❄🍁
အျဖဴစြတ္စြတ္ နွင္းပြင့္ေတြက ကမ႓ာေျမၾကီးအတြက္ ဖန္ဆင္းထားသည့္ ေကာင္းကင္ဘံုရဲ႔ အနမ္းတဲ့ေလ။
ဘယ္ေလာက္လွလိုက္သလဲ ။ မရက္စက္ဘူး ~ မၾကမ္းတမ္းဘူး ~ ယုတ္မာမႈမရွိဘူး မနာက်င္ေစဘူး ႏူးညံ့သိမ္ေမြ႔ျပီး ညင္သာစြာလွပတယ္ ။
ပထမဦးဆံုး အနမ္း. . . လိုမ်ိဳး။
~~
မ်က္ေတာင္ခက္လိုက္တာေတာင္ ေပ်ာက္မသြားသည့္မ်က္နွာတစ္ခု ။ ခပ္စိပ္စိပ္မ်က္ေတာင္ေတြက မရွည္ေပမယ့္ မ်က္ဝန္းငယ္မွာ ပနံသင့္လ်က္. . ႏႈတ္ခမ္းပါးပါးတို႔က အေရာင္မဲ့မေနပဲ ပန္းေရာင္ေဖ်ာ့ေဖ်ာ့ျခယ္ထား သလို . . ဆံပင္အဖ်ားေတြေအာက္ ဖံုးကြယ္ေနတဲ့ မ်က္ခံုးတန္းနွစ္ခုက ေျဖာင့္စင္းလ်က္ . . .
"မဖယ္ဘူးလား "
"ဟင္ "
"ေလးေနျပီ "
ျဖစ္ရပ္မွန္က ေခါင္းေပၚကို တင္းပုတ္နဲ႔ထုျပီး အသိေပးလိုက္သလို တိုးဝင္လာသည့္အခိုက္ ။ရုတ္ခ်ည္းထရပ္လိုက္သည့္ ခႏၶာကိုယ္ ။
ပံုစံမက်ျဖစ္ေနေသာ ဆံပင္ေတြကို လက္ျဖင့္သပ္လိုက္ျပီး တခ်ိဳ႔ကို နားရြက္အေနာက္တြန္းပို႔လိုက္၏ . ေနာက္မွ သတိရျပီး ဆံပင္ေတြကို အေရွ႔ျပန္ဆဲြခ်လိုက္သည္။ အေနရခက္ရင္ သူမ နားရြက္ေတြ အျမဲနီရဲလာတတ္သည္ မဟုတ္လား ။
"ဘယ္လိုဟာေလးလဲ မသိဘူး ပ်ာယာကိုခတ္ေနတာပဲ "
ပြစိပြစိေျပာေနရင္း အခန္းထဲဝင္သြားသည့္ ယြန္းဂီေနာက္ေက်ာကို ၾကည့္ျပီး ေက်ာက္ရုပ္တစ္ရုပ္လို မလႈပ္မယွက္ ရပ္ေနမိေသာ သူမ။
တလွပ္လွပ္ခုန္ေပါက္ေနေသာ နွလံုးသားက ဘယ္အခ်ိန္ထျပီး ပြင့္ထြက္လာမလဲ မသိေသာ စိုးရိမ္စရာ အေျခအေန. . .။ ဒုကၡေတြေတာ့ ေရာက္ျပီနဲ႔တူတယ္ !!
. . .
~ ~ ~
❄❄
" Oh ~~ the weather outside is frightful. .
But the fire is so delightful !
And since we've no place to go~~~
Let it snow, let it snow, let it snow~~~"
ေရဒီယိုက လႊင့္ေနသည့္ သူမအနွစ္သက္ဆံုးသီခ်င္းကို တုိးတိုးေလး လိုက္ညည္းရင္း Christmas အခ်ိန္ကို ျဖတ္သန္းရမယ္မွန္းသိခဲ့ရင္ လြန္ခဲ့တဲ့ နွစ္ရက္ ေထးေယာင္ ျပန္ေခၚကတည္းက သူမ ျပန္သြားမိမွာ ။ ေနစရာအေၾကာင္းျပခ်က္ လံုလံုေလာက္ေလာက္မရွိေတာ့တာေတာင္ ထြက္သြားဖို႔ တံု႔ဆိုင္းေနမိေလာက္သည္အထိ ဘယ္အရာေတြက ဖမ္းခ်ဳပ္ထားသလဲ ဆိုေသာ ေမးခြန္းေတြသာ ကိုယ့္ကိုကိုယ္ အထပ္ထပ္ ျပန္ေမးေနမိရင္း . . .
" သီခ်င္းလဲ ဆုိတတ္တာပဲလား "
"ဟီးးး မဆိုတတ္ပါဘူး "
မီးလင္းဖိုေရွ႕က ထိုင္ခံုေဘးမွာ ဝင္ထိုင္လိုက္သည့္ ယြန္းဂီနဲ႔အတူ . .အေငြ႔တေထာင္းေထာင္းထေနေသာ ေကာ္ဖီခြက္ၾကီးၾကီးနွစ္ခြက္ကပါ စားပြဲေပၚမွာေနရာယူထားျပီးသား ျဖစ္ေနသည္။မရည္ရြယ္ပါဘဲ သူမ တခ်က္ျပံဳးလိုက္မိသည္။ ဒါက ဒုတိယအၾကိမ္ေျမာက္ ျမည္းစမ္းခြင့္ရတဲ့ မင္ယြန္းဂီေဖ်ာ္ေပးတဲ့ ေကာ္ဖီမဟုတ္လား ?. .
ျပန္သြားရင္ ဒီလိုလက္ရာမ်ိဳး မေသာက္ရေတာ့မွာစိုးလို႔ သူမ မျပန္ခ်င္တာ ျဖစ္လိမ့္မည္။ ဟုတ္တယ္ ေသခ်ာတယ္။
"santaလာတဲ့ အထိေစာင့္မလို႔လား "
မခ်ိတ္ပဲ ခ်ထားသည့္ ေျခအိတ္တစ္စံုကို ေခါင္းဆတ္ျပလာသည့္ သူ. ။
" ah. ! ယြန္းဂီက်န္ေသးတယ္ေလ ဒါေၾကာင့္မို႔ မခ်ိတ္ေသးဘဲ ေစာင့္ေနတာ ေရာ့ ! "
ခ်က္ခ်င္းဆိုသလို ေပးလိုက္သည့္ စာရြက္ေပၚစကားလံုးတစ္ခ်ိဳ႔ေရးဆြဲလိုက္ျပီး ေျခအိတ္ထဲ ထည့္. မီးလင္းဖိုေရွ႔မွာ ခ်ိတ္ဆြဲလိုက္ျပီး ဒူးေထာက္အေနအထားမွာ လက္နွစ္ဘက္ကို ပူးကပ္ရင္း ဆုေတာင္းေနတာက မင္ယြန္းဂီမွ ဟုတ္ရဲ႔လား ေမးခြန္းထုတ္ခ်င္စရာ ။
" ဆုေတာင္းက ျပည့္မွာေသခ်ာလို႔လား "
မယံုသကၤာျဖစ္ျပီး ျပန္လွည့္ေမးလာသည့္ပံုစံက ကေလးေသးေသးတစ္ေယာက္လို အျပစ္ကင္းလွသည္။ သို႔ေသာ္ သူမ ျပန္မေျဖမိ။ သူမကိုယ္တိုင္ေတာင္ တစ္ခါမွ မျပည့္ခဲ့ဘူးတဲ့ ဆုေတာင္းေတြမဟုတ္လား။ Santaဆိုတာ လူလိမ္တစ္ေယာက္ျဖစ္ရင္လဲ ျဖစ္ေနမွာ. .
အခုထိ ေတာင္းသမ်ွဆုေတြ မျဖည့္ေပးပံုေထာက္ရင္ . . ။
ဒါကိုပင္ အစဥ္အလာမပ်က္ နွစ္ကုန္ခါနီးအခ်ိန္ဆို santaဆီက ဘာလက္ေဆာင္ေတာင္းရင္ေကာင္းမလဲ စဥ္းစားတတ္သည့္ သူမက ပံုမွန္မဟုတ္တာလဲ ျဖစ္ခ်င္ျဖစ္မည္။
"ဒါကေတာ့ ယြန္းဂီ ဘာဆုေတာင္းလဲဆုိတာအေပၚ မူတည္တာေပါ့ ေျပာၾကည့္ပါလား အတူတူဆုေတာင္းေပးမယ္ေလ "
"တကယ္ သိခ်င္တာလား "
" ဒါေပါ့ "
သူမအေျဖကို ၾကားေတာ့ ယြန္းဂီက သူ႕ႏႈတ္ခမ္းေထာင့္ခ်ိဳးနွစ္ခု ေကာ့တက္သြားသည္အထိ နွစ္နွစ္ျခိဳက္ျခိဳက္ ရယ္လိုက္သည္။ ထို႔ေနာက္
ပန္းအိုးေသးေသးေအာက္မွာ ဘယ္အခ်ိန္ထဲက ထားထားမွန္းမသိေသာ ေသာ့တစ္ေခ်ာင္းကိုယူရင္း ေလွကားေတြကို တဆင့္ခ်င္းတက္သြား၏။
"ဘာလုပ္ေနတာလဲ လာေလ "
"အေပၚထပ္ကိုတက္တာ အိမ္ရွင္အဘြားကမၾကိဳက္ဘူးဆုိ "
ေမးသာေမးေနတာ ေလွကားတဝက္ေလာက္ကိုတက္ျပီးေနျပီ ျဖစ္ေသာ သူမကုိ ယြန္းဂီက မနိုင္ဘူးဆိုတဲ့ ပံုစံနဲ႔ ေခါင္းခါ၏။
"အဲ့ဒီအဘြားက ေလာကၾကီးမွာ မရွိေတာ့တာ ေတာ္ေတာ္ၾကာေနျပီ "
အခန္းထဲ ဝင္ဝင္ခ်င္း သူမအာရံုေတြအကုန္လံုးကို သိမ္းပိုက္လိုက္တာက ပီယာနိုတစ္ခု။
ပီယာနိုရဲ႔ေဘး မွန္ျပဴတင္းေပါက္က ၾကည့္လိုက္ရင္ ပတ္ဝန္းက်င္က ေနရာေတာ္ေတာ္မ်ားမ်ားကို ျမင္နိုင္သည္။ ကုန္းအျမင့္ေပၚေဆာက္ထားသည့္ အိမ္မို႔ပိုျပီး ထင္ရွားတဲ့ ျမင္ကြင္းေတြ . .
အံ့ၾသပါရဲ႔ ။
ဒီေလာက္လွတဲ့ေနရာေလးကို တခ်ိန္လံုးေသာ့ခတ္ထားစရာလားလို႔ .။
" ဆံုးသြားတဲ့ သူ႔ေျမးဆိုတာကေရာ တကယ္မရွိဘူးေပါ့ "
"ရွိတယ္ ေသေတာ့မေသေသးဘူး အခုထိ မင္းေဘးမွာရပ္ျပီး စကားေျပာေနတာသာ ၾကည့္ေတာ့ "
"ဘယ္လို?! "
"ကဲပါ ဒါေတြေျပာမေနနဲ႔ေတာ့ ဒီမွာလာထိုင္ "
သူထိုင္ေနတဲ့ အညိဳေရာင္ပီယာနိုေရွ႕က ခံုေလးရဲ႔ေဘးေနရာအလြတ္မွာ သူမကို ေနရာယူေစသည္။ သူကိုယ္တိုင္ကေတာ့ အျဖဴေရာင္နဲ႔ အနက္ေရာင္ခလုတ္ေတြၾကား ေမ်ာလြင့္ေနသူတစ္ေယာက္လို အလံုးစံုေသာ စိတ္အာရံုေတြကို တစ္ေနရာထဲ ပံုေပးလ်က္ ။ ေယာက်္ားတစ္ေယာက္ရဲ႔ လက္က ဒီေလာက္အထိလွစရာ လိုလို႔လား ဟု ရွိသမ်ွ ဖန္ဆင္းရွင္ေတြကို ေနာက္ေန႔က်ရင္ အျပစ္တင္ရမည္ဟု ေတြးမွတ္လိုက္သည္။ အခုေတာ့ ထိုလႈပ္ရွားေနတဲ့လက္ေတြမွလြဲ၍ တျခား ဘာကိုမွ သူမ မသိေတာ့ ။
"သီခ်င္းလိုက္ဆိုေပး "
Dean Martinရဲ႔ Let it snow သီခ်င္းက အခန္းငယ္ထဲ ပ်ံ႔လြင့္ေနသည္။
လေရာင္မွိန္မွိန္ေလးတိုးဝင္ေနသည့္ ညသည္ ပီယာနိုက အသံသဲ့သဲ့နွင့္ အလြန္တရာလိုက္ဖက္ေနသည္။ သူမ လိုခ်င္ခဲ့တဲ့ ခရစၥမတ္ဆိုတာ
ဒီလိုမ်ိဳးေလး . .
ေတာက္ေတာက္ပပ ပါတီေတြမလို . ဒီတိုင္း လူဘယ္နွေယာက္ပဲရွိရွိ ေႏြးေထြးမႈအျပည့္ရေနတဲ့ ဒီလို ရိုးရိုးရွင္းရွင္း ေဆာင္းရာသီရဲ႔ ညတစ္ည သူမ လိုအပ္ခဲ့တာ . .။
santa က လူလိမ္လို႔ေျပာခဲ့တာ ျပန္ဖ်က္သိမ္းတယ္ ။
သီခ်င္းအဆံုးမွာ လက္ခုပ္သံနွစ္ခုျပိဳင္တူ ထြက္လာခဲ့သည္။
"ယြန္းဂီ ပီယာနိုေကာင္းေကာင္းတီးတတ္တာပဲ "
"မင္းလဲ သီခ်င္းဆုိတာေတာ္တယ္ "
မ်က္နွာခ်င္းဆိုင္အေနအထားက လိုတာထက္ပိုနီးကပ္ေနသည့္အခါ အခန္းအတြင္းက အပူရွိန္က အျမင္ကပ္စရာေကာင္းစြာ ျမင့္တက္လာသလို ။
"ေနမေကာင္းဘူးလား မ်က္နွာက နီရဲေနတာပဲ "
သြားေလးေတြပါေပၚေအာင္ရယ္ျပီး လိုက္စေနတာ ရွင္မို႔လို႔ ကံေကာင္းသြားတယ္မွတ္ပါ မင္ယြန္းဂီ ။ တျခားလူသာဆို ေနာက္ေစ့နဲ႔လက္ဖဝါးမိတ္ဆက္ျပီးသားျဖစ္ေနမွာ အခုခ်ိန္ေလာက္ဆို .။
" သြားေတာ့မယ္ "
"ဘာလို႔လဲ ကိုယ့္ ခရစၥမတ္ဆုေတာင္းကို သိခ်င္တာဆို "
"မသိခ်င္ေတာ့ဘူး ဆုေတာင္းဆိုတာ သူမ်ားကုိ မေျပာရဘူးေလ "
"ဟုတ္လား ဘယ္လိုလုပ္မလဲ ?! ကိုယ္က အြန္းဟာကို ေျပာျပခ်င္တာ "
". . . "
"နားေထာင္ေနာ္ "
ေခါင္းညိမ့္မိသလား ခါမိသလား မသိခဲ့။
သူ႔လက္နဲ႔ေနာက္တစ္ခါျပန္ထိလိုက္ေသာ ပီယာနိုက အသံခ်ိဳခ်ိဳထြက္လာသည့္အထိ . .
'' ယြန္းဂီ "
သူမ မ်က္လံုးေတြကို တစိုက္မက္မက္ စိုက္ၾကည့္ေနသည့္ သူ ။ လက္နွစ္ဘက္ကေတာ့ အခုထိ သံစဥ္ေတြကို အလြတ္နီးပါး တီးခတ္ေနဆဲ ။
သီခ်င္းရဲ႔ chorusတစ္ခုကိုသာ က်ြမ္းက်ြမ္းက်င္က်င္ ေဖာ္ျပသြားျပီး လူကို အရူးလုပ္ဖို႔ ၾကိဳးစားေနတာဆို ရွင့္ကို အခမ္းအနားနဲ႔ကို ဂုဏ္ျပဳေပးရမယ္ ယြန္းဂီ . . ရွင့္အၾကံက တကယ္အလုပ္ျဖစ္တယ္။
"က်ြန္မ တကယ္ သြားမွျဖစ္ေတာ့မယ္ "
"ေနဦးေလ အြန္းဟာ "
လွည့္ထြက္လာသည့္ သူမလက္ေကာက္ဝတ္ကို ဖမ္းဆြဲလိုက္ေသာ လက္ရဲ႕ အားျပင္းမႈက
မတ္တပ္ရပ္ေနသည့္သူမကိုပင္ ထိုင္လ်က္က်ေစသည္အထိ . . .
ပိုဆိုးသည္က သူမထိုင္မိတာ ထိုင္ခံုေပၚမဟုတ္ပဲ ယြန္းဂီရဲ႔ ေပါင္ျဖစ္ေနျခင္း ျဖစ္၏။
ပီယာနိုနဲ႔ ရင္ဘတ္တစ္ခုၾကား လႈပ္လို႔ပင္မရတဲ့ သူမ ထပ္ရုန္းကန္လို႔မရေအာင္ လက္တစ္ဘက္ က အေရွ႕က ကာဆီးလို႔ ။
" ကိုယ့္ဆုေတာင္းကုိ သိျပီလား "
ယြန္းဂီရဲ႔ အေမးကို ေျဖဖို႔ထက္ တလွပ္လွပ္ခုန္ေနတဲ့ ရင္ဘတ္ၾကီးအား အရင္ဆံုး တည္ျငိမ္ေနေအာင္ ထားသင့္သည္မဟုတ္လား။ မ်က္လံုးခ်င္းမစံုမိေစရန္ ေခါင္းကိုငံု႔ထားျပီး အေၾကာင္းျပခ်က္မရွိ သူမလက္ေခ်ာင္းတို႔ အလုပ္ရႈပ္ေနျပန္သည္။
"ကိုယ္ေမးေနတယ္ေလကြာ "
အေသသာ သတ္လိုက္ပါေတာ့လား မင္ယြန္းဂီေရ။ ဘယ္လိုေတြလဲ ?
" အဲ့သီခ်င္းကို တကယ္မသိတာလား . .မေျဖမခ်င္း ဒီလိုပဲ ထိုင္ေနရမွာေနာ္ "
"All I want for Christmas is you ေလ ယြန္းဂီ ဒီေလာက္ေတာ့ သိတာေပါ့ ဟားဟား အခုဖယ္ေပးေတာ့ေနာ္ သြားမယ္ "
စကားလမ္းေၾကာင္းလႊဲျပီး ထဖို႔လုပ္ေတာ့လဲ မရ။ ပိုျပီးတိုးလာသည့္ ရင္ခြင္က ပီယာနိုဘက္ကို ဘယ္လိုမွ ဆက္တိုးလို႔မရေတာ့သည့္ သူမအတြက္ အသက္ေပ်ာက္ေဆးလိုပင္။
" ကိုယ္က Santa Clausကို တစ္ခါေလာက္
ယံုၾကည့္ခ်င္တာကို "
"ယြန္းဂီ "
"ကိုယ့္နာမည္ကုိ မရိုမေသေခၚေနတဲဲ့ အသံေလးက ခ်စ္စရာေကာင္းလို႔ ဘာမွမေျပာပဲ ခြင့္လႊတ္ေပးထားတာကိုေရာ သိလား "
" ယြန္း - - ဟာကြာ !"
"အြန္းဟာ "
"ဟင္ "
သတိထားစမ္း ပတ္အြန္းဟာ!! အသံေတြက ဘယ္လိုေတာင္ ပံုပ်က္ပန္းပ်က္ျဖစ္ေနရတာလဲ ။
"ကိုယ့္တသက္လံုး တန္ဖိုးထားျပီး ခ်စ္သြားမယ့္ မိန္းကေလးျဖစ္ေပးမလား "
မဝံ့မရဲ လွည့္ၾကည့္မိတဲ့ သူ႔မ်က္လံုးေတြထဲမွာ အလိမ္အညာေတြ နည္းနည္းေလးေတာင္မေတြြ႔ရ။ ယံုလိုက္ဖို႔ ရွိသမ်ွ ခြန္အားေတြအကုန္လံုးက ေျပာေနေသာ္လည္း ေဆာင္းတြင္းအိပ္မက္တစ္ခုျဖစ္ေနမလား ေတြးမိျပီး ေခါင္းညိမ့္ဖို႔ တြန္႔ဆုတ္မိသည့္ ခဏ ။
စင္တီမီတာသာသာ အကြာအေဝးကို ထပ္ခ်ံဳ႔လိုက္သည့္မ်က္နွာတစ္ခု . .
ႏႈတ္ခမ္းလႊာေပၚက်ေရာက္လာေသာ ေႏြးေထြးသည့္အနမ္း . . အိပ္မက္တစ္ခုဆုိ မနိုးဖို႔ေတာင္းဆိုမည္ျဖစ္သလို အိပ္မက္မဟုတ္ေသာ္ ညတာကို နည္းနည္းေလးပိုရွည္ေပးဖို႔ ဆုေတာင္းရမည့္ အခ်ိဳျမိန္ဆံုးေသာ အနမ္း . .
မရက္စက္ဘူး ~ မၾကမ္းတမ္းဘူး ~ ယုတ္မာမႈမရွိဘူး မနာက်င္ေစဘူး ႏူးညံ့သိမ္ေမြ႔ျပီး ညင္သာစြာလွပသည့္
ပထမဦးဆံုး အနမ္း. . .
"ခ်စ္တယ္ ပတ္အြန္းဟာ "
🍁❄🍁❄
(Unicode)
❄🍁
အဖြူစွတ်စွတ် နှင်းပွင့်တွေက ကမ္ဘာမြေကြီးအတွက် ဖန်ဆင်းထားသည့် ကောင်းကင်ဘုံရဲ့ အနမ်းတဲ့လေ။
ဘယ်လောက်လှလိုက်သလဲ ။ မရက်စက်ဘူး ~ မကြမ်းတမ်းဘူး ~ ယုတ်မာမှုမရှိဘူး မနာကျင်စေဘူး နူးညံ့သိမ်မွေ့ပြီး ညင်သာစွာလှပတယ် ။
ပထမဦးဆုံး အနမ်း. . . လိုမျိုး။
~~
မျက်တောင်ခက်လိုက်တာတောင် ပျောက်မသွားသည့်မျက်နှာတစ်ခု ။ ခပ်စိပ်စိပ်မျက်တောင်တွေက မရှည်ပေမယ့် မျက်ဝန်းငယ်မှာ ပနံသင့်လျက်. . နှုတ်ခမ်းပါးပါးတို့က အရောင်မဲ့မနေပဲ ပန်းရောင်ဖျော့ဖျော့ခြယ်ထား သလို . . ဆံပင်အဖျားတွေအောက် ဖုံးကွယ်နေတဲ့ မျက်ခုံးတန်းနှစ်ခုက ဖြောင့်စင်းလျက် . . .
"မဖယ်ဘူးလား "
"ဟင် "
"လေးနေပြီ "
ဖြစ်ရပ်မှန်က ခေါင်းပေါ်ကို တင်းပုတ်နဲ့ထုပြီး အသိပေးလိုက်သလို တိုးဝင်လာသည့်အခိုက် ။ရုတ်ချည်းထရပ်လိုက်သည့် ခန္ဓာကိုယ် ။
ပုံစံမကျဖြစ်နေသော ဆံပင်တွေကို လက်ဖြင့်သပ်လိုက်ပြီး တချို့ကို နားရွက်အနောက်တွန်းပို့လိုက်၏ . နောက်မှ သတိရပြီး ဆံပင်တွေကို အရှေ့ပြန်ဆွဲချလိုက်သည်။ အနေရခက်ရင် သူမ နားရွက်တွေ အမြဲနီရဲလာတတ်သည် မဟုတ်လား ။
"ဘယ်လိုဟာလေးလဲ မသိဘူး ပျာယာကိုခတ်နေတာပဲ "
ပွစိပွစိပြောနေရင်း အခန်းထဲဝင်သွားသည့် ယွန်းဂီနောက်ကျောကို ကြည့်ပြီး ကျောက်ရုပ်တစ်ရုပ်လို မလှုပ်မယှက် ရပ်နေမိသော သူမ။
တလှပ်လှပ်ခုန်ပေါက်နေသော နှလုံးသားက ဘယ်အချိန်ထပြီး ပွင့်ထွက်လာမလဲ မသိသော စိုးရိမ်စရာ အခြေအနေ. . .။ ဒုက္ခတွေတော့ ရောက်ပြီနဲ့တူတယ် !!
. . .
~ ~ ~
❄❄
" Oh ~~ the weather outside is frightful. .
But the fire is so delightful !
And since we've no place to go~~~
Let it snow, let it snow, let it snow~~~"
ရေဒီယိုက လွှင့်နေသည့် သူမအနှစ်သက်ဆုံးသီချင်းကို တိုးတိုးလေး လိုက်ညည်းရင်း Christmas အချိန်ကို ဖြတ်သန်းရမယ်မှန်းသိခဲ့ရင် လွန်ခဲ့တဲ့ နှစ်ရက် ထေးယောင် ပြန်ခေါ်ကတည်းက သူမ ပြန်သွားမိမှာ ။ နေစရာအကြောင်းပြချက် လုံလုံလောက်လောက်မရှိတော့တာတောင် ထွက်သွားဖို့ တုံ့ဆိုင်းနေမိလောက်သည်အထိ ဘယ်အရာတွေက ဖမ်းချုပ်ထားသလဲ ဆိုသော မေးခွန်းတွေသာ ကိုယ့်ကိုကိုယ် အထပ်ထပ် ပြန်မေးနေမိရင်း . . .
" သီချင်းလဲ ဆိုတတ်တာပဲလား "
"ဟီးးး မဆိုတတ်ပါဘူး "
မီးလင်းဖိုရှေ့က ထိုင်ခုံဘေးမှာ ဝင်ထိုင်လိုက်သည့် ယွန်းဂီနဲ့အတူ . .အငွေ့တထောင်းထောင်းထနေသော ကော်ဖီခွက်ကြီးကြီးနှစ်ခွက်ကပါ စားပွဲပေါ်မှာနေရာယူထားပြီးသား ဖြစ်နေသည်။မရည်ရွယ်ပါဘဲ သူမ တချက်ပြုံးလိုက်မိသည်။ ဒါက ဒုတိယအကြိမ်မြောက် မြည်းစမ်းခွင့်ရတဲ့ မင်ယွန်းဂီဖျော်ပေးတဲ့ ကော်ဖီမဟုတ်လား ?. .
ပြန်သွားရင် ဒီလိုလက်ရာမျိုး မသောက်ရတော့မှာစိုးလို့ သူမ မပြန်ချင်တာ ဖြစ်လိမ့်မည်။ ဟုတ်တယ် သေချာတယ်။
"santaလာတဲ့ အထိစောင့်မလို့လား "
မချိတ်ပဲ ချထားသည့် ခြေအိတ်တစ်စုံကို ခေါင်းဆတ်ပြလာသည့် သူ. ။
" ah. ! ယွန်းဂီကျန်သေးတယ်လေ ဒါကြောင့်မို့ မချိတ်သေးဘဲ စောင့်နေတာ ရော့ ! "
ချက်ချင်းဆိုသလို ပေးလိုက်သည့် စာရွက်ပေါ်စကားလုံးတစ်ချို့ရေးဆွဲလိုက်ပြီး ခြေအိတ်ထဲ ထည့်. မီးလင်းဖိုရှေ့မှာ ချိတ်ဆွဲလိုက်ပြီး ဒူးထောက်အနေအထားမှာ လက်နှစ်ဘက်ကို ပူးကပ်ရင်း ဆုတောင်းနေတာက မင်ယွန်းဂီမှ ဟုတ်ရဲ့လား မေးခွန်းထုတ်ချင်စရာ ။
" ဆုတောင်းက ပြည့်မှာသေချာလို့လား "
မယုံသင်္ကာဖြစ်ပြီး ပြန်လှည့်မေးလာသည့်ပုံစံက ကလေးသေးသေးတစ်ယောက်လို အပြစ်ကင်းလှသည်။ သို့သော် သူမ ပြန်မဖြေမိ။ သူမကိုယ်တိုင်တောင် တစ်ခါမှ မပြည့်ခဲ့ဘူးတဲ့ ဆုတောင်းတွေမဟုတ်လား။ Santaဆိုတာ လူလိမ်တစ်ယောက်ဖြစ်ရင်လဲ ဖြစ်နေမှာ. .
အခုထိ တောင်းသမျှဆုတွေ မဖြည့်ပေးပုံထောက်ရင် . . ။
ဒါကိုပင် အစဉ်အလာမပျက် နှစ်ကုန်ခါနီးအချိန်ဆို santaဆီက ဘာလက်ဆောင်တောင်းရင်ကောင်းမလဲ စဉ်းစားတတ်သည့် သူမက ပုံမှန်မဟုတ်တာလဲ ဖြစ်ချင်ဖြစ်မည်။
"ဒါကတော့ ယွန်းဂီ ဘာဆုတောင်းလဲဆိုတာအပေါ် မူတည်တာပေါ့ ပြောကြည့်ပါလား အတူတူဆုတောင်းပေးမယ်လေ "
"တကယ် သိချင်တာလား "
" ဒါပေါ့ "
သူမအဖြေကို ကြားတော့ ယွန်းဂီက သူ့နှုတ်ခမ်းထောင့်ချိုးနှစ်ခု ကော့တက်သွားသည်အထိ နှစ်နှစ်ခြိုက်ခြိုက် ရယ်လိုက်သည်။ ထို့နောက်
ပန်းအိုးသေးသေးအောက်မှာ ဘယ်အချိန်ထဲက ထားထားမှန်းမသိသော သော့တစ်ချောင်းကိုယူရင်း လှေကားတွေကို တဆင့်ချင်းတက်သွား၏။
"ဘာလုပ်နေတာလဲ လာလေ "
"အပေါ်ထပ်ကိုတက်တာ အိမ်ရှင်အဘွားကမကြိုက်ဘူးဆို "
မေးသာမေးနေတာ လှေကားတဝက်လောက်ကိုတက်ပြီးနေပြီ ဖြစ်သော သူမကို ယွန်းဂီက မနိုင်ဘူးဆိုတဲ့ ပုံစံနဲ့ ခေါင်းခါ၏။
"အဲ့ဒီအဘွားက လောကကြီးမှာ မရှိတော့တာ တော်တော်ကြာနေပြီ "
အခန်းထဲ ဝင်ဝင်ချင်း သူမအာရုံတွေအကုန်လုံးကို သိမ်းပိုက်လိုက်တာက ပီယာနိုတစ်ခု။
ပီယာနိုရဲ့ဘေး မှန်ပြူတင်းပေါက်က ကြည့်လိုက်ရင် ပတ်ဝန်းကျင်က နေရာတော်တော်များများကို မြင်နိုင်သည်။ ကုန်းအမြင့်ပေါ်ဆောက်ထားသည့် အိမ်မို့ပိုပြီး ထင်ရှားတဲ့ မြင်ကွင်းတွေ . .
အံ့သြပါရဲ့ ။
ဒီလောက်လှတဲ့နေရာလေးကို တချိန်လုံးသော့ခတ်ထားစရာလားလို့ .။
" ဆုံးသွားတဲ့ သူ့မြေးဆိုတာကရော တကယ်မရှိဘူးပေါ့ "
"ရှိတယ် သေတော့မသေသေးဘူး အခုထိ မင်းဘေးမှာရပ်ပြီး စကားပြောနေတာသာ ကြည့်တော့ "
"ဘယ်လို?! "
"ကဲပါ ဒါတွေပြောမနေနဲ့တော့ ဒီမှာလာထိုင် "
သူထိုင်နေတဲ့ အညိုရောင်ပီယာနိုရှေ့က ခုံလေးရဲ့ဘေးနေရာအလွတ်မှာ သူမကို နေရာယူစေသည်။ သူကိုယ်တိုင်ကတော့ အဖြူရောင်နဲ့ အနက်ရောင်ခလုတ်တွေကြား မျောလွင့်နေသူတစ်ယောက်လို အလုံးစုံသော စိတ်အာရုံတွေကို တစ်နေရာထဲ ပုံပေးလျက် ။ ယောကျ်ားတစ်ယောက်ရဲ့ လက်က ဒီလောက်အထိလှစရာ လိုလို့လား ဟု ရှိသမျှ ဖန်ဆင်းရှင်တွေကို နောက်နေ့ကျရင် အပြစ်တင်ရမည်ဟု တွေးမှတ်လိုက်သည်။ အခုတော့ ထိုလှုပ်ရှားနေတဲ့လက်တွေမှလွဲ၍ တခြား ဘာကိုမှ သူမ မသိတော့ ။
"သီချင်းလိုက်ဆိုပေး "
Dean Martinရဲ့ Let it snow သီချင်းက အခန်းငယ်ထဲ ပျံ့လွင့်နေသည်။
လရောင်မှိန်မှိန်လေးတိုးဝင်နေသည့် ညသည် ပီယာနိုက အသံသဲ့သဲ့နှင့် အလွန်တရာလိုက်ဖက်နေသည်။ သူမ လိုချင်ခဲ့တဲ့ ခရစ္စမတ်ဆိုတာ
ဒီလိုမျိုးလေး . .
တောက်တောက်ပပ ပါတီတွေမလို . ဒီတိုင်း လူဘယ်နှယောက်ပဲရှိရှိ နွေးထွေးမှုအပြည့်ရနေတဲ့ ဒီလို ရိုးရိုးရှင်းရှင်း ဆောင်းရာသီရဲ့ ညတစ်ည သူမ လိုအပ်ခဲ့တာ . .။
santa က လူလိမ်လို့ပြောခဲ့တာ ပြန်ဖျက်သိမ်းတယ် ။
သီချင်းအဆုံးမှာ လက်ခုပ်သံနှစ်ခုပြိုင်တူ ထွက်လာခဲ့သည်။
"ယွန်းဂီ ပီယာနိုကောင်းကောင်းတီးတတ်တာပဲ "
"မင်းလဲ သီချင်းဆိုတာတော်တယ် "
မျက်နှာချင်းဆိုင်အနေအထားက လိုတာထက်ပိုနီးကပ်နေသည့်အခါ အခန်းအတွင်းက အပူရှိန်က အမြင်ကပ်စရာကောင်းစွာ မြင့်တက်လာသလို ။
"နေမကောင်းဘူးလား မျက်နှာက နီရဲနေတာပဲ "
သွားလေးတွေပါပေါ်အောင်ရယ်ပြီး လိုက်စနေတာ ရှင်မို့လို့ ကံကောင်းသွားတယ်မှတ်ပါ မင်ယွန်းဂီ ။ တခြားလူသာဆို နောက်စေ့နဲ့လက်ဖဝါးမိတ်ဆက်ပြီးသားဖြစ်နေမှာ အခုချိန်လောက်ဆို .။
" သွားတော့မယ် "
"ဘာလို့လဲ ကိုယ့် ခရစ္စမတ်ဆုတောင်းကို သိချင်တာဆို "
"မသိချင်တော့ဘူး ဆုတောင်းဆိုတာ သူများကို မပြောရဘူးလေ "
"ဟုတ်လား ဘယ်လိုလုပ်မလဲ ?! ကိုယ်က အွန်းဟာကို ပြောပြချင်တာ "
". . . "
"နားထောင်နော် "
ခေါင်းညိမ့်မိသလား ခါမိသလား မသိခဲ့။
သူ့လက်နဲ့နောက်တစ်ခါပြန်ထိလိုက်သော ပီယာနိုက အသံချိုချိုထွက်လာသည့်အထိ . .
'' ယွန်းဂီ "
သူမ မျက်လုံးတွေကို တစိုက်မက်မက် စိုက်ကြည့်နေသည့် သူ ။ လက်နှစ်ဘက်ကတော့ အခုထိ သံစဉ်တွေကို အလွတ်နီးပါး တီးခတ်နေဆဲ ။
သီချင်းရဲ့ chorusတစ်ခုကိုသာ ကျွမ်းကျွမ်းကျင်ကျင် ဖော်ပြသွားပြီး လူကို အရူးလုပ်ဖို့ ကြိုးစားနေတာဆို ရှင့်ကို အခမ်းအနားနဲ့ကို ဂုဏ်ပြုပေးရမယ် ယွန်းဂီ . . ရှင့်အကြံက တကယ်အလုပ်ဖြစ်တယ်။
"ကျွန်မ တကယ် သွားမှဖြစ်တော့မယ် "
"နေဦးလေ အွန်းဟာ "
လှည့်ထွက်လာသည့် သူမလက်ကောက်ဝတ်ကို ဖမ်းဆွဲလိုက်သော လက်ရဲ့ အားပြင်းမှုက
မတ်တပ်ရပ်နေသည့်သူမကိုပင် ထိုင်လျက်ကျစေသည်အထိ . . .
ပိုဆိုးသည်က သူမထိုင်မိတာ ထိုင်ခုံပေါ်မဟုတ်ပဲ ယွန်းဂီရဲ့ ပေါင်ဖြစ်နေခြင်း ဖြစ်၏။
ပီယာနိုနဲ့ ရင်ဘတ်တစ်ခုကြား လှုပ်လို့ပင်မရတဲ့ သူမ ထပ်ရုန်းကန်လို့မရအောင် လက်တစ်ဘက် က အရှေ့က ကာဆီးလို့ ။
" ကိုယ့်ဆုတောင်းကို သိပြီလား "
ယွန်းဂီရဲ့ အမေးကို ဖြေဖို့ထက် တလှပ်လှပ်ခုန်နေတဲ့ ရင်ဘတ်ကြီးအား အရင်ဆုံး တည်ငြိမ်နေအောင် ထားသင့်သည်မဟုတ်လား။ မျက်လုံးချင်းမစုံမိစေရန် ခေါင်းကိုငုံ့ထားပြီး အကြောင်းပြချက်မရှိ သူမလက်ချောင်းတို့ အလုပ်ရှုပ်နေပြန်သည်။
"ကိုယ်မေးနေတယ်လေကွာ "
အသေသာ သတ်လိုက်ပါတော့လား မင်ယွန်းဂီရေ။ ဘယ်လိုတွေလဲ ?
" အဲ့သီချင်းကို တကယ်မသိတာလား . .မဖြေမချင်း ဒီလိုပဲ ထိုင်နေရမှာနော် "
"All I want for Christmas is you လေ ယွန်းဂီ ဒီလောက်တော့ သိတာပေါ့ ဟားဟား အခုဖယ်ပေးတော့နော် သွားမယ် "
စကားလမ်းကြောင်းလွှဲပြီး ထဖို့လုပ်တော့လဲ မရ။ ပိုပြီးတိုးလာသည့် ရင်ခွင်က ပီယာနိုဘက်ကို ဘယ်လိုမှ ဆက်တိုးလို့မရတော့သည့် သူမအတွက် အသက်ပျောက်ဆေးလိုပင်။
" ကိုယ်က Santa Clausကို တစ်ခါလောက်
ယုံကြည့်ချင်တာကို "
"ယွန်းဂီ "
"ကိုယ့်နာမည်ကို မရိုမသေခေါ်နေတဲ့ အသံလေးက ချစ်စရာကောင်းလို့ ဘာမှမပြောပဲ ခွင့်လွှတ်ပေးထားတာကိုရော သိလား "
" ယွန်း - - ဟာကွာ !"
"အွန်းဟာ "
"ဟင် "
သတိထားစမ်း ပတ်အွန်းဟာ!! အသံတွေက ဘယ်လိုတောင် ပုံပျက်ပန်းပျက်ဖြစ်နေရတာလဲ ။
"ကိုယ့်တသက်လုံး တန်ဖိုးထားပြီး ချစ်သွားမယ့် မိန်းကလေးဖြစ်ပေးမလား "
မဝံ့မရဲ လှည့်ကြည့်မိတဲ့ သူ့မျက်လုံးတွေထဲမှာ အလိမ်အညာတွေ နည်းနည်းလေးတောင်မတွွေ့ရ။ ယုံလိုက်ဖို့ ရှိသမျှ ခွန်အားတွေအကုန်လုံးက ပြောနေသော်လည်း ဆောင်းတွင်းအိပ်မက်တစ်ခုဖြစ်နေမလား တွေးမိပြီး ခေါင်းညိမ့်ဖို့ တွန့်ဆုတ်မိသည့် ခဏ ။
စင်တီမီတာသာသာ အကွာအဝေးကို ထပ်ချုံ့လိုက်သည့်မျက်နှာတစ်ခု . .
နှုတ်ခမ်းလွှာပေါ်ကျရောက်လာသော နွေးထွေးသည့်အနမ်း . . အိပ်မက်တစ်ခုဆို မနိုးဖို့တောင်းဆိုမည်ဖြစ်သလို အိပ်မက်မဟုတ်သော် ညတာကို နည်းနည်းလေးပိုရှည်ပေးဖို့ ဆုတောင်းရမည့် အချိုမြိန်ဆုံးသော အနမ်း . .
မရက်စက်ဘူး ~ မကြမ်းတမ်းဘူး ~ ယုတ်မာမှုမရှိဘူး မနာကျင်စေဘူး နူးညံ့သိမ်မွေ့ပြီး ညင်သာစွာလှပသည့်
ပထမဦးဆုံး အနမ်း. . .
"ချစ်တယ် ပတ်အွန်းဟာ "
🍁❄🍁❄