هههههههه قتلتوني بضحك لبنات كفاش هجمتو 😂😂
_____________________________________
نجمة_______________________________
طاح الليل و الناس بداو يروحوا و دارنا بدات تفرغ و كل ماكانت تفرغ بديت نحس بهذاك الفراق مالڨري كان الحس و الهضرة بصح بغياب صوت ماما حسيت ماراني نسمع والو واعر واااااعر بزاااف الفراق تع الموت دخلت لبيتها لقيت فايزة معنقة خمار ماما و تبكي رحت قعدت قدامها شافت فيا و قاتلي
فايزة: نجمة ماما راحت خلاص خلاتنا وحدنا شكون لي بينا دوك شكون راح يحن علينا كيما لعزيزة 😢😢
عنقتها و ديت الخمار لي كان في يدها و بقيت نشم في ريحتو كنت حابة نبكييي نخرج هاذي الحرقة لي في قلبي بصح ماقدرتش تكسلت فوق سرير ماما و بقيت معنقا خيمارها و نخمم جاز الوقت ماقدرتش نغمض عيني نضت ندور فالبيت حليت خزانتها قاعدة نشوف في حوايجها لقيت البوم تع تصاور بقيت نشوف في تصاورها شحال كانت شابة لقيت بيناتهم تصويرة بابا تفكرت وصاية ماما الله يرحمها قبل ماتموت قاتلي روحي زوري باباك بديت نتفكر ڨاع واش صرا في حياتي من لي دخل الكلب تع سي محمود لحياتنا بسبتو هو ماودعتش ماما كما يلزم بسبتو فؤاد وصل للكومة قلبلي كامل حياتي طلع صباح و انا غير نخمم كفاش ننتقم منو خلاص لازم نحطو في بلاصتو لازم نهني الناس من شرو وقفت و خرجت من البيت كانو كامل راقدين رحت للكوزينة نحوس على الموس رفدتو وليت لبيتي خبيتو فالصاك خرجت من الدار بلاعقل باش مايفيقلي حتى واحد كانت الشمس غير كيما طلعت جزت على طوموبيلت فؤاد لقيتو لداخل هو و انيس راقدين بقيت نشوف فيه و نتفكر كفاش دقيقة ماخطاناش فالجنازة وقف معانا كثر من لي وسمهم فاميليا قلبي ماغلطش كي حبو غير هو سمحلي حبيبي على كلش بصح لازم ناخذ حقك و حق ماما بيدي كملت طريقي و حكمت طاكسي داني لدار القديمة تع سي كلب طبطبت خرجلي ريان نايض من رقاد
ريان : نجمة واش جابك مع صباح سمعت بلي يماك ماتت عظم الله اجركم
انا : امم جيت نشوف باباك
ريان : بابا !!! مكاشو رآه فالدار تع الغابة بصح علاه حبيتي تشوفيه
انا : هكذاك حبيت نشوفو عندي هضرة معاه
ريان : ادخلي استنايني نبدل حوايجي و نوصلك
باش نليكيديه قتلو ايه و دخلت نستناه كي شفت. دخل للبيت هربت باش مايلحقنيش مشيت شوية بقيت نحبس فطاكسيات ماحبسوليش بسيف باش قدرت نحكم وحدة ركبت و حطيت راسي على التاقة غايسة عقلي تبحر من راسي من لي فارقت ماما الحياة حتى قالي الطاكسيور
الطاكسيور : مادام رآهم يتبعو فينا شكيت
انا : كفاش
درت نشوف مورايا لقيت طوموبيل تع فؤاد كان يجري و يصونيلو باش يحبس
انا : تعيش خويا سيي كفاش تهرب منو
طاكسيور : آ ماداااام اسمحيلي ماديريليش لمشاكل
قالهالي و حبس الطوموبيل درت نشوف لقيت فؤاد تاني حبس و حبط يجري من طوموبيل لحق حل الباب وقالي
فؤاد : نجمة احبطي
انا : علاااش لحقتني روح منا
فؤاد : راني نقلك احبطييي ماتهبلينيش
انا : رووووح مادخلش روحك فيااا
حكمني فؤاد من ذراعي باش يحبطني و كما سييت نحيلو يدو ماقدرتلوش مالڨري كان غير بيد وحدة كي حبطني طاح من يدي الصاك و طاح منو كلش شاف فؤاد الموس فالارض موراها شاف فيا مخلوع تم تم تيراه برجلو باش مايشوفوش طاكسيور بقا حاكمني من يدي و خرج دراهم و خلصو و قالو
فؤاد : صحيت خو تقدر تروح
انا : فؤاد اطلقنيييي
سييت نحيلو يدو و يأتيني كف من حيث لا ادري و بدا يعيط عليا
فؤاد : هذا باش تتعلمي ما ديريش واش يقلك مخك الجايح هذا كفففففاااااش حبيتييي تقتليينيي من الخلعة عليك قووليييي حبيتييي توسخي يديييك بدم هذاك الكلب انا .. حبيتي تعذبي يماك في قبرها قولييي خممتي فيا انا واش يصرالي علاخاطر ماقدرتش نحميك انت أمانة في رقبتي وصاتني عليها خالتي سامية الله يرحمها نجمة وليييي لعقلك
كي عطاني فؤاد هذاك الكف و قالي هكذاك فطني فقت لروحي واش كنت معولة ندير فقت بلي ماما راحت خلاص ماتوليش يالوكان نقتل ڨاع الناس بديت نرعش وحدي حكمت فؤاد من قمجة تاعو و قتلو
انا: فؤاد راني محروقة من داخل نار راهي شاعلة في قلبي ماما ماتت بسبتي
فؤاد: يماك ماتت علاخاطر كانت مريضة علاخاطر لحق أجلها قوي ايمانك نجمة
حسيت بدمعة طاحت من عيني و تبعوها خاوتها كي شافني فؤاد اخيرا نبكي عنقني و قالي
فؤاد : هكذاااك عمري ابكي عيطي ماتخلي والو في قلبك
عنقت فؤاد بالزور و بديت نبكي بالعياط ماطلقتوش كامل حتى حسيت بلي شمختلو قمجة تاعو بدموعي كنت محتاجة بزاف لعناق كما هذا نخرج كامل واش في قلبي
انا : ادينييي لقبرها فؤاد
باسلي راسي و شدني من يدي راح رفد الموس لي تيراه امبعد داني لطوموبيل تاعو لحقنا لجبانة كانت فارغة و كانو نسا راحو ورالي فؤاد قبر ماما وقفت قدامو و رميت روحي عليه و بديت نبكي نبكي خلفت اليومين لي فاتو
انا: ماما توحشتك ياحبيبتي فرااااقك صعييييب بزاف نور حياتي طفا من لي غابت عينك قوليلي كفاش راح نقدر نكمل حياتي بلا بيك كنت متمنيا تشوفي ولادي تربيهم كما ربيتي ولاد فايزة الله يرحمك يالغالية 😭😭😭
بقيت على هاذيك الحالة قريب 3 سوايع نضت من على القبر و شفت فؤاد قاعد يستنا فيا ماسمعتش كامل حسو ولانطق بكلمة خلاني براحتي وقفت و رحت ليه
فؤاد : نروحو ؟
هزيتلو براسي و شديتو من يدو شحال كنت متوحشة هاذ اليد لوكان نصيب مانطلقهاش ...
فؤاد_________________________________
كي قاتلي شهرة هكذاك وليت كي المهبول خفت لوكان كاشما دير في روحها بديت نسقسي فكل واحد اذا شافوها و غير لي يقولي لالا
انيس : واش فؤاد نروحو
انا : انيس نجمة مكاشها واحد ماعلابالو وين راهي
انيس : اااو وين راحت الطفلة هاذي النسا رآهم يستناو
شهرة : شوف فؤاد باش مانقلقوش فايزة حنا نروحو و انت حوس عليها و جيبها
انا : انيس مدلي مفاتح تع طوموبيلتي
انيس : واش هبلت واقيل راك معول تسوڨ و انت يدك مكسرة
انا : انيس ماتكثرش فالهضرة قتلك مدلي
خلالي انيس المفاتح و راحوا كامل و أنا بقيت ندور نحوس عليها مابانتش
صونالي تيليفون رفدت
انا : الو وي
الو انا معاك ريان اسمع فؤاد نجمة راهي جات و راهي تحوس على بابا بانتلي ماراهيش مليحة كامل
انا : عسهااا بالااااك تغيب على عينك دوك نجي نديها
ريان : اوكي
جازو ربع ساعة زاد عاودلي ريان و قالي بلي هربتلو بصح لحقها و شافها تحكم في طاكسي
ريان : اسمع راهي حكمت طاكسي ڨري دوك نتبعهم حتى تلحق
بقيت نجري باش نلحقها و جاني سوڨان بزاف واعر بيد وحدة و مور سوفرونس كبيرة اخيرا صبتهم بقيت نطوني لطاكسيور باش يحبس كي شافني حبس حبطت نجري من طوموبيل و حبطتها بسيف بصح كي شفت الموس لي طاح من صاكها ما ولا فيا حتى عقل تيريتو باش مايشوفوش طاكسيور و تولي مباصيا غير راح كانت تسيي تنحي يدها ضربتها بكف و عيطت عليها و اخيرا شفتها بكات و ولات لعقلها ديتها لجبانة باش تشوف قبر يماها بقات تبكي عليها مقهورة حتى حكمتني القنطة و طاحتلي الدمعة بصح مسحتها تم تم باش ماتشوفنيش ماحبيتش نقلقها خليتها على راحتها كي ناضت قتلها نروحو قاتلي ايه و شدتني من يدي حسيت بقلبي راح يخرج من بلاصتو هاذيك الدقيقة تمنيت ڨاع مانطلقهاش و صلتها لدارهم
انا : اطلعي لدار و بالاكي تزيدي ديري كاش حاجة جايحة
نجمة : اسمحلي فؤاد ماكنتش في عقلي
انا: سماح bb ايا اطلعي دوك تريحي
طلعت نجمة لدار و انا رحت لداري ندوش و نبدل رقدت شوية و وليت عندهم عاونتهم جازت سمانة على موت خالتي سامية و نجمة مازدتش شفتها من نهار تلاقينا اخر مرة علاخاطر كانو لاتيين بالناس
كنت قاعد فالليل فالطموبيل في حومتها صونالي تيليفون لقيتو نيميرو مانعرفوش
انا : الو
نجمة : فؤاد توحشتك
انا : عمري لوكان تشوفي انا شحال راني متوحشك
نجمة : وعلاش ماجيتش تشوفني مالا
انا : ماحبيتش نشغلك بيا كنتي لاتية بصح راني كل يوم قريب منك
نجمة : وين راك دوك
انا : تحت داركم
نجمة : اطلع ددددووووك
انا : هبلتي bb حبيتي يبداو الهضرة
نجمة : مايهمنيش فؤاد راني حابة نشوفك اطللع ولا نحبط انا
انا : استناي دوك نجي
طلعت غير لحقت ليطاج تاعهم خرجت نجمة من الدار و جات تجري تعنقني و انا مانكذبش على روحي مالڨري كان علابالي واش راني ندير غالط بصح ماقدرتش نمنع روحي باش مانعنقهاش
نجمة : توحشتك بزاااف ماتقدرش تتخيل شحال
بقينا على هاذيك الحالة حتى ...
*********************************
ههههه علابالي سمطت كل مرة نحبس و نخليكم هكذاك معليش صبرو مابقاش بزاف و تتهناو 😁😁😁