#قدر_وطن
ج 32
الكاتبة*tabarak hasan
وطن:كومتني عمتي
عمه:كومي عمه روحي البيت جدج يريدون يسدون البيت
وطن:عمه مااروح هناك ماريدهم بعد عوفيني هنا
عمتي:ميصير هيج روحي البيت جدج تجي ناس تعزي
وطن:كمت غسلت وغطيني الاثاث البيت وقفلنه البيبان وطلعنه رحنه البيت جدج كعدت واجني نسوان عزني تعبانه نفسيتي كلش وكارهه روحي اجني خالاتي واسني ويبجن ع بجيي وخوالي هم وبيبتي وجدي كلهم اجوي يمي متت بجي بيناتهم راحو مني وبعد مااشوفهم حضنت خالاتي بيهن ريحت امي خاله راحت امي وعافتني خاله مر يومين اني بدون اكل ومانمت تعبانه كلش جنت نايمه ع رجلين خالتي وابجي مادريت بروحي وغفيت حلمت حلم امي اجتي لابسه ابيض وابويه يمهه كامش اديهه كتلهم وين عفتوني ورحتو مشيت بتجاهم بس همه يبعدون امي كالت سامحيني افراك ابوج عذبني وهسه اني يمه سامحيني عفتج ورحتي كتلهه اخذيني وياج لعد مااكدر اخذج ركضت بتجاهم اختفو كمت اصيح ماما بابا تعالو اريد اروح وياكم فزيت
خالتي:شبيك خاله تهذين
وطن:حلمانه
خالتي:كعدي شربي مي
وطن:كمت شربت مي وكعدت بصفهه راسي يوجعني كلش رحت شربت حبايه صار مقابيلي جدي درت وجهي ورجعت يم خالتي هوه راح مر اليوم عادي ثاني يوم خوالي رادو يرحون كتلهم ماابقه هنا اروح وياكم قبلوو جمعت كل ملابسي وغراضي ودعت نرجس ورحت وياهم للبصره من وصلت كلهه مرحبت بيه طبيت الغرفه بيبي نمت لليل اله كعدت جبرتني اكل كم لكمه ورجعت نمت كضيتهه نوم لئن كلش تعبانه ونعسانه ومخدتي مانشفت من دمع ع امي وابويه مرت الايام وتعاملهم وياي زين بس كمت اشتغل وياهن بلبيت لزم مااكمش موبايل بيدي واخذو مني اني هنا ضجت وكمت احجي همه ضاجو مني وراح تبلش المدارس محد نقلني كلولي بطلي كلش ضجت وكمت ابجي مابيدي شي اسوي تعبت واجتي الاربعين ابويه خابرو عمامي جيبو وطن ثاني يوم من غبشه طلعنه البيت جدي اني اخذت وياي ملابسي كلت ابقه هناك ماارجع وياهم لئن ميقبلون اكمل دراسه وشددو عليه وصلنه البيت جدي وصفو السياره ع جهه ونزلنه نزلت الجنطه وياي وصلنه يم الباب شفت يسر واكف تبسمرت مكاني شكله متغير صايره عنده لحيه وجسم رياضي باوعت العيونه وكلبي كام يدك سريع هوه باوعلي وعيونه يلمعن فززني خالي بصوته انتبهت ع نفسي درت وجهي ومشيت تمنيت احضنه وابجي واسولفله البداخلي خسرت كلشي يسر دخلت للبيت وعيوني مغوركه تلكاني جدي وبيبتي شبكتهم وكمت ابجي من ريحت ابويه سلمت ع عماتي وعمامي وكعدت الملايه تقره وابجي ع نعيهه وعماتي هم عيوني ذبلن اجتي نرجس سلمت عليه وحضنتهه جكد مشتاقتلهه كعدنه نسولف ورجعت يم نسوان حدما خلصت الملايه وراحت وزعو ثوابات الروح امي وابويه خالي بات بيت جدي اجاني جدي يواسيني وكلي ابقي يمنه اعيشج اميره كتله ايي مااروح بعد يريدون يبطلوني ماقبل وكام يحجي كلي عليه خالج وبيتج هنا اني كلش فرحت رغم ضايجه منهم حملتهم سبب موت اهلي جدي حجه ويا خالي اول بدايه ماقبل بعدين كال هيه بتكم وين تريد تبقه براحتهه رحت سلمت عليه وصعدت ويا غدير نمت بصفهه وغفيت ماحسيت ع روحي بعد من تعب والطريق صبح خالي رجع للبصره نزلت اتريكت حاولت اتأقلم وياهم واصير قويه مااضعف كدامهم ما عندي شي ساعدت بيبي وصعدت للغرفه نمت كضيت اليوم كله نايمه كعدت بليل ردت انزل شفت الغرفه مفتوحه دخلت باوعت من شباك شفت يسر خالي كرسي وكاعد بقيت اباوعله متغير كلش ومبين مرتاح هوه مامنتبه اني واكفه بقيت ادقق بي من زمان مشايفته وحيل مشتاقتله رفع راسه ودنك حسيته لمحني رجع رفع راسي وخرت اخذت نفس ورجعت باوعت هوه شافني رفعلي ايده رفعتله ايدي شفته طلع الموبايل رحت ع موبايلي اخذته من خالي من اجينه سمعت صوته سحبته رديت
يسر:شلونج
وطن:شتكول انته
يسر:ذبلانه البقاء في حياتج
وطن:حياتك الباقيه
يسر:متغيره كلش
وطن:وانته هم
يسر:الاحسن لوالاسوء
وطن:الاحسن واني
يسر:انتي منتهيه
وطن:ايي اجتني ضربتين وماتحملتهن
يسر:الله يساعد كلبج حبيبتي ويصبرج ع غيابهم
وطن:نزلت دمعتي مسحتهه شكرا يسر
يسر:بعدج زعلانه مني
وطن:ايي زعلانه منك وماانسه من عفتني ورحت
يسر:ونبي مجبور وكل هذا سويته حته احضه بيج اهلي يريدون امينه واني ماريدهه حسبت اختي طلكتهه ورحت ابويه كلي مالك مكان بلبيت مادام طلكتهه رحت يم اختي وهسه رجعت دز عليه لئن شغل تكوم عليه وميكدر يدبر نفسه
وطن:مقدره ضروفك بس زعلانه
يسر:اني ارضيج
وطن:شلون سمعت واحد يصيح بأاسمي كتله اني اروح سديته منه وباوعلته ونزلت يمهم
بيبي:تعاي تعشي بيبي
وطن:مااريد ايي شي
جدي:تعشي حته اخذج اشتريلج غرفه جديده
وطن:عندي ابويه جايبلي
جدي:لانجدد اني اريد اجيبلج
وطن:بكيفك
بيبي:يله بنيتي تعشي
وطن:سويت لفه وكعدت ع صفحه اكل بيهه وبالي يم اهلي شلون راح اكمل حياتي وهمه ماكو كلبي كلش يوجعني ع غيابهم فجئه ابويه راح وبرى امي دنيا تركض ركض بينه ويوميه ميتمه طفل ومرمله امرأه جكد الحياه والقدر عذب ناس دموعي جمعت بعيني مسحتهه وكملت لفتي شربت عصير
جدي:وطن روحي حضري نفسج
