♣︎✺⋘⊰..﷽..⊱⋙✺♣
بِقلـمہ ألـﮏأِِتًبِة {ذأِِتً ألـقلـمہ ألـمہجٌروُـحّ}
العطاء دون طلب يكون أعظم والحب دون تردد يكن أروع والصداقة دون مصالح تكون أصدق ♥
💚🍃💛🍃💜🍃❤🍃💙
تسريع الاحداث بعد مرور سنه على وفاة امي
👤غيرنه بيتنه اخوي صارت عنده شركات وفندق كلش حلو قريب من الجامعه الادرس بيها نسيت اكللكم انه مادخلت جامعه لان كنت منهاره تماما بس اخوي اصر اعليه حتى ادخل لهذه أجلت سنه وهاي السنه راح ادخل اما اخوي سامر عاف دراسته علاقتي وياي يعني ماشيه بس وي ضياء مو كلش مرات يحجون عادي ومرات بس سلام....اخوي سامر يدخل لغرفته ومايطلع منها مرات يطلع ياكل ويانه ومرات لا اما انه اتعلمت الطبخ ههه مو كلش وصرت انضف البيت مرات ضياء يساعدني واصلا البيت نضيف يعني مايتوسخ ابد واختي لم نسمع عنها شيء ....
ضياء : وين لولو حبيبي
لارين : 😣😣افف
ضياء : فداويه للتعصب 😘
لارين : ماالي خلكك والله امشي منا لا ادعبلك بجلاق
ضياء : ااااخ يقلبي انكسر
لارين : ضيااااااء
ضياء : هههههه اشاقه والله ادري بيج ماتحبين اصيحلج لولو ولا حبيبي بس مو بيدي حبيبي اقصد لولو اقصد لارين 😂
لارين : دكوم كوم كدامي اريد اطبخ
ضياء : اي انتي تردين تطبخين انه شنو ذنبي
لارين : والله مالت دفره لك بابه كوم ساعدني اشويه
ضياء : اي اي جاي ست لارين لو اعرف اعليمن هاي العصبيه
👤طبخت انه واخوي اكيد صار عدكم فضول ليش مااحب لا اسم لولو ولا حبيبي او حتى حبيبتي لان اسم لولو امي اصيحلي بي واخوي اخذ منها واما الاسم ثاني مااريد يصيحلي هيج لان مااريد اصير حبيبة احد لان وجع الفراق وي التحبوهن صعب وانه فارقتني اختي وامي
لارين : ساااامر سااامر كوم العشه جاهر
سامر : مااشتهي
لارين : على راحتك خويه
ضياء : هذه يضل هيج محبوس كتلني
لارين : عوفه ضياء الله يهدي ويرجع مثل قبل
ضياء : انشالله صدك حضري روح باجر اقدملج على الكليه
لارين : اففف 😒 رجعنه على نفس السيره
ضياء : بدون افات واكلي يالله
👤غسلت امواعين واكيد ضياء ماعافني وضل يغسل وياي ونضفنه المطبخ وطلعنه
ضياء : يالله لارين تطبي نامي تصبحين على خير
لارين : اجمعين
ضياء : لولو حبيبتي
لارين : نعم ....ضيااااااء 😤
ضياء : هههههه احبج بالزايد من تعصبين خيتووو
لارين : ادخل نام لا احطك انته وديك جيرانه وانتفكم نتف واسوي منكم تشريب
ضياء : هههه مخبله وربي
ضياء : كعدت الصبح بس اختي مااكو اشو ماالها صوت اكيد بعدها نايمه هاي الغبيه خليها اكعدها اتقربت اشويه اشويه ولبست جرجف ابيض وادنيت يمها ( لااااارين منووو ربج 😈بصوت مخيف )
لارين : والله الله ربي ....ربي الله الله والله 😰😰.....اااااا 😲😲ضياااااء اليوم انعللللللللل جدك
ضياء : ههههههه خرب يومج شنو ذكرج بجدي
لارين : والله اليوم مااعوفك
👤وضليت اضرب بي وهو يضحك
ضياء : اخ يابويه 😂😂😥😂😂
لارين : تستاهل يالله انقلع لبره خليني ابدل صدك اتريد ريوك
ضياء : لا مااشتهي بس سويلي كهوه
لارين : سم انشالله ( بصوت ناصي )
ضياء : سم السمج ام احلگ يالله اتحركي لا نتأخر
👤بدلت وسويت لخوي كهوه وطلعنه وصلت للكليه مالتي بس بووويه والله جبيره واليدخل بيها يتيه المهم ضياء عده اصدقاء اهواي بهاي الجامعه ونص المدرسين او كلهم يعرفوه وحتى المدير يعرفه
ضياء : ولج لارين
لارين : نعم
ضياء : اشوفج مخايفه
لارين : وليش اخاف اصلا متحمسه صحيح مقبلت بس كلت شهادتي احسن الي من الكعده الممله بالبيت
ضياء : انتي ام السان وماينكدر اعليج صحيح مرات البت الشجاعه اتفيد بهيج اماكن حتى مايروح حقها بس مرات السان يودي لطلايب
لارين : لا خويه من هاي الناحيه اطمن انتي صرت مثل ابوي واصلا انته الربيتني
ضياء : ادري بس مااشوفيهم اشلون يباوعون
لارين : 😂لك خاف حسبالهم انه حبيبتك
ضياء : دطيري هيه هاي اخر شي انتي حبيبتي غير اهج
لارين : ها ولك اشبيه
ضياء : 😒😒
لارين : حقير
ضياء : 😲شنو
لارين : نذل ، ادبسز ماتستحي ساقط مو مالت وجه ماعدك شرف ولي يلا
ضياء : ولج هاي اعليمن 😠
لارين : 😂😂😂ولك اشبيك كاعد ادرب
ضياء : ولج ياتدربين من انولدتي ماغالطه اعليه وسمعت كلامج صارت بيه سكته قلبيه 😅
لارين : اسم الله بس خاف واحد يتحرش بيه انه موجوده
ضياء : الله يستر ، هاا هسه شفتي الجامعه كلها بعد وين تردين تفترين
لارين : شفتها شفتها ( عود هسه انه حفضتها تهي بهي مثل الاطرش بالزفه 😂)
ضياء : اوك نروح لمكتب المدير والمدرسين
👤 رحنه لمكتب المدير والمدرسين ومدرسات ورحبوا بينه لان كلهم يعرفون ضياء وكالي ضياء عوبه نزلي راسج سوي روحج خجوله هههي وانه دنكته
المدير : من اعيونه اختك انحطها بعيونه
ضياء : انشالله
المدير : بتي لارين : اي شي يصير وياج لا تترددين اكو مدرس خاص لهيج مشاكل مالت تحرش وانفعال وانتي ابسرعه روحي الها وهوه يصرف
لارين : اي شكرا استاذ ( مااكو داعي استاذ اصلا الولد من يشوفوني ينهزمون 😂😂)
المدير : العفوا بتي هذه واجبنه
ضياء : اوك استاذ انه اروح محتاج شي
المدير : اي اريد الاوراق وهاي الاستماره امليها للطالبه
👤دك الجرس عزه اشو فجأ اريد اروح للحمام من الخوفه 😰😹
المدير : شنو قسمج
لارين : طب
المدير : يالله يالدكتوره روحي لقسمج
لارين : 😊 ....بس استاذ مااندله
ضياء : ( يحضي المصخم مو توني دليتج بي اخ اخ اشلون عندي اخت ثوله راح اسودنيني واطلع من وراج ارگص مصلخ بالشارع )
المدير : اي اكيد هسه راح يروح لقسمكم استاذ رامي ، استاذ رامي ، استاذ رامي
رامي : نعم استاذ
المدير : اعرفك الطالبه الجديده بالقسم لارين
رامي : اهلا ...كل القسم اليوم جدد
لارين : اهلا بيك ( لك اشويه احترامات لا الزكك بالشباج مالت المدير )
المدير : اي صحيح بس اخوها ذات فضل اعلينه كبير ونريد نرجع فضله
رامي : اهلا وسهلا ضياء موو
ضياء : اي اتشرف بيك استاذ رامي بس اشلون عرفت اسمي
رامي :الكل يعرفوك اهنا راح تبدا المحاضره لارين مراح تجين لو تبقين يم اخوج
المدير : لا طبعا تروح بس متندل لهذه وكفتك استاذ رامي
رامي : اوك يلا لارين
لارين : اي شكرا استاذ باي ضياء
👤وطلعت من غرفة المدير وكدامي استاذ رامي و .....
( ستوب ستوب اشبيكم تركضون ركض خليني اعرفكم عن نفسي، لك رامي ليش قاطعتني ، هيج ابكيفي لعد هماتين المتابعين يردون يعرفون البطل ، اي اي يلا عرف وخلصنه ، اي نعم انه البطل انه اسمي رامي عمري 30 سنه صحيح عمري كبير بس شكلي مو لعمري عندي اخت وحده وتدرس بالجامعه الادرس بيها ، اشكد عمرها ، عمرها 20 ،اها يعني اصغر من البطله بسنه،اي وعندي اخو عمره 24 بس ترك الدراسه . انه لون بشرتي حنطاوي شعري اسود سرح اعيوني اكبار وسود ولحيتي قليله وامرتبها وجسمي اشويه ضخم وطولي 180 اشلوني مو فارس احلام كل بت ، لك كللهم شنو شعورك من دخلت لغرفة المدير وشفت البطله ،اي
رامي : انه راح اطلع يمه اليوم عندي محاضره من الصبح
ام رامي : الله يوفقك بكل خطوه تتخطاهه ييمه ومن ترجع اشوفك لازم مرتك وجاي
رامي : يبووو ييمه بدت اسطوانه كل يوم
ام رامي : طكت روحي اريد اشوف جنتج واحفادي ييمه قبل مااموت
رامي : اسم الله اعليج وطولة الاعمر انه استرخص
ام رامي : الله وياك
رامي : ( اخ ييمه من بعد ماحبيتها وعافتني بعد مااحب وراه شخص وهيه صارت ماضي وعفته وراي ولو كل بت تشوفني تتعجب على ملامحي وكلهن يضل صافنات وياوعن بس مادخلت وحده ابكلبي ابد اووف يربي معرف اشلون اشرحلج ييمه )
رحت للجامعه ولكيتها مخبوصه اكيد اول يوم
رامي : صباح الخير استاذ
المدير : صباح الخير استاذ رامي وقع لا تنسى
رامي : اي راح اوقع
وقعت ودخلت سلمت على المدرسين
جعفر : ( صديق امير المقرب يعني اخو الضلع ) ولك امير وجهك مايبشر بالخير شكو اكيد بت سحرتك من الصبح بجمالها
رامي : جعفر اسكت لا الصخ وجهك بالطاوه ماالي خلكك
جعفر : ولك شكو حامي خوفتني
رامي : يعني تعرف الاسطوانه الكل يوميه تنعاد مليتها
جعفر : اوك رامي تزوجني 😂
رامي : انجب ادبسز شاذ وجايني مالت طن نعل وعلى راسك
جعفر : حتى تخلص اشبيك
رامي : ولي من يمي لا صدك انسه روحي مدرس واكوم كدام الكل اشبعك طن كتل
جعفر : كوم بابه كوم دك الجرس وانه اشوف محاضرتي بلكت وحده حلوه اخذه اريد استقر
رامي : اول تالي هذه جعفر يحجي
جعفر : 😂😂جعفر ودينك جعفر
رامي : يلا اروح انه
جعغر : ولي منا
رامي : مو مالت احترامات اخلص محاضرتي وانه اعلمك
رحت وانه كاعد امشي بالممر وصاحلي المدير ودخلت شفت ولد لازم ارواق اول مشال راسه عرفته ضياء وبت واكفه ابصفه صحيح جانت امدنكه بس حسيت شرارة القوه والثقه تطلع منها سلمت على الاستاذ وعرفني اعليها اتعجبت مرحله اولى واول مره ولا كأنه مااكو خوفه بيها هسه لو اشيل راسها اشويه بعدين كتلها عدنه محاضره مراح تجين وشالت عينها انه عمري وحياتي مفاهم شخص بس هاي البت اول مشفت عيونها كالن كلمت قوة وحزن حيرني والشغله التعجبت اكثر بيها الوحيده الشفتها من البنات كلهن....الي احسها مطيزتني 😂😂 ولا كأن شخص حليوو واكف يمها
( مااعرف اشلون كاتبتنه اختارتني البطل واختارتها البطله وتدري انه مراح احب بعد وهيه اصلا ماحبت وماتعرف شنو الحب ، انته شعليك بعدين تعرف كمل القصة وتعرف ، حاضر مجهول بس استعجلي لان تتأخرين كلش بتنزيل البارتات ، اسفه استاذ رامي بس النت ضعيف ، بدون حجج اريد ابسرعه اتخلص لان اريد استقر واخلي امي فرحانه ، اي اي افتهمنه ...)
********(+)********(-)**********
اسفه لان اتأخر بتنزيل البارت بس النت ضعيف كلش ادعموني ولو بتصويت مياخذ منكم بس ثانيه وهيه ضغطة اصبع😟
المهم اتمنى ان يعجبكم البارت اريد جرعة حماس منكم حتى نكملها 😆
باااااااي احبكم 😘😍