أنثـى قآتلة
حلـقة السـابعة ~
احدآث الـحلقتين هـذي ح تكون سريعة و نبي نحكي كل شي و مزال.. منبيش نحكي ع حب بس .. لأن قصـة يلي نبي نحكي عليهآ أنثى قآتلة قآعدة نحآول نوضحلكم في حيآتها و حيآة أهلهآ قبل حكآيتها .. و خديت في حيآتهم سبع حلـقآت .. بعد حلقتين أو ثـلآثة بنبدآ نحكي عـ اسم " أنثى قآتــلة " سحـر ❤
~~~~
سحر : اي سألت لاكن عادي .. احني بعد تلاتة ايام بنسافروو .. شن هي دوة اللي ح تقعد غير كلام فاضي. يمشي و يجي
نور : اييييي مقتلكش !!!
سحر : شنوووووووووو
نور : احتمآل نقعدو في ليبيآ نستقرووووووو
سحر : بجديات :O
نور : ايييييه هكي بابا قال
سحر : يااااريت ❤❤
فاطمة : يابنااات
سحر &نور&سناء : نعممممممم مااااماااا
فاطمة : كلمتنى ام خطيبك و قتلي راهو بنجو بنديرو تلبيسة بعد غدوة
سناء : ايه ❤❤
فاطمة : اني قلتلهمم لا خلوها غدوة
سناء : علاااش ياماما نبي مزين يادوب ندور
فاطمة ':تي اسكتي .. كيف بنديروه بعد غدوة ...!! و احني اليوم اللي بعده راجعين لبريطانيا .. بتلحقي تلمي قشيشك
سناء : باهي شن ندير اني توا
فاطمة : كل شي واتي و اهو ماكلة بوك حجزها ناقص غير مزين
سناء : باهي ياماما اللي تشوفوه
سحر : امتااااا غدوة
فاطمة : بيجو بعد مغرب مع ساعة 8
نور : اممممممممم بنحصلوو جووو
فاطمة : ردي بالك ترقصي يا فرخة يقولوا ماصدقت تنخطب
سناء: وشن فيهاااا
سحر : خاطري نتعلم رقص ❤❤ منعرفش
نور: حتى انيييييي
# فات وقت و سناء قعدت ادور في مزين نين لقت وجي يوم تلبيسـتهآ و كـانت فرحآنة ❤ و مروآ الايآم و رجــعوآ لبريطآنيــا .. سحر لقت صآحبتها شهد مسآفرة في سـوريـة ~ و مـرت الأيـام و أمهآ ديمآ لآبسة سحر بأنها سمنت و لآزم تضعف .. سحر مش معـدلة و مش هآمهآ رغم ديمآ تحصل في هزآيب
زي يا سمينة و ي بطة .. مكآنش هآمها .. ~
خوهآ علي اللي عايش في نمسـا روح لليبيــا و بدي يشتغل في دولة أمن خـارجي
و سكن في حوش و سآلم و مرته سندس فوقهم .. طبعاً مرتـه مكآنتش تقول حتى ان ولد عزابي قاعد بروحه لوطة و يلا أنزله غدي .. علي تعود يكنس و يغسل الماعين و ينشف في حوش و و ينظف حوآيجه بروحـه .. و كآن يكلم في أهله في بريطآنيا ديما .. و يسأل فيهم أمتـى يرجعوآ ❤
نيـن جـي اليووووم المبـــارك على ليبيآ
#17_2_2011
صـارت ثورة و الحـرب في ليبيآ ..
:: سحر ::
كنت ندعي لربي كل يوم ع اللي صآير في ليبيا و ندعي لخوتي يلي في ليبيا يارب سلمهم يارب
يارب سلم اهلنا يارب .. يارب احقن دم ليبين
يارب ارحمهم و كون معاهم ..
قتل ظلم تشـرد دآره الطاغي .. << احتفظوآ بأرائكم في سياسة >> و تآبعوا قصة
كل يوم نكلمو في خوتي نطمنو عليهم .. و الله كل يوم نبكي لأني مش موجودة في بلادي وقت ما بجد هيا تحتاجني
لو نديرلها ابسط الاشياء المهم نكون جنبها
يارب ساعدهم .. كل يوم نسمع في الاخبآر احرف من يوم .. كل يوم نسمع بـرجالة استشهدوا كل يوم نشوف في أم تبكي يــــــاربي بلاااادي محتاجاتك ياربي بلادي جزء مني ح يضيع .. ياربي مش مستعدة نفقد فيها حد اكثر ما فاقدة الوطن ..
كل يوم بدموعي رغم عدم وجودي في وطن .. و هذا كان اكثر شي يقهر بالنسبة ليـا
- كان بالي مشغول ع خوتـي هلبا .. و ع شخص منعرفش عليه شي غير أسمه .. مــحـمد
زعما شن صار فيهم ! .. شرق طرابلس كان اكثر مكان يضربوا فيه الكتائـب ..
كل يوم نقول لأمي اتصلي بيهم .. و بخوتي ..
لحد ما قطعوا الاتصآلآت ع ليبيا .. شن ممكن نديرو !
احنا مكتوفين الايادي !
احنا مش في بلآدنا !
شن ابسط شي نقدر نقدمه غير دموعي يلي كل يوم ينزلوا عليك يابلادي !
بابا و خوي سالم كانوا صحآب مع اكبـر ناشط سياسـي .. القدافي كان يدور فيه
و هو كان يتكلم في قناة جزيرة و العربية من دآخل ليبيا .. او بالأحر من دآخـل حوشنـا !
نعم .. حوشنا كان كبير و فوقه شقتين .. خدو شقة قعد فيهآ هو و صغآره .. طاغي كان يدور فيه ..
و سالم خوي كان يساعد فيه ان يتكلم من قناة جزيرة .. كان يشري في شفرآت هلبا و كل بعد مكالمة يكسر شفرة .. كنا خايفين عليهم و ان لو عرفوا الحوش حتى خوتي ح يمشوا فيها .. احنا مش ناقصين .. يالله و يارب كون معاهم
خوي علي بما ان كان في آمن خارجي طلبوه ان يطلع مع كتآيب لبنغازي ..
يوم عرفت كان كابوس .. انه يمشي يحارب خوه ليبي من اجل طاغي .. لا .. دموع مفآرقوناش ..
كان أبسط شي ممكن نديره اني و خواتي و خوي معتز أن نطلعوآ مظاهرات .. و فعلا خيطة اعلام الاستقلال في بريطانيا و طلعنا مظاهرات .. كل يوم قدام سفارة الليبية نطلعوا مظآهرآت .. لحد ما تم تصويرنا و خدو أسامينـا .. و بدينا ممنوعين من دخول ليـبيا نهائيـا .. نهـائياً .. و بدو يرآقبوا في حوشنا ..
و لما عرفوه ان خونا في امن خارجي اصروا انه يمشي لبنغازي يحارب لأن طلعنآ مظاهرات ضد نظام ..
عطوه علي سلآح .. سلآح يلي بيقتل بيه خوه ليــبـي .. خوي وافق و قال ح نمشي نحارب في بنغازي و خدي سلآح
معاش قدرنا نكلموه ع نقآل لأن تلفونه مرآقب .. و نفس اليوم يلي خوي علي كان ح يهرب فيه لتونس .. لان كان مجبر انه يمشي يقاتل في بنغازي مع كتآيب .. نفس اليوم .. اقتحموآ حوشنا لأن زبطوه أن اكبر نشط سياسي كان في حوشنا .. و الله و الله 24 سيارة بدون مبااااالغة .. شدوه و شدو خوي سـالم معاه في وقت يلي كنا نتكلموا مع مرت خوي سندس .. رمت نقآل و شدوها حتى هيا .. طبعا كان فيه مرتزقة .. مش ليبين
ضربوه خوي و رآجل و صغاره يلي معاه مع أهانات يا جرذان و و و ...
و كان خط مفتوح .. و من بريطانيا كنا نسمعوا في كل شي ..
لأول مرة نشـبح بابا يــــبــكي لأول مرة نشبحه يرعش .. ياربي
ماما اغمى عليها .. حال تلخبط في حوشنا .. رغم ان مش موجودين في ليبيا الا ان حال يلي كنا فيها اقسم بالله اكثر من حال بعض ناس في ليبيا .. خوي معتز يخبط يبي يروح مع ثوار.. و سناء تبكي ع خطيبها يلي مشي مع ثوار و معاش عرفت هل مات او قاعد عايش .. اااااااااااااااااااااااااااه يارب فرجها
ممآنش يهدي فينا شي غير كلمة الليبين هذيـ ❤
يآقذافي موت موت .. ❤ شعب ليبي كــله خوت
::علي ::
كنت نسمع في كتايب يكسرو في باب خارجي .. حاولت نجري و نركب نقول لخوي سالم و يلي معاه ان في كتيبة جاية .. بس ملحقتش
كنت عارف ان ح يشدوهم في الحالتين .. و لو شدوني معاهم كنت ح نموت قدامهم .. لان نعتبر خاين .. نخدم في امن خارجي و داس في حوش اكبر ناشط سياسي ..
مكانش ليا حل ان ناخد سلاحي .. و لو شدوني يا نقتلهم يا يقتلوني ..
نفكر في اهلي يلي في بريطانيا .. بالهم مشغول .. لازم نكلمهم و لو كانت اخر لحظاتي ..
شن ح ندير .. كنت نجري بدون ما نفكر .. ركبت دور الاول .. دور ثاني .. و ثالت .. و هما كانو يركبوا .. ملقيتش روحي الا في سطاح .. كنت نشوف فيهم من فوق قدااش سيااارة هلبااااا .. حتى لو قتلت واحد مش ح تفرق ..
كان محكوم علينا بالموت .. أو بالـــموت .. :-)
منسمعش الا في صوت خوي و يلي معاه يصيحوا من كثر ضرب .. و مرت خوي معاهم .. بس ممسوهاش ..
حطيت ايديا ع راسي و اني مكتوف الايدين حاولت نفكر لثوآني معدودة ..ان نموت و لا نموت
نسمع في صيآح بنت خوي جلنار .. و اني نبكي .. مكنتش نتوقع ان ليوم هذا ح يجي .. اصعب يوم .. كل تفكيري هذا كان في ثواني ..
ملقيتش روحي الاو و اني غاطس في خزآن لميـاه فوق سطاح ..
كنت عارف روحي ان ممكن في اي لحظة نتكهرب .. هه مكنتش معدل .. لان في حالتين ممكن نموت .. و الله و الله مافكرتش في حياتي قد مافكرت في مرت خوي و روح عمها ❤ جلنار .. سمعت سيارات طلعوا خشيت نجري و اني مبلول كلي .. ندور في مرت خوي و جيجي .. لقيتهم يبكوآ و اول شي سألتها .. مسـوك ؟؟؟؟؟؟؟!؟؟؟ و قتلي لآ .. ارتحت مرت خوي قعدت تقولي اطلع من حووووش و تصيح .. رغم انها بايرة .. و مش كنة باهية من ناحية الاصول
بس كانت جـدعةة.. كانت تصيح و تقولي ح يرجعواا اطلع .. سألتها ليشش .. قتلي ان ولده قاعد في دار و ح يرجعوا ياخدوه .. و مكملتش كلمتها الا ان نسمع في صوت من نهاية شارع .. خديت سلاحي و طلعت .. نجري نقزت من سور حوشنا لحوش جيرانا .. و قعدت انقز من حوش لحوش .. و كسرت شفرتي .. ساعة 3 في ليل .. خفت ع مرت خوي .. و اني قاعد في جنان حوش منعرفهمش .. لو يشوفوني ح يحسابوني خانب و لو حكيتلهم ممكن يكونوا مع نظام .. يــــــارب استرها ..
حاولت نرجع للحوش .. مع فجر .. من سور حوش لان خفت يكون شارع مراقب .. خشيت للحوش كان كل شي فيه مكسر .. و بيبان مقفوعة .. مشيت نجري لمرت خوي و قعدت نسأل فيها شن صار .. حكتلي ان خودوهم كلهم و هيا تبكــي .. و تقولي سااااااااااااااااااااااالم خدوه .. ساااااالم .. خديت موبايلها و كلمت خوها و قلتله يجي يرفعها هي و بنت خوي .. و ان اني ح نسافر و مش ح نقدر نقعد في البلاد .. اهلي مطلوبين و برا و اني مطلوب و خوي سالم شدوه .. كنت فاقد الامل ان خوي يعيش .. حسيتها نهاية .. جي رفعهم لشرق طرابلس .. بين ناسنا و اهلنا
و اني خديت وراقيا و كل شي نبيه و طلعت من طرابلس مشيتلتونس قبل ما يتسحل اسمي في منظومة ان مطلوب ..و فعلا قدرت نطلع من البلاد و مشيت لتونس .. كلمت اهلي من تونس
و حكيتلهم ع اللي صار و قلتلهم اني في تونس .. و خوي سالم شدوه .. و بعد اتصالات و واسطات قدرت نعرف انه مسجون في سجن بوسليم .. مع سياسين ..
كانوا يعذبوآ فيهم اشد تعذيب .. و طبعا بحكم ان يلي معاه ناشط سياسي كبير قدر يهرب من سجن ب واسطة .. و خوي قعد
هذي اكبر صدمة تجيني .. باع خوي .. يلي فتحناله حوشنا هو وصغاره و دسيناه .. و سترنا عليه .. خلى خوي في سجن بوسليم و هرب .. الحـمد لله ع كل شي
::سحر ::
مش ح نقدر نحكي غير الحمد لله .. الحمد لله ع كل حال :-(
بابا جاه سكر .. جت فترة .. الباين انه طاغي ح يفوز في معركته ..بدو يضايقوا فينا في بريطانياا اصحاب نظام و قعدوا يهددو فينا .. بعنا كل شي عندنا في بريطانيا و سآفرنا لتركيا .. قعدنا فيهآ .. جانا اتصال و قالولنا
.
.
.
ســـالم قـتلـوه .. :-)💔
اَللهُمَ لاَ سَهلاً إلاَ ماَ جعَلتَه سهْلاً و أنتَ تَجْعل الحُزنْ سهْلاً إنْ شئْت ..:-(
يتبع..