سيلي لارين اجت
لارين : راح ادخل لغرفتها
ام سيلي : خاله دخلي على راحتج راح اعوفجن واروح
لارين :✊✊✊دق دق دق ممكن ادخل
سيلي : دخلي لولو البيت بيتج
لارين : هاي سيلي كيفج اليوم
سيلي : احسن من امس
لارين : دوووم يارب احسن شسويتي بالبيت
سيلي : ايامج حبيبتي ... شنو سويت بس تكنيك ماما ماتقبل اشتغل لهذه بس نايمه
لارين : حضوض انه دراسه وشغل البيت
سيلي : هههههه هاي البنات لعد شنسوي
لارين : هههه اي والله
ضلينه نسولف وماحسيت بالوقت حجيت الها كلشي صار بالمدرسه وخليتها تضحك وبعدين خالتي كالتلي اتغدي انه رفضت بس هيه اصرت لهذه كلت اخابر امي واكللها حتى لا يضل بالها مشغول
لارين : خاله خليني استأذن من الوالده وارجعلج
ام سيلي : خوش خاله وسلميلي اعليها وياج
لارين : يوصل الله يسلم

📞📞📞📞📞الوووووووو
لارين : الو يمه الله يساعدج
ام لارين : ويساعدج يمه ليش اتأخرتي اخوج راح يرجع
لارين : خلي يولي الاثول ..اريد اكلج لا تنتضروني لان خالتي ام سيلي اصرت اتغده عدهم وانه رفضت بس هيه اصرت وخجلت ارفضلها طلب
ام لارين : واذا اجه اخوج يضل يلغي على راسي وليش مارجعت لحد الان يمه انه راسي يوجعني مابيه حيل اضل اتعارك وياا
لارين : اوك يمه انتي اكو يوم خليتيني اسوي شغله اخ يضياء لو احطك بديه الا اموتك
ام لارين : اخوج ويخاف اعليج
لارين : ( اي كلش يخاف اعليه ) يمه راح ارجع يلا راح اسده
ام لارين : خوش يمه منتضرتج
......
ام سيلي : ها يمه خلصتي يالله اتفضلي اتغدي
لارين : خاله انه اعتذر بس امي منتضرتني وعندي اخو ( مخبل وحقير وجلب ) يخاف اعليه ومايقبل اكل بغير بيت
ام سيلي : بتي اذا هيج روحي بس بشرط
لارين : شنو شرطج خاله
ام سيلي: خلي رامي يوصلج للبيت لان انتي مثل بتي واخاف اعليج
لارين : ( ياااااااي رامي راح يوصلي مدري اشبيه بس احس مثل الطير ويريد يطير ..كافي اتخرمطين لارين واثگلي اشويه ) صار خاله شتكولين اسوي
ام سيلي : رامي يمه ...وينك يمه
سيلي : يمممه رامي طلع قبل اشويه
ام سيلي : اخ منك يارامي ماتبقى لحضه بالبيت
لارين : (😍😍) خاله انه راح اروح اسفه اذا ازعجتكم
ام سيلي : الله وياج بتي ديري بالج على نفسج
لارين : صار خاله
وانه اريد اطلع احس الزمن انعاد لان اريد افتح الباب وخالتي واكفه وراي دخل رامي ماادري بس اجاني احساس حسيت كلبي ضل يركص
ام سيلي : اها اجه رامي بوكتك يمه وصل خطارنه لبيتهم لان الدنيا ضهر وعيب تمشي بت ابحدها بالطريق
رامي : اكيد خطارنه احطهم على راسي وافتر بيهم هههههه
لارين : (يااي من يحجي شخصيه اعتقد راح اذوب انه ) يسلملي راسك شكرا
رامي : العفوا يلا خلينه نمشي يمه انتضريني اوصلها وارجع
ام سيلي : اي يمه دير بالك اعليها
رامي : صار يمه راح احطها بعيوني
وطلعنه وضلينه نمشي وبس ساكتين كلما اريد احجي واحس اكو شخص يسكتني مااعرف شسوي بس ساكتين ونمشي
رامي : لارين احسج تردين تكولين شي اذا تردين تحجين احجي اعتبريني مثل اخوج
لارين : (اخوي اخوي ادك روحي بالنعال ) لا بس ردت اكلك شي
رامي : كولي اي شي انه اسمعج
لارين : هوه يعني  ..
فجأة اتصل شخص على رامي
لارين : ( يحضي الزفت وين مااروح حضي خربان ) اكو شخص يتصل اعليك
رامي : لا ولا احد كولي شنو تردين تكولين وبعدين ارد اعليه
لارين : لا لا يجوز يطلع شخص مهم رد عليه
رامي : اوك اكمل المكالمه وكمليلي ...الوو نعم
بقه رامي يسولف بالمكالمه طول الطريق لغوي شيسوله
لارين :( يالله هذه بالع مسجل لو شنو وصلت للبيت وهوه بعده يسولف )
رامي : خلصت اي لارين شنو ردتي تسولفين احجيلي
لارين : ( لا يابه يحضي بيتي كدامك وانتي توك خلصت ) وصلت للبيت فرصه سعيده هذه بيتي اشكرك لان وصلتني
رامي : لا شكر على واجب هذه واجبي واذا سمحت الفرصه مره ثانيه نتكلم
لارين : (اي وي اتصالاتك الماتخلص ) اوك بااي
رامي : الله وياج
.........
لارين : يمه رجعت للبيت وينج يمه
👤دخلت للبيت وشفت امي واكعه ركضت الها وماعرفت شسوي
لارين : يمه يمه كعدي اشبيج داحجي وياج ردي اعليه يمه وينكم ديما ضياء ولج ديماااا وينج
ديما : ها لارين ليش اصيحين   هاي شنو يمه وج امي اشبيها
لارين :😭 ماادري دخلت ولكيتها هيج
ديما : لارين خابري ضياء ابسرعه خلي يرجع للبيت
لارين : اي 📞📞📞ضياء
لارين : ضياء ضياء
ضياء : اشبيج لارين خوفتيني شكو
لارين : ضياء امي ضياء حباب ارجع للبيت 😭
ضياء : ولج اشبيها امي اوك انتضروني جاي بالطريق
اجه ضياء واخذ امي وديما وضليت يم اخوي ( اخوها اصغر منها بسنتين واسمه سامر )
سامر : لارين ماما راح تموت شنو راح تعوفنه مثل معافنه بابا
لارين : لا حبيبي ماما مراح يصير بيها شي هسه ترجع احلى من قبل واحسن وهيه بس داخت
سامر : بس انه خايف كلش اعليها
لارين : لتخاف لك لازم انه اخاف مو انته رجال صير قوي
وره اشويه خابرني ضياء
ضياء : الو لارين اشلونج
لارين : معليك بيه كلش زينه انه احجيلي اشبيها امي وليش هيج داخت
ضياء : لا ماكو شي بس دوخه وراتفاع ضغط
لارين : ضياء صوتك مايبشرني بالخير ضياء انه موطفله وكبرت على هاي السوالف
ضياء : لارين مااكدر احجي وياج هسه اجه الدكتور راح اسده
لارين : اوك بس اشوكت ترجعون
ضياء : نحاول نخلص الفحوصات كلها ونرجع قبل ال 9 باليل
لارين : ضياء فحوصات شنو والله اكو شي صار ضياء كافي تخوفني واحجي
ضياء : يلا باي
لارين : ضيااااء ولك ضياء احجي وياي
وغلق الجهاز ......مااعرف شسوي او شنو اكول لخوي يارب ساعد امي واشفيها يارب
........
الساعه 10:30
لارين :صارت بالعشره ولحد الان مرجعوا اهلي يربي خايفه
👤سمعت صوت الباب
لارين : اي رجعوا خليني افتح الباب ...اي اي اجيت
👤فتحت الباب وطلعوا اهلي فجاة حضنت امي وحسيت بحنان اول مره احس بي
ام لارين : هههه يمه اشبيج مااكو شي بس دخت خليني ارتاح وباجر اصير احسن
لارين : اي اكيد اصيرين زينه تعالي اوصلج لغرفتج
ام لارين : الله لا يحرمني منج
لارين : تسلمين يمه ولا يحرمني منج ياشمعة بيتي
👤خليت ماما على فراشها وجبتلها كاس مي وبعدين نامت هسه اروح لضياء
لارين : ✊✊دق دق كاعد لو نايم
ضياء : كاعد ادخلي
لارين : اسمع ضياء بدون لف ودوران وجهك انته وديما مايبشر بالخير وانه موطفله حتى اجذبون اعليه
ضياء : .........
لارين : ضياء احجي شي لا اتخليني هيج مشلوعة گلب
ضياء : ....اه اه
لارين : ضياااااء احجي
ضياء : يعني مثل اشتردين تعرفين يعني شنو الينحجي بعد وج امي راح تموت
لارين : هههههه اتريدني اصدك كول الصدك وبدون جذب
ضياء : صدكتي لو لا
👤لزم متوني اثنيهن حيل
ضياء : لارين امي بيها مرض مزين وبقاله بس كم شهر وتموت
لارين : ش..........

خلص البارت الثاني .....اعطوني رئيكم فيه ولا تنسوا اتصوتوا الي .....احبكم

❋・────━【بااا👋اااي】━────・❋