#قدر_وطن
الكاتبه*tabarak Hasan
ج*★1
القدار والدنيا ........تلعب بنا ماتشاء تأخذ غالي وتجعلنا نأن عليه رفقآ بنا ياا قدري ومصيري في هذا الدنيا تابعو احداث قصتي وستعرفون ماذا كتب لي القدر وماذا جرا بي 💫💫🌿🌿🌿🌿🌿🌿🌻🌻🌻🌻🍂🍂 متابعه ممتعه ..🌸🌸🌸🌸🌸🌸🌸
❄❄❄بدايه قصتنه خليني اعرفكم ع بطله القصه
ۿُهــلاو،🥀💕)' اني وطن عمري بدايه قصتي 17 طالبه اعيش ويا عائلتي ابويه وامي واني الوحيده الاهلي نسكن بلبصره ملامحه عاديه مثل ايي بنيه بشرتي حنطيه عيون كبار عسلي شعري دائمن كيرلي متوسطه بلطول جسمي رشيق ونرجع الاهلي امي مصار عدهه اطفال من بعدي ومينعرف ليش هواي راجعت اطباء ماعرفو شبيهه كلما يصير طفل يوكع دائمن تكول الاابويه زوج ابويه ميقبل يكول وطن كافيه وابويه يحب امي وزوجو ع حب ابويه يشتغل بميناء ام قصر وامي ربه بيت حياتي مكضيتهه دراسه وطلعه ابويه موفرلي كلشي وميخليني احتاج الاشي وبيتنه قصر ومعروفين. كعدت صبح جان بوقتهه مدرسه سويت لفه اكلهه بشارع لئن ماالحك المدرسه شويه بعيده مريت ع صدقتي
بتول:صباحو حبيبتي
وطن;صباح النور شلونج اليوم
بتول;تمام حضرتي للمتحان
وطن;ايي قريت بس خايفه شويه
بتول: اردلج ورديلي ماشي
وطن; هههه اذا كعدوج يمي تعرف مدرسه بلاويج
بتول;لابلكت موهيه تراقب تجي من غير ماده
وطن;اذا عندج حظ تجي غيرهه
بتول:ايي والله بس اني حضي زفت
وطن;ضلينه نمشي ونسولف صادفنه المزعج اهووو هم اجه بطريقنه شوكت يمل هاذه الولد
بتول:من تستسلمين الحبه
وطن:دسكتي انتي الحب عدكم كوه بابا اني ماافكر بهيج شغلات اريد اوصل بدراستي
بتول:باع هاي تريد تدرس
وطن;انتي سكتي شيفهمج
بتول:سكتنه
وطن;عفته واكف يباوعلي وماشلت عيني عليه ميبطل يوميه واكف هنا دخلنه للمدرسه شمرت جنطتي وطلعت اتمشه بلساحه ويا البنات حدما. اجتي حصه الاولى امتحنه وكومو بتول من يمي. خطيه ضلت تتلفت دك جرص وطلعنه
بتول:لج كلشي مجاوبت
وطن;لعد ليش متقرين ملتهيه سختين
بتول;لج اقره بس مينطبع بالي
وطن;بس اني ينطبع وانتي لا
بتول:اروح احسلي
وطن;ايي انسحبي مثل كل مره. لوحت بيدهه وراحت مر الوقت وخلص وقت المدرسه رحت للحانوت اشتريت جبس وطلعت ويا مجموعه بنات توزعن ع بيوتهن بقينه اني وبتول رجعنه للبيت دفعت الباب وطبيت صحت ماما جوعانه شمسويه غده كالت دولمه صعدت بدلت ونزلت اركض صبيلي
امي:يمج الجدر وصبي
وطن;ماما تعبانه
امي:جاي انضف موفارغه
وطن;صبيت وكعدت اكل واكلب بفوني منو دازلي مسج لكيت بتول متصله دزيتلهه روحي اقري وطفيت جهاز كمت غسلت ماعوني وصعدت احضر دروسي قريت ونمت شويه كعدت المغرب اباوع ع يوتيوب وراجعت شويه ونزلت اتعشه وساعدت ماما ابويه ماموجود مرت الايام عاديه نزلت العصر لكيت ابويه وامي يسولفون بسته وكعدت
ابويه;شلونج بنيتي
وطن:زينه بابا شعجب اليوم بلبيت وهيج وقت صاير شي
ابويه;ايي والله بابا صاير
وطن;خير ان شاء الله
ابويه;جدج تعبان وكال اريد اجمع عائلتي يمي ويكول بيعو البيت وتعالو كعدو يمي اريد ائمن عليكم
وطن;شبي جدو ميكول شغله هنا وناس تعرفه وكونه نفسنه وتالي وكت يريدنه نكعد يمه
ابويه:ايي لعد شسوي يابويه اعصي كلمته وهوه رجال ع فراش الموت
وطن:ماكلت اعصي كلمته بس اني ماكدر اعوف مدرستي وصديقتي منو الي اذا رحت هناك.
ابويه;هم يصير عندج صديقات وتتعودين ع وضع
وطن;لاماريد اريد ابقه بلبصره. يمه احجيلج شي
امي;يمه شكول اذا ابوج رايد هذا شي شنو امنعه وخطيه ابو يريد يجمع ولده
وطن;ضاهر انتو مقررين واني بلخير دريت عفتهم وكمت صعدت الغرفتي بس بوقتهه كلش ضجت شلون راح اعوف بتول واروح كمت لهيت نفسي بدراسه حته ماافكر حدما تعبت ونمت اجتي امي كعدتني كلتلي اكلي كتلهه ماريد رجعت نمت كعدت صبح بدلت واخذت جنطتي وطلعت بدون ريوك رحت للمحل اشتريت كيكه وعصير بلطريق اكلتهن وصلت الباب بتول دكيته طلعلي اخوهه
*هلا خويه فوتي
وطن;لاماريد بس صيحلي بتول ماريد نتئخر
*ايي هسه اصيحلهه
وطن:وكفت ع صفحه علما طلعت شمرت جنطتهه عليه وتلبس بلشوز كملت انطيتهه الجنطه وباستني
بتول:اليوم شبيج معبسه
وطن;بلطريق اكلج امشي خلي نطلع
بتول:ماشي
وطن;طلعنه من بيتهم ومشينه لكينه الخبل واكف تأفئفت ولايمل بره
بتول;عوفي واحجي شبيج
وطن;تعاي خلي نشتري من المحل مي عطشانه
بتول:ماحجيتي من جنه بلبيت جان طلعتلج
وطن;نسيت رحت اجيب مي اشو هذت اجه برايه ويذب حجي ماهتميت دخلت للمحل كتله عفيه اريد مي انطيته فلوس كال راح اجيبلج من بيت بارد كتله اوك هذا دخل للمحل خله رقمه بأيدي شككته وشمرته بوجهه كام يدنه عليه كمت ادفع بي حصرني بزايه المحل اضرب واصرخ بي خليت ايدي ع وجهي وغمضت عيوني واصيح حسيت نجر الولد وركع فتحت عيوني ولد مااعرفه نايم عليه ويركه بوكسيات كمت طلعت من محل ابجي مانتبهت شكله رحت اركض البتول كتله امشي سريع ليلحكنه
بتول;ولج شكو صار
وطن;امشي سريع بلمدرسه اسولفلج
بتول;خوفتيني ليش تبجين
وطن;خلي نوصل واحجي امشي واتلفت
💜💜💜
هاي الايام يخلص نت اذا ما نشرت بارت يعني خلص