#قدر_وطن
ج4
الكاتبه*tabarak Hasan
وطن;مرتبه وديكورهه حلو وجربايه ام نفر نفس غرفتي بس غير لون
غدير:عجبتج غرفتي
وطن:ايي حبي حلوه
غدير:اخذي راحتج وايي شي تحتاجي بس صيحيني
وطن:اوك عافتني ونزلت شمرت روحي ع جربايه وغطيت نفسي ونمت كعدت دنيا المغرب جوعانه نزلت لجوه لكيت يسون عشه. كلت مساء الخير
الجميع:مساء النور
غدير:شبعتي نوم
وطن:ايي والله نمت هواي
غدير;ردت اكعدج ع غده امي كالت عوفيهه نايمه من تكعد تاكل خطيه تعبانه -
وطن:جسمي جان مكسر من سياره هسه صحصحت
امي:ملابسج بجنطه طلعيهن حته تبدلين لضلين بذن
وطن:ايي ماما ردت اكلج عليهن طلعت تراك وصعدت سبحت وبدلت ونزلت بطني توجعني من جوع استحي احجي كمت ساعدتهه وصبينه وسويت هجوم ع اكل 😂 كملنه ساعدتهه بغسل اماعين وعزلنه المطبخ
غدير:طلعين بلحديقه نكعد
وطن:ايي ياريت طلعي كدامي علما اجيب موبايل
غدير:اوك
وطن:صعدت غرفه غدير. جبت جهاز ونزلت اركض طلعت بلحديقه لكيتهه كاعده اجيت كعدت يمهه
غدير; كون هسه نطلع
وطن;ايي والله كلش ضوجه
غدير:انتي طالبه
وطن:ايي خامس وانتي
غدير:مبطله من زمان
وطن:ليش حرامات
غدير:مالي خلكهه
وطن:دك جهازي باوعت بتول رديت هلاو حبيبتي شلونج
بتول:بخير انتي شلونج شتاقيتلج
وطن:تمام واني الاكثر حبي
بتول:هسه انتي وين
وطن:بيت جدو
بتول:حبيتيهم
وطن:ايي محبوبين وهاي غدير يمي
بتول:منو غدير بديله مكاني
وطن:عمتي لاحبيبي شعندي غيرج
بتول:اها يله لعد حبي اروح اني بعدين نحجي
وطن:الله وياج سديته منهه. باوعت بتول تكلب بلفون. وتضحك
بتول:اني صاعده للغرفه
وطن:ايي حبي روحي اشوف عيونهه تلمع ضليت كاعده شويه شفت صونده يجري ميهه سديت البوري وجريت صونده لشارع شمرتهه وفتحت ميهه وضليت ارش ضوجه البيت كأبه. والشارع فارغ ضليت كاعده لمحت جدي من بعيد اجه جريت صونده طببتهه كلت خاف يحجي عليه صعدت اركض للغرفه فتحت الباب لكيت غدير تخابر كتلهه اسفه هيه رتبكت سديت الباب وطلعت اجتي برايه
غدير:شبيج حبيبتي
وطن:جنت ارش باب بلشارع اجه جدي جريت صونده وصعدت لغرفتج اركض 😁
غدير:ههههه ميحجي حبيبتي عادي
وطن:اني كلت خاف يرزلني
غدير:هنه المنطقه تختلف ناس مثقفه واذا طلعتي محد يحجي اخذي راحتج
وطن:اوك حبي لعد خلي انزل رجعت للغرفه اني نزلت بلغرفه جوه اكلب بلتلفزيون ضوجه يربي ملل مرت ساعات وصعدت اريد انام لكيت غدير فارشه النه بلكاع تمددت ع فراشي ونمت كعدت ع هوسه جوه باوعت لساعه 3 عزه العزايه ليش محد كعدني شمرت الغطه وكمت طلعت ملابس غسلت وبدلت وخليت كحل ومسكاره وحمره خفيفه ونزلت اباوع ذولي مين الولد ماشايفتهم كلت سلام عليكم
الجميع:وعليكم السلام
وطن: سلمت عليهن كلهن وكفت يم امي اجتي بيبي ضلت تعددلي وعرفتني عليهن وعماتي اعرفهن بس ولدهم وبناتهم لا. الولد ماموجودين بلستقبال ضلن عماتي يسئلن بيه واني اجاوب جمعتهن حلوه عفتهن رحت للمطبخ كعدت اتغده اجتي كعدت يمي غدير كتلهه ليش ماكعدتيني
غدير:شعدج كاعده البيت ممل كلت خليهه نايمه
وطن:لج لعبت نفسي من نوم
غدير:راح تجيج المدرسه وتتحصرين ع نومه
وطن:ايي صدك اكلج منو بلستقبال
غدير:الزلم كاعدين
وطن:ابويه اجه لوبعده
غدير:ايي كاعد يمهم
وطن:عليج الله ليش مكتيلي كمت من مكاني وفتت للستقبال كلت سلام عليكم كلهه وكفت الولد عزه سلمت عليهم من بعيد. وبوست عمامي ورحت حضنت ابويه شلونك بابا حبيبي مشتاقتلك
ابويه:بخير بنيتي انتي شلونج
وطن:من شفتك صرت بخير
جدي:بنيتي سوي طريق الابوج خلي ينام جاي تعبان
وطن:ايي جدو رحت باوعت كتلهن خلن حجاب ورحت لبويه كتله كوم بابا اخذته للغرفه فرشتله ونام غطيته رحت يم امي
امي:فتي يم ابوج
وطن:ايي ماما
امي:وفتي بهذا لبسج
وطن:ايي شبي ابويه قابل شدخلني بيهم
امي:ماما انطي الكل شخص ذبته عيب
وطن:القاضي راضي همه شكو
امي:مره ثانيه لبسي دشداشه
وطن:اكلج يمه ابويه جاب فايل المدرسه ونقل
امي:ايي ضميتهن
وطن:خوش. مر الايام ابويه لكه بيت قريب ع بيت جدي بس بنهايه الفرع واشترى . واخذني للمدرسه قدمت الفايل وقبلوني من رجعنه نزلت من سياره باب جيران انفتح سلم ع ابويه هذا صوت اعرفه ماكدرت ادير وجهي ابويه يمي فتحت الباب ودخلت ضل صوته بالي وين سامعه هذا صوت اريد اذكره ميخطر بالي شي يووو هسه شسويله طبيت البيت فارغ صعدت بدلت ونزلت تغديت وياهم
امي:شويه بعد اروح للبيت انضفه تجين وياي
وطن:ايي اجي
غدير:واني هم اريد اجي اساعدج
امي:ايي جبيبتي تعاي
وطن: لشويه وطلعنه جو شويه حار وصلنه للبيت فتحته امي الباب ودخلنه كراج وحديقه. واستقبال ع صفحه جبير ومرر بصفه تخلصين الممر باب جام فتحته يصير درج مقابيلج بلصاله صعدين غرفتين وساحه جبيره الغرفه مطله ع شارع بيهه شباك جبير نزلت بصف الصاله مطبخ جبير وبصفه ترك يفصلهن باب وبلترك حمام وفوك حمام
امي:يله بنات نضفن قبل ليل
وطن:ايي ماما نزعت ملابسي خاف تتبلل ولبست فالينه وبرموده ونضفنه خلينا يلمع صار دنيا المغرب
