#ABNQ14 Chapter 14
Kitty and Jax were talking, at mukhang hindi naman nila pansin ang presensya ko—not that I wanted my presence be known. Bigay ko na kay Kitty 'tong gabing 'to tutal minsan lang naman niya makausap nang ganito iyong kapatid ko.
Umayos ako sa pagkakahiga ko sa likod habang hinihintay na magload iyong Tinder message ni Marcus. I had been really busy the past few days kaya nawala din sa isip ko na may kausap nga pala ako sa Tinder... though one-way lang naman iyong usapan dahil hanggang ngayon e hindi pa rin ako nakakapagreply. Pero ang kulit din nun, e. Kahit walang nakukuhang reply, message pa rin ng message.
Marcus: May free taste sa mall:
"Free taste po, Ma'am, Sir!" sabi nung nagtitinda.
Lumapit si Juan. "Pare, patikim nga," sabi niya. Pagkatapos niyang matikman, bigla naisuka, sabay sabi ng, "Pwe! Bakit ganito ang lasa?!"
"Yan! 'Yan ang mangyayari sa pagkain kapag hindi niyo nilagay sa ref! Kaya ano pa ang hinihintay niyo? Bumili na kayo ng refrigerator namin!"
Biglang napaawang iyong labi ko sa nabasa ko. Ang haba ng joke niya! Nag-effort pa talaga siya na i-type 'to? 'Di ba siya busy? Ang alam ko kasi tiga-school lang din siya since hindi ako nagswipe ng hindi tiga-SCA. Exams niya rin malamang, pero daming time magjoke nitong si Marcus.
"Okay ka lang?" Jax asked, briefly looking at me through the rearview mirror.
"Ha? Oo," sagot ko.
"Bakit ka naka-ngiti?" tanong niya na parang nakakapagtaka na naka-ngiti ako. Sobrang judgmental talaga nito. Porke ba lagi siyang galit sa life, dapat lagi na rin akong galit sa life?
"Memes," sagot ko para tigilan niya na ako agad. Alam ko na kahit iyon ang sinabi ko, magtatanong pa rin si Kitty kasi iba iyong tingin niya sa akin after kong sabihin iyon. Swerte na lang talaga ako na mas priority niya na i-grab iyong opportunity na makausap si Jax, kaya malamang 'di niya muna ako kukulitin.
Akala ko diretso na kami sa paghatid kay Kitty, pero bigla kaming huminto sa resto. May bibilhin siguro si Jax kaya bumaba muna siya.
"Is there a new guy?" agad na tanong ni Kitty.
"New guy?" pagmamaang-maangan ko. "Sinasabi mo?"
She arched her brow, a sign that she wasn't buying any of my bullshit. "Before, may hint na talaga ako na may guy ka kasi you kept on grinning kapag hawak mo phone mo. I just didn't push it kasi naging busy ako. Turned out, si Steele pala ang dahilan... And now, you're doing that face again," sabi niya sabay turo sa mukha ko. Napa-hawak din tuloy ako sa mukha ko! Ganito rin iyong sabi ni Psalm sa 'kin nung sinabi niya na naka-ngiti ako after ko mabasa iyong sobrang corny na knock-knock joke ni Marcus!
"Wala nga," sabi ko.
"Joey..."
"Wala naman kasi talaga," I replied again, standing on my ground. Ano naman sasabihin ko? Na nagTinder ako one time out of desperation, and because of that, nagkaroon ako ng guy na hobby na yata na magsend sa akin ng jokes? Iniisip ko pa nga lang, nawe-weirduhan na ako, e. Sabihin pa kaya out loud?
I looked at Kitty's face, and I saw a hint of sadness. I sighed. Alam ko naman na gusto niya lang maging included, because she felt really guilty na wala siya nung times na sobrang kailangan ko siya because of Marcus. Na-guilty tuloy ako bigla.
"There's this guy," I began, and she turned even more na natakot ako dahil baka mabali iyong leeg niya. "But walang something."
She already giggled, wala pa nga akong sinasabi! Sobrang romantic talaga ng babae na 'to! O baka naman high pa siya sa feelings since katabi niya si Jax?
"Saan mo na-meet?" she asked.
"Secret," I said. This was one thing I'd never tell her about. I'd take it to my grave. Takot ako sa karma dahil sa ginawa ko kay Jax.
"Fine," she huffed. "Galing school ba?"
I nodded. "I think so..."
"You think so?" nagtataka niya na sabi. "Ano'ng degree?"
"Hindi ko alam," sagot ko. Bigla akong kinabahan dahil wala nga pala akong alam tungkol kay Jax! Kasi tuwing may joke siya, biglang dadating si Psalm, o kaya naman may gagawin ako bigla hanggang sa malimutan ko na na tignan iyong profile niya.
"You don't know anything about him... but he's kinda your guy?" nagtataka niyang sabi ulit.
"Hindi ko nga kasi guy," paliwanag ko naman ulit. "Ano lang... Uhh..." sabi ko kasi nahihirapan ako na i-verbalize kung ano ba ang connection ko talaga dito kay Marcus. "Nagsesend siya ng jokes sa akin?"
"Huh?"
Kung naguguluhan na si Kitty kanina, mas naguguluhan na siya ngayon.
"Iyon lang talaga 'yun," sabi ko. "Walang something talaga gaya ng ineexpect mo. It's just a harmless thing. Joke. Ganon."
"Name?" tanong niya.
"Ayaw."
"Joey," seryoso na sabi niya. "Baka kilala ko. At least mapa-pacify ako na safe ka. Promise, I won't intrude sa kung anumang joke 'yang ginagawa niyong dalawa. I just want you safe."
I was about to argue, pero naaalala ko na ganito rin pala ako ka-protective sa kanya. Sa kanila ni Anj. Of course friends ko sila kaya ayaw ko na gagaguhin sila o sasaktan ng kahit sino.
"Fine," I said, giving in. "But promise if kakilala mo man siya, don't mention anything about him. Or anything about me sa kanya. Deal?"
She nodded, even raising her hand. "Affirmative. Pero may I ask why?"
"I just... don't want to complicate things? Okay na ako sa ganito na kapag medyo down ako, may jokes siya na nakakapagpatawa sa akin kahit medyo corny."
She arched her brow. "And bakit ka medyo down ngayong gabi?" tanong niya. Kahit simpleng tanong lang iyon, alam ko na may pinu-punto siya, pero dahil wala akong energy mag-explain ng bagay na paulit-ulit lang, I just simply shrugged and gave a generic answer.
"Exams," simpleng sabi ko. "But promise?"
She nodded. "Alright. So, name?"
Huminga ako nang malalim bago binitawan iyong buong pangalan ni Marcus. At bago pa man ako matapos sa pagbitiw ng pangalan niya, biglang nanlaki iyong mga mata ni Kitty. Bigla akong kinabahan! Ano'ng meron?! I badly wanted to ask, but also, I didn't want to know! Ugh! Bakit ko ba nilagay sa ganitong sitwasyon iyong sarili ko?!
Kitty's eyes were wide, and she was sucking air so bad. God, I was fucking curious!
"What happened?" nagtataka na tanong ni Jax nung makabalik siya. May dala siyang paperbag mula sa resto na favorite ni Mama. Mama's boy talaga. Pareho silang hater ng human beings, e.
Kitty shook her head adamantly. Ugh! Ang obvious niya masyado na may something kay Marcus! Ano naman kaya 'yun?! Bakit ganoon ang reaksyon niya?!
Jax found her reaction weird, but nonetheless began driving. Habang nasa daan kami, pansin ko na panay ang tingin sa akin ni Kitty sa rearview mirror. Asar na asar ako kasi sobrang curious na tuloy ako kung sino ba si Marcus, at ganyan ang reaksyon ni Kitty!
"Thanks, Jax... Joey," maka-hulugan na sabi ni Kitty sa pangalan ko nang makarating na kami sa bahay nila. Bumaba agad siya, at saka nagsimulang maglakad papunta sa gate.
"Kitty!" hindi nakatiis na tawag ko sa kanya. Tumigil siya sa paglalakad, at humarap sa akin. "Ano'ng meron kay—" sabi ko, pero bigla akong napatigil. "Never mind."
Kitty grinned. "You're in good hands, Joey."
"Good night," sagot ko na lang, and rolled the windows up again.
"Lipat," mabilis na sabi ni Jax. Kaya pala 'di pa umaandar ulit. Mabilis akong bumaba mula sa likod, at saka lumipat sa harap. Jax was looking at me weirdly. Ayan na naman iyong sibling connection na siya lang naman ang nakakaramdam.
"Drive ka na nga."
"You're weird."
"Wow, sa 'yo pa talaga nanggaling," sagot ko.
"Naka-isip ka na ng regalo?" bigla niyang tanong.
"Hmm... medyo," sagot ko. "Tapos na exams niyo?"
Umiling siya. "Until Saturday."
"Kaya mo pa?" I asked. Minsan kasi naaabutan ko siya na madaling-araw na, papa-sikat na iyong araw pero nag-aaral pa rin siya. Minsan, ako na iyong nasstress para sa kanya, e.
"Yeah. I like what I'm doing," seryosong sabi niya. Nerd.
Pagdating namin sa bahay, nandun na sila Mama at Papa. Kahit kumain na ako kasama sila Kitty kanina, nagdecide ako na kumain ulit kasi syempre family time. Usual lang na nag-usap kami tungkol sa kung ano ang nangyari sa araw namin. Nagdebate na naman sila tungkol sa gobyerno, habang tahimik ako na kumakain ng dessert.
Kinabukasan, last day of exam na. Medyo late akong dumating kasi late din akong nakatulog dahil nag-aral pa kami ni Jax. Medyo napatagal kasi iyong debate nila ni Mama tungkol sa constitution shits nila. So, pagdating ko sa classroom, nagsstart na silang mag-exam.
"God, kinabahan ako 'dun," sabi ko after kami idismiss.
"Bakit ka na-late?" Kitty asked.
"Long story," sabi ko. She grinned. "Hindi 'yun!" Ano ba 'yan? Simula ngayon kapag may nangyari sa akin, iaassume niya na agad na Marcus related iyon? Para na siyang sila Matt, tho doon, Psalm related naman.
Bigla kong naramdaman iyong akbay ni Matt sa akin. "Ano'ng oras kayo mamaya?" he asked.
"Around 10? May videochat ako kila Mama," paliwanag ni Kitty.
"Ikaw, Jo?"
"Around 10 na lang din siguro..." sagot ko. Si Kitty naman kasi kasama ko. Party ni Psalm iyon kaya alam ko na kasama niya mga basketball friends niya and other friends. Ayoko naman makiagaw sa atensyon nila Simon, so hihintayin ko na lang si Kitty.
"Sunduin namin kayo?" Matt offered.
I shook my head. "Pahatid na lang kami sa driver or what. Inom na kayo agad. Deserve niyo 'yan," I said, patting both their heads. Sobrang stressed kaya ni Simon at Matt nitong exams, so deserve nilang magpaka-wasted ngayon.
Naglakad na kami palabas. "Si Psalm?" tanong ko since 'di ko siya nakita after exam.
"Nauna," Simon said. "Bakit?"
I shrugged. "Nothing."
"Badtrip 'yun. Ano kaya problema?" tanong ni Matt kay Simon.
"Ewan. Baka pinagalitan ni coach?"
Matt nodded. "Baka nga. Sana 'di na badtrip mamaya para masaya lang," sabi niya. Bakit nga kaya badtrip? Hindi kaya maganda nangyari sa date nila kagabi ni Kath?
Speaking of which, ano'ng sapatos kaya iyong nabili ni Kath? Malaki nga kaya talaga ang budget niya sa crush?
Pagdating ko sa bahay, wala sila Mama kaya didiretso na sana ako sa kwarto nang mapansin ko na wala si Jax sa sala like usual.
"Manang, nakauwi na si Jax?" I asked.
"Nasa kwarto niya yata," sagot ni Manang kaya dumiretso ako sa kwarto ni Jax. Pagdating ko roon, agad na nakita ko ang kawawa kong kapatid na nakahiga sa kama. Agad akong lumapit. He kinda looked pale, so I touched his forehead to confirm my theory.
"Jax..." mahinang sabi ko habang sinusundot ko siya.
He stirred, then opened his eyes a little. "Ano'ng oras na?"
"1pm pa lang," I said. "May sakit ka. Uminom ka na ng gamot?"
He nodded, then tried to stand up. "Kanina."
"Nasabi mo na kay Papa?"
He shook his head. "Lagnat lang 'to."
"Kahit na," sabi ko. "Baka na-sobrahan ka na sa aral. 'Di ka na natutulog, e," nag-aalala na sabi ko. May nabasa kaya akong article dati na may doctor na namatay kasi halos hindi na natutulog dahil sa hectic ng shift sa ospital. Ayoko naman magaya iyong nag-iisa kong kapatid 'dun. At saka 'di pa nga sila kasal ni Kitty, byuda na agad.
"I'm fine," he insisted while walking towards his study table. He grabbed his Statutory Construction book. "I said I'm fine," sabi niya habang sinusundan ko siya.
"7pm pa naman exam mo, 'di ba?" I asked, and he nodded. "Tulog ka muna ng kahit 3 hours, tapos aral ka na ulit. Gigisingin kita, promise."
"I said—"
"You're fine, I know. But trust me, mas makakapagfunction ka mamaya sa exam niyo kapag hindi ganyan na masakit iyong ulo mo. Plus, sobrang nag-aral ka na naman. Kaya mo na 'yang exam," sabi ko sa kanya. He studies like he'll die kapag hindi siya nakapag-aral. Ewan ko na lang kapag bumagsak pa siya nun.
After that, natulog na siya. Nag-alarm ako para alam ko na gigisingin ko siya, pero habang tulog siya, nagpaluto muna ako kay Manang ng kakainin ni Jax. Nagtext din ako kay Kitty na baka hindi na kami sabay pumunta sa party since baka ihatid ko muna si Jax sa school and hintayin. 2 hours lang naman exam niya, pero baka ma-traffic din kasi kami.
"Wag mo na akong hintayin," sabi niya sa 'kin pagdating namin sa school.
"Okay lang. Text mo na lang ako kapag okay ka na para babalik na ako sa sasakyan. Stay muna ako sa cafe," I told him. He knew there's no convincing me otherwise, so lumabas na siya. I was just worried na bigla siyang magcollapse sa sobrang stress kaya nag-insist ako na sumama sa school. I know he'd do the same kapag ako iyong may sakit.
It was already 9:30 nung nakabalik si Jax. About 10pm nung makauwi kami sa bahay. About 11pm nung matapos akong magready. About 11:30 nung makarating ako sa club kung nasaan iyong party ni Psalm.
"Bakit ngayon ka lang?!" sabi ni Matt.
Nanlaki iyong mata ko. "Bakit ka galit?!" sigaw ko sa kanya.
He began to drag me inside the club, upstairs, then pointed at the middle of the dance floor where there's a clearly drunk Psalm... and Kath who's grinding on him.
What the fuck?