#قدر_وطن
الكاتبه:tabarak Hasan.تبارك حسن
ج2
وطن;اتلفت ورايه خاف يلحكني وجسمي كله يرجف وصلنه للمدرسه روحي ارتاحت انطيت جنطتي البتول كتلهه خليهه بلصف اروح للمغاسل
بتول:انتضريني بلمغاسل اجيج
وطن;اوك رحت غسلت وجهي واشتريت مي من حانوت شربته وكعدت ع صطبه يمه شنو من يوم مشئوم سمعت صوت بتول صيح وطن اشرتلهه بأيدي
بتول:احجي شبيج خوفتيني
وطن;ولج هذا الخبل .............
بتول;عزه بعزا وليش يسوي هيج
وطن;اني ادري وانتي شبيج ماسمعتي صوتي من اصيح
بتول: لاوالله ماسمعت
وطن;عدت ع خير
بتول:بس هذا منو الضربه
وطن;مااعرف فتحت عيوني شفته نايم فوكا وضربه خفت وطلعت -
بتول:كولي الابوج عليه
وطن;يمعوده تريديني افضح روحي سكتي ابويه يهد عليه ويموته ونبي ميتفاهم ابويه
بتول:صدك والله صير مصيبه
وطن:اني بعد مااروح مشي
بتول;منو ياخذج يمعوده سكتي اني موجوده يمج
وطن; والله مااعرف شلون تاليهه دك جرص رحنه لصفوف خلصناهه دراسه ورجعت للبيت همزين مالكيته تغديت وكعدت اقره عدنه امتحان كملت دروسي ونمت كعدتني امي المغرب
امي:كومي بدلي ابوج موجود كال اخذكم تتعشون بمطعم نغير جوو
وطن:ايي اريد همزين لعبت روحي من جو دراسه اريد اطلع
امي:لعد كومي حضري نفسج
وطن;نزلت كمت سبحت وبدلت لبست بنطرون وبدي مقفل وشوز وسويت شعري كيرلي دائمن اسوي هيج خليت مسكاره وحمره خفيفه ذن الحبهن اخذت جنطتي وموبايل ونزلت اطفر ع درج واصيح كملت يله نطلع. صار مقابيلي ابويه بسته شلونك بابيتي
ابويه:زينه انتي شلونج دراستج شلونهه
وطن:زينه بس مشلوع كلبي بلمتحانات
ابويه:ايي بابا درسي زين اهم شي دراستج
وطن:اكيد بابا
امي:يله كملت قفل البيت ابو وطن
وطن;صعدت بسياره شغلت اغنيه واغني وياهه ابويه شغل سياره وطلعنه تعدينه من يم المحل ذكرت الخبل درت وجهي ماريد اشوف المحل اخذنه ابويه المطعم تعشينه وطلعنه رحنه لكورنيش شط العرب كعدنه ع اسطبات نباوع ناس هواي اكو والجو حلو منعش
ابويه:صعدون بلبلم
امي ;لااني ماريد
وطن;اني اريد اصعد بابا نصعد اني وياك
ابويه:شلون نعوف امج
امي:ايي روح صعدهه ماعليه كاعده هنا
ابويه;انتضري بمكانج لتتحركين يله وطن
وطن;يااااايي بابا حبيبي كمشت اديه هوه يضحك صعدنه اني ويا واكو ويانه جم واحد ويغنون اغاني قديمه اني مندمجه وياهم غنه كل الاغاني الحلوه حدما رجعنه لكينه امي تنتضرنه رحنه كعدنه يمهه
ابويه;فاتتج اجواء تخبل
امي:يمعود لوصاعده وياكم حان غركتو
وطن;لايمه مولهل درجه موكلش سمينه انتي
ابويه:ههههه والله عندج سوالف وينج وين سمنج
وطن;بابا ماما كعدو عدل خلي اطك صوره تذكار طكيت وضلينه كاعدين شويه وكمنه ابويه فتر شويه بسياره ورجعنه للبيت صعدت الغرفتي نمت جسمي مكسر اذا اطلع شويه اتعب كعدت صبح متاخره بدلت بسرعه واخذت لفه وطلعت اركض ادك بلباب طلعلي ابوهه كال راحت للمدرسه اووف شيوديني خاف هذا يلحكني ضليت امشي سريع وتلفت وصلت لفرع درت وجهي ماعرف سياره مين اجتني داس بريك ونزل يصيح
*انتي شبيج مشوفين لوضاربج
وطن:كمت ابجي ومسح بدموعي عمو والله ماادري بيك دايره وجهي شافني ابجي نصه صوته
*انتبهي طريقج مره ثانيه
وطن:ماشي عفته ورحت امشي درت وجهي شفته واكف يباوعلي كملت طريقي شفت محد بلشارع كمت اركض لئن تأخر الوكت وصلت للمدرسه طبيت هستوه دك جرص صعدت الصفي لكيت بتول كاعده ماسلمت عليهه شمرت الجنطه ونزلت للحانوت اجتي برايه
بتول:شلونج وطن
وطن;مارديت عليهه كملت طريقي
بتول;جاي احاجيج ليش متردين
وطن;دخلت للحانوت هيه ضلت صافنه عليه اشتريت جبس وعصير وطلعت
بتول;هاي شبيج وطن ونبي تانيت جكد مااجيتي رحت للمدرسه
وطن;لج اجيت اموت شبكتهه وكمت ابجي
بتول;اسم الله عليج حبي ليش صار
وطن;سياره رادت تضربني
بتول;وشبي ميشوف
وطن;اني الغلطانه خايفه خاف يلحكني الخبل وكلساع التفت واجتي سياره من الفرع
بتول:حبيبي اسفه لئن عفتج
وطن:بعد لتعوفيني وحدي اخاف من طريق
بتول;ماشي حبيبتي
وطن:كملت الامتحان وطلعت خارج صف
بتول:شكبره هذا راد يضربج
وطن;تقريبن يطلع بعمر 31 اكثر ماعرف
بتول:ها انتبهتي شكله
وطن:ايي طويل عده عضلات ملامحه حاده عنده بس شوارب وشعره مزينه خفيف وحواجبه ثخان مشموره حلوو
بتول;شوكتي لحكتي تحفظي
وطن;هههه لج ماباوعت بوجهه هواي
بتول:هاي اذا مامباوعه وهيج اذا باوعتي شلون
وطن;موصوجج صوج الي يجاوبج اروح اجيب حب نكرز شويه رحت جبت من الحانوت وخليت كارتونه وتربعنه وكعدنه نكرز وصار عدنه اجتماع ضلينه كاعدين ونسولف اجتمعن يمنه البنات وضلينه نلعب ونشاقه ونسولف حد درس الاخير رحت غسلت واخذت الجنطه وطلعت رجعنه. اتعدينه من يم المحل شفت نفس الولد الصبح راد يضربني باوعت بتول كتلهه هاذه الولد الراد يضربني. اشو هاي كامت صيح
بتول:وينا ويناااا ولج
وطن:لج صمي حلكج فضحتينه
بتول:ايي وينه كليلي
وطن:لج نصي صوتج خزيتيني الله يخزيج وصاكه ع سنوني درت وجهي عليه ابتسم بوجهه اني دنكت
بتول:باعي ضحكه وسنون لج يخبل هذا
💜💜💜
بنات للعدهه فيس عندي بيج ع فيس اتمنه
شرفنه اكتبن قصص وروايات خيال آنثى
البيج الوحيد بهذا الاسم
