خيال ام واقع

انا انحس شخص ( البارت السادس )

بِقلـمہ ألـﮏأِِتًبِة {ذأِِتً ألـقلـمہ ألـمہجٌروُـحّ }
وكَأن الحَنين مَوسم يَومِي ،! يُخيّم ليلاً فَوق سَماء الذَاكِرة ، حَتى يطْلع الفَجرْ ، ثم يتَلاشى بِهدوءْ ..!

*""*""*""*""*""*""*""*""*""*
ضياء : هاي بسببها وتذكرين من ضليت يومين بدون اكل ولا نوم وهاي هماتين بسببها
لارين : 😳😳😳 هاي كلها من وراها اخ لو الزمها الا انتف شعراتها ام كفشه هيج اسوي بخوي
ضياء : لعد ثوله هو هذه الحب 😒
لارين : والله جديده هاي 😕 اذا احب لازم اتعذب يوووه 😑 شنو هاي الدوخه
ضياء : شنو بنضرج الحب 😐
لارين : الحب يعني احبك🙊 وتحبني ازوجك🙉 وتزوجني ونجيب اطفال🙈 والنهايه 😆🙌
ضياء : سوده بالقسمه اي والله 😰 هماتين باركوا امي من اجيتي لدنيا 😂
لارين : وطشوا جكليت وسوا حفله لعد اشعبالك 😌
ضياء : كامت تجحبن ام النفخ
لارين : صدك ضياء اريد اطلب منك طلب 😔
ضياء : اطلبي عويني انطيجياهن كولي لولو😊
لارين : ديما كلما انجح وسويلي حفله ونحتفل بنجاحي ونفرح بس ديما راحت وانه كلش مختنگه مو قصة اريد حفله وشي لا بس لان متعوده على اختي وعلى مفاجئاتها الي
ضياء : افتهمتج لارين باجر مراح اروح للشغل واكعد اسويلج اكبر حفله
لارين : اشكرك واريدك تدير بالك على امي لان كلش تعبت
ضياء : من عيوني ويصير لا تتكابرين كافي تره انتي طفله ماتتحملين الحزن
لارين : شنو قصدك
ضياء : اتعرفين قصدي كلش زين لارين
لارين : ضياء والله اشوف امي منهاره وانتي صاير اعصاب واخوي سامر تعبان لازم واحد منه يصير قوي
ضياء : بس مو دائما لارين ادري كاعد اتحبسين الم وحزن بداخلج وكاعد تتكابرين وين نفسج بس انتي بشر لا تحملين طاقه فوق طاقتج
لارين : اوك خويه شتكول يتنفض
ضياء : اختي الغاليه يارب ادومين ابينه
لارين : انشالله يلا استرخص اروح انام حتى اكعد من الصبح اجيب نتيجتي واجي
ضياء : اوك حبيبي يلا كومي نامي
.........*"
👤وكعدت الصبح على نفس صوت الديك
لارين : اخ لو الزمك الا اسوي منك تشريب دجاج واتغده بيك
👤طلعت من الغرفه البيت هدوء كلهم نايمين ماردت اكعد ولا واحد لهذه غسلت ولبست ملابسي وردت اطلع بس التفتت وشفت غرفة ديما مفتوحه والشباك مفتوح والهوه يطير البردات ( ستائر )
لارين : وينج ديما رحتي وعفتيني حتى هه ماعلمتيني اشلون اطبخ او علمتيني على شغل البيت وخليتيني ابحدي منو يوكف وي امي من يطبخ الها ليش هيج كسرتيني 😭😭ماردت منج شي حتى كتيلي اذا عرست اخليج تزوريني كل يوميه وعدتيني ماتركيني حتى بعد زواجج ماسويت شي خطأ وياج ولا عارضت كلامج ولا مره
👤كمت ومسحت دموعي واخذت نفس عميق
لارين : ديما عيشي حياة سعيده خيتوا احبج وراح ابقى احبج
👤التفتت وشفت ضياء واكف وعيونه مليانه دموع شخص مكسور شخص يحس بذنب شخص يلوم نفسه ماعرفت شنو اكول او شنو احجي بس رحت وحضنته وبس
ضياء : ها قزوم ماتشبكيني الا اترفعين رجليج هه
لارين : اسكت لا اموتك اذا انته طنطل وطولك فوك ال 180 لعد شسويلك ( بعدين ابتعدت ومسحت دموعه )
ضياء : يلا روحي لا تتأخرين
لارين : اوك بااي
👤رحت للمدرسه وحصلت نتيجتي والحمدلله طلعت المعدل العالي امي كانت تحلم بهذه المعدل اووو نسيت اكللكم معدلي 98 الحمدلله والشكر واكيد من ارجع للبيت وتشوف نتيجتي راح تنسى اشويه من همومها وهسه انه بالطريق بس بدال مااشوف زفه بطريقي علمود نجاحي هه شفت عزاء كدامي دخلت للبيت مالتنه واشوف نسوان يصيحن مااعرف شنو ديصير صرت بموقف لا انحسد اعلي كمت ادور على ضياء

لارين : خاله ام حسن وين ضياء خاله اشبيج تجبين اشبيكم تبجون وين امي جبتلها الشهاده شوفي ناجحه انتي خاله ام على اشبيج شوفي الشهاده حققت حلم امي خليها تشوفها اكيد اطير من الفرحه بس ليش تبجون ولكم فهموني شكو وين ضياء ضيااااااء وينك عمو عمو وين ضياء عمو اشبيك تبجي وشفت ضياء واكف بنص الشارع وديبجي بصوت عالي ضيااااء

ضياء : (من بعد ماطلعت لارين من البيت سمعت صوت من غرفه امي دخلت للغرفه ولكيتها تصارع بفراشها ) شكو يمه يوووم احجي اي شي يوووم ( وفجأة توقفت عن الحركه نفس مااكو كمشت ايدها حتى نبض مااكو ) لا حبابه لا لا اسوين بينه هيج يووم بتج راح تجيب النتيجه يوم لازم تفرحيلها يوم كعدي يمه اشبيج ردي اعلي اخ يگلبي اشكد يتحمل بعد اخ ( ضليت اضرب على صدري وابجي وديت امي للمستشفى والجيران سمعت اجمعوا خوالي وعمامي بالبيت مالتنه وسؤلوني وين ديما وانه ساكت مااجاوب وبعدين ضليت ابجي بصوت عالي بشارع وانه بضاك الوقت فقدت بعد مااشوف بعيوني وسمعت صوت لارين )

لارين : ضياء ضياء شوف جبت النتيجه اتحقق حلم امي انتضر بس خلي تشوف النتيجه هسه اطير من الفرحه بس وينها امي ضياااااء رد اعليه اشبيك ضياء حباب كول شي لخاطري كول شي كلبي وكف ليش تبجي

👤من شفت العزاء وضياء منهار هيج عرفت عرفت يعني عفتينه يمه يعني رحتي وعفتي بيتج يمه
ضياء : ( مااعرف شنو ارد اعليها مااعرف شنو اكول الها يارب قويني حتى اكدر اواسي اختي يارب ) لارين ...
لارين : امي ماتت مو ضياء
ضياء : لارين بس اسمعيني

لارين : ضياااااء امي مااااتت كلكم خونه كلكم تعوفوني وترحون كل واحد يوعدني يروح ليش شنو ذنبي شنو سويت اكرهكم اكرهكم 😭
ضياء : الاعمار ....

لارين : اسكت ضياء لا تكلي الاعمار بيد الله يعني ماكدرت تتنضر اشويه بس هلساعتين يعني ردتها تفرح ردت اشوف الابتسامه ردت احضنها قبل ماتروح 😭😭😭
ضياء : ( كلامها شگ گلبي شگ اتلجمت حتى كلام بعد مااعرف شنو اكول )

👤حزينه وامعصبه بنفس الوكت يعني ليش يربي بيومين مصيبتين حتى الحيوان مايكدر يتحمل فقدت اعز انسانتين على كلبي ليش اتقرب ضياء وحضني وهو يبجي وبقينه نبجي انه وياه مانعرف شنو ضام النه المستقبل
.......*"

*"*"*"*"*"*"*"*"*"*"*"*"*"*"*"
الى هنا ينتهي البارت السادس
طلبين وبس 1-رئيكم لان بالنسبه الي دعم حتى اكملها للنهايه
2- تصويتكم الها
❋・────━【باااا👋ااااي】━────・❋