خيال ام واقع

صرت ام السان 😂( البارت الرابع)

              ♣︎✺⋘⊰..﷽..⊱⋙✺♣︎

{انظر إلى كل شيء كأنك تراه إما لأول مرة أو لآخر مرة. }

ضياء : هسه ديما حفضتي الوقت لا تنسين لان مهم كلش لمي وها نسيت اكلج حاولي من وقت للخ ترحين اشوفين حالتها خوش
ديما : خوش بس اكلك اي شي ممكن تاكله
ضياء : الدهونات انواع الدهونات لا تخليها تاكلهن، لحم ماكو ، دجاج هماتين ماكو
ديما : لعد شنو تاكل اذا كله ماكو وممنوع
ضياء : اي شي ماعدا ذني مثل اشياء هيج نواشف افتهمتي مااوصيج
ديما : افتهمت افتهمت
ضياء : يالله انه اروح
ديما : الله وياك
..........الكاتبة "ذات القلم المجروح "
👤جهزت نفسي ولبست الملابس واتفقدت الكتب اذا اكو كتاب ناسيته ولو حتى اذا ادري بي عادي اغلس 😂 متعوده انسه كتب وطلعت ادور على ضياء لكيت ضياء ديحجي وي اختي علمود العلاج انه ماقاطعتهم

لارين : يوم انه راح اطلع واذا سئل ضياء كوليله راح تنتضرك يم السياره خوش يمه يلا مع السلامه ( ودنكت راسي وبست ايدها وراسها )
ام لارين : خوش يمه الله يحفضج من كل شر ومن اعيون الحساد الله وياج يمه
........الكاتبة "ذات القلم المجروح"
ضياء : دخلت لغرفه لارين لكيتها ممجوده وين الغبيه راح ...يوووم وين بتج العوبه
ام لارين : يمه لولو راح تنتضرك يم السياره روح الها لان تعرفها عنوديه واذا طنكرت تعوفك وتمشي
ضياء : اي الله كريم 😒😒 (قال طنكرت قال طبها طوب 😡 وفوگاها لولو لعد اشبيه انه محد يكلي ضوضو 😢 ولك اشبيك ضياء غيران من اختك سوده بالقسمه العرفتني على لارين اتخبلت من ورها 😂😂) يممممممه
ام لارين : ها يمه بعدك موجود
ضياء : خبلتني بتج اسودنت من وراها بس ابقى احبها ام السان طفلتنه 😂😂يلا مع السلامه
ام لارين : الله وياك يمه هههه الله يديمكم انتم الاربعه يارب ديما يمه اخوج سامر كعد
ديما : اي يمه وراح لدوامه
ام لارين : خوش بتي يمه ديما سويلي استكان شاي
ديما :مو تدللين يوم من عيوني ثواني ويمج الشاي
ام لارين : الله لا يحرمني منكم
ديما : ولا منج يوم

📞📞📞📞📞📞📞📲ياسر
ديما : موكتلك باليل اخابرك
ياسر : خوفتيني ابسرعه رفضتي بوجهي
ديما : اسفه حبي مو قصدي بس اخوي دخل للغرفه
ياسر :😒😒هماتين اخوج وين مروح يطلعلي هوه
ديما : لا تكول هيج اوك امي اتريدني انه اروح
ياسر : اوكفي اوكفي حبي عيني حياتي اوكفي
ديما : شكو شكو وكفت
ياسر : على اتفاقنه موو مثل مكتلج الفجر موعدنه
ديما : والله ماادري ياسر بس خايفه وامي مريضه  ضياء حسيت بي شك يعني ممكن نئجل
ياسر : عادي نئجل لخاطرج بس تدرين شنو صاير بيه على فراگج  اريد اشوف اعيونج الحبيتج من وراهن بعد مااتحمل صبرت اهواي
ديما : عود هينه اعليه موو ياسر احنه صبرنه خلينه نصبر بعد اشويه
ياسر : صار حبيبي صار يلا مع السلامه
ديما : الله وياك حياتي احبك
ياسر : انه مو احبج انه اعشقج
............الكاتبة "ذات القلم الجروح "
👤طلع اخوي مثل المسودن طبعا 😂😂جذب جذب اصلا كشخه ورافع راسه وصايرلك لا هوه ولا عنه 😂😂
لارين : وللللللك طنطل اتأخرت
ضياء : ولج فضحتينه الله يفضحج ( انه اعلمج ام السان خلينه ندخل للسياره واعلمج ياهوه طنطل 😬)
لارين : هاي اشبيك اليشوفك يكول امسويه جريمه
ضياء : اسكتي وامشي اصعدي بالسياره لا اسوي بيج انتي جريمه
لارين :( ولج اشحجاج ليش مسكتي اخ يلساني المايكعد راحه راح انكتل 😰😂😰)
👤صعدت بالسياره وجان تجيني دمغه (ضربة مو كلش قويه )على راسي
لارين : هااا 😲
👤الدمغه الثانيه
لارين : شكووو😣
👤الدمغه الثالثه
لارين : لك اشبيك اتخبلت
ضياء : اي غير اتخبلت من وراج ولج متستحين اصيحيلي طنطل بنص الشارع وكلهم يعرفوني
لارين : يمعود محد يگلبك ياهوه انته محافض وانه ماادري اشو انته زبال اقصد مدير شركه
👤دمغتين
ضياء : انتي راح اتموتين صدكي من وره السانج خبلني 😂
لارين : لك المعلومات والله طارن ولن اشو ماكو 😂😂
ضياء : اي صيري خفيفه 😂😂
لارين : راح اموتك
ضياء : يالله وصلتي لو ماتردين تنزلين
لارين : اي والله ضوضو 😏😏 الضلع مالتي خليني اروح وياك حباب حباب 😗😙🙏
ضياء : لا لا يمعوده ستري اعليه انه اشرد منج انتي تلحكيني
لارين : فدوه بس هاي المره 😿
ضياء : مااكو يعني مااكو
لارين : اكو يعني اكو
ضياء : نزلي لا انتقم منج
لارين : ماانزل وشنو اتريد تسوي سوي
ضياء : اوك لعد ابقي امكانج
👤نزل ضياء من السياره يخزر بيه بس انه بقيت رافعه خشمي وكاعده فتح الباب مالتي
ضياء : نزلي
لارين : مااريد
👤دمغني وشالني ودخلني للمدرسه ويمشي وانه اصيح اعلي
لارين : عوفني لا امووتك
ضياء : هسس ولا حرف ، عذرا ممكن وين صف هاي المخبله اقصد الطالبه
.....: لكدام على ايدك اليمنه اول صف
ضياء : شكرا
لارين : ليش كلتييييي😭
......:العفوا
👤وصلني للصف ونزلني وانه بس اعيط اعلي
لارين : ولي منا بعد لا توصلني اتفشلت كدام البنات
ضياء : يالعوجه اضل اعلم بيج ولج فرحي اشحلاتها شاب طويل حلو وكشخه شايلج
لارين : يحضي مو يدرن بيك اخوي
ضياء : اسمي ولد 😌😋
لارين : اففف  😤 امشي ولي منا انه زعلت
ضياء : فديتها التزعل انه اراضيج بعدين
لارين : اروح وياك موو 😄😃😜🙌
ضياء : لع 😒
لارين : اكرهك 😑
ضياء : 😂 ادري بيج اتحبيني يلا مع السلامه
لارين : 😂😂اي الله وياك
.........الكاتبة " ذات القلم المجروح "
👤خلصت دوامي وعلى نفس اخبالي بس الحلو امشي وهنه يكولن اي هيه هاي البت اي سمعتي شايلها واحد يجنن وانه اسمع اموت ضحك لو يدرن شكله بالبيت حتى الجني يخترع ويطگها ركضه 😂😂ورجعت للبيت وبوجهي لمي ومن شفتها فد ارتاحيت حسيت كسبت الدنيا كلها الله لا يحرمني من هاي الشوفه وفجأ دمعة عيني
ديما : ها لارين رجعتي اشلونها المدرسه
لارين : والله نفس الشي بس الشي اليختلف اخوج شالني وفرني بالمدرسه
ديما : 😂😂اخبالكم وصل للمدرسه يعني يرادلها حفله وطكت جكليت
لارين : انجبي ولج طنكرت اعلي وكتله اريد اروح وياك هو عصب ودخلني للمدرسه 😑لو امدخلني مثل البشر لا والكل يباوع ويضحك 😂😂
ديما :  😂😂تدرين انتي الخبلتي اخوي مو اخوج الخبلج
لارين : يمعوده انسي صدك جوعانه
ديما اي هسه اصبلج غدا
لارين : لا اعلمين انه اجي واصبلكم وكلحنه نتغده
ديما : الله يسلمج روحي لغرفتج المواعين خلصن من وراج يوم  غسلتي بيها امواعين كسرتي ثلاثه 😂 هسه اتكسرين سته
لارين : 😂😂خرب يومج لحد الان تذكرين
ديما : اشلون انسه اول مره امي اتكتلج بيها 😂😂
لارين : 😂 بس والله كتله بيها سبعين حض ضليت يوم كامل ماطلعت من الغرفه
ديما : لا اجذبين باليل شفتج نايمه بالثلاجه 😂
لارين : 😳😳😵 خررب حضي بس لا شفتيني
ديما : هههههه مو بس انه ضياء صاحلي ووكفنه ميتين ضحك اعليج
لارين : يمعوده كبرت هسه 😌
ديما : اي والخبال نفسه اي 😏
لارين :  😒😒ام حلك هسس
ديما : كومي غسلي وتعاي نتغده
لارين : اوك صار 😊
........الكاتبة" ذات القلم المجروح "
👤خلصت يومي وصار اليل درست وخلصت كل فروضي وحبيت افتح فوني ولو اخوي اذا شافني كامشته يگلب الدنيا على راسي مو قصة يضرب ويعصب بس قصة يقلق ويخاف اعليها لان يريدني ادرس واطلع معدلات عاليه
ضياء : احساس دتفكرين بيه
لارين : بسسسسم الللللله هاي شدتسوي اهنا ولك خرعتني

#@#@#@#@#@#@#@
الى هنا ينتهي البارت الرابع
طلبين وبس 1-رئيكم لانه دافع بالنسبه الي
                  2- تصويتكم 
❋・────━【باااا👋ااااي】━────・❋