Mistakes!

{ep:21}

'ဟဲ့ ဘယ်လိုဖြစ်လို့ပျာယာခတ်နေတာလဲ'

'ဟာ အစ်မရာ ငြိမ်ငြိမ်နေစမ်းပါညီမလာသေးလို့စိတ်ပူနေရတဲ့အထဲ'

ဘုန်းကြီးကျောင်းမှာလိုအပ်တာလေးတွေအရင်လုပ်ထားရအောင်သူ့ခေါ်လာပါတယ် တစ်လမ်းလုံးတညီထဲကိုညီနေတော့တာပဲ အခုလည်းတိုက်ပုံကြီးတကားကားဝတ်ပြီးဘုန်းကြီးကျောင်းအပေါက်ဝကိုပဲသူ့ခမျာလှမ်းလှမ်းကြည့်နေတာသစ်ကုလားအုတ်ကြီးနဲ့နင်လားငါလားပဲ

'အံမယ်လေးအပိုတွေကလည်းလုပ်တတ်လိုက်တာ မင်္ဂလာဦးဆွမ်းကျွေးပါဆိုမှနင့်သတို့သားကအချိန်တန်တော့လာမှာပေါ့ဟဲ့'

ကိုယ်ချင်းမစာမနာပြောတတ်တဲ့အစ်မဖြစ်သူကိုသူတစ်ချက်ဘုရှိုးရှိုးလိုက်တော့ယောက်ဖနားကိုထသွားလေရဲ့

မင်္ဂလာဆောင်မယ့်သတို့သားကိုအတင်းကာရောအရင်ခေါ်လာပြီးတော့ ဘာမှလည်းလုပ်စရာမရှိကျွေးဖို့မွေးဖို့ကလည်းအဆင်ပြေတာကို အခုတော့မနက်စောစောလေးညီ့ဆီကိုသွားပြီးညီ့မျက်နှာလေးကိုအရင်ကြည့်ပါမယ်ဆိုမှ ညီရယ်အမြန်လာပါတော့ကိုယ်လွမ်းလှပြီ

'သားရေဆရာတော်ကြီးကခဏလာခဲ့ဦးတဲ့'

လှမ်းအော်နေတဲ့အမေ့အသံကြောင့်ဘုန်းကြီးကျောင်းအပေါက်ဝကိုတစ်ချက်လှမ်းကြည့်လိုက်ပြီးကျောင်းပေါ်သို့အမြန်ပြေးတက်လိုက်လေသည်

'Hello'

'Hello'

'ညီမလာသေးဘူးလား၈နာရီထိုးတော့မယ်'

လက်ကနာရီကိုကြည့်ကာသူရေရွတ်မိတော့ ဖုန်းထဲကနေညီ့ရဲ့ရယ်သံလွင်လွင်လေးကိုကြားလိုက်ရလေသည်

'လာနေပါပြီရောက်တော့မယ်'

'အင်းပါ အင်းပါ ဒါပေမဲ့ကားကိုဖြည်းဖြည်းမောင်းဦးနော်'

'ဟုတ် ကားကမောင်းစရာတောင်မလိုတော့ဘူးအခုဘုန်းကြီးကျောင်းအောက်ရောက်နေပြီ'

ထိုသို့ပြန်ဖြေသံကိုကြားလိုက်ရတဲ့တစ်ပြိုင်နက်အောက်ထပ်သို့ပြေးဆင်းမိသည် သူညီကိုတွေ့ချင်နေပြီလေ အဲ ဘုန်းကြီးကျောင်းပေါ်မှာမပြေးရတာကိုသိပေမဲ့လည်း

လှေကားထစ်တွေကိုအမြန်ပြေးဆင်းရင်းအဆုံးထိမရောက်ခင်လေးမှာကိုယ်နဲ့တစ်ပုံစံတည်းဆင်တူဝတ်ထားတဲ့ထိုဖြူလွလွကောင်လေးကိုမြင်လိုက်ရတော့ရင်ထဲမှာကြည်နူးမှုတွေကအလုံးလိုက်ကိုတိုးဝင်လာတော့သည်

'ညီ!'
ခေါ်ရင်းသူပြေးဆင်းလိုက်တော့ ညီကသူ့ကိုပြုံးကာကြည့်နေလေသည်

'ညီကလည်းကြာလိုက်တာကွာ'

သူစူပုတ်ပုတ်နဲ့ရေရွတ်မိတော့ညီကဖိနပ်ချွတ်နေရင်းကနေခေါင်းလေးခါကာရယ်ပြန်သည် ဒီနေ့ကျွန်တော့်ကောင်လေးရဲ့အပြုံးလေးတွေကအရင်နေ့တွေကထက်အရမ်းတောက်ပပြီးလှနေတာတကယ်ပါ

'ကျွန်တော်လည်းလာချင်တာပေါ့၇နာရီတည်းကထွက်လာမလို့Mommyအလှပြင်တာမပြီးသေးလို့ထိုင်စောင့်နေရလို့'

သာမန်မင်္ဂလာပွဲတွေမှာဆိုသတို့သမီးအလှပြင်တာကိုသတို့သားကထိုင်ကြည့်နေပြီးရင်ဓာတ်ပုံလေးရိုက်တီတီတာတာလေးပြောကြည်နူးကြမှာဖြစ်ပေမဲ့ကျွန်တော်တို့မှာတော့တွေ့ချင်နေတာတောင်ယုတ်စွအဆုံးကိုယ့်မင်္ဂလာဆောင်ဖြစ်နေတာတောင်အိမ်ကလူတွေကိစ္စပြီးမှလာရတဲ့အဖြစ်

'ဟုတ်ပါပြီအန်တီတို့ရော'

'ဟင် သူတို့ခုနကလေးတင်ဘုန်းကြီးကျောင်းပေါ်တက်သွားတယ်လေမတွေ့ခဲ့ဘူးလား'

ဟမ်!အဲ့ဒါဆိုခုနကသူညီလာပြီဆိုလို့ကျောင်းပေါ်ကပြေးဆင်းလာတုန်းကတိုက်မိမလိုဖြစ်ပြီးတဟားဟားအော်ရယ်ကာကျန်နေခဲ့တာညီ့မေမေနဲ့အမျိုးတွေလား
အား ရှက်လိုက်တာ

'ဟီး တွေ့ခဲ့ဘူး'

သူသွားလေးဖြဲကာပြောတော့ညီကသူ့ကိုအသည်းယားသလိုလေးကြည့်လာလေသည် သောက်ကလေးလေးအသည်းယားဖို့ကောင်းနေတာသူဆိုတာသူ့ကိုယ်သူတောင်သိပါ့မလားမသိ

'ကြည့်ပါဦးဘယ်သူ့သတို့သားမို့အဲ့လောက်တောင်ချောနေရတာလဲ'

လူကိုတပြုံးပြုံးနဲ့ကြည့်ကာ တိုက်ပုံကြယ်သီးတွေကိုတပ်ပေးနေတဲ့မျက်စိအရှေ့ကထိုကောင်လေးကိုအသည်းယားလာတာကြောင့် စိတ်မထိန်းနိုင်စွာပါးလေးတစ်ဖက်ကိုခပ်ဖွဖွညှစ်ရင်း

'ဘယ်သူ့သတို့သားဖြစ်ရမလဲ ညီ့ရဲ့သတို့သားပေါ့'

သူပြောလိုက်တော့မျက်လုံးလေးတွေကလခြမ်းကွေးလေးတွေဖြစ်သွားတဲ့အထိရယ်နေပြန်သည် ညီနော်ဘုန်းကြီးကျောင်းကြီးမှာမို့မဟုတ်ရင်ဆွဲနမ်းလိုက်ပြီ

'လာညီကျောင်းပေါ်တက်ရအောင်ဆရာတော်ကြီးကိုလည်းဖူးရအောင်'

'အင်း'

ခေါင်းလေးငြိမ့်ကာပြောလာတဲ့ညီ့ရဲ့လက်လေးကိုကိုင်ရင်းတစ်ယောက်မျက်နှာတစ်ယောက်ကြည့်ကာပြုံးလိုက်ကြပြီးဘုန်းကြီးကျောင်းပေါ်သို့တက်ခဲ့ကြလေသည်

ဘုန်းဘုန်းပြောတဲ့ကံတရားကြောင့်အခုလိုရေစက်ပါလာရတာမဟုတ်လားဆိုတဲ့စကားအဆုံးတစ်ယောက်မျက်နှာတစ်ယောက်ကြည့်ရင်းပြုံးမိလိုက်ကြသည်

ရေစက် ကံတရား ဖူးစာ
ကျွန်တော်ကျေးဇူးတင်မိတယ်ညီ့ကိုကျွန်တော့်ဆီရောက်အောင်ပို့ပေးခဲ့လို့
ထိုကောင်လေးကိုကျွန်တော့်အပိုင်ဖြစ်ခွင့်ရခဲ့လို့

Gay!လူတွေပြောနေကြတဲ့သူများသားမယားကိုပြစ်မှားခဲ့မိလို့ဆိုတဲ့ဝဋ်ကြွေး
ဒါပေမဲ့ကျွန်တော်တို့ကသူတို့သတ်မှတ်နေကြတဲ့အခြောက်ဆိုတဲ့ပညတ်ချက်ထဲမှာပါနေလားတော့ကျွန်တော်ကိုယ်တိုင်တောင်မသိပါ ကျွန်တော်ချစ်ခဲ့ဖူးတာထိုလူသားတစ်ယောက်သာရှိသည်မို့ တကယ်လို့ယောက်ျားတစ်ယောက်ကိုချစ်ခဲ့မိတာနဲ့gayလို့နာမည်တပ်ခံရရင်တောင်ကျွန်တော်ပြုံးနေမိပါလိမ့်မယ် ကျွန်တော့်ဘေးမှာကျွန်တော်ချစ်ရတဲ့သူတစ်ယောက်လုံးရှိနေပြီပဲ ဘယ်သတ်မှတ်ချက်ဘယ်လိုစကားတွေဖြစ်ဖြစ်လက်ခံနိုင်သည်ရင်ဆိုင်ဖြေရှင်းရဲသည် သူ့လက်ကိုတွဲထားရင်းနဲ့ပေါ့

ဘုန်းကြီးကျောင်းမှာနေကြတဲ့မိဘမဲ့ကလေးလေးတွေရဲ့ဆုတောင်းသံအဆုံးမျက်ရည်လေးဝဲကာကလေးလေးတွေကိုကြည့်နေတဲ့ညီ

ဆရာတော်ကြီးကျောင်းမှာလက်ထပ်ဖို့ဖြစ်လာရတာညီ့ရဲ့ဆန္ဒသဘောထားပင် သားသမီးရတနာရဖို့မဖြစ်နိုင်တဲ့ကျွန်တော်တို့၂ယောက်အတွက်သူတို့လေးတွေကိုသာကိုယ့်ကလေးလေးတွေလိုသဘောထားကာစောင့်ရှောက်မယ်ဆိုတဲ့ကျွန်တော့်ရဲ့ညီသည်ဘယ်လောက်တောင်ဖြူစင်ပြီးမြတ်နိုးဖွယ်ကောင်းလိုက်လေသလဲ စိတ်ထားကောင်းတဲ့ကျွန်တော့်ကလေးလေးဟာတစ်ခါတစ်ခါတကယ်လူကြီးလေးလိုပင်

'သားတို့ရေဒီမှာဧည့်သည်တွေကိုလာနှုတ်ဆက်လိုက်ပါဦး'

အမေ့ရဲ့အော်သံအဆုံးညီ့လက်လေးကိုဆွဲရင်းဧည့်သည်တွေကိုလိုက်နှုတ်ဆက်နေမိသည် ခပ်တင်းတင်းဆုပ်ကိုင်လာတဲ့ညီ့လက်ကလေးကိုကိုင်ရင်း လူတွေများနေတာမို့မနေတတ်ဖြစ်နေတဲ့ကောင်လေးကိုပြုံးရင်းကြည့်နေမိသည် မြတ်နိုးစွာဖြင့်

'ဟေ့ သတို့သားကြီး'

ကျောင်းပြီးတည်းကမတွေ့ဖြစ်တာကြာနေတဲ့သူငယ်ချင်းတစ်သိုက်

'ဟာ ဟေ့ရောင်တွေလာကြပြီလား'
ညီ့လက်လေးကိုကိုင်ထားရင်းသူတို့နားလျှောက်သွားလိုက်သည် ညီကတော့သူခေါ်ရာနောက်ကိုဒီအတိုင်းလေးပါလာလေသည်

'မတွေ့တာတောင်ကြာပြီ မင်းတို့ကလည်းအခုမှပေါ်လာတော့တယ်'

'မအားဘူးကွကလေးထိန်းရအလုပ်လုပ်ရနဲ့ဒီနေ့တောင်မင်းမင်္ဂလာဆောင်မို့ငါတို့တွေမရရအောင်လာခဲ့တာပဲကျေးဇူးတင်လိုက်'

'ဖြစ်ရတယ်မိန်းမကြောက်ရင်ကြောက်တယ်ပေါ့ကွာ'

'ကြောက်တာမဟုတ်ဘူးကွ ချစ်တာချစ်တာ'

'ဟားဟား'

သူငယ်ချင်းတွေနဲ့အဖွဲ့ကျနေရင်းညီ့ကိုကြည့်လိုက်တော့ခေါင်းလေးငုံ့ထားလေသည်

'ညီ ခေါင်းလေးမော့ပါဦး ကိုယ့်သူငယ်ချင်းတွေနဲ့မိတ်ဆက်ပေးမယ်'

'ဟင် အင်း'

နွေးထွေးတဲ့အပြုံးနဲ့ကြည့်နေတဲ့သူ့ကြောင့်ညီပြန်ပြုံးပြလိုက်လေသည်

'ဟေ့ရောင်တွေ ဒါငါ့ချစ်သူ အဲ အခုတော့ငါ့လူဖြစ်သွားပြီပေါ့'

သူ့စကားသံအဆုံးသူ့သူငယ်ချင်းတွေကရယ်ရင်းကိုယ့်ကိုကြည့်ကာနှုတ်ဆက်လာကြတာမို့သူအပြုံးလေးနဲ့ပြန်နှုတ်ဆက်လိုက်လေသည်

'မင်းခန့်ညားတို့များယူမယ့်ယူတော့လည်းတကယ့်အကောင်းလေးမှရွေးယူတယ် မင်းခန့်ကတက္ကသိုလ်တက်တုန်းကအရမ်းပွေတာသိလား'

'ဟေ့ရောင်လျှောက်ပြောမနေနဲ့ ညီသူပြောတာမယုံနဲ့'

'တကယ်ပြောတာညီရဲ့အဲ့ကောင်ကငပွေး'

'ဟေ့ရောင် ညီ့ကိုငါပဲညီလို့ခေါ်မှာ လာမခေါ်နဲ့သူများယောက်ျားကို'

'အောင်မယ်လေး တော်တော်သောက်မြင်ကပ်စရာ'

သူတက္ကသိုလ်တက်တုန်းကသူငယ်ချင်းတွေကသူ့ကိုတော်တော်ခင်ကာအစသန်ကြသည်
သူတို့ကိုကြည့်ရင်းညီပြုံးနေမိသည်

'ညီဘုန်းမြတ်'

ခေါ်သံကြောင့်ခပ်လှမ်းလှမ်းမှာသူငယ်ချင်းတွေနဲ့စကားပြောနေတဲ့သူ့ကိုကြည့်နေရင်းကအနောက်ကိုလှည့်ကြည့်လိုက်လေသည်

သူ့ကိုပြုံးကာကြည့်နေတဲ့ ထိုလူကိုမြင်ဖူးသလိုရှိပေမယ့်ဘယ်သူမှန်းသူမသိ မင်းခန့်ညားရဲ့သူငယ်ချင်းဖြစ်မယ်အထင်နဲ့ပြန်ပြုံးပြလိုက်လေသည်

'ငါ့ကိုမမှတ်မိဘူးလား'

'ဗျာ!ကျွန်တော့်ကိုသိလို့လား'

'တကယ်မမှတ်မိဘူးကိုး ငါလင်းပိုင်ဖြိုးလေအထက်တန်းတုန်းကတစ်ခန်းထဲမှတ်မိလား'

လင်းပိုင်ဖြိုး?အတိတ်ကအကြောင်းအရာများကိုပြန်တွေးရင်းဦးနှောက်ထဲတစ်စွန်းတစ်စပြန်ပေါ်လာလေသည်

'အာ မှတ်မိပြီ Sorryနော်ရုတ်တရက်ကြီးမို့လို့ပါ'

'ဟား ရပါတယ်ကွာ မင်္ဂလာပွဲအတွက် Congratulationနော်'

'အင်း ကျေးဇူးပါပဲ'

'မင်းအချစ်တွေကစစ်မှန်ခဲ့တာမို့ထင်တယ် နောက်ဆုံးတော့သူ့အချစ်ကိုမင်းရခဲ့ပြီ'
ညီပြုံးလိုက်ရင်း

'အင်း အဲ့လိုဖြစ်မယ်ထင်တယ်'

'အင်း ငါငယ်ငယ်တုန်းကအနိုင်ကျင့်ခဲ့တာတွေအတွက် တကယ်တောင်းပန်တယ်'

'အာ ရပါတယ် ငါ့အတွေးထဲမှာတောင်မရှိတော့ဘူး'

'အေးပါ မင်းတို့အတွက်တကယ်ဝမ်းသာပါတယ်'

ညီအပြုံးလေးနဲ့ပြန်တုံ့ပြန်ရင်းရယ်မောနေတဲ့မင်းခန့်ညားရဲ့မျက်နှာကိုငေးကြည့်ရင်းပြုံးလိုက်မိသည်
တကယ်ပဲကျွန်တော့်အချစ်တွေက သူ့အပေါ်တကယ်စစ်မှန်ခဲ့လို့ သူ့ကိုပိုင်ဆိုင်ခွင့်ရခဲ့တာလား

ငါတို့၂ယောက်ရဲ့တွေ့ဆုံမှုကမှားယွင်းခြင်းတွေနဲ့စချင်စနေလိမ့်မယ်
ငါတို့၂ယောက်ရဲ့လမ်းခရီးမှာအမှားတွေအများကြီးနဲ့ကတောက်ကဆတွေလည်းဖြစ်နိုင်လိမ့်မယ်
ဒါပေမဲ့ဘာတွေဘယ်လိုပဲဖြစ်နေပါစေ
ငါတို့၂ယောက်ကြားမှာစစ်မှန်တဲ့ချစ်ခြင်းတွေနားလည်မှုတွေရှိနေပြီပဲ ဘယ်လိုအမှားတွေပဲဖြစ်ပါစေခွင့်လွှတ်နားလည်ကြရင်းရှေ့ဆက်ကြမယ်

'ကဲသတို့သားကြီး သတို့သားလေးနားနည်းနည်းလေးတိုးပါဗျ'

'နည်းနည်းပဲလား'

'အယ်!ဒီသတို့သားကြီးကတကယ်မလွယ်တာဘဲ နည်းနည်းမဟုတ်ဘူး ဖက်ပါဖက်လို့ရတယ်'

Cameramanရဲ့စကားသံအဆုံးမှာ တဝါးဝါးဖြစ်သွားတဲ့လူအုပ်ကြီး ၂ဖက်မိဘတွေအပြင်ဆွေမျိုးတွေရှိနေတဲ့ကြားကတကယ်ပဲလူကိုဖက်လာတဲ့သူ့ကြောင့်ညီခေါင်းလေးခါကာရယ်လိုက်မိသည်

'ကဲ ဒီကိုကြည့်ကြပါ 1 2 3 ချလပ်***'

တိုက်ပုံအမည်းရောင်ပုဆိုးနက်ပြာရောင်လေးဆင်တူဝတ်ထားတဲ့ကောင်လေး၂ယောက်ရဲ့မျက်နှာမှာအပြုံးကိုယ်စီဖြင့် ၂ဖက်မိဘတွေမှာလည်းအပြုံးကိုယ်စီနဲ့ သွားတန်းလေးတွေပေါ်ကာမျက်လုံးတွေပင်မှိတ်တဲ့အထိရယ်မောနေတဲ့အရပ်ရှည်ရှည်နဲ့ကောင်လေးဟာသူ့ရင်ခွင်ထဲကကောင်လေးသေးသေးလေးကိုနစ်နေအောင်ကိုဖက်ထားသည် ရင်ခွင်ထဲကကောင်လေးရဲ့မျက်လုံးလှလှလေးတွေမှာကျေနပ်ပျော်ရွှင်နေမှုတွေကအထင်းသား

ဓာတ်ပုံထဲမှာအကုန်လုံးပြုံးရယ်နေကြကာသူတို့၂ယောက်ရဲ့ချစ်ခြင်းကိုဂုဏ်ပြုနေကြလေရဲ့ အယ်!အကုန်လုံးတော့မဟုတ်ဘူး ငိုနေတဲ့သူတစ်ယောက်လည်းရှိတယ် တစ်ခြားသူတော့မဟုတ် ညီ့ရဲ့တူမလေးပင် ကလေးမလေးသည်အားပြဲကြီးနဲ့အော်ငိုနေလေသည် အဘယ့်ကြောင့်ဆိုသော်ဆံပင်ရှည်ရှည်နဲ့သွားကြီးဖြဲကာကြည့်နေတဲ့Cameramanကြီးကိုကြောက်သွားဟန်တူပါရဲ့

နောက်ဆုံးတော့ပြီးဆုံးသွားခဲ့လေပြီ
ငိုကြွေးခြင်းတွေကအတိတ်နေ့ရက်တွေမှာကျန်ခဲ့လေပြီကျွန်တော့်ရဲ့နေ့ရက်တွေကိုအပြုံးတွေနဲ့ပဲဖြတ်သန်းမယ်ကျွန်တော့်ကိုပျော်အောင်ဖန်တီးပေးမယ်ဆိုတဲ့ကျွန်တော့်ရဲ့ကိုယ်ပိုင်လူရွှင်တော်ကြီးနဲ့အတူတူပေါ့

'ညီ ဒီကြက်သားလေးစားမလား'

'အင်း'

တိုက်ပုံကိုချွတ်ကာအောက်ကအင်္ကျီလည်ကတုံးလက်ရှည်ကိုတံတောင်ဆစ်ထိခေါက်ထားပြီးဧည့်သည်တွေရှင်းတုန်းလေးသူ့ကိုထမင်းခွံ့ကျွေးနေတဲ့သူ့ချစ်ချစ်

'အာ'

'အာ'
ပါးစပ်လေးဟကာအစာတောင်းနေတဲ့ပုံလေးကိုကခွေးပေါက်လေးလို ဟိ ချစ်စရာလေး

'ရော့ ချစ်လည်းစားလေ'
ပြောရင်းနဲ့ပါးစပ်ထဲဝင်လာတဲ့ထမင်းတစ်လုတ်

'ညီ ကိုယ့်ကိုဘယ်လိုခေါ်လိုက်တာ'

'ဟမ် ဘယ်လိုခေါ်လိုက်လို့လဲ'

အံမယ် လူကိုလာပြီးမသိချင်ယောင်ဆောင်နေတယ် အအေးလေးတောင်သောက်လိုက်သေး ဒီကလေးတော့တွေ့မယ် စိတ်ထိန်းထားတယ် ညမှတွေ့မယ် ငှဲငှဲ

'မသိပါဘူး ချစ်ဆိုလားဘာဆိုလား'

'ကျွန်တော်တော့ဘာမှမကြားမိပါဘူးထားပါအဲ့ဒါတွေပါးစပ်ဟ!ကျွန်တော်ထမင်းခွံ့ကျွေးမယ် အာ'

'အာ'

'ကောင်းလား?'

'အင်း ကောင်းတယ်ညီခွံ့ကျွေးလို့'

'ပိုပြီ'

ထမင်းစားပွဲဝိုင်းမှာတစ်ယောက်နဲ့တစ်ယောက် ကလူကျီဆယ်သာယာနေတဲ့ထိုပူပူနွေးနွေးကြင်စဦးစုံတွဲလေးကို ရှုထောင့်မျိုးစုံကနေမလွတ်တမ်းမှတ်တမ်းတင်နေတဲ့Cameraman ကြည့်ပြီးကျေနပ်နေတဲ့အမေ၂ယောက် အားကျနေတဲ့အစ်မတွေ အင်း ဟိုအချစ်ငှက်၂ယောက်ကတော့သိနိုင်မည်မဟုတ် အင်းပေါ့တစ်ယောက်မျက်နှာတစ်ယောက်ကြည့်ပြီး တစ်ယောက်တစ်လုတ်ထမင်းခွံ့ကျွေးလိုက်ကြနဲ့ကြည်နူးနေတာမို့ သတိမထားမိမှာအမှန်ပင်

ကိုယ်အရမ်းကံကောင်းတယ်ညီ မင်းဘေးနားမှာရှိတဲ့အချိန်တိုင်းမှာပေါ့

ကိုယ်ဟာလောကကြီးမှာအပျော်ဆုံးလူသားပဲညီ မင်းပြုံးလိုက်တဲ့အချိန်တိုင်းမှာပေါ့

ကိုယ်သေမလိုကြည်နူးရတယ်ညီ မင်းရဲ့ဂရုစိုက်မှုသေးသေးလေးတွေကိုပိုင်ဆိုင်ရတဲ့အချိန်တိုင်းမှာပေါ့

ကျေးဇူးတင်ပါတယ် ချစ်ပေးတဲ့အတွက်

တောင်းပန်ပါတယ် ကိုယ်ဟာညီ့အတွက်ပြီးပြည့်စုံတဲ့မိသားစုတစ်ခုကိုမဖန်တီးပေးနိုင်လို့

ဒါပေမဲ့ကိုယ့်ကိုယုံကြည်ပေးပါ မဟုတ်ဘူးကိုယ့်အချစ်ကိုယုံကြည်ပေးပါ မင်းအတွက် မင်းတစ်ယောက်တည်းအတွက်ရှင်သန်နေတဲ့ ကိုယ့်အချစ်တွေကိုအကြွင်းမဲ့ယုံကြည်ပေးပါ ကိုယ်ရဲ့မြတ်နိုးရာ...ညီ~~~